build.mk Homepage
Forum Home Forum Home > Главни теми > Проекти > Индустриски
  Active Topics Active Topics
  FAQ FAQ  Forum Search   Register Register  Login Login

Индустриска зона Сачево

Bookmark and Share
 Post Reply Post Reply
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #1 Topic: Индустриска зона Сачево
    Posted: 22-Jan-2010 at 17:08
ОБЕЗБЕДЕНИ ПАРИ ОД ЕУ
Струмица ќе гради индустриска зона

Нова индустриска зона на површина од околу 400.000 квадратни метри ќе се гради во Струмица. Парите се обезбедени од програмата на Европската унија за заеднички проекти со Бугарија. Вкупниот буџет на програмата изнесува 4,1 милиони евра за педесетина општини од двете земји, а Владата на Македонија обезбеди 15 проценти национално учество од вкупните средства што ќе бидат искористени од наша страна. - Општина Струмица аплицираше за финансиски пакет од 300.000 евра кои ќе бидат инвестирани за изградба на целокупната инфраструктура во новата индустриска зона „Сачево“, која по „Бунарџик“ ќе биде втора по големина во Македонија. Со овие средства ќе бидат изградени пристапни патишта, водовод, фекална канализација, улично осветлување и слично, со што зоната целосно ќе биде подготвена за нови инвестициски вложувања од странски и од домашни компании - вели Зоран Ѓоргиев, раководител на Секторот за локален економски развој при Општина Струмица. Предност за добивање пари од фондовите на ИПА имаат проектите кои ќе го поттикнуваат не само локалниот туку, пред се, и економскиот развој и соработката во целиот регион.
http://vreme.com.mk/DesktopDefault.aspx?tabindex=6&tabid=1&EditionID=1921&ArticleID=131775
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #2 Posted: 18-Nov-2010 at 19:49
Струмица се растрча по инвеститори

Рада И. Маневска


Дури 16 домашни и странски компании досега потпишале преддоговори за изградба на производни капацитети во индустриската зона „Сачево“ во Струмица. Општината е целосен инвеститор на изградбата на инфраструктурата на површина од 400.000 квадратни метри, на која треба да се изградат исклучително производни капацитети кои ќе вработат најмалку 2.000 работници, вели градоначалникот Зоран Заев. - Очекуваме изграденост на зоната од 20 до 70 проценти. Тоа го гарантира сегашниот интерес за инвестирање на домашните и на странските компании и најавата на нови од повеќе дејности - вели Зоран Заев, градоначалник на Струмица. Според планираното, вели Заев, единствен критериум за инвестирање во оваа зона е капацитетот што се гради да биде производствен и да отвора нови работни места. Идните инвеститори стартуваат со бенефициите што ги даде Владата за таквите зони, но и со можност да ги користат попустите што ги дава локалната самоуправа за плаќање на комуналните трошоци. - Ќе можат да добијат попуст за плаќање на комуналиите од 50 и од 100 проценти, но треба да имаат поголем број вработувања, да произведуваат за извоз, да користат домашни суровини и да работат според еколошките стандарди - вели Заев. Според него, инфраструктурата во зоната е во завршна фаза на изградба за што Општината инвестираше 300.000 евра. Преостанува завршување на канализациската мрежа и поставување осветлување во зависност од тоа колку и какви објекти ќе градат инвеститорите. - Покрај отворањето нови работни места, преку овие инвестиции очекуваме побрз развој на регионот, но и обезбедување повеќе пари од даноци за државата и за локалната самоуправа - вели Заев. Според него, и во сегментот на индустриските зони државата треба да размислува за децентрализирање бидејќи, како што вели, бавноста на државната администрација е една од причините за малиот број инвеститори на постојните зони. Ова е една од шесте зони што се градат во Струмица. Четири од нив се инвестиција на Општината, две се реализираат заедно со Дирекцијата за индустриско-развојни зони. Општината Струмица најави економско зачувување на регионот и повеќе од 12 инвестиции, кои се договорени за откупно-дистрибутивната аграрна зона, во која се очекува „Агрокор“ да почне да гради, додека активирањето на преостанатите зони зависи од тоа колку инвеститори ќе се обезбедат за нивно економско работење.

