| Author |
 Topic Search  Topic Options
|
lslcrew 
Senior Member
Joined: 14-Jan-2008
Location: Skopje
Online Status: Offline
Posts: 10988
|
 Quote  Reply
#121 Posted: 06-Nov-2008 at 23:07 |
| Се уредува паркчето спроти Соборен храм
Во текот на изминатиот ден работници најмени од Општина Центар,
со лесна механизација го чистеа од смет, а подоцна го редеа со
бехатон-плочки паркчето спроти црквата "Св. Климент Охридски". "Редно
време беше ова да се среди и да заличи на нешто. Со ова ќе се избркаат
питачите, кои со картони постојано во текот на целата година го
загадуваа ова проодно место во центарот на градот и ја градеа убавата
слика за нашата Црква", рече случаен минувач станар на околните згради.
Од Општина Центар покрај уредување на ова паркче најавија и чистење и
дотерување на постојните, детски игралишта и диви паркчиња кои се
опседнати од питачите кои седат на околните сообраќајници.
http://vecer.com.mk/?ItemID=9DAB141226BA434A8377AF75C083DFD2 |
|
 |
pbanks
Admin Group
Joined: 01-Sep-2007
Location: Skopje
Online Status: Offline
Posts: 9141
|
Quote Reply
#122 Posted: 14-Nov-2008 at 15:51 |
Над 200 милиони евра инвестиции во Гевгелија
Гевгелија
како “порта на Европа“ натера голем број домашни и странски компаниии
да инвестираат во изградба на стопански објекти во вредност од над 200
милиони евра.
Веќе се гради нов производствен погон на “Империјал-Табако“, се
прошируваат со три нови хали оранжериските стакленици кај Смоквица.
Своето производство го прошируваат и фирмите “Конти хидропласт“ и “Гема
хидропласт“, се прошируваат и прозводствените активности во погонот
“Вори“, “Ригоимпекс“ ги проширува своите капацитети на преработка на 15
милиони килограми грозје а “Випро“ започнува со иаградба на нов погон
за преработка. “Житопром“ отвори нов погон за производство на кроасани
а “Лукоил“ најавува почеток на изградба на една бензинска пумпа.
Турската компанија “Принцес“ кај Богородица ќе гради нов туристичко-
угостителски објект а во полн ек е комплетирањето на урбаната
документација за изградба на туристичко-угостителски комплекси
“Калифорнија ресорс“ и Терме-олимија“.
Сите овие компаниии ќе овозможат многу работни места за невработените во Гевгелија и соседните општини. |
http://www.netpress.com.mk/vest.asp?id=44128&kategorija=2
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#123 Posted: 20-Nov-2008 at 01:26 |
| Крематориумот заглави во фиока
„Бутел“ најавуваше инвестиција во ваков објект по донесувањето на Законот за гробиштата, кој беше усвоен во јуни годинава, но имало недоречености во делот за кремација
Верските заедници во Македонија не одобруваат кремирање: крематориум во Прага
Изградбата на крематориум во Скопје, идеја стара три децении, остана
заглавена во бирократски лавиринти и по донесувањето на новиот Закон за
гробиштата. Акционерското друштво „Бутел“ најавуваше дека ќе инвестира
во изградба на ваков објект, прв во Скопје и во Македонија, по
донесувањето на новиот закон. Законот беше донесен во јуни годинава, а
идејата за изградба на крематориумот остана во фиока. Од „Бутел“ велат
дека имаат тешкотии со Законот бидејќи бил многу нејасен во делот за
кремација. Оттаму велат дека не е прецизно дефинирано кој ќе
стопанисува со крематориумите.
- По 15 јануари ќе се знае дали и
кога ќе градиме крематориум - изјави директорот Илија Филиповски.
Дотогаш, кажа тој, асоцијацијата на сите претпријатија од Македонија
кои се занимаваат со погребални услуги ќе одржи состанок на кој ќе се
одлучи дали ќе се бара Законот да се дополни со подзаконски акти.
Според Филиповски, „Бутел“ е подготвен да го применува Законот, но не и
другите претпријатија во Македонија кои се недоволно технички и
кадровски опремени и не можат да одговорат на новите законски услови.
