Плоштад Пресвета Богородица

ФОТО ВЕСТ: Плоштадот „Пресвета Богородица“ ќе биде готов до август

Градежните работници на кавадаречката фирма „Урбан инвест“ периодов интензивно работат на довршување на плоштадот „Пресвета Богородица“ во центарот на Скопје. Јавниот простор со површина од 5.500 метри квадратни се гради пред црквата „Пресвета Богородица“ на левата страна од Кејот на реката Вардар, на потегот помеѓу булеварите „Филип Втори Македонски“ и „Крсте Петков Мисирков“. Во изминативе месеци се извршија серија од изведбени работи, како што е вадење на старата коцка и поставување на новата подземна инфраструктура.

Раскопаниот простор се подготвува за претстојното поплочување, кое во согласност со потпишаниот договор ќе го чини градскиот буџет над 34 милиони денари, односно околу 550.000 евра. Плоштадот „Пресвета Богородица“ до следниот месец ќе добие нови клупи за седење, корпи за отпадоци и останата урбана опрема, но и ќе се постави осветлување, со што ќе се заокружи првата фаза на проектот. Првата етапа ја реализираше општина Центар и во истата беа потрошени 4,2 милиони евра.

На овој јавен простор пред две години беа пуштени во употреба три фонтани, на чии столбови од мермер беа поставени скулптури на Пресвета Богородица, на свети Никола и на свети Петар и Павле.













http://www.build.mk/?p=45412

Originally posted by Baze А која е втората фаза....?

Таа пред третата...

Се гледа од сликите дека и улицата е раскопана и ќе се уредува и тој простор до кејот.

Еве ниту јас не знам, а очигледно од Град Скопје не ни знаат да објаснат. Никаква визуелизација не е објавена за да се види што се прави на овој потег, па оттука можеме само да гледаме во карти за тоа што се спрема на просторот.

Од она што се знае, втората фаза опфаќа дооформување на веќе изградениот плоштад на потегот кон Кејот на Вардар.Сите останати информации се државна тајна до моментот кога ќе се пушти во употреба плоштадот.

Чекај, нели според урбанистичкиот план токму на ова место на сликата треба да има подземна улица која би започнала веднаш кај ФДУ и би завршила пред МАНУ?

Од април најавуваат дека ќе се заврши за два месеца за да сега кажат дека треба да биде готов до крајот на годината?!?!? ВТФ    

Да не заборавиме дека Главниот архитект треба да го разгледа плоштадов. На пример, канделабрите дали се офарбани во златна боја, клупите исто така. А можеби ќе се појави потреба и од ново спомен - обележје, никогаш не се знае што може да смисли тој. Од тие причини, Град Скопје малку ја развлекува работата.

Точно дека коцката е поситна од таа на плоштадот, можеби затоа што е обработена и сите површини и се пресечени - израмнети

Сепак и улица за коли ќе бите или селосно само за пешачи?