http://vreme.com.mk/DesktopDefault.aspx?tabindex=4&tabid=1&EditionID=2174&ArticleID=152036
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #3 Posted: 11-Jan-2011 at 16:56

Сачево чека инвеститори и 2.000 работници

Општина Струмица инвестира во изградбата на инфраструктурата во индустриската зона Сачево, на површина од 400.000 квадратни метри каде што е предвидено да се градат повеќе производствени капацитети

Преддоговори за изградба на производствени капацитети во индустриската зона Сачево, во близина на Струмица, досега потпишале 16 странски и домашни компании. Општина Струмица е инвеститор на изградбата на инфраструктурата на површина од 400 илјади квадратни метри. На неа треба да се градат исклучиво производствени капацитети, во кои е предвидено да се вработат околу 2.000 работници.

- Станува збор за повеќе домашни компании, но и од Грција и од Германија. Тие се заинтересирани да купат земјиште во индустриската зона и за неколку месеци да почнат да градат - вели градоначалникот Зоран Заев.

Почетната цена е едно евро за квадратен метар, а во Општината очекуваат да биде повисока на јавната лицитација. Освен тоа, локалната самоуправа нуди попусти за плаќање на комуналиите од 50 до 100 отсто под услов идните инвеститори да вработуваат домашна работна сила, да произведуваат за извоз, до користат домашни суровини и да работат според еколошки стандарди.

Во Општината се оптимисти и се надеваат дека наесен ќе се отворат првите работни места во индустриската зона Сачево.

- Освен во новите компании, значителен број наши сограѓани ќе најдат можност да работат и да заработат уште при изградбата на новите производствени капацитети. На тој начин, покрај влезот на пари во Општината од комуналии и такси, ќе почнеме да го решаваме и најгорливиот проблем во Струмица, невработеноста - вели Заев.

Според него, Струмица ќе биде пример во државата како се привлекуваат странски и домашни инвеститори. Очекува Сачево да биде првата слободна економска зона што конкретно ќе заживее, иако е втора по големина во државата по индустриската зона Бунарџик, кај Скопје.

Од Општината не сакаат да ги откријат имињата на компаниите што се заинтересирани да вложат во Сачево. Велат дека има заинтересирани инвеститори за изградба на сушилница за земјоделски производи, фабрика за кожени производи, кондиторски производи, вода пакувана во шишиња, фабрика за мебел и метални профили и производи од бетон.

Сачево е една од шесте зони што се градат во Струмица. Четири од нив се инвестиција на Општината, а две се реализираат заедно со Дирекцијата за индустриски зони.

http://www.dnevnik.com.mk/?ItemID=CDCF4445E0DA0C4F9F35C91C22E3D14C
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #4 Posted: 11-Feb-2011 at 22:33
Општина Струмица ќе инвестира 300 илјади евра за отворање на нова индустриска зона

Струмица, 11 февруари 2011 (МИА) – Општина Струмица во текот на оваа и наредната година ќе инвестира околу 300 илјади евра за изградба на целокупната инфраструктура во новата индустриска зона „Сачево“ која ќе се простира на површина од 400.000 квадратни метри и ќе биде втора по големина во нашава земја.

За таа намена, во рамки на програмата за прекугранична соработка, Република Македонија и Република Бугарија ќе настапат со заеднички проекти за искористување на средствата од ИПА фондовите на Европската Унија.

- Со програмата ќе им биде даден приоритет на оние проекти кои ќе значат гаранција за поттикнување на економскиот развој и соработката во регионот. Во прв ред, предвидена е изградба на пристапни патишта, водоводна мрежа, атмосферска и фекална канализација, како и улично осветлување низ целиот простор на индустриската зона. Планираме оваа зона целосно да биде уредена и подготвена за пристап на домашни и странски инвеститори најдоцна до крајот на 2012 година, изјави Зоран Ѓорѓиев, раководител на Секторот за локален економски развој на Општина Струмица.