По
изградбата на крематориум, предвидено е да се одреди местото на кое ќе
се поставуваат урните. По желба на семејството урните може да се
поставуваат на посебно одредени ѕидови или, пак, да се закопуваат и во
земја. Ќе може да се чуваат и дома. За овој начин на погребување се
заинтересирани одреден број граѓани, но не го одобруваат верските
заедници во Македонија.Од „Бутел“ објаснуваат дека по изградбата на
крематориумот со него треба да стопанисува јавно претпријатие формирано
од државата. Според досегашниот проект крематориумот е предвидено да се
гради на површина од околу 600 квадратни метри. Од „Бутел“ планираат да
купат две современи печки за кремирање. Предвидено е изградбата на
крематориумот да чини од 1,5 до 2 милиона евра.
Кремирањето чини 50.000 денари
Заинтересираните граѓани за кремација на покојниците за оваа услуга
може да се обратат на Акционерското друштво „Бутел“. Бидејќи кај нас
се' уште нема крематориум, покојниците се носат во Белград. Транспортот
и палењето се завршуваат за еден ден, а услугата чини околу 50.000
денари, велат од „Бутел“.
http://dnevnik.com.mk/?ItemID=CF669478D5861A4B93EEC9265D497BE5 |
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#124 Posted: 22-Nov-2008 at 02:24 |
Градењето елита ќе го урне животот во градот
Освен желбата на Владата да ги изгради, нема никаква анализа за тоа како елитните населби ќе влијаат врз животот во градот
Социолозите предупредуваат дека ваквите планови може да го уништат нормалното живеење и функционирање на градот
Таканаречените елитни населби во Скопје, кои ги најавува Владата, донесоа повеќе страв и загриженост
отколку што отворија перспективи за развој. Нема анализа дали му се
потребни на градот, како и колку ќе влијаат на пренаселеноста, не се
знае колку жители ќе имаат, ниту од каде ќе дојдат. Уште помалку каде
ќе работат, каде ќе паркираат, колку населбите ќе го оптоварат градот,
дали и колку ќе го зголемат загадувањето... Надлежните институции
упорно молчат за сето тоа. Се' што кажа Владата беше дека ќе бидат
луксузни, а од Министерството за транспорт и врски, кое ќе ја
спроведува продажбата, не одговараат на ниедно прашање. При нарачката
на плановите Министерството се води од Генералниот урбанистички план на
Скопје - објасни портпаролот Драган Симоновски.
ЛОКАЦИИ
Станува
збор за елитни населби, кои треба да се градат на Зајчев Рид, во
Хиподром, на местото на касарните „Илинден“, „Гоце Делчев“, „Јане
Сандански“ и на касарната во Бардовци. Предвидено е во населбите да
живеат околу 60.000 жители. Предвидено е на местото на објектите на
Министерството за одбрана да се изградат станбени згради, кафулиња и
хотели. Кај „Илинден“ ќе се гради урбана населба, на местото на „Гоце
Делчев“ - комерцијални објекти, а во Аеродром - станбени згради. Во
Бардовци се случи отпосле државата да открие дека земјиштето - кое
мислеше да го продава на странски инвеститори - одамна е
денационализирано и приватно.
Поранешниот главен градски
архитект Никола Велковски, во чиј мандат беше усвоен Генералниот план,
вели дека на овие локации навистина е предвидена изградба, но дури
откако ќе се искористат празните локации во Ново Лисиче, Јурија,
местата на касарните „Илинден“ и „Гоце Делчев“, на фабриките „Треска“ и
„Алумина“ и локацијата кај салата „Партизан“. Пред да почне изградбата
на населбите кај Зајчев Рид и Хиподром, треба да се направи детаљна
анализа дали тие навистина му се потребни на градот - предупреди
Велковски.
ИНФРАСТРУКТУРА
Може да се
претпостави дека постојната инфраструктура ни оддалеку не може да ги
задоволи потребите на новите населби, односно на илјадниците жители во
нив. Останува мистерија дали ќе има доволно струја, вода,
сообраќајници... Социолозите предупредуваат дека ваквите политички
планови може да ги уништат урбанистичките, односно да ги деградираат
нормалното живеење и функционирање на градот.
