build.mk Homepage
Forum Home Forum Home > Главни теми > Проекти > Индустриски
  Active Topics Active Topics
  FAQ FAQ  Forum Search   Register Register  Login Login

Индустриска зона Жабени

Bookmark and Share
 Post Reply Post Reply Page  123 6>
Author
Message
  Topic Search Topic Search  Topic Options Topic Options
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #1 Topic: Индустриска зона Жабени
    Posted: 29-Apr-2008 at 00:36
Индустриската зона Жабени  се протега на површина од  85 хектари и е сместена на патот кон Р Грција  на 5 км од граничниот премин Меџитлија.За управување со индусртиската зона е формирано јавно претпријатие  од страна на Советот на општината и донесен статут за работа . Во тек се подготовките околу реализација на инфраструктурните работи во зоната воведување на вода, електрична енергија, патишта, канализација.
  Во изградбата на индустриската зона финансиска поддршка даде и Владата на РМ во износ од 80.000.000,00 ден .

   Директор на ЈПИЗ Жабени е Трајан Котевски дипломиран машински инжинер



од http://www.bitola.gov.mk/


Edited by pbanks - 29-Apr-2008 at 00:38
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #2 Posted: 29-Apr-2008 at 14:05
го барав топикот, ама не го видов... ама океј е шо си ја преместил... како и да е, ова е ептен на патот за грција, не знаев дека ќе биди толку. а рибникот одма до фабриките... мислам дека е познато кај ќе оди отпадната вода
Arguing on the internet is like running at the special olympics. Even if you win, you're still retarded.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #3 Posted: 10-Oct-2008 at 13:30
он-топик:





Делегација од Општина Битола предводена од Градоначалникот Владимир Талески учествуваше на Саемот Expo rela 2008 во Минхен и се престави со проектот индустриска зона Жабени. Се остварија контакти со повеќе потенцијални инвеститори. Македонскиот штанд беше организиран од страна на GTZ и Агенцијата за странски инвестиции. На саемот покрај општините Битола, Гостивар, Аеродорм, учестуваше и Заменик Мнистерот за локална самоуправа Фарук Фератовски, Генаралниот конзулат на РМ во Минхен Васко Грков и македонските презентери во Германија Кирил Несторовски и Алберт Лиманоски.



од: http://bitola.gordsys.net/?SaemMinhen2008

интересно е ќе има хотел? има ете и рендер од хотелот (колку што видов) а то десно е зоната како ќе изгледа. иначе еве го и планот за зоната мислам го имав постирано

Arguing on the internet is like running at the special olympics. Even if you win, you're still retarded.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #4 Posted: 29-Oct-2008 at 19:50

29.10.2008 18:14

Огромен интерес за парцелите во Жабени

Изградбата на индустриската зона Жабени близу Битола, на 86 хектари, денеска и официјално стартуваше, откако претходно со одлука на локалната самоуправа е изработена проектна документација и формирано е јавно претпријатие.

Во првата фаза на 23 хектари ќе биде изградена потребната инфраструктура, што ќе шини 140 милиони денари, со средства од локалниот буџет на Јавното претпријатие и Владата.

Веднаш потоа ќе распишан тендер за откуп на парцелите од потенцијалните инвеститори, а интересот е огромен.

„Се надевам дека дел од овие инвеститори коишто потенцијално се обраќаат до владата на Р.М, ќе инвестираат и во Битола. Веќе неколкумина од нив дојдоа, ја посетија зоната, размислуваат за идните инвестиции, и се разбира чекаат уште малку поповолни политички околности за да инвестираат во Република Македонија“, изјави Владимир Талески градоначалник на општина Битола.

Општината Битола за домашните инвеститори ќе даде посебни повластувања. Индустриската зона Жабени е капитална инвестиција за економски развој на Битола, и се наоѓа на три километри до грчката граница, веднаш до меѓународниот патен правец М-5.


преземено од: http://www.a1.com.mk/vesti/default.aspx?VestID=99469
Arguing on the internet is like running at the special olympics. Even if you win, you're still retarded.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #5 Posted: 02-Nov-2008 at 15:25

ВО БИТОЛСКИОТ РЕГИОН


Грци ќе ја развиваат индустриската зона Жабени


Во Битола наскоро ќе почне изградбата на индустриската зона кај селото Жабени, која ќе се наоѓа на само два километри од македонско-грчката граница. За првата фаза од изградбата, Владата одобри 80 милиони денари, а Советот на општината даде 10 милиони денари. Локалната самоуправа во овој град формира и јавно претпријатие, преку кое ќе се одвиваат активностите за изградба.
Индустриската зона е капитален проект, кој ќе се простира на површина од 15.000 хектари.

