Надградба на ГТЦ

Јас мислам обратно.противниците на градоначалничкиот предлог референдум нема да излегуваат на гласање,како и тие од Пустец. Вероватно ќе одат на немање на цензус, и плус вака видливо ќе се `пребројат` кој на која страна припаѓа. После тоа ги знаеме методите............

И после сите овие политички преписки, нели да заклучиме дека промената на фасадата на Градскиот трговски центар е една идеја на раководството на ГТЦ во која се вклучени архитектите од кои произлегол финалниот производ-оригинално архитектонско решение. Во Македонија се почитуваат основните творечки права на архитектите. Се` е во ред, нема никаков проблем нели? И ќе си продолжиме да си ја тераме вака работата, бидејќи не се случува ништо лошо, за пет години центарот на Скопје ќе изгледа како европска метропола, полн со туристи кои ќе купуваат од скапите марки што се наоѓаат во новиот Градски трговски центар. Некои градови, како Братислава и Љубљана, ќе му завидуваат на Скопје како од провинцијалистички град прераснал во европска метропола од типот на Берлин, Париз и Рим, додека домашните непријатели што и понатаму ќе ја критикуваат новата архитектонска преродба на Скопје ќе имаат нова локација за живот - ендек.

Edited by BOJAN - 25-Apr-2015 at 08:31

Originally posted by citizenK А како да го консултираат живко поповски кога е починат?

A зошто воопшто да го консултираат?

Луѓе, ова е нечиј труд, дело, кое не врши никаква штета на околината и НИКОЈ нема право да го менува толку драстично.

И да повториме, поголемиот дел од нас не се противат на реновирање на ГТЦ - туку се противат на залепувањето „неокласично-барокна-ти-реков-ми-рече“ фасада која нема да смени ништо во неговото работење и нема да ги реши проблемите со кои се соочува сега. Дури некои велат дека се дозволува и надградба, само ако истата ги следи линиите и формата на објектот, и придонесе за збогатување на содржините и за подобрување на самото работење на ГТЦ. Но никако квази фасада која однадвор ќе светка, а однатре ќе крие гнил ГТЦ. Никако!

дел од коментар на фб:

„...91 koga bev vo gtc bea vraboteni pomalku od 90 ludze sega se nad 500 i e pomalku ili recemo nisto napraveno vo poslednite 10 god...“


ја не верувам дека се волку, ама верувам дека не се под 300-350 земено в предвид дека околу 250 биле уште во 2006-та (http://star.utrinski.com.mk/?pBroj=1119&stID=6797&pR=12)

е сега прашањето е ШТО ФАКИНГ РАБОТАТ ТОЛКУ ДУШИ ТАМУ?

Со продавниците сепак би биле премалку.Еве еден податок колку се издатоците за плати на вработените.

И покрај минорното намалување во однос на 2013 година најголема расходна ставка се трошоците за плати и придонеси на вработените во ГТЦ кои изнесуваат 85,27 милиони денари.

http://faktor.mk/2015/03/02/gtts-skopje-lani-napravi-kar-od-eden-denar-za-aktsija/

Оваа сума за плати е просечно за околу 300-400 луѓе.

Референдум против блокираните умови и заглавените лифтови

Катерина Блажевска

„Дали сте за зачувување на автентичниот изглед на фасадата на Градскиот трговски центар“ - ќе биде прашањето на кое граѓаните на општина Центар ќе дадат одговор на денешниот референдум. Од нивното „за“ или „не“ ќе зависи дали една од современите архитектонски икони на Скопје ќе падне под налетот на интензивното преоблекување на градското јадро во комбинација од измешани стилови на неокласицизам и паладијанизам и ќе заврши како затворен мол, или и натаму ќе ја живее идејата на авторот да функционира како систем на покриени улици, еден авангарден концепт на отворена чаршија, модел кој отворен за натамошни иновации во истиот дух, но затворен за манипулации спротивни на неговата суштина и идеја.

Златен кафез за ГТЦ

Кога пред неколку години беше најавена реализацијата на владиниот проект „Скопје 2014“, малкумина веруваа дека градот ќе доживее толку драматична трансформација преку негово враќање кон конзервативни архитектонски стилови и правци од минатото, наспроти можноста да расте во стилот, вредностите и потребите на новото време. Целиот тој ретрограден пакет- аранжаман, граѓаните протестно го идентификуваа како „евтин барок“.

Гипс плочите со класицистичка орнаментика, кои на некои објекти брзо паѓаа и се одлепуваа дури и по ситен дожд, го отворија не само прашањето за стилот, туку и за квалитетот на материјалите употребени во градбите на проектот, кој изеде повеќе од половина милијарда евра буџетски средства. И не само тоа. „Скопје 2014“ стана критикуван проект и заради огромната нетранспарентност во неговото спроведување. Сомневањата на архитектите дека зад идејните решенија на новите градби стојат нестручни лица, добија потврда со аудио-снимки на една од опозициските „бомби“, според која, тие решенија се цртаат и доцртуваат во премиерскиот кабинет, по идеја на премиерот, а на хартија само формално ја преточуваат архитекти - извршители!

