Концесија на автопатишта

АПРОКСИМАТИВНИ ТРОШОЦИ ЗА ГРАДБА
(Извор: Консултант)



Пакет 1 (источен пакет)
Нови делници

Патен правец: Крива Паланка - Романовце
60 km
272.7 М€

Патен правец: Кочани - Штип
28 km
56.3 М€

Патен правец: Миладиновци - Штип
50 km
104.6 М€

ВКУПНО Пакет 1
138 km
433.6 М€



Пакет 2 (западен пакет)
Нови делници

Патен правец: Стенковец – Блаце (граница со Косово)
13 km
69.1 М€

Патни правци: Гостивар - Ќафасан (граница со Р. Албанија),  Требениште - Охрид  и Подмоље - Струга
128 km
489.4 М€

ВКУПНО Пакет 2
141 km
558.5 М€



--------------------------------------

Еве и опис на мистериозниот автопат Миладиновци - Штип. Прилично штур опис, но со оглед на фактот дека за овој проект ова е до сега најдетална информација достапна до јавноста, сепак да ја регистрираме:

Патен правец: Миладиновци – Штип
Проектниот патен правец Миладиновци - Штип има вкупна должина од 50 километри. Трасата
започнува со прилагодување на клучката Миладиновци каде што идниот автопат ќе се поврзе
со М-1 и М-3 автопатите. Потоа трасата се искачува по ридот Оџевица во висина од 430 метри
надморска височина, а од таа точка се спушта кон реката Пчиња, обиколувајќи го населеното
место Средно Коњаре од јужната страна. Трасата потоа повторно се искачува кон планинскиот
премин Дервен, користејќи ги јужните падини и поминува генерално низ напуштено земјоделско
земјиште, обиколувајќи го постоечкиот археолошки терен и постепено се спушта кон рамницата
Овче Поле. Откако ќе го помине Овче Поле, трасата се поврзува со постоечките патишта Свети
Николе – Кадрифаково – Штип, следејќи го од левата страна се до Кадрифаково, т.е. десната
страна од Кадрифаково до крајот на автопатот, во околината на Три Чешми.

http://www.mtc.gov.mk/new_site//images/storija_doc/109/dokumentacija-paket%201.pdf

Гостивар-Ќафасан нема шанса со тие пари да се направи.Ако Д.Капија-Смоквица ќе кошта 240 м.евра за 30 -тина км,ваму е уште полош теренот и би коштало најмалку тродупло.на неколку места треба да се направат огромни мостови.Геодетот што го вршеше мерењето помеѓу Гостивар и Кичево ми е другар, и рече дека целиот автошат ќе биде во мостови.кај с.Зајас само тој ќе биде 550 метри,а делот од Кичево према извор и превој `Пресека` е уште полош

Clover,тешко ќе оди тоа бидејќи тој сега отвори приватна геодетска фирма и работи од утро до мрак и покасно,ама можам да добијам некои информации.знам дека ќе има многу мостови,ограничен радиус на кривини како и успон од мислам 5%.исто така кај с.Кленоец ќе има голем мост(се предвидува точно помеѓу с.Кленоец и с.Извор,на почетокот на превој `Пресека`).Кај с.Врбјани каде што почнува Охридско поминува низ моја нива,и ако добијам некој денар,частам за сите на форумов

Originally posted by axel dojde i 9ti oktomvri ne go odlozija rokot a dostava na ponudi.bi trebalo deneska da e otvoranje na ponudite ama nisto ne se spomnuva vo mediumite vo vrska so koridor 8 da ne e odlozen vo megjuvreme a  nie go nemame registrirano

Со најновата одлука на владата денешниот рок беше „корегиран“ за уште +10 дена, но медиумите не пренесоа. Дури и да се добијат прифатливи понуди, потпишувањето на договорите ќе се случи најрано кон крајот на оваа или кон почетокот на следната година. Во најдобар случај, Коридорот 8 ќе биде завршен во 2020, а не во 2018 како што беше најавено.