- Во зоната се предвидени за изградба 90 големи локации од 3.500 до 30.000 квадратни метри за повеќе корисници од земјата и од странство. Нив ќе им бидат обезбедени сите потребни инфраструктурни предуслови за изградба на објекти. Предвидено е таа да се гради во неколу фази, од кои во првата ќе бидат ангажирани 5.000 лица со можност за максимално вработување на 30.000 луѓе. До локациите веќе е донесена технолошка вода - вели главниот архитект, Јорго Шундовски.

Индустириската зона кај селото Жабени се очекува да придонесе за проширување на сорабоката на економски план со Грција, од каде засега има голем број заинтересирани за изградба на објекти во зоната. Се преговара со грчки фирми за активирање и на железничката пруга Битола - Лерин (Грција), која минува непосредно до зоната. Во зоната е предвидена изградба на хотел и на бензински пумпи.

Во првата фаза, на површина од 85 хектари, е предвидена 104 локации за објекти, во втората на површина од 88 хектари - 121 локација, а во третата на 43 хектари - 34 локации. Непосредно до зоната е и аслфатниот пат за Грција, постои рибник и други слободни површини.


преземено од: http://www.vecer.com.mk/?ItemID=FAA499B6DF53D640B37114706279B0C8

малку стара вест, но има уште еден рендер на тоа како треба да изгледа зоната, овој пат малку повеќе 3D
Arguing on the internet is like running at the special olympics. Even if you win, you're still retarded.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #6 Posted: 28-Dec-2008 at 12:45
Еве го мрежното место на ИЗ Жабени, иако сеуште е во фаза на изработка содржи доволен број на информации, а воедно има и по некој рендер дури и еден видео клип на кој се гледа како ќе изгледа отприлика сево ова.

Еве го местото: http://62.162.169.184/zabeni/index.html

а еве ви врска до галеријата: http://62.162.169.184/zabeni/gallery.html
Arguing on the internet is like running at the special olympics. Even if you win, you're still retarded.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #7 Posted: 28-Dec-2008 at 13:13
Gitardemon dobro shto si go nashol linkov eve ja go porkopav malku:






















Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #8 Posted: 28-Dec-2008 at 14:26


Англискиот им е... Dump Ама како и да е зоната изгледа ок, само се сомневам дека некогаш ќе се најдат доволно инвеститори за да се пополне ова цело. Веројатно ќе има некакви Грци кои ќе изградат по некоја текстилна фабрика исто како и досега што има низ цел град, па повторно ќе има неосигурани вработени кои ќе работат за празници и викенди за 5000 денари месечно. Ништо посебно, кога во Бунарџик нема инвеститори во Битола кој ќе инвестира?
Arguing on the internet is like running at the special olympics. Even if you win, you're still retarded.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #9 Posted: 28-Dec-2008 at 17:45
Originally posted by гитардемон

Англискиот им е... Dump Ама како и да е зоната изгледа ок,


Мене токму тоа ме багира - ако не можат да направат еден наједноставен превод на англиски, тогаш зошто да верувам дека сето друго што е милион пати покомплицирано и пообемно го направиле „на ниво“. А англискиот не да им е со грешки, туку е вистинска мизерија - веројатно го правел некој/а со максимум почетен курс по англиски и дополнително без воопшто да сака да се потруди барем да погледне во речник. Зошто да верувам дека подобри луѓе се бават со сите други работи во врска со зонава, кога токму најлесниот, а воедно нај-јавниот дел од работата е направен вака како што е направен... Плус тоа пчигледно нема никаква контрола ниту филтри за тоа што се презентира...

Dunno

Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #10 Posted: 01-Jun-2009 at 20:11
Измените во планот за „Жабени“ на повторна презентација
Понеделник, 01 Јуни 2009 18:36

MAJA%20zabeni%20sl%20001

Изменетиот урбанистички план вон населено места за Индустриската зона „Жабени" денес имаше презентација со цел да се покажат измените кои се однесуваат на промена на дејноста.

-Повторната презентација на Индустриската зона „Жабени" се одржа со цел да се промени дејноста на објектите. Од деловни објекти се менуваат во индустрија и сервиси, според законските процедури мора да се изврши повторна презентација, рече претседателот на Комисијата за урбанизам, Горан Михајловски.

MAJA%20zabeni%20Goran

Предлог-планот е во завршна фаза.

-Во ресорното миистерство во однос на забелешките кои сега ги дадоа на веќе изработениот план постапено е со минимални корекции, ништо не се менува во одредени парцели на зоната. Побарани се одредени согласности од железници, Фонд за патишта, тоа е завршена работа, рече изработувачот на планот, Јорго Шундовски.

Од ЕВН се интересираа за капацитетот на трафостаниците.

