Автопат Демир Капија - Смоквица

Се брка последниот воз за Коридорот 10

Ако се развлечат постапките, има опасност да се загуби дел од грантот од ЕК, вреден 45 милиони евра

Сања Наумовска

Европската комисија денеска ќе го објави тендерот за делницата Демир Капија - Смоквица, со која треба да се заокружи автопатот во должина на Коридорот 10 во нашата земја. По неколкумесечно одолжување, конечно е усогласена тендерската документација испратена од Министерството за транспорт и врски, што беше услов да се распише јавниот повик за избор на компанија што ќе врши надзор над градежните работи, според правилата на Европската унија. Тендерот е меѓународен и ќе биде објавен на интернет-страницата www.ted.europa.eu, информираат од Транспорт. Оттаму нагласуваат дека до почетокот на реализацијата на проектот останува уште да се усогласи документацијата и за тендерот за градежни работи.

Распишувањето на тендерот се случува во последен момент пред да биде доведено во прашање искористувањето на грантот од 45 милиони евра, кој ни го додели Европската комисија. Во Министерството велат дека не е можно целосно повлекување на грантот, но признаваат дека постои опасност доколку се развлечат тендерските процедури, да се загубат дел од средствата поради строгите правила на Европската унија при искористувањето пари од ИПА-компонентата за регионален развој. Одговорните не објаснуваат зошто усогласувањето траеше повеќе од половина година, период во кој Комисијата неколкупати алармираше дека роковите ни се при крај. Од Транспорт не посочуваат ниту до каде се преговорите за вториот тендер, кои се во фаза на усогласување со делегацијата на ЕУ во Скопје, Европската инвестициона банка и Европската банка за обнова и развој. „Според планираното, тендерот ќе биде распишан денеска од страна на Комисијата. Моментално не очекуваме дека ќе има задоцнување во тендерските процедури и запазени се роковите за изработка и ажурирање на докуметнациите за двата тендера. Целосно повлекување на грантот од ЕК не е можно да се случи. Евентуално, во случај да се задоцни со избирањето изведувач, можно е да се загуби мал процент од средствата алоцирани за овој проект поради стриктните правила на Европската унија за алоцирање и употреба на средства од компонентата за регионален развој во рамките на инструментот за претпристапна помош“, информираат од Министерството за транспорт и врски.

Со изградбата на делницата Демир Капија - Смоквица, со должина од 28 километри, на ниво на автопат ќе се заокружи Коридорот 10 во Македонија, најзначајната транспортна врска на нашата земја со европските земји и со солунското пристаниште. Коридорот, долг 1.451 километар ги поврзува Салцбург и Солун преку Љубљана, Загреб, Белград и Скопје, е автопат со повеќе ленти на 80 проценти од неговата должина.

Изградбата, освен со грантот од ЕК, ќе се финансира и со средства од Европската инвестициска банка, која веќе го одобри заемот од 130 милиони евра. Се' уште се очекува потврда од Европската банка за обнова и развој, која исто така треба да учествува во финансирањето со кредит од 107 милиони евра. Од нив, 90 милиони евра се наменети за изградба на автопатот, а остатокот за модернизација на системот за наплата на патарина и наплатните станици покрај Коридорот. За делницата, Владата планира да одвои 6 милиони евра од буџетот.

http://www.utrinski.com.mk/?ItemID=418D4B2E7A39A641B396EC04AA5377F6

На стр. 16-17 од тоа што го постираше како линк „Мартин“ пишува за Засегнати населени места каде што се вбројуваат местата каде што ќе поминува автопатот (како +) а не зборуваат за негативното влијание при буквално отсекување на Валандовска општина од Е-75.