Originally posted by gjoko Clover,тешко ќе оди тоа бидејќи тој сега отвори приватна геодетска фирма и работи од утро до мрак и покасно,ама можам да добијам некои информации.знам дека ќе има многу мостови,ограничен радиус на кривини како и успон од мислам 5%.исто така кај с.Кленоец ќе има голем мост(се предвидува точно помеѓу с.Кленоец и с.Извор,на почетокот на превој `Пресека`).Кај с.Врбјани каде што почнува Охридско поминува низ моја нива,и ако добијам некој денар,частам за сите на форумов

За ова со мостот кај Кленоец / Извор имам и јас често пати слушано од постари ,случајно од едната страна потеклото ми е од таму.Дури и некоја верзија дека долу од селото Извор накај Дебарско би требало да е нова акумулација.

Clover,браво за статијава.РЕК Осломеј Кичево троши околу 150 литри питка вода во секунда,а има проект за изградба на акумулација на Бачишка река(Грешница на сликата) со што би се растоварил регионалниот водовод `Студенчица` и Кичево и Прилеп и добиле знатно поголеми количини вода.Убаво на хартија ама.......

тогашното ЕСМ го градеше цел регионален водовод Студенчица,и фактички градовите се приклучија на него.Е сега домаќинот пополека станува гостин.Кога би се правел захфат на Бачишка река тој би имал повеќекратна искористивост.ќе го снабдува РЕК Осломеј со техничка вода и би можел да произведе некој киловат струја(нивите одамна никој не ги работи,па хидромелиоризацијата ќе биде само украс на проектот,без функција)

Студенчица е јавно претпријатие и наплаќа за водата што ја дава на сите-Кичево,РЕК Осломеј,Прилеп,Македонски Брод и делумно Крушево.Имаат пари од вишок,и воглавном само бараат начини како да ги потрошат парите,ништо друго.А ако се гради браната кај с.Грешница тоа вероватно ќе го прави ЕЛЕМ

Ова е најголемиот ЕПИК ФЕИЛ на Владата во изминативе 5-10 години на инфраструктурен план без конкуренција. Факт што никој неможе да го побие е дека во Македонија од 2002 (кога сметам дека се отвори Скопје-Тетово како последна подолга и посериозна автопатска делница), практично се стои во место кога се во прашање автопатите. Ако ја исклучиме Обиколницата и смешната делница Куманово-Табановце, ние во последниве 10 години сме изградиле вкупно 35км автопат или по 3,5 километри годишно(!!!). Да не забораваме дека делниците се наоѓаат низ прилично лесен терен, а парите за Обиколницата беа обезбедени уште во времето на Љубчо. Со еден збор НИКАКВА активност во последнава деценија.

За самата концесија и идеата околу тоа би рекол дека е закаснета едно 10 години, но тогаш за жал не снајде вонја, дестабилизација и застој. А неколкуте загубени драгоцени години во време на владеењето на ВМРО (извинете што навлегувам во политичкиот дел и не мислам дека ова треба да биде во фокусот но навистина треба да се носи одговорност за застојот на ова поле од некого), неможат да бидат вратени и надополнети. Уште кога оваа идеа беше во зародиш се искажав како нејзин апсолутен противник, неможноста да се стигне до било каков резултат до ден денешен уште повеќе ја утврдува мојата позиција.
Неколку пати имам кажано дека за најприоритетни делници во Македонија ги сметам следните: К10 (Демир Капија-Смоквица), К8 - неколку десетици километри од Куманово кон Крива Паланка, во полесниот рамнински дел на источниот крак и  неколку десетици километри на западниот крак од Охрид кон Струга и од Охрид кон Скопје во Охридско поле, односно повторно најлесните делови во рамниците. Потоа сметам дека делницата Скопје-Штип ќе даде изузетен поттик за развој на целата Источна Македонија, бидејќи поврзувањето на Штип како транспортен центар на истокот со Скопје ие многу важно, а и се елиминира опасниот и застарен пат Велес-Штип. Како последен од овие приоритети би рекол дека е Скопје-Блаце пред се заради кратката делница од околу 20 километри.

