Се асфалтираат улици во Блатец и Липец

Деновиве општина Виница продолжува со реализирање на зацртаната програма за реконструкција и одржување на локални улици и патишта во 2011 г. Во Блатец со прв слој асфалт се покриени улици во должина од 480 метри, во Липец асфалтирана е улица во должина од 110 метра. Најавено е асфалтирање на улици во с. Истибања, а по вторпат ќе се реконструира и улицата “Тошо Арсов“ во Виница. Ова е втор дел од реализацијата на договорот кој општина Виница го има склучено со фирмата, изведувач на градежните работи “Вин- ин“ во висина од околу 7 милиони денари, средства од кои дел се обезбедени од Агенцијата за државни патишта, околу 3,5 милиони денари, останатиот дел го обезбедува општина Виница.

Улицата Димитар Влахов во Кочани , асфалтирана
Започнатите работи на почетокот на месец Февруари оваа година, кога се најпрвин исекоа а потоа и отстранија дрвјата од левата страна на почетокот на улицата „Димитар Влахов“, вчера (Вторник) завршија откако на улицата во должина од стотина метри се постави нов слој на асфалт.
Со овој Проект, улицата доби свое проширување, паркинг простор за неколку десетици возила и модерен тротоар за пешаците.
Со изградбата на овој инфраструктурен дел од улицата „Димитар Влахов“, Општината Кочани за краток период не само што реши дел од прашањето со паркирањето на возилата во централното градско подрачје, туку несомнено ја зголеми и фреквенцијата на луѓе и возила на овој потег.

С. Ивановски

Почна да се гради кружниот тек во штипската населба „Автокоманда“
Четврток, 06 Октомври 2011 14:41
Сподели
9

Споделете ја веста со Вашите пријатели
Во населбата „Автокоманда“ во Штип на најфреквентната крстосница почна изградбата на новиот кружен тек, кој ќе овозможи поголема безбедност во сообраќајот.

Директорот на ЈП „Штип проект“, Тони Јовев вели дека новиот кружен тек ќе се заврши за четири дена.

- Оваа крстосница во населбата Автокоманда ги поврзува најголемите населби во Штип, 8-ми Ноември, Дузлак, Сењак со централното градско подрачје, поради големата фреквенција на возила и поголема безбедност во сообраќајот го реализираме овој проект, рече Јовев.

Тој истакна дека до крајот на месецов ќе се инсталираат и нови канделабрии, со кои ќе се осветли оваа крстосница и ќе се асфалтираат улиците на овој потег. Новиот кружен тек на најударната крстосница во Штип е во рамките на годишната програма на ЈП „Штип проект“.
http://kurir.mk/republika/proekti/44810-Pocna-da-se-gradi-kruzniot-tek-vo-stipskata-naselba-Avtokomanda

Асфалтирана улицата Коце Мталец во К.Паланка

Пред неколку дена општина Крива Паланка започна со асфалтирање на  улицата „Коце Металец“ и тоа крак 1 со должина 139 метри и крак 2 со должина од 279 метри.

Со ова ќе се реши долгогодишниот проблем на жителите од овој дел на градот.

Финасиските средства се обезбедени од буџетот на Општина Крива Паланка, а изведувач на градежните работи е фирмата „Изолација“ од Скопје.
Општината ќе продолжи со активностите за подобрување на патната инфраструктура, а со тоа и на условите за живеење на граѓаните.

Изграба на улци во Општина Делчево

Паралелно со изградбата на новата улица во село Разловци чие што асфалтирање заврши во четвртокот, започна и изградбата на две нови улици во село Тработивиште.

Поради блокадата на граничниот премин на границата кон Република Грција, беше оневозможена доставата на суровини, за потребите на градежната оператива на Гранит, со што асфалтирањето на овие две улици се пролонгираше за неколку денови. Станува збор за асфалтирање на "Улица 1"која што од центарот на селото минува покрај селската џамија кон неговиот јужен дел  со површина од 525 м2, како  и "Улица 2" која што од центарот на селото води кон север-северозапад, со површина од 1118 м2, поминувајки покрај црквата Св. Богородица.

По подолго време во оваа рурална средина се реализираат вакви позначајни градежни зафати, кои во голема мера го подобруваат животниот стандард на населението кои живеат во ова едно од поголемите Делчевски села.

Овие улици се реализираат како приоритетни проекти донесени од страна на Месната заедница на село Тработивиште која доста активно партиципира во работата на општина Делчево во креирање на годишните програми на општината, што претставува дополнителен мотив за сите останати месни и урбани заедници на територијата на Делчево што по ангажирано да учествуваат во донесувањето на годишната програма за работа на Градоначалникот за наредната 2012 година, за кога веке се предвидени поголем број на проекти и капитални инвестиции, од интерес на сите граѓани во местата каде ке се реализираат.

