Булевар Митрополит Теодосиј Гологанов

Лошо е што заради катастрофалниот урбанизам на потегот од Католичка до Рузвелтова треба улицава да го јаде стапот т.е луѓево што возат по неа...не сакам решавање проблеми на начинот „снаоѓајте се“, ама и овој и семафорот кај Веро се спротивни на основните правила - немаат доволно растојание од веќе постоечки раскрсници (и тоа на улици по правилна хиерархија) и се сечат со улици на кои по хиерархија не би смееле да се сечат...што е уште потрагично, во потегот од Алумина до СД Гоце Делчев според ДУП-овите се предвидени уште 2 вакви станбени улички да излегуваат на Гологанов...кога ќе се насадат семафори и на тие, по улицава има да се вози макс 20km/h и залудно е какво било проширување и кружни текови...

Корегирана е скицата. Може чита build некој тамо или па им текнало дека има грешка.



Edited by lslcrew - 07-Oct-2011 at 14:58

Е на ова видео веќе има логика. За тоа дискутираме веќе со недели.

Теодосиј Гологанов од денеска со четири ленти Заврши првата фаза од проектот за проширување и реконструкција на една од позначајните скопски сообраќајници – улицата Митрополит Теодосиј Гологанов. Проширувањето се одвиваше на потегот помеѓу улиците Франклин Рузвелт и Костурски херои, а проширен беше и кракот кон улицата Мито Хаџивасилев Јасмин до свртувањето кон улицата Народен фронт. На досегашните три ленти е додадена уште една (од десната страна во насока кон центарот на градот) со вкупна должина од 1.600 метри. Новата ширина на коловозот изнесува 13 метри.   Асфалтирани се вкупно околу 20 илјади метри квадратни, при што завршниот слој е изработен со полимер којшто го забавува стареењето на асфалтот и формирањето на колотрази, односно вдлабнувања од движењето на возилата во подолг временски период. Од десната страна на сообраќајницата исто така се поставени 35 нови светлосни столбови. Новото осветлување го реализираше фирмата „Магнус инжинеринг“ за цена од 5,2 милиони денари. Тротоарите се широки по 3,5 метри и се покриени со бехатон плочки со вкупна површина од осум илјади метри квадратни.   На улиците 9-ти Мај и Костурски херои е воведен еднонасочен режим на сообраќај. Кај вкрстувањето на улиците Митрополит Теодосиј Гологанов, Мито Хаџивасилев Јасмин и Костурски херои е формиран „турбо“ кружен тек [» мапа], којшто е новост во нашата држава. Двете нови семафоризирани крстосници, на улицата 9-ти Мај и на свртувањето кон улицата Народен фронт ќе го регулираат дотокот на возила во кружниот тек. За зголемување на безбедноста на пешаците околу кружниот тек ќе се постави метална заштитна ограда во должина од 280 метри.   Покрај „турбо“ кружниот тек, значајна новост е воведена и кај хоризонталната сигнализација – крстосниците се исштрафирани со црвени линии. Ваквото обележување означува дека е забрането влегување во крстосницата во случаи кога возилото нема простор веднаш да ја напушти, односно кога излезната сообраќајница е закрчена. Со оваа мерка надлежните ќе се борат против несовесните возачи кои неретко ги блокираат пофреквентните крстосници во градот.   Изведувач на градежните работи беше фирмата „Бауер БГ“. За овој зафат градот издвои 96 милиони денари, иако првичниот буџет за проектот изнесуваше 72 милиони денари. Во наредниот период треба да следува втора фаза на проектот, односно проширување на улицата Митрополит Теодосиј Гологанов од вкрстувањето со улицата Франклин Рузвелт до вкрстувањето со улицата Московска, исто така со доградба на една лента.

http://www.build.mk/?p=10011

Пак има грешка во кружниот тек, не го бива , требаше сличен на тој пред континентал ,вака не дека е збунувачки туку и нефунционален, 2 правци пак се збунувачки,нема шанси да ги средат со овој начин на турбо кружен тек.

Не сум во можност сега да објаснам ,сметам дека кругот требало да се стесне уште малку за уште една лента, така немаше да има многу контрадикции.

Originally posted by Macedonicus Значи колку ме нервираат таквите што само критикуваат и негодуваат..па можеби подобро ќе беше да си останеше како претходно ?!?! Дајте малку научете да се радувате на тоа што се прави во градов..