MAJA%20zabeni%20Jorgo

-Ниту ние не можеме да видиме колку енергетски ќе биде оптоварен системот за да кажеме дали овие 7 трафостаници ќе задоволат, рече Светлана Петковска од ЕВН.
-Доколку се потрошувачи онака како што предвидувавме, мали и средни, тогаш оваа проектна математика за енергетска согласност е доволна. Доколку се појави потрошувач кој ќе побарува поголема енергија, ќе мора да се прават нови трафостаници, рече Шундовски.

MAJA%20zabeni%20sl%20002

Присутните се интересираа и за вклучување на патот кон зоната, дали ќе биде на исто ниво или со клучка. Шундовски објасни дека тоа е ќе биде автопат на исто ниво.

-Новина во овој план е вториот влез кој постоеше до локацијата Министерството ни го избриша и сега има само еден излез/влез према индустриската зона. Ако има интересенти ќе направиме уште еден, рече Шундовски.

До 15 јуни планот ќе биде изложен, а сите субјекти своите забелешки, предлози или сугестии можат да ги достават до Комисијата за забелешки.



Тера

Чисто се сомневам дека ова некогаш ќе се изгради, исто како бунарџик да не речам, ама ајде, останува да видиме.
Arguing on the internet is like running at the special olympics. Even if you win, you're still retarded.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #11 Posted: 09-Sep-2009 at 15:08

Оџак не зачади во „Жабени“

Се' уште не е изградена ниту една фабрика во индустриската зона, која пред три години локалната самоуправа ја најави како капитален проект за економска преродба на Битола

Бали од сено, наместо фабрики, никнуваат во индустриската зона „Жабени“ близу Битола. Три години по помпезната најава за овој капитален проект од страна на локалната власт, не е изграден ниту еден индустриски капацитет во зоната. Иако се околчи местото предвидено за градба и се постави директор, зоната не донесе странски инвестиции и не обезбеди стотици вработувања како што беше ветено.

Од локалната опозиција обвинуваат дека се работи за пропаднат проект, кој власта го користела за собирање гласови за време на избори. Градоначалникот на Битола, Владимир Талески, појаснува дека се посветени на проектот, а местото инфраструктурно се уредува.

- Ветуваа дека во 2010 година Битола ќе бара работна сила од другите градови, бидејќи ќе нема толку работници колку што ќе има работни места во зоната. Од сето тоа излезе дека единствен вработен во зоната за три години е само директорот Трајан Котевски. Прашуваме дали по неуспешното водење на зоната Котевски нема да си поднесе оставка, уште повеќе ако се точни информациите дека има наполнето 64 години и ги исполнува условите за во пензија - вели Валентин Груевски, претседател на ЛДП од Битола.

За опозицијата, потврда за неуспешноста на проектот е јавната електронска аукција за продажба на земјиштето, која се одржа летово, а не се јави ниту еден инвеститор. Прашуваат каде се најавуваните инвеститори од Украина, кои требаше да отворат фабрика за камиони, и бизнисмените од Солун, кои сакале да ја купат целата зона.

- Зошто на јавните наддавања се нуди земјиште за градба на деловен простор, а не за она што е изворна намена на зоната, индустријата - прашува Златко Ќурчиев од СДСМ.

Градоначалникот Талески вели дека работата се одолжи поради административни проблеми. Тој објаснува дека прво 80-те милиони денари издвоени од државата за електрификација на зоната залутале низ административните лавиринти, следувала корекција на проектот, па ново шифрирање на парцелите, а на крај и грешка во нивната продажбена цена.

- Службата што го објави огласот направи техничка грешка. Цената на тие парцели не беше реалната предвидена според законот, туку ставија друга цена како да се во централно градско подрачје - вели Талески.

Според него, се прават заложби што поскоро да се постави инфраструктурата за да се привлечат инвеститори. Разговарал и со ЕВН Македонија да се забрза поставувањето на трафостаниците. Градоначалникот го зеде во одбрана директорот на зоната Котевски зашто цени дека професионалец како него нема друг во општината.

Жанета Здравковска



http://dnevnik.com.mk/?ItemID=C1B8AB36327EBD43AC460E4F546FD64A
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #12 Posted: 19-Nov-2009 at 23:14
http://bitola.gordsys.net/?ZABENI%20BITOLA.doc


МИНИСТЕРСТВО ЗА ТРАНСПОРТ И ВРСКИ
 
ОБЈАВА
за оттуѓување на градежно земјиште по пат на електронско јавно наддавање,
сопственост на Република Македонија, кое се наоѓа во Општина Битола ,
наменето за изградба на деловни дејности   
 
ПРЕДМЕТ НА ЕЛЕКТРОНСКОТО ЈАВНОТО НАДДАВАЊЕ
            Предмет на јавното наддавање е градежно неизградено земјиште, сопственост на Република Македонија, предвидено со:
1.Урбанистички План вон населено место „ ЖАБЕНИ „ наменето за изградба на деловни дејности кои се одвиваат во големи канцелариски простори од трговски друштва ,акционерски ,управни згради ,професионали и финансиски сервиси и др. опишано во табела 1.
ПОДАТОЦИ ЗА ГРАДЕЖНАТА ПАРЦЕЛА