Според правилата, 50 македонски и бугарски општини од пограничниот појас ќе можат да ги користат средствата од ИПА програмата, чиј што вкупен фонд во оваа транша изнесува 4,1 милион евра за двете земји, а учеството на Република Македонија во висина од 15 отсто ќе биде обезбедено од државниот буџет. ив/цр/9:13

http://www.mia.com.mk/default.aspx?mId=2&vId=81078679&lId=1&title=%D0%9C%D0%90%D0%9A%D0%95%D0%94%D0%9E%D0%9D%D0%98%D0%88%D0%90+-+%D0%95%D0%9A%D0%9E%D0%9D%D0%9E%D0%9C%D0%98%D0%88%D0%90
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #5 Posted: 12-Feb-2011 at 15:53

Струмица станува инвестициска зона

Сузана Тасева Коментари (0)   
12.02.2011 15:19
Зоран Заев

 

Струмица станува интересна инвестициска зона. Шеснаесет компании домашни, но и од Германија и Грција потпишале преддоговори за изградба на производствени капацитети во новата индустриска зона Сачево кај Струмица.

Огласот за продажбан а градежно неизградено земјиште е веќе распишан, а општината со триста илјади евра од европските фондови за прекугранична соработка ќе ја гради инфраструктурата и проширувањето на патот до зоната.

Во новите производствени капацитети ќе се вработат околу две илјади луѓе.

„Една од поголемите инвестиции е во нова сушара за земјоделски производи, која е добредојдена во делокругот на тоа што Струмица најмногу го има-земјоделското производство. Тоа апсолутно значи нов пласман на земјоделските производи, како сушени производи кои ќе одат на европските пазари. Имаме фабрика за кожни производи, имаме фабрика за пелети за греење, фабрика за кроасани. Значи ќе биде една широка лепеза на повеќе видови производство“, вели Зоран Заев, градоначалник на Струмица.

За сите инвеститори општината нуди поволни можности во делот на комуналиите. Со површина од 400 илјади квадратни метри Сачево е втора по големина индустриска зона во државата, по таа во Бунарџик.

http://www.time.mk/read/420c7df14e/496831f532/index.html

Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #6 Posted: 05-Mar-2011 at 01:15

Индустриската зона Сачево ќе отвори 1 500 работни места

Продадени се парцелите за индустриската зона Сачево кај Струмица. 16 домашни и странски компании го купија земјиштето на влезот во Струмица од кај Република Бугарија.

Македонски, грчки и германски инвеститори ќе градат на втората најголема индустриска зона во Македонија после таа во Бунарџик, на површина од 370 илјади метри квадратни. Според најавите ќе се отворат околу 1500 нови работни места.


Сузана Витанова
04.03.2011, 15:38

http://daily.mk/cluster3/aa53aa779cb056c62a80f4c9325cc67a/625017
Back to Top
Makedonij View Drop Down
Senior Member
Senior Member
Avatar

