Булевар Св. Климент Охридски

И покрај сите пропусти, Климент Охридски полека почнува да заличува на фин бизнис булевар. Со оглед на темпото со кое се гради долж неговата траса, мислам дека нема да е долго додека се пополнат сите можни парцели и се заменат некои стари објекти.
Веројатно единствено ќе останат да бодат очи „универзитетот“ на Бојо и објектот на Импексел карши Аркадија  



BTW се надевам дека ќе им текне да засадат и дрвја во жардињерите.

 
Делува како типично квази решение за блокирање на вртењето десно кај семафорите, што воопшто не е оправдано.
 
Со вакво квази решение, тие кои планираат да вртат десно ќе мораат да вртат десно на наредните семафори кај Нова Македонија, па да вртат за назад после кружниот тек кај Католичка црква, сообраќаен метеж колку ти душа сака.

Originally posted by Dexter26   Делува како типично квази решение за блокирање на вртењето десно кај семафорите, што воопшто не е оправдано.

Да, тешко е да се најде логика и оправдување за такво блокирање, а уште повеќе што е многу лошо и небезбедно изведено, тотално импровизаторски. Вртењето лево е исто така забрането, значи би останала можност само за право... Нема никаква логика, ама не дека треба да се очекува логика од лудациве.

Тоа би било во ред доколку лентите не бидат премногу стеснети  (помалку од 3,25) но очигледно ќе мора да бидат стеснети повеќе. Ако решиле да прават велосипедска патека на самиот коловоз, за што во случајов постојат легитимни аргументи, покоректно решение би било булеварот на овој сегмент да се редуцира на 2 ленти, отколку по секоја цена да се задржат 3 ленти но со субстандардна ширина. Се надевам дека сепак ќе биде првото.


Edited by Cloverstack - 21-May-2017 at 16:55

https://www.facebook.com/NaTochak/posts/1350277551706720

Познавајќи ја возачката (не)култура кај нас, ова решение ми се гледа како опасно за самите велосипедисти. Според мене, велосипедска патека што е одвоена физички од улицата (како на бул. Илинден, на пример) е најдоброто решение. Во овој дел на булеварот често има паркирани возила токму на оваа лента, а полицијаата ретко кога презема нешто во врска со тоа.

Без разлика што е доле на сообраќјната лента има и тука начини како патеката физички да се одвои од делот за возила. Пластични тенки столбчиња.

Видеото на линков само ми потврдува зошто сметам дека ваквите решенија се непрактични и опасни за самите велосипедисти кај нас

https://www.facebook.com/groups/437002943097808/permalink/1070399009758195/

Камери! само казни преку камери, на ниеден друг начин нема да се спречи секој да застане "на две минути" каде ќе му текне.
Камера, застанеш ли, за два дена писмо со доказ, пресуда и казна. Се по закон.
Ако сакаш после и 16  жмигавци уклучи, нема да ти даде право да застанеш кај ќе ти се види дека ти треба.

Наједноствано решение, и најефикасно. Ама која влада кај нас има газ тоа да го направи! Ја заболе за 500-1000 точаци во градов. Па и пешаци. Повеќето од пешаците се и самите шофери, кои не им смета да игнорираат секакви правила и прописи.
Ништо не е тешко тоа, регулирано е казнување за застанување на недозволено место во секој европски град. Без да треба да дојде пајак за 40 мин, или да се натегаш со џандарот дали да ти пише казна или не.
Камери за брзинско ограничување низ цел град, за црвено, за непрописно застанување.
Чиста работа. Застанеш - казна. Сите нормални луѓе ќе бидат среќни. Плус полна каса, ехаа...

Ќе се мислиме ние како се спречувало тоа. За стока народ треба само стап.
Во тој случај ко ќе видам некој така паркиран со четири жмигавци, а знам дека утредента ќе му стигне 100 евра честитика, со сласт ќе го заобиколам. Без никаков проблем.