- За десет години
во Скопје ќе биде неподносливо за живеење. Една третина од населението
би требало да се исели и сега, камоли кога станува збор за доселување
нови жители - вели Илија Ацевски, професор по урбана социологија. Тој
не знае за ниедна стручна институција што направила анализа или
сериозно се занимава со оваа проблематика.Архитектите се песимисти кога
станува збор за финансиските и за другите потенцијали на градската
власт. Чиста утопија е да се проектираат вакви населби ако градот нема
пари, а нема, да изгради инфраструктура за нив - вели Никола
Велковски.Во Општина Карпош сметаат дека нема да има проблеми за
Бардовци и за населбата на Зајчев Рид за во кои е планирано да се
населат околу 27.000 жители. Тврдат дека ќе се гради нова
инфраструктура, која нема да влијае на старата.
ГЛУПОСТ
Градските
власти се загрижени дека централното подрачје ќе биде целосно
блокирано. Сметаат дека прво треба да се изврши ново кроење на
границите на градот, да се реши јавниот превоз - да се воведат трамвај
и ефикасен такси-превоз и друго.Социологот Ацевски вели дека
класификацијата „елитни“ е глупост.
- Дали тоа значи дека ќе го
избираме народот кој ќе живее во хациенди и палати, дека имаме иста
цена за стан како во Лондон или во Париз, а имаме десетина населби
надвор од сите цивилизациски норми? Да не зборуваме дека веќе имаме
елитни населби со дивоградби, кои никој не ги урива - вели тој.
Архитектите
објаснуваат дека во центарот на големите градови се згради на компании,
администрација и слично. Кај нас ќе се случи во центарот на Скопје и
блиските населби да живеат посиромашните жители.Што се однесува до
загадувањето, сите се речиси едногласни дека е можна катастрофа.
Особено во градското јадро поради замислата на Владата тешко да го
оштети Водно со најавата за изградба на пат за Сончев град во Сопиште.
-
Скопската котлина не е погодна за мегаградби, бидејќи го спречуваат
струењето на воздухот. Ова што се прави сега, згуснувањето на
централното подрачје, ќе доведе до природно задушување. Од тоа ќе може
да избегаат само тие што имаат пари - објаснува социологот Ацевски.
ИНФО-Премногу население
Никој не знае колку точно луѓе ќе живеат во населбите. Социолозите
сметаат дека од главниот град треба да се исели една третина од
населението, а не да се доселуваат илјадници жители. Со сегашниот буџет
на Градот, изградбата на силна инфраструктура за новите населби е
невозможна. Градските власти сметаа дека Скопје би можело да ги издржи
новите жители само со нова територијална поделба.
http://dnevnik.com.mk/?ItemID=7363C2EE72457346A04E98A2F9527875 |
|
|
hajzlers
Newbiе
Joined: 22-Nov-2008
Online Status: Offline
Posts: 0
|
Quote Reply
#125 Posted: 22-Nov-2008 at 04:12 |
Здраво  Ке може ли да прашам дали има апдејт за скалите карши Бисер што ги рушеа? Сликичка ако почнало нешто да се гради, рендер, план..нешто? Ајде поздрав! И оф сабџект- секоја чест за она што треба да се гради наместо Алумина, г-спот, како беше
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#126 Posted: 22-Nov-2008 at 04:18 |
Здраво и добредојде
дали има апдејт за скалите карши Бисер што ги рушеа? Сликичка ако почнало нешто да се гради, рендер, план..нешто?
|
Нема абер од таква работа
И оф сабџект- секоја чест за она што треба да се гради наместо Алумина, г-спот, како беше
|
|
|
hajzlers
Newbiе
Joined: 22-Nov-2008
Online Status: Offline
Posts: 0
|
Quote Reply
#127 Posted: 22-Nov-2008 at 04:42 |
|
e dobro de...: )))
|
|
hajzlers
Newbiе
Joined: 22-Nov-2008
Online Status: Offline
Posts: 0
|
Quote Reply
#128 Posted: 22-Nov-2008 at 17:26 |
fala za dobredoshlica Po mene, koga ke zemes toa stanbenite zgradi sto gi napravija, i novot kaj alumina sto ke bide, karsi ete ja i salata boris trajkovski pa i drugite proekti za sportski centri, tamo sto slobodno moze da se naredat.... cel toj del po bul.oktomvriska revolucija ke e mn.atraktiven plus ako go pravat toj trgovskiot kaj bazen mladost. ne razbrav koj ke gradi tamu, ama nema ni vrska. samo ako se vklopuva so okolina. i toa so sportskite objekti e samo za pofalba. two thumbs up! super suburbanizacija vo karposh, ke se mrda naselenieto po poveke centri. taka e i mnogu ponormalno i od aspekt na guzvanje po ulicite i slicno. A i na toj del, deka e blisku do vardar (use i kejot malce pojke da go opraat) ke bide nesto nalik "sportski centar" na skopje: ) lele kolku dobra ideja! ne deka sum strucna (seushte) za ovie raboti, ama mi se svigja. i bashka fasadata na kulata br.10 ako konecno se smeni....ihaaa, ke zalici epten se izvinuvam sto najverojatno postov ne e vo sklop na temata. samo morav da kazam: ))) pozdr!