Предметните градежни парцели се предвидени со Урбанистички План за вон населено место Жабени и истите се наоѓаат во општина Битола. Намените и површините на градежните парцели, со податоци за катастарките парцели и почетните цени за секоја парцела поединечно, се опишани во Табела 1 подолу.
Јавната објава е објавена и на WEB страната на Министерство за транспорт и врски: HYPERLINK "http://www.mtc.gov.mk/" www.mtc.gov.mk
Електронското јавно наддавање е јавно и во целост може да се следи на web страната HYPERLINK "http://www.aukcija-mtc.gov.mk" www.aukcija-mtc.gov.mk, при што секој заинтересиран за следење на јавното наддавање ќе може да пристапи на предходно наведената web страна со јавното корисничко име „aukcija“ и лозинка „aukcija“ и ќе може да ги следи сите електронски јавни наддавања кои ќе бидат во тек.
Заинтересираните лица, за подетални информации може да се обратат и до надлежната Општина Битола.

Табела 1
HYPERLINK mailto:GRADE@NO ГРАДЕЖНО ЗЕМЈИШТЕ НАМЕНЕТО ЗА ИЗГРАДБА НА ДЕЛОВНИ ДЕЈНОСТИ,
НА ТЕРИТОРИЈАТА НА ОПШТИНА БИТОЛА
Р. бр.
Парцела број и намена
КП. бр. во
КО Битола
Површина во м2
Поч.цена (денари)
Вкуп.поч. цена (ден.)
Депозит (денари)

