Булевар Партизански Одреди

ФАЛА!

--------------

Фино делува, да потрае само што повеќе. Туку, пред да почнеме да паѓаме во несвест при ваков „капитален“ зафат, малку да се потсетиме на изјавите:

По кружниот тек, гледано во насока кон Ѓорче Петров, булеварот Партизански одреди ќе се прошири до влезот во автобазата на ЈСП и ќе добие по три коловозни ленти во секоја насока, средишна жардиниера со ширина од 5 метри, а ќе се формираат и велосипедска патека со ширина од 2 метри и пешачка патека со ширина од 3 метри, покриени со бекатон-плочки. Ќе се обнови коловозот и на делот на булеварот Партизански одреди пред влезот во кружниот тек, како и делови од улиците Ацо Шопов и Ѓорче Петров. Булеварот Партизански одреди ќе се проширува во две фази. Ова е првата фаза од градежните работи - изградба на кружен тек и проширување на булеварот Партизански одреди до влезот во автобазата на ЈСП. Втората фаза ќе следува по експропријација на земјиштето и ќе го поврзе булеварот Партизански одреди со кружниот тек кај црквата „Свети Петар и Павле“. На проширениот дел од булеварот Партизански одреди и на кружниот тек ќе се постави ново осветлување. За одведување на атмосферските води од новиот кружен тек ќе се изгради атмосферска канализација. Градот Скопје во проектот за проширување на булеварот Партизански одреди кон Ѓорче Петров, со изградба на кружен тек, ќе вложи 50,5 милиони денари – рече градоначалникот Трајановски.

Трајановски додаде дека градежните работи се очекува да завршат за 120 работни дена.

Убаво така треба!! Сигурно ќе стават некој споменик, би било многу штета ако стават!

„од најсигурни извори, ќе биде споменик на исечените дрвја во центар“

Originally posted by Staro Skopje Премиер на отворање на кружен тек

Уште малку и на селски чешми ќе почнат да доаѓаат. Популизам, што да се прави, небаре пуштаат линија од подземна железница или нешто поголемо.

_____________________________

Убава фотка од кружниот тек:



извор: http://www.skopjeinfo.mk/gradot/652983525/otvoren-za-soobrakaj-najgolemiot-kruzen-tek-vo-skopje-galerija

Јака фотка, добра работа ама НЕКОЈ ми смета. Г бегај!!

Единствена маана на кружниот тек.Посебна лента за вртење десно од ул.Ацо Шопов према пазарчето во Ѓорче Петров

Целосно се согласувам.

Булеварот „Партизански одреди“ ќе се проширува

Скопскиот булевар „Партизански одреди“ ќе се проширува од новоизградениот кружен тек кај Порта Влае, кон населбата Ѓорче Петров, до кружниот тек кај црквата Св. Петар и Павле. Покрај изведбата на дополнителна коловозна лента во секој правец и средишно зеленило, овој дел од сообраќајницата ќе добие нови патеки за движење на пешаци и велосипедисти, како и модерни канделабри. За реализација на овој проект Градот Скопје денеска распиша тендер за изведувач, на кој градежните компании треба да ги достават своите понуди најдоцна до 15 септември.


* Извор на фотографија: Град Скопје

Како прва фаза од доградбата на булеварот „Партизански одреди“, градската власт на почетокот од мај годинава го пушти во сообраќај кружниот тек во населбата Влае. Во меѓувреме, Градот подготвува и реконструкција на „Партизанска“ на потегот од крстосницата со улицата „Рузвелтова“ до крстосницата со булеварот „8-ми Септември“.

http://www.build.mk/?p=45916

Се надевам ќе има вкупно 6 ленти,а не 4.Во различни медиуми има различни информации.

Ќе се прошират 500 метри на Партизанска во Ѓорче Петров

Денеска почна втората фаза од проектот за пробивање на 500 метри на булеварот Партизански одреди кон Ѓорче Петров.

Булеварот ќе се пробие од новиот кружен тек кај Порта Влае се до кружниот тек кај црквата „Свети Петар и Павле“, кој е формиран помеѓу булеварот Македонска војска и улиците Борис Сарафов и Лука Геров.

На вкупна должина од 500 метри ќе се изврши реконструкција и проширување на постојаниот коловоз, со што ќе се добие булевар со 6 сообраќајни летни, по 3 во двете насоки, со вкупна ширина на коловозот од 21 метар. Булеварот ќе има средишно булеварско зеленило (жардињера) со ширина од 5 метри. Проширувањето и реконструкцијата на „Партизански одреди“ ќе се искористи за изградба на нова пешачка и велосипедска патека од двете страни, кои ќе бидат со ширина од 3, односно 2 метри, со што вкупната ширина на булеварот ќе изнесува 36 метри. Ќе се гради нова атмосферска канализација, на потег од 447 метри, а ќе се постави и ново улично осветлување преку поставување на 40 тросегментни столбови во висина од 10 метри.

Рокот на изведба на овој проект е 180 работни дена, за неговата изведба Град Скопје ќе издвои околу 37,5 милиони денари, а градежните работи ќе ги изведува „Пелагонија“ од Гостивар.

http://plusinfo.mk/vest/51341/kje-se-proshirat-500-metri-na-partizanska-vo-gjorce-petrov