Храм Св. Ѓоргиј и Св. Сисој Велики - Тетово

Координати? 

Originally posted by BlacK Najverojatno ova e lokacijata za novata crkva vo Tetovo,spored objasnuvanjeto dadeno vo utrinski.prvicno bese planirano crkvata da bide vo zena park.

06.11.2008 - Проектот за изградба на новата црква во Тетово е заглавен во бирократските лавиринти

Проектот за изградба на нов православен храм во Тетово заталка во бирократските лавиринти.Организациониот одбор бара црквата да се гради во Жена парк, општината, пак сега нуди нова локација-зад спортскиот центар, што е неприфатлива за иницијаторите.

Тие побараа измена на генералниот урбанистички план, со што и правно формално би се одредила локациата на идната црква, а планот по процедурата во тетовската локална самоуправа беше испратен во министертвото за транспорт и врски.

Вчера претставници од Министерството ја утврдуваа фактичката состојба на самото место, па сега се чека на конечно одобрение од централната власт.

Поддршка за реализацијата на идејата за изградба на нов православен храм во Тетово вети и пратеничката од овој регион, министерката за внатрешни работи Гордана Јанкуловска. Таа се сомнева дека актуелниот градоначалник ќе соработува на ова прашање.

Прашањето за изградба на нова црква во Тетово првпат на Седница на советот беше поднесено во јули годинава, но откако локалната самоуправа одби да даде дозвола за градба на локацијата во Жена парк, иницијативниот одбор побара помош од Министерството за транспорт и врски.

Петмината советници, според изјави од Одборот, безрезервно го поддржаа проектот. Како што ни изјави советникот на ВМРО НП, Драган Давидовски, неговата иницијатива за бојкотирање на предминатата седница на Советот, бидејќи на дневен ред никако да стаса барањето за добивање на маркица, не беше прифатена од останатите советници Македонци.

Сега на потег е Министерството за транспорт и врски. Според изјави од Иницијативниот одбор, доколку оттаму стигне позитивен одговор наскоро ќе може да се гради во урбаниот блок 31, во Жена парк, поточно спроти спортско рекреативниот центар.

Марина Блажеска
http://www.kiss.com.mk/mak/novosti1.asp?id=5099

Тука нешто се мрда...?



Одлучив се за нова нишка, бидејки да ги прочиташ и пронајдеш сите информацији за овој објект требе доста време...?
Ако сте за уредете ја содржината, а ако не префрлете го постот под останатите весрки вести...

Новата црква во Тетово остана само желба

17.06.2011

Иницијативата потекнува уште од 2007 година, но до денеска се' е на ниво на идеја

Тетово - Идејата на тетовци во рамничарскиот дел од градот да се изгради нова црква останува само пуста желба. Во надлежните органи во Тетово засега барањата мируваат, а нема ниту акција, ниту, пак, е преземено нешто поконкретно. Иницијативниот одбор е во некаков застој, а отсуствува и поголемо ангажирање на Синодот на МПЦ, посебно од Полошко-кумановската епархија.

Православен храм со старовизантиска македонска архитектура, посветен на македонските светители свети Великомаченик Грегориј и Преподобен Сисој Велики требаше да се гради во реон на Тетово каде што нема цркви, а во кој градот одамна е проширен. Сите постојни пет цркви се наоѓаат во горниот дел од градот, од каде што населението постепено се раселува. Кај новите живеалишта нема православен храм, што очигледно претставува неминовност. Граѓаните со задоволство прифатија да бидат колективни ктитори и по пат на самопридонес да подигнат нова црква.

За почеток, во 2007 година, по основањето на иницијативен одбор, се пристапи кон барање локација. Прстот беше насочен кон паркот „Жена-борец“, кај автобуската станица. Вакво барање беше поднесено и до општинските органи, од каде што требаше да се добие маркица. Се планираше целиот комплекс да има околу 4.000 квадратни метри на кои да се подигне црква од 200 квадратни метри, како и други објекти својствени за православни светилишта. Првите преднацрти упатуваа и на уредени алеи, шеталишта, услови за духовен мир и одмор, како и за семејни верски обреди од помал карактер. Прелиминарните пресметки покажуваа дека се работи за инвестиција од околу еден милион евра, а парите сукцесивно би се собирале од граѓаните во вид на самопридонес, но и со учество на иселеништвото, на бизнисмени, стопански капацитети и други донатори. Освен тоа, не се очекуваше само духовна, туку и парична помош и од МПЦ.

„Точно е дека имало барање за изградба уште пред три-четири години. Иницијативата беше очигледна. Меѓутоа, на посочената локација не била предвидена градба на објект со урбанистички план. За добивање маркица требало да се смени планот во целиот реон. Во овој момент сме во претходна рана постапка за измени на урбанистичкиот план за тој реон“, ни рече Скендер Палоши, началник на Одделението за урбанизам на Општина Тетово.

Сепак, првата официјална повратна информација Иницијативниот одбор ја добил на 15 декември 2008 година. Во неа било наведено дека „локација за изградба на православен храм е одредена во урбан блок 29 на која може да се гради, но дури по измените на ГУП, чија изработка е во процедура“. На 3 ноември 2009 година од Советот на Општина Тетово е доставена до Иницијативниот одбор нова информација во која се вели дека „нема поведена постапка за измени на ГУП за урбан блок 29“. По ваквиот одговор, во кој е очигледна разликата во ставовите меѓу два органа на Општината, деветтемина советници поведуваат иницијатива до Советот да се стави на дневен ред извештајот од секторот за урбанизам за тоа до каде е постапката за измени на ГУП-от. Но, од таа иницијативата нема епилог.

„Сега засега не гледам решение. Мислам дека треба сите оние што ветија дека ќе се изгради црква сега јавно да им се извинат на граѓаните“, ни рече Драган Давидовски, член на Советот на Општината од ВМРО-НП и додава дека православните верници во Тетово треба сами да се организираат и да пристапат кон реализација на идејата.

Очигледни се недостатоците во конкретното водење на акцијата. Некои алки од иницијативата како да се скинаа и сега не е јасно дали некогаш ќе дојде до изградба на толку потребниот и посакуван православен храм во Тетово.

Гојко Ефтовски

http://www.utrinski.com.mk/?ItemID=1564568F16DA0549A6F5C65C8DB1BA45

Па сигурно нема да го финансира Општина Тетово православниот храм, тоа не е ни за очекување кај верниците.Мислам дека им беше вакво нешто ветено пред изборите.
Во својата држава да неможеш да изградиш свој храм.Во која ли земја живееме

MIKROFON?MOLAM?