Телеком арена (арена Филип II Македонски)

ФИНИШИРА ИЗГРАДБАТА НА СЕВEРНА ТРИБИНА

За две години оваа макета ќе стане реалност. Во 2011 Македонија ќе има стадион согласно светските ФИФА и УЕФА стандарди.

Во јули финишира изградбата на северната трибина со што стадионот ќе добие плус 18.000 седишта, а уште летово ќе започнат да се градат источната и западната трибина.

- Северната трибина тогаш ќе биде готова. Во моментов во подготовка е изградбата на источната и западната трибина. Првиот дел од тендерот е веќе завршен. Очекуваме проектот да биде завршен за 15 дена и да отпочнеме со втората фаза од тендерот. Очекуваме во 2011 овој градски стадион “Арена Филип - Втори”, да биде целосно готов. Капацитетот ќе биде околу 32.000 гледачи, со што и конечно ќе имаме стадион кој ќе биде постер не само за спортистите, но и гордост за РМ - изјави Ивица Коневски, директор на ЈП за стопанисување со станбен и деловен простор.

На претстојните локални избори, Коневски ќе се бори за градоначалничкото место во Аеродром. За оваа скопска општина, вели во план се крупни проекти.

- Ние ќе излеземе и ќе застанеме зад конкретна програма, која ќе им биде дистрибуирана на сите граѓани на Општина Аеродром со што тие ќе можат да ги следат сите наши активности и до кај сме со реализацијата на проектите. За две и пол години многу работи направивме и се надевам дека тоа ќе го правиме и во О. Аеродром - потенцираше Коневски.

Покрај тоа што Градскиот стадион ќе добие целосно видоизмент облик, ПУИК интензивно работи на пролет да биде завршена изградбата и на становите за млади брачни парови, како и на сто и двата стана наменети за ранливи категории.

Со ваков континуитет вели Коневски, ќе продолжиме и во иднина, а особено на подрачјето на Аеродром, доколку победам на градоначалничката трка.

www.sitel.com.mk