Barcelona, La Merce!

Една опширна репортажа за Барцелона, главниот град на провинцијата Каталуња и вториот град на Шпанија. Ќе се обидам да ја направам доста интересна и информативна, со тоа што ќе давам некаква информација за поважните туристички знаменитости и нивната локација со цел оние кои сакаат да одат во градот да можат релативно лесно да се ориентираат според репортажава. Исто така сликав доста решенија од урбанистички и архитектурен аспект, со цел да видиме какви се решенија можат да се употребат во дадени ситуации и кај нас. Станува збор за огромна репортажа со неколку стотини слики, затоа молам за трпение (кое носи спасение) Ќе ви го претставувам прекрасниот град во редослед, по кој јас го истражував и откривав.

Летавме со Рајан Еер од Венеција-Тревисо (тој е најголемиот и најблискиот лоукостерски аеродром во близина на Љубљана), до главниот аеродром на Барцелона (затоа што освен овој постои и Барцелона-Џирона), но политиката на Рајан е да се префрли постепено во компанија од повисока ценовна и услужна категорија. Картата ни излезе 120 евра сосе сите такси, багаж и во двата смера. Отидовме до таму со кола, која ја оставивме на паркинг за продолжителен престој (5 евра на ден).
Се сместивме во еден студентски дом, кој тогаш (во Септември 2010) беше полу-празен и беше во улога на хостел, кој мене ми изгледаше доста скап (35евра на ноќ), но нашите пријатели Шпанци, ни рекоа дека сме направиле многу добра и за нас поволна зделка. Демек знаело да биде и многу поскапо. Хостелот/ студентскиот дом беше благо речено стејт оф арт!



Терминот на нашето патување и престој беше усогласен со најголемиот фестивал кој секоја година се празнува во Барцелона, и тоа Ла Мерсе - festa major, кога се празнува денот на Нејзината Милост. Фестивалот се празнува од 1871 година, при што кулминацијата е на 24 Септември, но фестивалот започнува неколку дена пред таа дата. Главните атракции на Ла Мерсе се градењето на кула од луѓе, безбројните концерти, арт и дизајн изложби на отворените плоштади, разни карневали и маскенбали, илуминацијата на Градската Куќа и кулминацијата, односно неговото затворање на 24ти, спектакуларниот огномет на Пласа Еспања со интеракција со Магичните фонтани.

Edited by Andrej_LJ - 11-Dec-2010 at 14:17

Решивме да влеземе и покрај тоа што цените беа тотално безобразни и рипоф-овски! Веројатно сите туристи ги дерат на финатат ај веќе кога сме тука или еднаш сме во Барцелона:




Деталите и внатрешноста (која за мене беше апсолутно разочарувачка):

Скршнуваме од Парал-лел кон Монтжуик низ една тесна и многу интересна уличка. Она што ми остави многу голем впечаток од Барцелона е нивната улична мрежа и урбаната опрема. Улиците варираат од најголемите што сум ги видел воопшто во животов (до 12 ленти, но збориме за автопат, туку за градска авенија), па се до типичните тесни улици, својствени за Медитеранот. За урбаната опрема само ќе кажам дека е најоригиналната и најразличната од сите градови во кои сум бил до сега, особено ова важи за осветлувањето на самите улици...







Видете каков интересен начин имаат за заштита од жешкото сонце:





...и кога сме кај сонцето, тоа навистина жареше! Затоа решавам да си земам една Кока Кола и ми продаваат лименка, на која се наоѓа Саграда Фамилиа и некои други симболи на градот. Доста куул!



Веќе го напуштивме градот и урбаната зона. Навлезени сме во паркот Монтжуик, од каде се појавува убава панорама на градот:





Како и горе-споменатиот автобус кој вози до жичарницата. Боите се слични на скопските (само обратно, позастапена е белата пред црвената боја), што неможе да се каже и за самите возила:

Пристигнавме на тврдината-парк Мотнжуик (Montjuïc), кој во слободен превод значи Ридот на Евреите. На неговиот врв е видка тврдината Кастел де Монтжуик која датира од 17 век и каде сеуште се чуваат топовските батерии користени се до Првата Светска Војна. Се наоѓа веднаш над пристаништата на Барцелона и Олимпискиот Парк, за кој ќе стане збор подоцна.









Абе кога ќе се потсетам, градот од височина заличува повеќе на некој Афрички или Азиски, отколку на Европски:



Доминира палатата на Музејот на Каталуња:



Кактуси со изгравирани јапонски имиња- колку егзотично!

Погледи кон енормно големото пристаниште на Барцелона (едно од најголемите во Европа, заедно со Пиреа во Атина, Ротердам, Антверпен итн.). Тоа не се стотици складови, терминали, логистички центри, патнички терминали, складови за горива, течности и хемикалии...

Веднаш под Олимпискиот Парк се наоѓа можеби најимпресивната зграда во целата Барцелона, Музејот на Уметността на Каталуња (Museu Nacional d'Art de Catalunya), кој е сместен во Националната Палата (Palau Nacional), која доминира над најважниот плоштад во градот - Плштадот на Шпанија (Plaça d'Espanya).