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#129 Posted: 02-Dec-2008 at 00:59 |
| Над 200 милиони евра инвестиции во Гевгелија |
|
|
|
|
Домашни
и странски инвеститори инвестираат над 200 милиони евра во Гевгелија,
пренесе „Нетпрес“. Се гради нов производствен погон на
„Империјал-табако“, со три нови хали се прошируваат оранжериските
стакленици кај Смоквица.
Производството го прошируваат и
фирмите „Конти хидропласт“ и „Гема хидропласт“, а се прошируваат и
производствените активности во погонот на „Вори“. „Ригоимпекс“ ги
зголемува капацитетите за преработка на 15 милиони килограми грозје, а
„Випро“ почнува со изградба на нов погон за преработка. „Житопром“
отвори нов погон за производство на кроасани, а „Лукоил“ најавува
почеток на изградба на една бензинска пумпа. Турската компанија
„Принцес“ кај Богородица ќе гради нов туристичко-угостителски објект, а
во полн ек е комплетирањето на урбаната документација за изградба на
туристичко-угостителски комплекси „Калифорнија ресорс“ и
„Терме-олимпија“. Сите овие компании ќе овозможат многу работни места
за невработените во Гевгелија и за соседните општини. |
http://www.novamakedonija.com.mk/DesktopDefault.aspx?tabindex=1&tabid=2&fCat=1&top=1&EditionID=251&ArticleID=12546 |
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#130 Posted: 02-Dec-2008 at 01:09 |
| Турската компанија
„Принцес“ кај Богородица ќе гради нов туристичко-угостителски објект |
| а
во полн ек е комплетирањето на урбаната документација за изградба на
туристичко-угостителски комплекси „Калифорнија ресорс“ |
Не можат ни 10 реда да напишат без глупости и погрешни информации
|
|
my Macedonia
Senior Member
Joined: 09-Oct-2008
Location: 🇲🇰🇨🇭
Online Status: Offline
Posts: 4077
|
Quote Reply
#131 Posted: 16-Dec-2008 at 17:31 |
| За подземна гаража три милиони денари
Изработката на еден урбанистички проект за подземни гаражи планирани на локации во центарот на градот, според податоците наведени во финансиски извештаи, ја чинела Општината Центар приближно колку и изградбата на една водоводна мрежа, фекална мрежа или атмосферска канализација. Повеќе од три милиони денари чини изработката на проект за подземна гаража кај паркот „Жена-борец“, планирана на површина од околу 30.000 квадратни метри, за ист проект со слична површина наменет за плоштадот Македонија се потрошени 2,5 милиони денари, а по половина милион чинат проектите за гаражи кај „Палома бјанка“ и Собранието. Наспроти тоа, за изградба на водоводна мрежа во населбата Крњево, Општината издвоила околу милион денари, за фекална мрежа на улицата Орце Николов околу 1.200.000 денари, а за атмосферска канализација на улицата 29 Ноември речиси два милиона. Извештаите за сработеното во изминатите единаесет месеци, кои се усвоија на последната седница на Советот на Центар, наидоа на неодобрување кај советниците од опозициската СДСМ. Советничката Благородна Крстевска-Мојсовска праша зошто повеќе пари се потрошени за одржување на зеленилото отколку за поправање на улиците. - Зошто во зимските месеци јануари и февруари се потрошени суми од 249.500, односно 270.000 денари за одржување на зеленило? Или за хортикултурно уредување на една локација и набавка на 30 мали и уште толку големи четинари се потрошени 389.000 денари, кога во „Паркови и зеленило“ ќе ви потврдат дека цената на мини-садниците е 270 денари, а на големите садници 600 денари за парче? “ праша советничката Мојсовска од СДСМ. Од општинската администрација никој не одговори со објаснување дека градоначалничката Виолета Аларова е болна и затоа не присуствува на седницата. Спорни за советниците од опозицијата беа и предвидените суми во буџетот за наредната година од околу 21 милион денари за урбана опрема, наспроти само 12 милиони денари за патна инфраструктура. Тие обвинија дека Општината идната година ќе троши повеќе пари за други намени отколку за дупките по кои граѓаните секојдневно газат. Пари ќе се трошат и за изработка на детални урбанистички планови и тоа околу 300.000 евра, исто толку и за изградба на пешачки мост, а стотина илјади евра ќе се наменат и за уривање.