Доколку ја одземеме делницата Д. Капија-Смоквица, бидејќи таа е навистина голем залак, сметам дека со останатите неколку делници во должина од околу 150 километри самата држава можеше да се справи самата во изминативе 5 години без никаков проблем доколку се имаше визија, волја и знаење. Парите пропукани за редица тотално нефункционални и непродуктивни проекти можеа да се вложат во нешто што директно и докажано генерира развој и раст. Ако овие отприлика 300-400 милиони евра (не треба да забораваме дека би се распределиле во еден временски распон од 5 години за да дојдеме до смешната сума од  60-80 милиони евра годишно) претставуваа проблем за Буџетот на земјата, комотно можеше да се најдат преку заеми кај сите поголеми финансиски институции пред се затоа што се дел од пиоритетните европски коридори во целост. Огромен мит е дека немало да се најдат пари, дека Македонија е презадолжна (пред неколку месеци земавме заем од околу 400 милиони за пополнување на буџетски дупки и плати). Проектите кои директно генерираат развој без проблем и дискусија оправдуваат евентуално задолжување!

Originally posted by nenad Зборев со лик од европската развојна банка сосем неофициелно, на што се вели на маргините на конференција ѕа сосеба друга работа, но кој работел во некое раб отно тело за сообракај во таа банка, па беше релативно добро информиран за приликите на Балканов. Прва работа (за што и јас се согласувам)е дека нема ништо од европски пари за Коридор 8! За нив тоа не е рентабилно не гледаат економска корист од поврзување на овие земји, (а за политички мегапроекти повеќе не се заинтересирани),препорача врзување со Виа Егнација преку Битола и врзување на Косово преку Скопје со К10. Знаши од нив пари т.е. кредити само за автопатот Д.Капија - грчка граница. Тој пат повеќе и треба на Грција отколку нас, не знам зошто да влегуваме во кредити за тоа парче, но нејсе, можеби ќе работат наши фирми. Што се однесува д концесиите, добра идеја, но задоцнета! Тоа требаше да се слушува пред да стигне кризата, сега тешко да се најде инвеститор кој ќе земе некој од правците кои сега се нудат. Така да ни од тоа нема ништо. ОХ-Гостивар нема шанси да се направи автопат, теренот е претежок, сообраќај нема доволно за тој да биде исплатлив. Можеби да се прошири со уште една лента!? Тоа би можеле и ос средства од буџетот, а и фирмите ќе можат тука да се вртат едно десетина години! Исто така Велес-Штип, со продолжение се до Струмица со истиот принцип! Доста песимистички, зарем не?

Неможам да не се согласам повеќе со овој пост. Сметам дека твоите погледи се погрешни поради следниве причини:

К10 (во делот Ниш-Македонија-Грција, не во делот Ниш-Бугарија-Турција) несомнено ќе ја губи својата сила пред коридорите К4 и К8 поради неколку причини: интензивниот развој на Бугарија и Турција, назадувањето на Грција и стагнирањето на Македонија ќе допринесат К10 да е се помалку атрактивен и претпочитан. На паралелниот К4 веќе се работи интензивно, додека товарниот сообраќај е привлечен поради непостоењето на царниски и гранични формалности, контроли и такси и се отвора Дунав Мост 2. Најдобра слика околу заостанувањето на К10 во кракот Ниш-Солун во однос на Ниш-Софија е фактот дека Србија приоритетно го гради својот дел токму кон границата кон Бугарија, каде сообраќајот секој ден станува се поинтензивен, додека приоритизираната до пред неколку години делница кон Македонија е во застој.

