Реконструкцијата на улица "7 Ноември" во завршна фаза

На главната сообраќајница во Гевгелија - "7 Ноември" во тек се завршните работи околу нејзината целосна реконструкција.

По поставувањето на атмосферската канализација, започна уредувањето на тротоарите со павер елементи, од двете страни на улицата. Паралелно со довршувањето на тротоарите, во тек е гребање на асфалтот заради целосно санирање на улицата „7 Ноември“.

Веднаш потоа ќе биде извршено целосно асфалтирање на улицата и завршени сите планирани изведбени работи.

Се очекува реконструираната улица да биде предадена во употреба на 7 ноември, по повод општинскиот празник.

Се уредува пешачката зона на улица „Индустриска“

Улицата “Индустриска“ во Македонска Каменица, на потегот од мостот на река “Каменичка“ па се до бензинската пумпа на влезот во градот како дел од магистралниот пат М5 кој транзитира низ населбата е доста фреквентна улица по која што се движат и голем број на пешаци.

Безбедноста на овие учесници во сообраќајот им е намалена заради големиот број на тешки товарни возила кои транзитираат низ градот и немањето пешачка патека по која можат безбедно да се движат.

Затоа оваа улица општина Македонска Каменица ја вбројува во доста приоритните во својата програма за изградба и одржување на локалните патишта и улиции, и веќе започна со градежните активности околу припремата на теренот за изградба на тротоари на ова делница.

Улицата ќе добие нова пешачката патека поплочена со бекатон плочки на која ќе биде инсталирано соодветно улично осветлување со што покрај безбедноста на учесниците во сообраќајот ќе се подобри и визуелниот изглед на самиот влез во градот.

Се асфалтираше дел од кружниот тек на „Сремски фронт“

Екипи на ЈП „Штип-проект“ се во завршна фаза на реализација на првиот кружен тек во централното подрачје на Штип.

По подготовките во текот на месецов, за време на викендот беше извршено асфалтирање на проширените кракови на улицата „Сремски Фронт“.

Со тоа и улицата ја доби потребната форма а веќе е подготвена и централната кружна форма која наскоро ќе биде уредена.

Оваа крстосница во изминатите години, заради пешачките острови а немањето на семафори, беше тешко прегледна и честа причина за сообраќајни несреќи.

Според Тони Јовев директор на ЈП „Штип проект“, кружните текови се многу практично решение заради што се размислува во годишната програма за идната година, ова претпријатие да предложи утврдување на кружен тек и кај крстосницата „Дујле“, една од централните крстосници по влезот во Штип.

Градежните работи околу мостот во Таушанско маало продолжуваат