Која фонтана чини 28.000.000 денари?
Една третина од буџетот за 2009 година, односно 420 милиони денари, Општината ќе издвои за проекти, дизајн и изградба на споменици. Покрај таа, за некои советници спорна беше и сумата од околу 28 милиони денари за изработка на проект за фонтана. И покрај инсистирањето на советниците да се објасни која е таа фонтана, кој скулптор ја работел, каде ќе биде поставена, од општинската администрација дадоа само делумни одговори.
Како што беше речено, станува збор за коњаничка скулптура и фонтана, за кои минатата година се донела одлука. Во општинските одлуки за споменици само еден е предвиден како фонтана со коњаничка скулптура, а тоа е споменикот на Александар Македонски, кој треба да се постави на плоштадот Македонија.
|
| ¨
|
|
my Macedonia
Senior Member
Joined: 09-Oct-2008
Location: 🇲🇰🇨🇭
Online Status: Offline
Posts: 4077
|
Quote Reply
#132 Posted: 20-Dec-2008 at 15:10 |
Русите заинтересирани за Охрид
20 December, 2008 02:52:00
Големина на фонт:  
Руски богаташи на локацијата „Биљанини извори“ во Охрид сакаат да градат т.н руски бањи дознава Алсат-м. Бизнисмените кои се од руската провинција Новосибриск од почетокот на септември се на постојана релација кон Охрид.Тие сакаат да го откупат целиот простор и да изградат атрактивен туристички комплекс.За разлика од другите бањи во овие се лекуваат хронично болни лица, а се применува и метода за борба против шекерната болест и секаков вид на алергии.Вили Котевски кој е застапник за Русите во Македонија ја потврдува информацијата на Алсат-М. „Планот е тие да направат едно руско село кое за нас би било доста интересно.Таму би имало дрвени куќи како што се прават во Русија на кои нема ни една шајка , како и руски бањи.Тие бањи се како сауни и чуството е прекрасно.Тие се добри за сите оние кои се болни од реума.Таму може и да се преспие ноќе.Во суштина „руската бања“ крева температура и до 100 степени, телото се загрева и можеш комплетно 15 минути да излезеш и да се валкаш во снег и е многу здраво“ Станува збор за сериозна инвестиција бидејки Русите најавиле влог од приближно 500 милиони евра.Никола Иванчик сопственик на агенција за недвижности од Охрид кој деновиве е во постојан контакт со руските потенцијални инвеститори вели дека интензивно се преговара со надлежните државни институции бидејќи целокупното земјиште е во сопственост на државата, „Тие посочија дека во Охрид сакат да го донесат рускиот менталитет преку изградба на руски бањи.Тие најавија дека на крајот би носеле и туристи односно гости од Русија посебно во Охрид.Сакат да изградат и неколку пропрати објекти.Економска оправданост постои бидејќи ќе биде премногу просперитетно за нас како град. Средба со бизнисмените од Русија имал и претседателот на советот на општина Охрид Владо Чингоски. „Од моја страна беше кажано дека за такви инвестиции општина Охрид нема надлежности и дека треба да се обратат до Владата односно до министерствто за транспорт и врски, а она што е во делот на општината во делот на урбанизацијата откако ќе се добијат сите согласности од Владата односно ресорноро министерство ние би излегле во пресрет“ Руските бањи инаку се спој на филозофијата на истокот, мистиката на ориентот и техниката и технологијата на западниот свет.Неколку руски бањи последниве две години се изградени во Србија и Црна Гора. Мики Трајковски/Охрид
|
|
my Macedonia
Senior Member
Joined: 09-Oct-2008
Location: 🇲🇰🇨🇭
Online Status: Offline
Posts: 4077
|
Quote Reply
#133 Posted: 30-Dec-2008 at 09:58 |
| Акчелик“ сака да инвестира 100 милиони евра во Аеродром |
|
|
|
|
 |
Градежната компанија „Акчелик градба“ од Турција била заинтересирана да инвестира 100 милиони евра во општината Аеродром, јавуваат општинските служби. Ова на градоначалникот Кирил Тодоровски му го соопштил Зихни Акчелик, претставникот од оваа компанија на нивната неодамнешна средба.