Едноставна Математика:
Новата траса според линкот ги опфаќа Миравци и Милетково (тука е и Давидово но го заборавиле). Се на се тоа се околу 1800 жители. Сепак треба да ни е јасно дека овие места имаа приклучок со автопатот помеѓу делнцита Марвинци - Смоквица, значи истите не беа многу оддалечени од автопатот. Додека сега ќе ја отсечат цела Валандовска општина и ќе го отежнат пристапот на Дојранска. Ако се земе во предвид само Валандовска општина тоа се околу 11800 граѓани. Директно засегнати (местата што беа најблиску до автопатот) ќе бидат +- 7000 жители.

1800 вс. 7000

Односно на 1800 ќе им се скрати пат од 4-5км додека на 7000 ќе им се додаде толку пат. Можеби во поголемата слика на проектот новата траса е пократка, сепак нелогично делува гледано од локален аспект.

Во Собранието на Република Македонија денес беше донесен Законот за задолжување на Република Македонија со заем кај Европската банка за обнова и развој по Договорот за заем за Проектот за изградба на автопатот на Коридорот 10, на делницата Демир Капија - Смоквица. Проектот за изградба на автопатот на Коридор 10, на делницата Демир Капија - Смоквица е голем проект со кој се предвидува изградба на нова модерна автопатска делница Демир Капија – Смоквица, во должина од околу 28 километри, во согласност со европските стандарди. Со изградбата на оваа делница ќе се комплетира главната оска од Коридор Х која поминува низ Република Македонија. Заради комплексноста на теренот на кој ќе се извршуваат градежните работи, проектот е оценет како доста сложен и опфаќа изградба на неколку големи објекти од типот на мостови, тунели, надпатници, потпатници и патни јазли. Заменик-министерот за финансии Недим Рамизи појасни дека овој проект, според подготвениот основен и изведбен проект изнесува околу 245 милиони евра и неговото финансирање ќе се врши од повеќе извори и тоа грант средства од Европска Унија преку ИПА, заем од Европската инвестициона банка, заем од Европската банка за обнова и развој (ЕБОР) и средства од Буџетот на Република Македонија. Проектот за изградба на автопатот на Коридор 10 е еден од  таканаречените големи проекти во рамките на Оперативната програма за Регионален развој 2007-2011 година, финансирана преку третата компонента од Инструментот за претпристапна помош - ИПА на Европската Унија (ЕУ). За финансирање на проектот во рамките на Оперативната програма алоцирани се 45 милиони евра за периодот 2007-2011 година. Коридор 10 е најзначајниот елемент на централната транспортна мрежа која ги поврзува Република Грција со Австрија. Неговата должина изнесува 1,451.4 км и се состои од автопат со повеќе ленти на 80 отсто од неговата должина. Сегашниот просечен годишен сообраќај во текот на денот (ААДТ) од 15.000 возила на ден, а се претпоставува дека сообраќајот ќе се зголеми за 6 отсто годишно до 40.000 возила на ден до 2020. Овој Коридор е во целосна согласност со патот Е-75, кој е автопат со наплата на патарина на четири сообраќајни ленти.

http://www.time.mk/read/5cfd365337/ef71f12044/index.html

Жално е што сеуште немаме рокови за почеток на изградба. Се плашам дека со изборите, ќе се пролонгира почетокот на изградбатата на долг рок. Исто така, знаејќи дека делница од 7км градиме веќе трета година, можам да замислам колку ќе трае изградбата тука.

Inaku vistinski M1 celosno kje bide äe bide vo avtopat  ne samo koga i delot demir kapija-smokvica kje bide gotov tuku i koga pravecot skopje-veles kje se izgradi paralelno so pravecot veles-skopje.

