Љубљана - Клагенфурт - Брукел

Едно мое патување во Јули 2010 година, кога сообраќајот во Словенија и Австрија е особено густ поради големиот број на туристи кои го посетуваат Јадранското крајбрежје.



Патот започнува на јужниот дела на Љубљанскиот ринг (А1, А2, Е61, Е70), потоа вртиме на западниот ринг (А2, Е61, се вклучуваме на автопатот Горењка кон Крањ и Јесенице (А2, Е61), па се исклучуваме од истиот крај градчето Тржич и се приклучуваме кон магистралниот пат Е652, 101, кон граничниот премин Љубел/Лојбел кој претставува најкуса врска помеѓу Клагенфурт (Целовец на словенски) и Љубљана.


Љубљана, излез Љубљана - југ:



Летоска јужниот дел на тн. Љубљанска Обвозница беше затворен во еден свој дел заради целосна реконструкција и затоа сообраќајот се одвиваше забавено и отежнато:





Знак за насока кон која повеќето туристи се движат кон Германија - Јесенице- Караванке - Филах - Залцбург - Минхен. Караванки тунел е втората по важност автопатска врска помеѓу Словенија и Австрија, при што самата граница е на средината на тунелот, додека граничните премини (кои се веќе вон функција откако Словенија се присоедини во Шенген) се на двете страни на тунелот.

Така се приближуваме кон тунелот Шентвид и продолжуваме кон Горењска, оставајќи ја Љубљана зад себе:





Пристигнуваме на првата (и единствена) патарина на ова наше патување. Наплатните станици се вон употреба за лесните возила по воведувањето на Вињетите, но тие остануваат за тешките товарни и патнички возила. Затоа низ жолтите ленти лесните возила минуваат без застанување со намалена брзина од 40 км/час, додека тешките застануваат за да ја платат таксата:



Го минуваме Крањ и одиме на северо-запад. Во позадината е видна прекрасната Крањска Гора:

Willkomen in Österreich!



Се спуштаме кон Клагенфурт (сло. Целовец), кој е главен областен град на провинцијата Кернтен (сло. Корошка), каде живеат многу словенци од каде е и познатиот австриски десен политичар Хајдер, познат по својот двоен живот и непризнавањето на правата на словенците кои живеат во Корошка:



Двојазичност на практика:

Симпатичен патепис Андреј, уживав читајќи го. Ме изненади состојбата на патот (оној сегмент кај Љубел). Претпоставувам се работи за некој небитен правец па затоа и не е реконструиран.

Андреј, јас да бев ќе кружев малку повеќе за да поминам низ Караванке, ама претпоставувам ти си го изгустирал претходно 

Прекрасни патишта, прекрасна природа, прекрасна репортажа. И направена во интересен период на годината, кога раздвиженоста е максимална. Кога прочитав јули, лично дури очекував и поголеми гужви. Ако ти се пружи прилика, би било супер-интересно некогаш да направиш и второ „зимско“ продолжение. Да видиме како како овие алпски предели изгледаат во снежна обвивка и како изгледаат истиве патишта со помалку сообраќај за споредба.

Словенечката патна сигнализација навистина ми се допаѓа. Забелешка имам за сината „позадина“ на електронските знаци (што мислам сум ја видел и на други места, ама не изгледа убаво и што е поважно не знам која и е практичната визуелна функција). Инаку ме изненади тоа што за номенклатурата на секундарната мрежа и во Словенија и во Австрија се користи само бројка.

Клагенфурт штета што не си го сликнал малку поопсежно, ми личи на супер градче. Инаку не можев да се изначудам на автобусот со број 85. Дали можеби знаеш нешто повеќе за јавниот превоз таму, од каде толкава бројка? Неверојатно е да е до толку опсежен јавниот превоз во едно такво градче со нецели 100 илјади жители. Дали системот на нумерација е таков со многу скокнати бројки?


Edited by Cloverstack - 14-Dec-2010 at 14:37

Ууууу амбициозна ти е предновогодишнава рута. Веројатно не мислиш да се задржуваш секаде, каде ти е планирано да удриш акцент?

Зимското продолжение и проширение се предвидува да се реализира од овој петок до следниот, при што пред Нова Година можете да го очекувате и тоа на следнава релација: Љубљана-Грац-Виена-Брно-Прага-Плзењ-Нурнберг-Минхен-Залцбург-Караванке-Љубњана 1500+км ин тотал!

Всушност морам да признаам дека ти завидувам, но барем ќе можеме да уживаме во репортажите...