ГП бр.61- деловни дејности
88/16
5031
2.000,00
10.062.000,00
1.006.200,00

ГП бр.62- деловни дејности
88/17
4928
2.000,00
9.856.000,00
   985.600,00

ГП бр.63- деловни дејности
88/18
4899
2.000,00
9.798.000,00
   979.800,00

ПРАВО НА УЧЕСТВО
           Право на учество на јавното наддавање имаат:
Физички лица, државјани на Република Македонија
Правни лица:домашно правно лице, правно лице во мешовита сопственост и правно лице основано од странско физичко и правно лице, регистрирано во Централен регистар на Република Македонија.
УСЛОВИ ЗА УЧЕСТВО НА ЈАВНОТО НАДДАВАЊЕ
Заинтересираните физички и правни лица поднесуваат пријава за учество на јавното наддавање, согласно условите од Објавата, во затворен плик со назнака на пликот “за јавно наддавање” комплетирана со следните докази (приложени во оригинал или копие заверено кај овластен нотар):
Пријава, напишана од самиот подносител, во која се наведени податоците за што се однесува пријавата, што се доставува во пријавата (кои документи) и сметка на подносителот на пријавата на која ќе му биде вратен депозитот за учество на јавното наддавање.
Доказ за платен депозит.
За физичките лица уверение за државјанство.
Доказ за регистрација  на правното лице од Централен регистер на Република Македонија или друг содветен регистер доколку подносителот на пријавата е странско правно лице.
Уредно полномошно за полномошникот што го претставува правното лице, односно доказ за својството овластено одговорно лице на правното лице.
e-mail адреса на подносителот на пријавата, преку која ќе се одвива постапката на регистрирање за учество на електронското јавно наддавање, односно на која адреса ќе бидат испратени корисничко име и шифра за пристап на web страницата, како и упатство за начинот на пристап и постапката за јавно наддавање.
Подносителите на пријави потребно е да достават во пријавата за учество на јавно наддавање и фотокопиа од лична трансакциона сметка на која ќе може да им биде вратен депозитот за учество на јавно наддавање доколку не се избрани за најповолни купувачи.
При поднесувањето на пријавата за учество на електронското јавно наддавање, подносителот на пријавата од писарницата на Министерството за транспорт и врски, може да подигне и пишано упатство за целата постапка за електронското јавно наддавање.
Пријавите кои не се комплетирани со овие докази нема да бидат предмет на разгледување и на понудувачите нема да им се дозволи право на учество на јавното наддавање.
.
    Доколку не постојат технички услови да се спроведе електронско јавно наддавање, подносителите на комплетните пријави ке бидат дополнително известени со писмено или телефонско известување за тоа на кој начин ке се спроведе јавното наддавање.
ПОЧЕТНА ЦЕНА
               Почетна цена на јавното наддавање од метар квадратен , за секоја парцела поединачно е опишано во Табела 1 . 
ДЕПОЗИТ
      1. Депозитот за учество на јавното наддавање изнесува 10% од почетната цена на јавното наддавање за утврдената површина на градежната парцела, како што е дадено во табела 1 . Депозитот се плаќа во денари.
      2. Депозитот се уплатува вирмански или преку пошта на Буџет на Република Македонија, Народна Банка на Република Македонија, сметка 130010025669613, Приходна шифра и програма 733111-10 со назнака “депозит за јавно наддавање за отуѓување на градежно земјиште”, за градежна парцела за која се наддава;
      3. Депозитот се враќа на подносителите на пријавите за јавно наддавање кои ќе се откажат од учество во јавното наддавање, како и на учесниците во јавното наддавање кои не понудиле најповолна цена, во намален износ за трошоци на постапката во износ од 10% од депонираните средства;
      4. На понудувачите чии понуди не се прифатени им се земаат податоци на записник што ќе послужат за враќање на депозитот во согласност со Објавата на начин на кој е извршена уплатата.
      5. Депозитот нема да му биде вратен на најповолниот понудувач доколку истиот не пристапи кон склучување на договорот или доколку истиот не постапи согласно точка 8 од поглавјето ПОСТАПКА. 
РОКОВИ
           Пријавите за учество на јавното наддавање можат да се доставуваат најдоцна до 09.12.2009година, на адреса на Министерството за транспорт и врски: ул.”Црвена Скопска Општина” бр.4, во Скопје или непосредно во архивата на Министерството.
Јавното наддавање ќе се оддржи на ден 16.12.2009година, во 10,00 часот, на web страната HYPERLINK "http://www.aukcija-mtc.gov.mk" www.aukcija-mtc.gov.mk
ПОСТАПКА
1. На денот на електронското јавно наддавање учесниците пристапуваат на web страната со корисничкото име и шифрата која ја добиле на e-mail адресата доставена во прилог на пријавата за учество на електронското јавно наддавање.
2. Електронското јавното наддавање може да отпочне со најмалку двајца учесници во јавното наддавање, за секоја градежна парцела посебно.
3.   Електронското јавното наддавање го следи Комисија, формирана од Министерот за транспорт и врски
4.  Електронското јавното наддавање започнува со објавување на почетната цена на земјиштето кое е предмет на објавата по метар квадратен, а се спроведува по пат на наддавање од страна на учесниците поединечно и постапно.
5.  Наддавањето се врши “чекорно” со зголемување на вредноста со секој “чекор” не помалку од 100,00 денари.
6.  Електронското јавното наддавање ќе трае 30 минути, при што доколку во истекот на последните две минути од страна на учесниците на електронското јавно наддавање биде дадена понуда, крајниот рок за завршување на електронското јавно наддавање се продолжува за уште две минути. Продолжување на крајниот рок е дозволено најмногу три пати, во текот на едно електронско јавно наддавање.
7. Учесникот на наддавањето кој понудил најголема цена се стекнува со статусот најповолен понудувач.
8.  Најповолниот понудувач е должен во рок од 15 дена од приемот на писменото известување кое Комисијата го издава по завршувањето на Јавното наддавање да ги уплати средствата согласно постигната крајна цена од наддавањето. Од кога учесниците ке ги уплатат средствата во определениот рок ,уплатениот депозит ке им биде вратен намален за трошоците на постапката во инос од 10% од депонираните средства.
9.  Доколку најповолниот понудувач не ги уплати средства во утврдениот рок, ќе се смета дека градежното земјиште не е отуѓено, нема да се пристапи кон склучување на договор за отуѓување и депонираните средства на најповолниот понудувач нема да му бидат вратени.
10. По извршената уплата во утврдениот рок Министерот за транспорт и врски склучува договор со најповолниот понудувач за отуѓување на градежното земјиште, што е предмет на оваа Објава. Со договорот најповолниот понудувач се обврзува дека во рок од 6 месеци од извршената солемнизација на договорот, ќе обезбеди одобрение за градба на предвидениот објект со урбанистичкиот план, од надлежната општина, а истиот ќе го изгради во рок од 2 години од прибавеното одобрение. Доколку објектот не се изгради во определниот рок, договорот ќе се раскине.
11.Најповолниот понудувач се обврзува да го плати данокот на промет што ќе произлезе како обврска по склучениот договор за оттуѓување на градежното земјиште.
12. Во цената на градежното земјиште не е вклучен надоместокот за уредување на градежното земјиште.
13.Трошоците за нотарската процедура и воведувањето во евиденцијата на недвижностите во Агенција за катастар за недвижности паѓаат на товар на купувачот на градежното земјиште.
14.Незадоволните учесници на јавното наддавање можат да изјават приговор до Министерот за транспорт и врски во рок од 3 дена од оддржаното јавно наддавање. По приговорот со решение одлучува Министерот за транспорт и врски.
    Лице за контакт: Самарџиска Виолета , тел.02/ 3145-565,3145-447
Arguing on the internet is like running at the special olympics. Even if you win, you're still retarded.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #13 Posted: 13-Dec-2009 at 15:52
РОКОВИ
           Пријавите за учество на јавното наддавање можат да се доставуваат најдоцна до 09.12.2009 година, на адреса на Министерството за транспорт и врски: ул.”Црвена Скопска Општина” бр.4, во Скопје или непосредно во архивата на Министерството.
Јавното наддавање ќе се оддржи на ден 16.12.2009година, во 10,00 часот, на web страната HYPERLINK "http://www.aukcija-mtc.gov.mk" www.aukcija-mtc.gov.mk


Хм, тоа е за неколку дена! Ај баш да видиме.