Joined: 08-Apr-2009
Location: Celje - Виница
Online Status: Offline
Posts: 2185
  Quote Makedonij Quote  Post ReplyReply #7 Posted: 07-Mar-2011 at 20:58
Продадени парцелите од Индустриската зона Сачево
http://www.strumicadenes.mk/images/stories/2011/mart/07-03/Untitled-1.jpg
Сите парцели од индустриската зона кај Сачево се продадени. На јавното наддавање во Министерството за транспорт и врски, метар квадратен од ова зона достигна цена од 71 денар или зоната се продаде за околу 460 илјади евра. Парцелите со вкупна површина од 396 илајди метри квадратни, ги купија 16 домашни и странски компании кои имат намера да градат производствени погони. Станува збор компании од Германија Италија Грција и Македонија кои веќе пролетва ги најавија своите инвестиции за изградба на  фабрика за сушење на овошје и зеленчук,  конзервно преработувачки фабрики, погони од дрвната и текстилната индустрија но и погони за производство на градежни хемиски и метални производи. Инвестициите на овие компани се проценуваат на околу 15 милиони евра. Првите погони се очекува да бидат готови годинава кои ке отворат стотина нови работни места.Проекциите се дека во наредниве две три години сите капацитети ќе бидат изградени кои ке вработат околу 2000 лица. Општина Струмица на една од посоледните седници донесе одлука за инвестициони зафати во ова индустриска зона, т.е. изградба на патна и комунална инфраструктура. Купувањето на парцелите од индустриската зона кај Сачево ќе придонесе за економски развој на општината но и намалување на невработеноста.

http://www.strumicadenes.mk
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #8 Posted: 10-Mar-2011 at 17:07

Продадени сите парцели во новата индустриска зона „Исток“ кај Струмица

На штотуку завршеното јавното наддавање што го спроведе Министерството за транспорт и врски на Република Македонија, целокупното понудено градежно неизградено земјиште во новата индустриска зона „Исток“ кај струмичкото село Сачево е продадено за вкупно 28,1 милион денари, или по 71 денар за метар квадратен.

- Сите 16 парцелите со вкупна површина од 396 илајди  метри квадратни ги купија исто толку домашни и компании од Италија, Грција и од Германија, кои имат намера да инвестираат вкупно околу 15 милиони евра за изградба на фабрики за производство на мебел, текстилни, армирано-бетонски, неметални, млечни, прехранбени, хемиски и метални производи и профили, погони за сушење на зеленчук и овошје, за еколошка амбалажа, за доработка на кафе и за производство на конзервиран зеленчук. Во овие капацитети очекуваме вкупно да бидат отворени над 1.500 нови работни места, а само до крајот на оваа година треба да бидат вработени од 500 до 1.000 лица, изјави градоначалникот на Струмица Зоран Заев.

Со општинскиот буџет за 2011 година се предвидени средства за изградба на водоводен систем, на фекална и атмосферска канализација во зоната, како и за проширување на патот М-6 кој ќе овозможи непречен пристап за транспорт на технологија и суровини до производните капацитети.

Во зоната остана само уште една слободна парцела од 11.000  метри квадратни која државата ќе ја даде под долгорочен закуп на ЕВН Македонија за изградба на енергетски комплекс кој ќе ги задоволува потребите од електрична енергија.

Изградбата на новата индустриска зона „Исток“, која по површина е втора, а според степенот на изграденост ќе биде прва во Републикава, ќе значи директен поттик за натамошен развој на аграрот и на целокупното стопанство во Струмичкиот регион и пошироко.

http://daily.mk/cluster3/1023bee3db82b9ff4478efbe161dd58d/633570
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #9 Posted: 05-Mar-2012 at 14:46

16 компании ќе донесат нови 1.200 работни места на Струмица

16 парцели во струмичката индустриска зона Сачево добија сопственици. Градоначалникот на Струмица, Зоран Заев, за „Капитал“ вели дека овие 16 компании ќе донесат нови 1.200 работни места, а меѓу компаниите има компании од Турција, Грција и од Италија. Грците ќе произведуваат кроасани и ќе отвораат предилница со фарбара, Турците ќе произведуваат “ксерокс“ печатачи, а Италијанците ќе прават кафе. Од компаниите кои купиле парцели има и такви што ќе произведуваат мебел, метални профили, екопалети, што ќе конзервираат земјоделски производи.

http://www.kapital.com.mk/mk/makedonija/81041/16_kompanii_kje_donesat_novi_1_200_rabotni_mesta_na_strumica.aspx
Back to Top
 Post Reply Post Reply

Forum Jump Forum Permissions View Drop Down



This page was generated in 0.094 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.