Во истиот манир, и ГТЦ е еден од објектите кој треба да добие архитектонски фејс-лифтинг што ќе го претвори во класицистичка убавица. Нему, преку буџетска липосукција му се подготвува брза блефаропластика, вградување силиконски имплатанти кои ќе му го истакнат барокното деколте, новите силиконски усни и - златниот кафез! На отворениот објект, во кој ниту се влегува ниту се излегува затоа што луѓето низ него едноставно течат како река, сега му се закануваат ѕидови и врати кои ќе ја спречат неговата природна аерација и ќе ја запрат сегашната просторно неогрограничена флуктуација. Објектот кој е во природна коалиција со четирите годишни времиња - во лето нуди пријатна ладовина, во зима топла заветрина, во есен е отворен чадор, а во пролет скалеста цветна саксија, соочен е со опасноста да стане затворена коцка која ќе комуницира сама со себе, но не и со околината. Тој со ништо нема да се претопи и вклопи во контекстот и опкружувањето, туку ќе биде еден од многуте молови што наликуваат еден на друг, без препознатливост и личен архитектонски белег.

Токму отсуството на слух кај власта за ваквите аргументи на стручните лица, но и за желбите на граѓаните ГТЦ да го задржи тој изглед, тој дух и таквата коресподенција во јавниот простор, го предизвика денешниот референдум. Но, поради целиот реидентификациски однос кон градот и неговото јадро, а кој во потконтекстот внесува идеологизирање на архитектурата за потребите на власта во политичката сегашност, овој референдум ќе биде многу повеќе од изјаснување само за изгледот на ГТЦ. Тој ќе биде референдум за стопирање на идентитетското ребрендирање на нацијата со помош на гипс плочи кои се наменети да бидат клучни, „заштитени сведоци“ за „македонскиот македонизам“ во историјата. Ќе биде референдум против нетранспарентноста во одлучувањето за изгледот на јавниот простор, референдум против волунтаризмот на секое ниво, референдум против сомнителни и наместени тендери за избор на градителите на кич, референдум против владејачката ароганција, киднапирањето на градот, но и на државата.

Обидите преку разни видови манипулации да се оневозможат гласачите да ја изразат својата волја, кои според акредитираните набљудувачи, почнале уште ноќеска, најпрво со намерно блокирање на лифтовите во висококатниците во Центар, нема да го спречат референдумот. Може само дополнително да ги мобилизираат граѓаните уште пожестоко да се спротивстават на таквите недемократски методи, кои не се само закана за изгледот на ГТЦ, туку многу повеќе од тоа - за изгледот и иднината на Република Македонија. Закочените лифтови може да станат импулс повеќе за сите оние кои сметаат дека потенцијалот на слободната волја на граѓаните може да биде катализатор за општествени промени.

А, ако манеризмот на авторитарната матрица ја предизвикува и провоцира гласачката волја на толку примитивен начин, тогаш, не е исклучено граѓанскиот отпор од локално ниво да се пренасочи на глобално ниво - од 114.000 квадратни метри, колку што има ГТЦ, да се прошири на 25.713 квадратни километри колку што има Македонија. Таквите референдуми не зависат од тоа дали и кога ќе бидат распишани. За нив може да одлучат и расипани лифтови.

http://www.dw.de/%D1%80%D0%B5%D1%84%D0%B5%D1%80%D0%B5%D0%BD%D0%B4%D1%83%D0%BC-%D0%BF%D1%80%D0%BE%D1%82%D0%B8%D0%B2-%D0%B1%D0%BB%D0%BE%D0%BA%D0%B8%D1%80%D0%B0%D0%BD%D0%B8%D1%82%D0%B5-%D1%83%D0%BC%D0%BE%D0%B2%D0%B8-%D0%B8-%D0%B7%D0%B0%D0%B3%D0%BB%D0%B0%D0%B2%D0%B5%D0%BD%D0%B8%D1%82%D0%B5-%D0%BB%D0%B8%D1%84%D1%82%D0%BE%D0%B2%D0%B8/a-18409161?maca=maz-rss-maz-pol_makedonija_timemk-4727-xml-mrss

Edited by Џоле - 26-Apr-2015 at 13:23

Спред последните информации од Мост излезноста ке биде околу 40%, ете каков народ живее во овој град. Немаме воопшто ниту тронка памет ниту свест за тоа што е важно за сите нас

Originally posted by Bojan10 За стручни прашања не смее да одлучува народ. Јас сум апсолутно против референдум за ГТЦ. Треба да се формира врховно регулаторно тело составено од архитекти кои ќе аминуваат што смее што не смее да се гради/руши. Ќе заседава еднаш неделно, и ќе ги проверува сите барања за градба или рушење. Ќе спречи градба на ругла, кокошарници,и сл. а не да соработува со парајлиите кога се упропастуваат Дебар Маало и Водно а да плука по Скопје 2014. Народот не смее да се прашува за ништо во што не се разбира. Какво е тоа потценување на архитектурата како наука.

Ама кога е веќе распишан требаше да гласа народот, на овој начин им дадоа кредибилитет на Владата да си го тера проектот со ГТЦ по свое.

Originally posted by Bojan10 За стручни прашања не смее да одлучува народ. Јас сум апсолутно против референдум за ГТЦ. Треба да се формира врховно регулаторно тело составено од архитекти кои ќе аминуваат што смее што не смее да се гради/руши. Ќе заседава еднаш неделно, и ќе ги проверува сите барања за градба или рушење. Ќе спречи градба на ругла, кокошарници,и сл. а не да соработува со парајлиите кога се упропастуваат Дебар Маало и Водно а да плука по Скопје 2014. Народот не смее да се прашува за ништо во што не се разбира. Какво е тоа потценување на архитектурата како наука.

Апсолутно се сложувам и одличен пост