Но, да се вратам на ситуацијата на локално ниво, односно во Македонија. Кога ЕУ ни доделила цели два коридора за таква мала и неразвиена држава, од кои можеме многу да ќариме, треба да сме будали да не го искористиме тоа и целно да го уништиме К8. Неможе државава да има патни и железнички врски само со едно пристаниште и две држави, кога се граничиме со 5. Потпирањето на една опција се покажа многу штетно за нас во времето на блокадите на железниците во Грција и Солунското пристаниште. Не смееме да се изолираме и оставиме во безизлезна ситуација, лесна цел на секакви игри. Според мене двата дела на Коридорот се подеднакво важни:
-источниот крак ќе не поврзе со Бугарија, земја која е помеѓу топ 5-те трговски партнери на Македонија, земја со изузетен раст на индустриски, трговски и туристички план. И тоа во ситуација кога патните врски се изузетно слаби, а железничките не постојат. Можеме да си претставиме каква ќе биде трговската размена помеѓу двата соседа доколку (или подобро кажано кога) ќе се изградат железничките и автопатските поврзувања. Не смее да се заборави дека Софија е најблиската метропола до Скопје, град кој бурно се развива и нуди големи можности за бизнис, конференции, соработка, студии, културен и секаков друг вид на туризам. Голем потенцијал за Македонија, ако се има в предвид дека традиционално граѓаните на двете држави ја преминуваат границата за туризам (ние на море и планина, тие во Охрид и по манастирите). Охрид е оддалечен од Софија само 400 километри, исто толку се оддалечени и Варна, Бургас или Солун, така што ние со леснотија можеме да земеме голем дел од туристичкиот колач на 2 милионскиот град. Да не збориме дека преку Бугарија, ние би се поврзале со уште два гиганта-Романија и Турција, со најголемите пристаништа на Црно море итн.
-западниот крак не отстапува по важност заради постоењето на поголеми градови и нашиот најголем и едниствен сериозен туристички центар-Охрид. Треба да заборавиме дека воопшто ќе има потенциал за развој на туризмот во Охрид доколку нема поврзувања преку автопати во главниот град и соседите. Албанците пак од своја страна веќе работат на автопатот Тирана-Елбасан (што ги зближува Скопје и Тирана), а многу делници од Елбасан кон Македонија се веќе темелно реконструирани и пристојни. Албанија се развива со висока брзина и претставува за нас уште поголем потенциал од Косово за извоз на стоки, услуги и знаење. Постоењето на автопат отвара сосема нова димензија во комуницирањето помеѓу два главни града, бидејќи е квантен скок напред. 3-4 саати возење од Скопје до Тирана создаваат услови за интензивна соработка, бизнис, туризам и во крајна сметка огромни приходи.

Јас би сакал да знам лицето кое го изјавило ова на која сериозна банка и припаѓа!? Пред неколку месеци Бугарија се избори АМ Хемус (Софија-Варна) да влезе во мрежата на европски коридори-многу захтевна делница, од 450 километри, од кои фатат околу 300, а ти го отпишуваш К8. И Албанија и Бугарија моментално градат делници од К8, така што незнам по кој критериум само во Македонија тоа би било промашена инестиција.

Што се однесува до проширувањата за една лента, за кои зборуваш, со жалење констатирам дека сум целосно против. Прво и основно, поголема брзина, која е воедно и безбедна и удобна зависи од факторите како што се нагиби, криви и безконфликтни пресекувања на неколку нива, не од бројот на лентите или исклучиво од можноста за претекнување на возилата. Парите дадени за проширување на патните правци по К8 ќе бидат тотална утка, бидејќи безбедноста нема да се зголеми (дури може и да се намали затоа што шоферите ќе бидат окуражени од ширината на патот да возат побрзо на пат со исти или пониски безбедностни карактеристики), тие карпи на делниците Гв-Ох и Ку-Кр.Пл. да се пробушат, изградат потпорни ѕидови и прошират виадуктите ќе чинат огромни средства со нулев резултат.
Околу поврзувањето со Виа Егнација (пат кој по никаков начин не не тангира нас, ниту е природна врска на Македонија со било што) преку Битола можам да кажам само едно големо зошто? Кој ќе тргне од Скопје преку Битола за Италија на пример (затоа што токму пристаништето во Игуменица е врската на Грција со Италија) или пак каде ќе оди преку Егнација Одос?

На крај морам да нагласам дека автопатите не се градат само да ги следат потребите на сообраќајот во една земја/регион, туку и се градат за да генерираат развој, можности, проток, комуникација, соработка, отворање и поврзаност!

Јас се изнапишав, со задоволство би чул сечив став на оваа тематика, која е блиска до мене.

Originally posted by UrbanFreak Одлична анализа Андреј, како и секогаш. Единствената забелешка би ми била, приоритетот на Скопје-Блаце. Сепак реалноста е дека Косово е огромен трговски партнер на Македонија, каде што остваруваме можеби 90% извоз наспроти 10% увоз. Оваа делница е доста фрекфентна а од друга страна како што спомена кратка и релативно едноставна за изведба.

И јас Блаце би го исфрлил на самиот врв во листата на приоритети на Андреј. Делницата е многу битна за нас а исклучително лесна за изведба. Дополнително, со овој пат би се заокружила автопатската мрежа околу Скопје каде кон сите побитни правци излегува автопат.