Колку за твоја информација претходно раскрсницата беше одлично склопена за две еднонасочни улици од двата правци пред католичка кои со изградната на Јужен треба да се вратат во функција. Тоа кај нас примитивно решение со недоизграден булевар и двосмерна по природа едносмерна улица правеше таков хаос... Дури за жал и овој кружен тек иако е одличен сепак е утка голема бидејќи со изградната на Јужен тој би немал функција и би требало да се руши.

Originally posted by Macedonicus Значи колку ме нервираат таквите што само критикуваат и негодуваат..па можеби подобро ќе беше да си останеше како претходно ?!?! Дајте малку научете да се радувате на тоа што се прави во градов..

А нели е подобро наместо да ги делиме соговорниците на такви што критикуваат наспроти такви што аплаудираат (и тоа едните демек биле по дифолт лоши, а другите добри), да се сконцентрираме на квалитетни анализи, аргументирани дискусии, споделување на материјали и слично? Овде не сме да навиваме, туку да се информираме, да научиме нешто од другите, да научат другите нешто од нас, да создадеме некаква вредност, да дадеме скромен придонес за унапредување на состојбите во државава во сферите што се од интерес на форумот.

Исто така „подобро од претходно“ не кажува нешто особено многу, бидејќи „подобро од претходно“ може исто така да е катастрофа, само за нијанса помала, а во меѓувреме во неповрат отишле многу пари, простор, енергија... Тоа не е вистинскиот пат напред.

Овие работи ги кажувам онака генерално. Едноставно пречесто се случува дискусиите да паднат во такви и слични стапици и да се вртиме во безвезен круг. Наместо продуктивни нишки, премногу често ја трошиме енергијата во сосема погрешен правец.


-----------------------------------------------------------

Да се вратам на темата.




Кружниот тек очигледно ќе ја зголеми безбедноста на оваа бивша црна точка (мада се разбира дека при реализација на Јужен Булевар не би била црна точка затоа што улицата ќе биде еднонасочна). Но приказните за големата проточност завршуваат овде:

Двете нови семафоризирани крстосници, на улицата 9.Мај и на свртувањето кон улицата Народен фронт го регулираат протокот на возила во кружниот тек. http://www.skopje.gov.mk/ShowAnnouncements.aspx?ItemID=4551&mid=482&tabId=1&tabindex=0

Да беше ова сообраќајно решение така волшебно проточно како што ни се сервира, немаше да треба да го сардисаат со две крстосници кои ќе го регулираат дотокот на возила.




Кај патоказите има пропуст. Идентичен патоказ е поставен и од правец на студентскиот дом „Кузман“ и од правец на Нова Македонија. Но од Нова Македонија не може да се сврти 150 степени и да се продолжи накај болницата, како што сугерира патоказот, туку комплет полукружно. Се работи за грешка или па до толку не сакале да се „замараат“ со мала модификација? Вака едноставно информацијата на патоказот е погрешна, без разлика што не се работи за големо отстапување. А со оглед на тоа дека добар дел од возачите се ионака збунети, ваквите работи доаѓаат како капак. Жалосно е што постојано се прават вакви базични пропусти. Но барем сега нека ја поправат грешката, пред да пушти корења и да остане така во наредните 15 години.

OK


Не чини!






И за крај клише - полицијата да престане да спие. Ниту едно сообраќајно решение нема смисла, доколку владее анархија. Денеска неколку пати ме носеше патот од кај кружниот тек, цело време таму дремеше еден полициски крајслер, ама што фајде кога на сто метри од таму, цело време, тотално непрописно се уклучуваа и исклучуваа возила од една од тие слепите улички близу католичка црква... преку тротоар и преку полни линии. Чуму проектов, за сега вака ли да се тера?!?

Originally posted by gjoko турбо модерна сообраќајница

Аааа бре новинари! За друго беше турбото, не за модерна сообраќајница!

Кловер имаш одличен осет за некои ситници, добро си ја обработил улицата!

Не научија.тротораи- нерамни,криво наредени после сто метра идење одма те боли грбот.рабници -прљави ,изчукани и аматерски спуштани кај пешачките премини.пропаднат тротоар кај католичка.нерамни шахти и покрај курс за нова техника за правење на истите .делот на улицата кај што е шахтата кај рузвелтова цел е подигната.и покрај референтната листа на бауер- МХ Јасмин,Кузман,Васил Ѓ -сите утки,утки потврдени и од самата градска администрација таа фирма упорно се ангажира