P.S. Оваа тема не би требало да биде во комерцијални?
Arguing on the internet is like running at the special olympics. Even if you win, you're still retarded.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #14 Posted: 20-Dec-2009 at 00:40
ЛДП за Жабени
САБОТА, 19 ДЕКЕМВРИ 2009 18:12


Градоначалникот и ВМРО ДПМНЕ ветија подобрување на економската состојба, намалување на невработеноста и зголемување на животниот стандард, но ништо од тоа нема, реагираат од ЛДП.

-Градоначалникот како главно оружје го користи Жабени, но од проект се претвори во шпанска серија. Пред 3 дена имаше аукција за Жабени, но сето заврши како тажна приказна, изјави Александар Касаповски, ЛДП.

Бараат одговорност за ова.



-Никој не се јави за купување, нема ниту абер од вработување освен единствениот вработен директорот Трајко Котевски. ЛДП ги повикува градоначалникот и директорот да се повлечат од проектот Жабени, рече Касаповски.



Од ЛДП велат дека доколку и двајцата се уште веруваат во овој проект да кажат кога ќе се отвори првата фабрика и кога ќе бидат првите вработувања.

Маја Богоевска


http://tera.mk/index.php?option=com_content&task=view&id=15736&Itemid=106

Значи ништо од овој проект

Edited by гитардемон - 20-Dec-2009 at 00:42
Arguing on the internet is like running at the special olympics. Even if you win, you're still retarded.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #15 Posted: 11-Feb-2010 at 19:01
Жабени чека пари од рускиот долг кон Македонија
ЧЕТВРТОК, 11 ФЕВРУАРИ 2010 17:16



Спогодбата за регулирање на клириншкиот долг на Русија кон Македонија ќе биде потпишана во април годинава во Москва. Според амбасадорот на Руската Федерација во Македонија, Владимир Солоцински, во април треба се одржи уште една седница на македонско-руската владина комисија за економска соработка, при што вицепремиерот Зоран Ставревски ќе ги потпише неопходните документи. Финансиите од клириншкиот долг ќе бидат искористени за гасификација на Македонија.



- Се надеваме дека гасификацијата ќе придонесе за развој на економијата и за извозниот потенцијал на Македонија, како и за решавање на проблемот со невработеноста и на други социјални проблеми - рече Солоцински.
Градоначалникот на општина Битола рече дека со голем интерес ќе го следат процесот на гасификација на Македонија, затоа што е во интерес и на
Битола.



-Ќе биде голем придонес во делот на стопанството, а ние многу време одделуваме токму за тоа и сакаме еден дел, а тоа е индустриската зона „Жабени" да се приклучи на се ова за што разговараме - рече Владимир Талески, градоначалник.
Клириншкиот долг изнесува околу 62 милиони долари, а во првата фаза ќе се гасифицираат 80% од стопанството и 20% од домаќинствата.


http://tera.mk/index.php?option=com_content&task=view&id=17773&Itemid=106
Arguing on the internet is like running at the special olympics. Even if you win, you're still retarded.
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #16 Posted: 04-Apr-2010 at 22:39
Економија

04.04.2010

Најавена како индустриска зона, како рај за инвестициите, како место каде ќе има голем економски бум, зоната Жабени кај Битола и натаму е пусто место. Од инвестициите, инвеститорите, странските и домашни постројки и натаму ништо...

http://www.telma.com.mk/index.php?task=content&cat=1&rub=8&item=447


Edited by Cloverstack - 04-Apr-2010 at 23:22

Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #17 Posted: 02-Oct-2010 at 13:10
Дали 1 евро за м2 ќе донеси инвестици во Жабени