Турците сакале на пет локации во општината да направат вкупно 10.000 стана, потоа хотели, трговски центри, објекти наменети за СПА-центри и салони за културно-забавни манифестации. Тие им соопштиле на општинарите дека ако им се овозможат услови и ако се постигне договор, би можеле да почнат да градат уште веднаш, а целиот проект би го завршиле за три до шест години, во зависност од техничките услови.
Тодоровски им пренел на инвеститорите дека ќе се заложи за нивниот план и ја понудил логистичката поддршка од општината. Тој со гостите исто така разговарал и за можното збратимување на општината Аеродром со турската престолнина Анкара, а бизнисмените рекле дека ќе се заложат за тоа кај локалните власти во овој град.
Фирмата „Акчелик градба“ има големо искуство во градењето објекти какви што планира да прави во општината Аеродром. Општинарите велат дека Турците употребувале квалитетни материјали, за градбите да траат и по стотина години, а многу вложувале и во хортикултурното уредување, за зеленилото да доминира околу изградените објекти.
Тодоровски моли да му се усвои буџетот
Должни сте во согласност со Законот за финансирање на единиците на локалната самоуправа до 31 декември да го усвоите буџетот за наредната година или барем одлука за привремено финансирање на општината, која би важела до 31 март, порачува Кирил Тодоровски, градоначалникот на Аеродром, во писмото што го испратил до Сашо Петковски, претседателот на општинскиот совет.
Петковски минатата недела најави дека советот нема да гласа за буџетот с? додека не стане правосилна пресудата против градоначалникот, кој е осуден на три години затвор заради примање поткуп. Тој нагласи дека бил против да се остават парите на граѓаните во рацете на криминалец, кој би можел да ги злоупотреби. Поради таа изјава Тодоровски најави кривична тужба против претседателот на советот, истакнувајќи дека никој не смее да го нарекува криминалец додека пресудата не стане правосилна.
- Навремено бевте информирани дека кога ќе помине периодот од 20 дена за советниците да го разгледаат предложениот буџет, тој ќе треба да се стави на усвојување. Во спротивно, ќе ги оставите без плати вработените во општината, во училиштата и во градинките, ќе ја блокирате исплатата на парите кон доверителите, за што потоа ќе бидеме принудени да плаќаме и камати. Вие како претседател, заедно со членовите на советот, ќе бидете директно одговорни за таа состојба - порачува Тодоровски. |
|
|
dejan
Senior Member
Joined: 01-Sep-2007
Location: Australia
Online Status: Offline
Posts: 672
|
Quote Reply
#134 Posted: 30-Dec-2008 at 15:29 |
 Да не е ова стара вест? Нели Тодоровски е во затвор?
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#135 Posted: 30-Dec-2008 at 16:13 |
Не е во затвор, пресудата уште не е правосилна. Ќе видиме што ќе биде со жалбата - се сомневам дека ќе се спаси од затвор пошто извесно казната му ја одредуваат тие што го спакуваа, но до правосилност на пресудата он е слободен и моментално ја врши градоначалничката функција. Ако беше осуден на 5 или повеќе години, тогаш ќе мораше директно да се упати на отслужување, ама он е осуден на 3 години. Во секој случај имам резерви за вакви најави, особено што нема ништо конкретно туку ќе граделе се живо: станови, хотели, трговски центри, спа центри, културни центри... уште само спортски терени фалат 
|
|
pbanks
Admin Group
Joined: 01-Sep-2007
Location: Skopje
Online Status: Offline
Posts: 9141
|
Quote Reply
#136 Posted: 30-Dec-2008 at 17:06 |
Originally posted by Cloverstack
Не е во затвор, пресудата уште не е правосилна. Ќе видиме што ќе биде со жалбата - се сомневам дека ќе се спаси од затвор пошто извесно казната му ја одредуваат тие што го спакуваа, но до правосилност на пресудата он е слободен и моментално ја врши градоначалничката функција. Ако беше осуден на 5 или повеќе години, тогаш ќе мораше директно да се упати на отслужување, ама он е осуден на 3 години.
