Термо изолација

ако си прочитал во другите постови,експертите препорачуваат да не се става стиропор од внатре на зидот-поради влага,туку од надвор.
а внатре ти е попаметно минерална волна и гипс картон.

Da li nekoj od vas ima iskustvo so Ytong blok

Odnapred blagodaram!

Две илустрации постирани и во други нишки, кои директно ја засегаат и оваа тема

Еве еден документ од Habitat for Humanity и USAID кој содржи концизни одговори на повеќе чести прашања и дилеми кои се поставувале на форумов   

http://www.build.mk/docs/users/cloverstack/___EXT/Termoizolacija/mk_MinimalniStandardi.pdf







Енергетска ефикасност за секторот домување

Минимални стандарди за енергетска ефикасност







Фасада

Минимални потребни стандарди за изработка на топлински изолирана фасада, кои се базирани на ЕУ стандардите и актуелните законски прописи. Следејќи ги овие стандарди, целосниот технички термин за овој елемент на објектот е: Композитни Системи за Надворешна Термичка Изолација – КСИНТИ (1 и 5)





1. Постоечки ѕид на објектот ‐ од старата фасада треба да се отстранат сите слаби и откорнати делови на стариот малтер и стариот завршен слој. Површината треба да е сува, чиста од наслаги и прашина. По потреба се мие и треба да се премачка со основен премаз.

2. Лепило за лепење ‐ експандиран полистирен (Стиропор или ЕПС)‐ не е дозволена употреба на лепило за керамички плочки, туку само лепила кои се соодветни и сертифицирани за лепење на фасади. Максималните нерамнини кои може да се израмнат со ова лепило се 3cm. Поголемите нерамнини се пополнуваат со претходно класично малтерисување.

3. Експандиран полистирен (Стиропор или ЕПС) треба да е за фасадна употреба. Стиропорот треба да е со специфична тежина од 15 до 18kg/m3 и минимална дебелина од 5cm. Првите 1м (цокле) од изолацијата над земја треба да се направат со екструдиран полистирен (Стиродур или XPS) поради поголемата отпорност на влага од подрумот и отпорност на инсекти.

4. Основен малтер ‐ дозволена е употреба само на материјали кои се декларирани од производителот за изработка на основен малтер. Кај некои производители декларирана е употреба на ист материјал за лепење Стиропор и за изработка на основен малтер. Производи кои се декларирани само за лепење на Стиропор, не се дозволени за изработка на основен малтер.

5. Стаклена мрежа за армирање (фиберглас мрежа) со минимална тежина од 145gr/m2. Не е дозволена употреба на пластична или рециклирана мрежа. Во делот на прозорците и балконските врати потребно е да се постават дијагонални парчиња од стаклена мрежа.

6. Основен премаз и завршен декоративен малтер ‐ материјали кои се на база од полимери. Основниот премаз со ист или соодветен хемиски состав на завршниот малтер со иста или слична боја на завршниот малтер. Завршниот малтер, со полимерни врзива (најчесто се употребува акрилни врзива). Нијансата на завршниот малтер треба да биде со коефициент на осветлување (HBW) поголем од 25%. Темни нијанси не се препорачуваат на големи површини, туку на помали декоративни површини.



Прозорци и балконски врати

Минималните прифатливи стандарди за избор на врати и прозорци е да се употребуваат материјали со помал коефициент на топлопроводливост (U) помал од 1,6 W/m2K

Застаклување: двојно застаклување со употреба на нискоемисионо стакло од внатрешната страна. Два од профилите од термопанот, да бидат пополнети со силика гел кој спречува појава на влага. Препорачлива е употреба на инертни гасови (аргон) за полнење на термопан пакетот. За стаклото и за профилите потребно е да се приложи сертификат.

Прозорски рамки: изработени од ПВЦ (повеќе коморни профили): дрво, алуминиум или комбинација од овие три материјали.

Монтажа на прозорците: монтажата на прозорците да се прави според препораките од техничката документација и со целосно исполнување на празнините меѓу прозорската рамка и ѕидот со полиуретанска пена.











