Св. Јован Бигорски

Незнам точно каде се може да се престојува но сигурно има такви манастири. Ми спомнаа дека МПЦ биле прилично услужни на маилот кој е на нивниот сајт и ги давале сите детали околу условите, цената (ако ја има) итн.

Пожар во манастирот Св. Јован Бигорски

Пожар во манастирот Св. Јован Бигорски

Во 4 часот утрото избувна пожарот во манастирот Св. Јован Бигорски. Проблеми во инсталацијата на електричните и плинските уреди во кујната, според првичните сознанија, се причина за пожарот, изјави Екрем Зендели, заменик директор на Дирекцијата за заштита и спасување.

Пламенот прво ги зафатил кујнскиот дел, по што се проширил во трпезаријата, конаците и библиотеката, кои се целосно изгорени, но нема повредени лица. Противпожарните служби успеале да го заштитат стариот дел од црквата, а монасите ги извлекле поважните предмети кои биле во опожарените објекти. Ангажирани биле и хеликоптери на АРМ кои помогнале за локализирање на пожарот.

Пожарот избувнал во 4 часот изутрина и веднаш било пријавено во полициската станица во Ростуше. Противпожарните екипи од Дебар и Тетово до 7 часот утрото се бореле со огнената стихија.

Во манастирот пристигна претседателот на Република Македонија Ѓорѓе Иванов. Таму е висока црковна делегација предводена од поглаварот на МПЦ г.г. Стефан, а таму е и директорот на Управа за заштита на културното наследство Паско Кузман. Местото го обезбедува полицијата.

Инаку, манастирот го основал монахот Јован во 1020 година а во XVI век манастирот бил разурнат од Турците, и останала само една мала црква, а обновен е во 1743 година.

Манастирот Св. Јован Бигорски надалеку е познат по својот иконостас изработен од мајсторските раце на тајфата на Петре Филипов - Гарката од селото Гари, кој за среќа остана недопрен од пожарот.