Во секој случај имам резерви за вакви најави, особено што нема ништо конкретно туку ќе граделе се живо: станови, хотели, трговски центри, спа центри, културни центри... уште само спортски терени фалат
|
биди поконкретен. Фалат голф терени и хотел Хилтон
|
|
pbanks
Admin Group
Joined: 01-Sep-2007
Location: Skopje
Online Status: Offline
Posts: 9141
|
Quote Reply
#137 Posted: 06-Jan-2009 at 02:14 |
Originally posted by lslcrew
Одложена лицитацијата на земјиштето за деловен објект
Продажбата на 4.700 квадратни метри државно земјиште на улица
„Железничка“, наменето за изградба на деловен објект, вчера беше
одложена. По барање на Комисијата за спроведување на постапката,
јавното наддавање се пролонгира за 15 дена. Од Министерството за
транспорт и врски рекоа дека причината за пролонгирањето на
лицитацијата е заради пристигнатата обемна документација на
компанијата-учесник на лицитацијата!
„Има само една
заинтересирана компанија, а која е таа, сега не можеме да кажеме. Така
налагаат правилата на објавата“, велат во Министерството. Доколку се
утврди дека таа ги исполнува критериумите, датумот за јавното наддавање
ќе биде дополнително утврден, а лицитацијата ќе може да се одржи и само
со еден понудувач. (Дс.Т.)
http://utrinski.com.mk/?ItemID=1EB9DF2DD7E304418B18876CAD44C958
|
Ова е последна вест која ја имаме евидентирано за овој плац (карши Љуц) во септември 2008. Незнам дали нешто ни промакнало во меѓувреме но плацов се заградува скроз до паркчето кај МЖ.
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#138 Posted: 14-Jan-2009 at 11:38 |
|
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#139 Posted: 14-Jan-2009 at 11:42 |
Е како така ни промакнало.....?!  Или можеби и ова се прогура некако тивко збутано меќу празници, кој го интересира..... Ајт на здравје!
|
|
vardar
Senior Member
Joined: 03-Mar-2008
Online Status: Offline
Posts: 1106
|
Quote Reply
#140 Posted: 26-Jan-2009 at 00:28 |
КРИЗАТА ДОЈДЕ ВО НОВИОТ ДЕЛОВЕН РАЈ ВО ЕВРОПА
Се одлагаат странските инвестиции во Македонија
Неизвесни се вложувањата на турски Тав, француски „Монтипе“,хрватски „Агрокор“, а нема ништо ниту од изградбата на Сончев град на јужните падини на Водно
Македонија годинава поради светската економска криза ќе се соочи со одлагање странски инвестиции во вкупна вредност од околу 350 милиони евра. Најголем дел од овие инвестиции беа најавени лани како резултат на владината кампања „Инвестирајте во Македонија“, со која државава беше рекламирана како нов деловен рај во Европа, кој на стопанствениците им нуди најниски даноци.
Одлагањето на влез во земјава веќе објави турската компанија ТАВ, која во обнова на аеродромите треба да инвестира 200 милиони евра. Неизвесна е и инвестицијата на францускиот производител на автомобилските делови „Монтипе“ во Индустриската зона „Бунарџик“ поради кризата во автоиндустријата. Французите најавија вложување од 60 милиони евра. Под знак прашање е и инвестицијата на хрватски „Агрокор“, кој требаше само годинава да инвестира 40 милиони евра, а во следните шест години уште дополнителни 100 милиони евра во откупни центри за овошје и за зеленчук, како и синџир супермаркети. Не се остварија ниту плановите за инвестиции на словенечка „Искра“ и на турската „Боротекник отомотив“.
Закочена е и изградбата на Сончев град на јужните падини на Водно. Овој проект е вреден околу 100 милиони евра. Израелскиот инвеститор плати 3,6 милиони евра за локацијата, но се соочува со бирократски проблеми во процедурата на добивање на потребните дозволи.