Нов кружен тек во Штип

Во штипската населба Автокоманда денеска е пуштен во употреба новиот кружен тек.Директорот на Јавното претрпијатие „Штип проект“, Тони Јовев вели дека учесниците во сообраќајот треба да внимаваат, бидејќи во текот на наредните денови ќе се поставува вертикалната и хоризонтална сигнализација.

- Го оформивме кружниот тек на крстосницата во населбата Автокоманда, со што ќе имаме поголема безбедност на сите учесници во сообраќајот, кои се движат кон најголемите штипски населби, рече Јовев.

Тој додаде дека до крајот на месецот очекува да пристигне и асфалтот со кој ќе се асфалтираат сите улици кои водат кон кружниот тек.

Во Штип започнува реконструкцијата на улицата Сутјеска

Штип, 11 септември 2011 (МИА) - Општина Штип почнува со реконструкција на дел од улицата „Сутјеска“, на потегот од Градскиот пазар до ОУ „Гоце Делчев“.

Директорот на ЈП „Исар“, Никола Мицевски вели дека пред асфалтирањето на дел од улицата „Сутјеска“ ќе се реконструира водоводната и канализациона мрежа во должина од околу 1 000 метри.

- Наша обврска е да ја реконструираме водоводната и канализациона мрежа. ЈП „Штип проект“ е задолжено да ја извади коцката и да ги изгради тротоарните површини, а фирмата која го доби тендерот за реконструкција задолжена е да ја направи атмосферската канализација и да го постави асфалтот, појаснува Мицевски.Тој додава дека реконструкцијатав на водоводната и канализациона мрежа чини 4,5 милиони денари.Драган Ристов од Центарот за односи со јавност при Општина Штип вели дека од утре до 15 ноември ќе биде затворена за сообраќај улицата „Сутјеска“ која го поврзува централното градско подрачје со населбите „Дузлак“, „Радански пат“, „Автокоманда“ и „Сењак“.

Полигонот во Делчево наскоро ќе биде ставен во функција

Полигонот во Делчево наскоро ке биде ставен во функција

Досега почетната обука од практичниот дел се вршеше на импрoвизирана површинa, а кандидатите за да полагаат возачки испит мораат да патуваат во Берово или во Кочани.

По согледаните потреби на граѓаните, Градоначалникот на општината Делчево поведе иницијатива за изградба на  соодветен полигон во градот Делчево.

Утврдено е дека најсоодветна и најоправдана локација во моментот, за изградба и опремување на полигон за почетна практична обука е паркиралиштето за патнички возила пред Спортско рекративниот центар во Делчево, а тоа е поради следниве причини: над 80% од потребната површина е асвалтирана и може да се користи и за паркиралиште и за полигон за обука, паркиралиштето е во сопственост на општината и со тоа се решени имотно правните односи, веднаш до оваа површина се наоѓа државно земјиште на кое може да се изгради рампата за тргнување и застанување со рачна сопирачка, потребни се минимални финасиски срества за адаптирање на  запуштеното паркиралиште за да може да служи за рекреација и спорт, како возење на велосипед, ролери и слично, локацијата е надвор од станбениот дел на градот.

По извршените анализи е отпочнато со адаптирање (градење) на полигонот и досега е изградена косата рампа за тргнување, доасфалтиран е опесочениот дел од паркиралиштето, а во тек е чистење и обележување на полигонот. По обезбедувањето на потребните согласности од МВР,   полигонот ќе биде ставен во функција за потребите на авто школите и полагањето на возачки испити.

Доизградбата на две улици во населба Стар Расадник

Изградба на улици во населба Стар Расадник - Делчево

Станува збор за изградба на дел од улицата Мито Хаџи Василев Јасмин со вградување на асфалт со површина од 1080 м2, како и изградба на дел од улицата Христијан Тодоровски Карпош со вкупна површина од 315 м2.

Со изградбата на овие две улици во голема мерка се решаваат повеќе проблеми за жителите кои живеат и гравитираат во овој дел од населбата, како од аспект на секојдневна сообраќајна комуникација, така и од заштита на стамбените објекти од наноси и поплави кои со оглед на стрмниот терен во населбата предизвикуваат проблеми за граѓаните. Изведувач на градежните работи е ГД Гранит од Делчево, а инвеститор е општина Делчево, со сретства од Буџетот на општината.

Изградбата на делови од овие две улици следува по изградбата на две пристапни патеки и улици, изградбата на детското игралиште и уредувањето на просторот околу гаражните места на влезот од населбата, како и изградбата на пешачките тротоари, и пробивањето на улица во највисокиот дел од населбата, која води до најпериферниот дел од градот. За оваа населба  во најскоро време предвидено е уште и изградба на едно мултинаменско спортско игралиште по олимписки стандарди, за што од неодамна се отстранети сите технички бариери и се усвоени сите потребни документи при што се создадени услови за непречена изградба на ова игралиште кое е донација на Агенцијата за млади и спорт при Владата на РМ. Динамиката на работа сега единствено зависи од оваа владина агенција.