Originally posted by Cloverstack Originally posted by Мартин http://www.ebrd.com/pages/project/eia/41981ntsm.pdf Случајно наидов на документов на страницата на ЕБРД. Пишува дека е од Ноември 2010 година. Покрај останатите работи содржи и информации за техничките карактеристики на делницата Демир Капија-Смоквица. Најважните технички карактеристики на Проектот вклучуваат: Насипи: 3 милиони m3 Ископувања: 6.6 милиони m3 Мостови: 6 мостови со по две ленти (4.55 km пат во една насока) Tунели: 2 двојни тунели (4.94 km на една цевка) Две клучки: “Миравци” и “Смоквица“ Пешачки мостови: 5 пешачки мостови (2 од нив се дел од споменатите надвозници). Подвозници: 7 Подземни канали: 100 Помошна патна мрежа (локални и помошни патишта - постојани патишта): 15 км (80% од локалните и помошните патишта се постоечки патишта, а дополнителните 20% од локалните и помошните патишта треба да се изградат). Ме буни како е формулирано она со тунелите. Дали тоа би значело дека вкупната должина на сите четири цевки ќе изнесува 4,94km односно вкупната должина на двата тунели 2,47km? Или 4,94km е должината на тунелите во еден правец? Чисто орјентационо, должината на постоечките тунели Демир Капија 1 и 2 изнесува 554m и 323m. Така да во било кој случај, очигледно ќе има замашен тунел појужно по трасата од сегашните.

Истото и јас се прашувам. Ја читнав и англиската верзија баш поради тоа, но пак неможам да разберам на што точно се мисли.

Таа должина веќе е нереална, и во однос на теренот и во однос на цената на проектот. А и тешко дека би се погодиле двата тунели со иста должина.

Заем од 107 милиони евра за комплетирање на Коридорот 10 Европската банка за обнова и развој – ЕБОР и одобри на Македонија заем од 107 милиони евра за изградба на автопатската делница Демир Капија – Смоквица од Коридорот 10, во должина од 28,2 километри, информираше денес вицепремиерот и министер за финансии Зоран Ставрески. “Со обезбедувањето на заемот од  ЕБОР, целосно се заокружува финансиската конструкција во износ од 270 милиони евра за изградба на автопатското решение на потегот Демир Капија - Смоквица, единствена делница што не е на ниво на автопат  од делот од Коридорот 10 што поминува низ Македонија. Претходно 130 милиони евра кредит се обезбедни од Европската инвестициска банка, 45 милиони евра како грант од ЕУ, а шест милиони евра обебзедува Македонија“, објасни Ставрески. ЕБОР го доделува заемот со 15 години рок на отплата со вклучен грејс период од три години и варијабилна каматна стапка која моментно изнесува 2,59 проценти. Министерот за транспорт и врски, Миле Јанакиески најави наскоро распишување на тендер за изградба на автопатот, а склучување договор со идниот изведувач на градежните работи се очекува до крајот на годината.  Вкупната ширина на автопатот ќе биде 25,6 метри, односно ќе има две ленти од по 3,5 метри за секој правец и лента за застанување со ширина од два метри, како и зелен појас од три метри и останати дополнителни елементи на трупот на патот.http://www.netpress.com.mk/vest.asp?id=85198&kategorija=2

Градежните активности да траат околу ПЕТ-ШЕСТ години!? Овие не се нормални!

Originally posted by Мартин Градежните активности да траат околу ПЕТ-ШЕСТ години!? Овие не се нормални!

Pa i mene ne mie jasno toa, Srbite planiraat da go izgradat nivniot del od koridor 10 do krajot na 2012 godina a nie se uste ke tapkame vo mesto. Kolku sto znam sega ke pocnat so Demir Kapija-Smokvica ete pri kraj se so Tobanovce-Kumanovo a sto ke se sluci so ostanatite delovi?

Pa ne samo toa, Srbite najavija deka do 2020 godina kompletno ke go zavrsat koridorot 10 zaedno so zeleznicata, a nie se uste ne sme pocnale da pravime muabet za zeleznicata od delot na koridor 10

Јас не знам кој ги измисли тие тендери. Некако осеќам скептицизам меѓу одговорните лица кога се работи за вака големи проекти, веројатно поради тоа што многу долго ќе траат и ефектот ќе се види дури после повеќе од еден мандат. Не сакам ни да помислам што би се случило ако поради неправилности во тендерот се одложи почетокот на автопатот. Ни останува надежта дека можеби градежната фирма стварно побрзо ќе го заврши од предвиденото.