Турската компанија ТАВ деновиве објави дека ќе продава 30 отсто од капиталот за да може да ги врати долговите за кредити од 144 милиони евра што компанијата ги земала за инвестиции. Извршниот директор на ТАВ, Сани Шенер во изјава за „Фајненшл тајмс“, потврдил дека компанијата има сериозни финансиски проблеми за изнаоѓање средства за веќе најавените инвестиции. Малцинскиот пакет на акции ќе се продава токму да се обезбедат пари за да се реализираат инвестициите во аеродромите во Македонија, Латвија, Казахстан и во Абу Даби. Вкупните долгови на компанијата изнесуваат 758 милиони евра. ТАВ кон крајот на 2008 година побара преземањето и обновата на македонските аеродроми, наместо лани во декември, да почне во септември годинава бидејќи не можат да добијат кредит од банките.
Поради тоа Владата одлучи да не го поништи огласот што го добија Турците, туку да му се остави простор на ТАВ финансиски да закрепне бидејќи веќе е уплатена банкарската гаранција.
Францускиот производител на автомобилски делови „Монтипе“, според зборовите на министерот без ресор Веле Самак, ќе ја одложи за неколку месеци инвестицијата вредна 60 милиони евра, која требаше да почне да се реализира во април годинава. Според Самак, целата работа се одлага бидејќи „Монтипе“ очекувал од автомобилските гиганти „Форд“, „Рено“ и „Ауди“ да соопштат колку делови им се потребни за да се произведат годинава.
Хрватскиот портал „Бизнис“ ја објави информацијата дека земјоделскиот гигант „Агрокор“ ќе го одложи почетокот на работите во Македонија затоа што не може да најде банка која ќе даде заем за нејзините инвестиции. Според првиот човек на „Агрокор“, Ивица Тодориќ, процедурата за добивање проектна документација и дозвола за изградба на двата откупни центра во Росоман и во Струмица се' уште тече. „Агрокор“ требаше да почне да гради пролетоска.
Доцни и почетокот на изградбата на фабриката во Индустриската зона „Бунарџик“ на најголемата словенечка компанија за електронска опрема „Искра“, која требаше да почне со изградба во септември 2008 година. Неофицијално, како причина за одлагање на инвестицијата се сметаат откажаните договори со американските компании.
Владата потпиша меморандум за соработка и со француската „Монтипе“, италијанската „Орланди“, турската „Боротекник отомотив“ и корејската компанија „Тривју“. Според директорот на Агенцијата за странски инвестиции Виктор Мизо, тој е во постојани контакти со „Орланди“ и „Тривју“ кои не најавуваат дека ќе ги одложат инвестициите.
- Се' се одвива според плановите и се вршат анализи и испитувања на пазарот, по кои ќе следува потпишување договор за закуп на земјиште во „Бунарџик“ - изјави Мизо.
Корејски „Тривју“, компанија за производство на ЛЦД-монитори најави дека годинава ќе изгради двокатна фабричка хала на површина од 4.200 квадратни метри. Премиерот Груевски при потпишувањето на меморандумот најави дека годишно „Тривју“ во Македонија ќе произведува 60.000 телевизори од марката „Хасеп“, наменети за европскиот пазар во вкупна вредност од 40 милиони долари. Покрај новите странски инвестиции, и постојните инвеститори во Македонија, како „Лукоил“, „Макстил“ и ЕВН најавија дека ќе ги намалат предвидените вложувања поради кризата.
Турски „Шишеџам“ ќе инвестира в година
Инвестицијата на турската групација за амбалажни стакла „Шишеџам“ ќе се реализира во следната година, изјави македонскиот министер без ресор Хади Незир, по средбата со Теоман Јенигун, директор на групацијата.Според директорот Јенигун, инвестицијата на „Шишеџам“ во Македонија е веќе влезена во нивниот стратегиски план за наредната година.
- Македонија, иако е мал пазар, претставува важен мост за развивање на соработката со земјите од регионот и Европа - рече Јенигун.„Шишеџам“ требаше да влезе на македонскиот пазар уште оваа година, но поради кризата, инвестицијата се пролонгира за 2010 година. Групацијата веќе три години работи во соседна Бугарија, а исто така има инвестиција од 100 милиони евра во Босна и Херцеговина и во Русија.
|
|
|