http://utrinski.com.mk/WBStorage/Articles/DAD63125B9C587488B80AF2478A844FB.jpg

Цената на земјиштето во Индустриската зона Жабени крај Битола падна на едно евро
за метар квадратен Владината одлука за се намали почетната цена за јавните наддавања за земјиште за изградба на стопански и индустриски објекти ја израдува локалната власт од Битола која веќе неколку години назад никако да привлече инвестиции во зоната крај Жабени.
„Изминатиот период бидејќи индустриската зона Жабени ја нудевме на повеќе саеми, на повеќе места, на повеќе инвеститори, но имаше луѓе кои се интересираа и доаѓаа во општина Битола и се интересираа токму за индустриската зона Жабени. Бидејќи
ваквата одлука не беше донесена се појавија инвеститори кој бараа поволности во
целиот регион,“ изјави градоначалникот на Битола Владимир Талески.
Меѓутоа настрана од зоната Жабени со инвестициони проблеми се соочува целото
битолско стопанство се жалат биснисмените.
Нови капацитети во Битола не се отвораат а и тие штоги имаме , не се на завидно ниво. Ниту оние инвестиции кои што се со грчки капитал не се којзнае што.,, нагласува Ѓорги Кочовски член на УО на регионалната стопанска комора од Битола.
Стопанствениците се согласни дека инвестицитте во градот под Пелистер замреле во
сите полиња на развојот. Несигурната законска регулатива во државата, малиот и
затворен пазар , лошите кредитни услови за развој се најголемите причини за
економската стагнација на овој крај кој е само на 14 километри до Европската унија.
,,Битола се соочува и со инфраструктурни проблеми, кредитни, административни, затоа проблемите треба да се отвораат дел по дел и да се решаваат. Ако работите и
порблемите стојат во едно место тогаш и инвестициите ќе бидата замрени како што се сега.,,вели Никола Трпеновски сопственик на ресторанот и хотелот ,,Капри ,,во Битола. Локалната самоуправа во Битола покрај Жабени на инвеститорите им го нуди и просторот на поранешната битолска касарна.

http://www.kanal77.com.mk



ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #18 Posted: 11-Feb-2011 at 19:11
Објавен тендер за локација во „Жабени“
 
11.02.2011 | 15:33
Извор: Макфакс
Прочитано: 71 пати
Испрати на пријател
Сподели на Facebook
Зголеми го фонтот
Намали го фонтот
 
Министерството за транспорт и врски распиша тендер за јавно наддавање за градежно земјиште, кое наоѓа во индустриската зона „Жабени“, општина Битола.
 
Станува збор за 30 градежни парцели кои се наменети за изградба на објекти за изградба на објекти наменети за лесна и незагадувачка индустрија, сервиси, стоваришта кои се со површини од 3.326 м2 до 21.460 м2, како и две градежни парцели, наменети за изградба на објекти за мало стопанство, со површини од 895 м2 и 920 м2.

Предвидено е почетната цена за ова јавно наддавање да изнесува 61 денар (евро) од метар квадратен, се појаснува во соопштението

Пријавите за учество на јавното наддавање може да се достават до 15.03.2011 година, а јавното наддавање ќе се одржи на 21.03.2011 година во просториите на министерството.


http://daily.mk/cluster3/7dc361bf93d9a1e91c4bb722a3cce8dc/592814
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #19 Posted: 14-Feb-2011 at 11:46
Кинези заинтересирани за „Жабени“

Градоначалникот на Битола, Владимир Талевски за „Макфакс“ вели дека постои голем интерес за инвестирање во индустриската зона „Жабени“, чија изградба е во финална фаза.
 
„Имаме интерес од десетина домашни и странски компании кои овде сакаат да градат кланица, млекара и погон за сушење и преработка на зеленчук. И кинеска компанија најави своја посета на зоната во март“, вели Талевски.

Индустриската зона „Жабени“ се протега на 86 хектари. Деталниот-урбанистички план е готов, а завршени се и административните процедури.

„Изградена е и водоводна мрежа, а донесена е техничка вода. Зоната има и телефонија, одводна канализација, а во финална фаза е и нејзината електрификација, во која Владата се вклучи со 90 милиони денари. Веќе функционира помалата трафостаница за 20 хектари, а се работи на поставување и на големата-главна трафостаница„, информира битолскиот градоначалник.

За привлекување на што поголем број на инвеститори општината Битола, освен владината одлука за закупување на државно земјиште за 1 евро од метар квадратен се реши и за ослободување од комуналии.

„Заинтересираните инвеститори кои ќе се пријават до 31 март и кои до следната година ќе го изградат објектот и ќе вработат над 20 вработени, ќе добијат 100 отсто ослободување од комуналиите. Три месеци по овој рок заинтересираните под истите услови ќе добијат 75 отсто, а тие по шест месеци, 50 отсто ослободување за плаќање на комуналии. Во било кое време заинтересираните кои во следниве две години ќе изградат објект и ќе вработат над 300 лица ќе добијат исто така 100 отсто ослободување од комуналии„, вели Талевски.

Министерството за транспорт и врски пред неколку дена распиша тендер за јавно наддавање за градежно земјиште во „Жабени“.