Мерки на првиот кат во кој се живее (приземје), последен кат и кров

Приземје: ако има проблем со влажност и ниски температури во подрумскиот простор, поддржуваме мерки за дополнителна изолација со поставување на изолација на плафонот од подрумот (лепило, Стиропор, основен малтер и боја). Важно е да се затворат сите оштетени прозорци во подрумот со цел да се спречи неконтролираната циркулација на воздух во подрумот. Препорака е за поправка на подрумските прозори да се користат прозорците кои се заменуваат од станбениот дел на зградата.

Последен кат и кров: кровот треба да е водонепропустлив, без протекувања. Кај рамни кровови и коси кровови со поткровје изолацијата треба да се прави од внатрешната страна, а кај коси кровови со тавански дел изолацијата треба да се постави во таванскиот дел.

Иако во вкупните топлински загуби на зградата, загубите од кровот и подрумот (темели) учествуваат со мал процент, во загубите на становите од првиот и последниот кат на зградата овие загуби може да учествуваат и со преку 50%.



Гаранции, сертификати и стандарди

Гаранции: за сите зафати и материјали потребно е да се обезбеди законски дефинирана минимална 2‐годишна гаранција. Доколку изведувачот за некој од материјалите може да обезбеди подолга гаранција, препорачливо е гаранцијата да трае најмалку како и времето за отплата на заемот.




Користена литература:

1. European Guideline for application of ETICS – European Association for ETICS;

2. ETAG 004, Guideline for European Technical Approval for EXTERNAL THERMAL INSULATION, March 2000/June2008 – EOTA, European Organization for Technical Approvals;

3. ETAG 014, Guidelines for European Technical Approval for Plastic Anchor for Thermal Insulation composite system;

4. EN 13163 Thermal Insulation materials for buildings‐factory made expanded polystyrene products (EPS) – specifications;

5. КСИНТИ прирачник – Композитни Системи за Надворешна Термичка Изолација – Комора на овластени архитекти и овластени инженери на Македонија, февруари 2011 (Ада Проект);

6. Стаклото во функција на енергетската ефикасност на зградите – д‐р Петар Николовски, Томе Костадиновски, март 2010.




Edited by Cloverstack - 16-Jun-2012 at 15:03

термоизолациските особони на терволот и стиропорот се скоро слични,има една табела погоре.дебелината на изолацијата ти зависи од просторот што ти се дозволува да го изгубиш и од парите.што подебела изолација,тоа подобро.

ако одиш со тервол,најдобро е 5 см,и врз неа да се обложи со гипскартоски табли,а ако одиш со стиропор како на погорната слика,дирекно со малтер.изолацијата се реди во еден слој,ако сакаш повеќе,ќе ставиш подебела изолација.термоизилационите својства на еден материјал се правопропорционални на својствата на звучната изолација,т.е.-колку повеќе термоизолација,толку повеќе ќе имаш и изолација од звук.вллага се јавува на места со нагли разлики на температура на мал простор.ако се направи како што треба ,нема да има влага.па и основниот ѕид има какви такви термоизолациони својства

јас не би препорачал најлон,бидејќи на него би се собирала влага,но каде ќе оди таа вода?неможи да остане заробена,ќе се појави негде

во сегашни услови ако е ѕидот во најладни денови не многу ладен,нема да се собира влага.но прашај некои мајстори што мислат

треба сите ѕидови треба да се заштитени со термоизилација.самиот види дали има некој ѕид што не е изолиран,а за дебелината важи машкото правило-што повеќе сантими тоа подобро

Моменталната состојба како што е со изолацијата на зградата според мене (иако не се разбирам многу во тие работи) би требало да е добра бидејки претходната зима се греев со инвертор клима и панел греалка и во станот (станот е 65м2 од кој некаде 50м2 се загреваа) имаше температура од некој 22 степени. Во најладниот период претходната зима (месец Февруари) имав месечна сметка за целокупната потрошена електрична енергија некаде околу 4500 ден.

Моето прашање беше во насока на дополнително зголемување на енергетската ефикасност на станот, односно дали доколку поставам изолација (пр. Камена волна) на бетонската плоча од страната на таванот (кој што е негреан простор) ќе има дополнителен ефект?

Zdravo,

Незнам само колку е паметно да имаш стиропор како последен слој од внатре. Во случај на пожар стиропорот не само што е лесно запалив, туку и испушта крајно токсичен чад при согорување. Сигурен сум Ѓоко повеќе ќе ти каже за ова, но јас сепак би го заштитил со некаков друг завршен слој.