Самиот музеј е отворен постепено во периодот 1990-1995 година и е сместен во Националната Палата. Таа пак е изградена во 1929 година, како главниот објект на целиот Светски Саем ЕКСПО, каде бил сместен Шпанскиот Павилјон. Доминира високо над главниот плоштад, кон кој се спуштаат Магичните Фонтани (кои во тој момент не работеа, работата само во одредени денови на неделата), а околу плоштадот се изградени и другите објекти од Саемот.





Самиот Плоштад на Шпанија:







И колосалното здание погледнато од едно од нивоата помеѓу Палатата и Плоштадот:

Пласа дЕспања (Plaça d'Espanya) е најважниот плоштад во градот. Над и околу него доминираат објектите изградени за ЕКСПОто во 1929 година, во неговиот центар пак се наоѓа огромна ротонда со споменик во неговата средина. Самиот тружен тек е збирно место на многу големи авении кои го сечат градот, а метро станицата е огрмона, каде минуваат линиите: Л1, Л3 и Л8, како и приградските линии на С-Банот Р5, 56, С33, С4, С7 и С8.
Плоштадот е поделен на два дела од познатите две Венецијански кули, високи по 47 метри кои се изградени за Саемот во 1929 година. Tука се одржува и свеченото затворање на Ла Мерсе со спектакуларниот огномет.
В страни од плоштадот се наоѓа и најголемата арена за борба на бикови, Arenas de Barcelona која по забраната за практикување на овој спорт во Барцелона се пренаменува во елитна шопинг палата.











Чесно да ви кажам се уморив, а не сакам квалитетот да страда заради тоа, така што ќе ја продолжам репортажата кога ќе се пододморам. Ова беше само ден Први, следат уште цели 3!

Одлична репортажа Андреј!
Панорамата на градот не ме фасцинира(освен онаа од пристаништето),како што велиш ти повеќе личи на африкански крајбрежен град.
Но изгледа силата на Барцелона е во детајлите,што можат да се забележат од најобична светилка до Sagrada Familia.
Убав град но мислам дека нема тежина во споредба со Лондон,Париз,Виена и Рим.

Ако треба да сум искрен, веројатно тоа е и мојот град број еден каде сум бил (од големите тоа се Лондон, Париз, Њу Јорк, Амстердам, Берлин, Виена, Прага, Атина, Брисел), но нешто и фали на Барцелона... Тоа е монументалността! Навистина градот е прекрасен, но никогаш не бил главен град на некоја голема држава, така што ја нема величевствеността на горенабројаните. Зборев со нашите домаќини Шпанци и Каталуњци, кои искрено си признаа дека дури и Мадрид е мнгоу поубав од БЦН. Сепак, како што кажа Ненад, се работи за вкусови.

Проклет фотобакет, три пати во три дена по ред се обидувам да ја видам цела репортажа, ама дел од сликите не се вчитуваат 
Андреј, ако има потреба вметни празен пост пред наредната тура, по секоја цена да се премине на нова страница, тешко оди со толку слики на една...

Е сега за Барселона, како што кажавте, кога се споредува со најзначајните европски градови, може различно да се гледа, од повеќе аспекти може да изгледа и инфериорна. Но, Барселона апсолутно има свој многу изразен, уникатен потпис. И за мене лично е поинтересна дестинација и од Лондон и од Париз и од Рим...
Мислам дека голема улога во оформувањето на современата Барселона играле специфичните околности во Шпанија. Двата најголеми градови се приближно еднакво големи и многу поголеми од сите останати, а во Барселона желбата за натпревар со Мадрид е дополнително потхранета од Каталонската посебност. Тоа неминовно довело до вложување на многу пари и креативна енергија во издигнувањето на овој град.

Туку Андреј какви ти беа очекувањата за внатрешноста на Саграда Фамилиа што си се разочарал? И како изгледа строгиот блоковски систем на градот од улична перспектива?

Инаку Барселона навистина е големо пристаниште, но не до толку. Во Шпанија поголеми се Валенсија, Севиља и Алхесирас, а со таквите како Ротердам или Антверпен нема никаква споредба. И за Пиреа си грешка, не влегува ниту во првите 30-40 европски пристаништа, единствено е во топ 10 европски пристаништа по обем на контејнерски промет.

Ме изненади тоа што подземната железница има 11 линии, сепак самиот град не е до толку голем. Или пак линиите се продолжени далеку кон околните населби во метрополитенската област, која сепак со своите речиси 5 милиони жители е респектибилна бројка?

Во врска со подземната железница, еве и една тривија, некои станици воопшто немаат скали (барем не за широка употреба) или ескалатори туку се достапни исклучиво со лифтови. Не сум некој познавач на подземните железници низ светов, но барем јас немам слушнато за друг ваков пример:




Edited by Cloverstack - 22-Dec-2010 at 01:51