Станува збор за 30 градежни парцели кои се наменети за изградба на објекти за лесна и незагадувачка индустрија, сервиси, стоваришта, како и две градежни парцели, наменети за изградба на објекти за мало стопанство.

http://daily.mk/cluster3/58d0716400c4f02e0a3e82e15d4eb285/595349
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #20 Posted: 16-Feb-2011 at 14:09

Кинези и Германци доаѓаат во „Жабени“?

Информации од кабинетот на градоначалникот велат дека десетина компании во зоната сакале да градат кланица, млекарница, погон за сушење и преработка на зеленчук

БИТОЛА - Во зоната „Жабени“ доаѓаат Кинези и Германци? Кинеска компанија најавила посета на Битола во текот на март. Вакви информации се слушаат од кабинетот на градоначалникот Владимир Талески. Наводно, десетина домашни и странски компании во зоната сакале да градат кланица, млекарница, како и погон за сушење и преработка на зеленчук.

Четири години битолчани слушаа приказни за индустриската зона „Жабени“, која според ветувањата на власта, требаше да предизвика економски бум во регионот. Ако и' се верува на власта дека тргнале инвеститори, тогаш сагата „Жабени“ ќе има среќен крај. Но, слушајќи ги критиките на опозицијата, се наметнува прашањето колку им треба да стигнат и каде заглавија тие загреани странски инвеститори што со години се очекуваа во „Жабени“?

Последните настани поврзани со битолската зона повторно ја заинтригираа јавноста, а особено изјавите на градоначалникот Владимир Талески дека „опозицијата е виновна за тоа што во Жабени се' уште нема инвестиции“. Ваквите поплаки Талески ги кажа јавно, на седница на Советот и за тоа доби силен аплауз од политичките противници. На седницата се одлучуваше за идно спојување и делење на парцелите во „Жабени“ во интерес на инвеститорите. Ова стигна на дневен ред, бидејќи Талески веќе примил писмо со намери од извесен германски инвеститор, кој се распрашувал за Жабени.

„Овој период сме на прагот да го финализираме еден од најмоќните проекти во Битола, ‘Жабени‘. Меѓутоа опозицијата цело време се обидува да го маргинализира проектот, да каже дека ова е лага, дека нема ништо од тоа, дека работиме незаконски и дека ова не и' треба на Битола. Искрено да ви кажам, досега имаше неколку заинтересирани инвеститори, кои токму поради дилемите што ги создаваше опозицијата, ги одвраќаа од намерата да инвестираат во општината“, изјави градоначалникот Талески, заблагодарувајќи се за аплаузот од своите политички опоненти.

Последната седница на битолскиот Совет беше под знакот вонредна за да се дебатира околу новите погодности што треба да им ги понуди општината на можните инвеститори во „Жабени“. Опозицијата во тоа препозна само уште еден блеф на власта, и тоа во време кога се навестуваат предвремени избори.

„Дај Боже да дојдат инвеститори во ‘Жабени‘. Ќе направиме се' што треба за да им угодиме на стопанствениците. Ама писмо со намера да инвестира, секој може да прати, па дури и јас. И после да каже пу, пу не важи“, искоментира Кочо Баљари, советник на СДСМ. Неговиот партиски колега Златко Ќурчиевски изрази недовербата дека во зоната ќе дојдат инвеститори. „Не се плашиме дека ‘Жабени‘ ќе профункционира. Господине Талески, се плашиме дека пак лажете. Зошто истата приказна ја верглате четири години? Прво имавме најави за инвеститори од Украина, од Германија, па од Америка. Сега инвеститори ќе носел министерот Веле Самак. Кажете барем една причина зошто сега да ви веруваме“, праша социјалдемократот Ќурчиевски.

Сепак, битолската опозиција и натаму цврсто верува дека „Жабени“ е фатаморгана, бидејќи на земјиштето нема услови за градба. Советникот Ќурчиевски, повикувајќи се на анализите направени од градежниот институт „Македонија“, тврди дека индустриската зона е на локација што плива, а трошоците за изградба на вакво место би биле многу поскапи од вообичаено.

„Почвата во селото Жабени е со релативно слаби геомеханички карактеристики. Постоењето рибник во непосредна околина укажува на езерско-барски седименти, на почва со тиња. Таму има и подземни води, што значи тешко е да се градат објекти без дополнителни градежни материјали. Земјиштето плива во вода“, набројуваше Ќурчиевски.

Министерството за транспорт и врски пред неколку дена распиша тендер за јавно наддавање за градежно земјиште во Жабени. Станува збор за 30 градежни парцели за изградба на објекти со лесна и незагадувачка индустрија, како и две градежни парцели наменети за изградба на објекти за мало стопанство. Сите претходни тендери за Жабени беа промашени. (А.Б.)

http://www.utrinski.com.mk/?ItemID=C57CDC50EB4D3D418C564B0C795A394A
Back to Top
 Post Reply Post Reply Page  123 6>

Forum Jump Forum Permissions View Drop Down



This page was generated in 0.142 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.