Стартува изградбата на пет мини хидроцентрали во Каварадци

Во Кавадарци денеска почнаа работите за изградба на пет мини централи и реконструкцијата на дел од водоводниот систем “Бошава”. Кавадаречкиот градоначалник Александар Панов им ја врачи градежната дозвола на локалното претпријатие Водостопанство “Тиквеш“ и Турбоинститит од Словенија како партнер на водостопанското претпријатие.

- Со реализацијата на овој проект ќе ги добиеме потребните количини вода низ овој цевковод, стабилна вода во каналот и технолошка вода за кавадарчани. Имајќи го во предвид и другиот проект, кој веќе се реализира за зголемени количини на вода за пиење, јасно е дека Кавадарци добива и вода за пиење и вода за наводнување со технолошка вода за градот, како и производство на електрична енергија, рече Панов.

Директорот на „Тиквеш“ се заблагодари на локалната самоуправа што навреме ги обезбедила потребните документи за старт на работите. Владимир Керцан од Турбоинститут Словенија рече дека е горд што е дел од прокетот кој ќе донесе не само струја, туку и доволно вода.

- Денеска почнува реконструкцијата на каналот и би сакале работата да ја завршиме до крајот на годината, рече Керцан.

Мини-централите ќе произведуваат 37 гигават часови електрична енергија

http://ekonomski.mk/?p=28009

Германската „PCC DEG Renewables“ гради 5 мали хидроцентрали во Македонија

Германската компанија „PCC DEG Renewables“, која од македонските власти доби лиценца за изградба на пет мали хидроцентрали во земјава, првата од нив, Градечка, планира да ја стави во погон во третиот квартал од годинава, изјави извршниот директор на компанијата, Дирк Гурцених, во интервју за „Сеењуз“. Вкупниот капацитет на петте мали хидроцентрали е околу 6 мегавати.

Градечка е лоцирана на истоимената река 90 километри источно од Скопје, а нејзината изградба за почна кон средината на 2012 година.

Други две хидроцентрали, Патишка и Галичник, компанијата ги започна со изградба во декември 2012, при што првата треба да биде пуштена во работа на почетокот на 2014, а другата на крајот од годинава.

Овој месец „PCC DEG Renewables“ започна со изградба и на малата хидроцентрала Брајчино, а Гурцених во интервјуто вели и дека почетни преговори се вршат и со потенцијални финансиери за уште една хидроцентрала – на Крива Река. Концесијата за овој проект со македонските власти е потпишана во септември лани.

- Добивме позитивни сигнали дека оваа хидроцентрала евентуално би можеле да ја финансираме со средства од Европската банка за обнова и развој – вели Гурцених во интервјуто.

PCC DEG Renewables во моментов инвестира во електрани на ветар и хидроцентрали во БиХ, Македонија и Бугарија.

Компанијата е основана од германската енергетска компанија PCC SE и германската развојна и инвестициска компанија DEG која е во сопственост на развојната банкарска групација КфВ (KfW).

http://www.plusinfo.mk/vest/79137/Germanskata-PCC-DEG-Renewables-gradi-5-mali-hidrocentrali-vo-Makedonija?utm_source=daily.mk

Струјата од ХЕ „Тиквеш“ ќе финансира до 30 отсто од трошокот за градба на ХЕ „Чебрен“

ХЕ„ Тиквеш“ е мамка за инвеститорите што конкурираат на новиот тендер за изградба на хидроцентралите „Чебрен“ и „Галишта“. Тиквешката хидроцентрала годишно просечно произведува струја за која на отворен пазар може да наплати повеќе од 10 милиони евра годишно, покажува анализата на МКД.МК. Оваа хидроцентрала во последниве три години произвела повеќе од 570.000 мегаватчасови електрична енергија. Доколку оваа енеергија ЕЛЕМ, сопственикот на Х.Е. „Тиквеш“, ја продавал на берза би добил повеќе од 45 милиони евра за три години.  Новиот тендер за градба на мегапроектот „Чебрен и Галиште“ предвидува оваа хидроцентрала да биде предадена на користење на инвеститорот три месеци откако ќе биде склучен договорот со Владата и ЕЛЕМ.

Тендерот предвидува хидроцентралата „Чебрен“ да биде изградена и да произведува струја за седум години. Целиот проект „Чебрен-Галиште“ е проценет  на околу половина милијарда евра.

Со тоа инвеститорот ќе добие право електричната енергија што ќе ја произведува Х.Е. „Тиквеш“ да ја продава по пазарни цени на некоја од берзите за електрична енергија во регионов или на македонска берза за струја ако дотогаш се формира пазар за електрична енергија во Република Македонија.

Досега струјата од Х.Е. „Тиквеш“, ЕЛЕМ беше должен да ја продава по регулирана цена што ја утврдува Регулаторната комисија за енергетика. Таа цена е фиксна годишна цена и е речиси двојно пониска од цената што на пазар може да ја постигне тиквешката хидроцентрала. Предноста на хидроцентралата е тоа што струјата може да ја испорача во моментот кога се бара и заради тоа нејзиниот закуп вреди секогаш дополнително повеќе од закуп на пример на термоцентрала која произведува енергија од тврдо гориво или од мазут.

Како произведувал Х.Е. „Тиквеш“ последниве три години

Официјалните статистички податоци покажуваат дека Х.Е. „Тиквеш“ во 2010, 2011 и 2012 година произвел 578.700 мегават-часови електрична енергија. Најмногу произвел во 2010 година кога заради исклучително добрата хидрологија тој капацитет дал на мрежа 327.000 мегават-часови електрична енергија. Во 2011 година хидроцентралата произвела 146.200 мегават-часови електрична енергија што претставува значаен пад во споредба со претходната година. Лани хидроцентралата имала најлоша година во изминативе три години. Произвела одвај 105.500 мегават-часови електрична енергија заради сушната година, односно лошата хидрологија. Значи оваа хидроелектрична централа лани и преклани произвела по 10 отсто од целото производство на хидроенергија во земјава, а во 2010 година произвела дури 14 отсто од целата произведена струја од вода во капацитетите на државниот производител ЕЛЕМ.

Во пазарни услови Х.Е. „Тиквеш“ би бил исклучително посакуван бизнис проект. Со неговиот инсталиран капацитет од 96 мегавати „Тиквеш“ има речиси 20 отсто од целиот инсталиран капацитет за производство на струја од водни ресурси во земјава. Цената на хидроенергијата на берза, заради нејзината достапност, секогаш е повисока од цената на базната, односно на енергијата што се произведува од термоцентралите. Заради тоа „Тиквеш“ годишно од продажба на пазар би можел остварува приход од барем 10 милиони евра и тоа во хидролошки лоша година. Додека во исклучително добра година како што била 2010 година неговиот приход од продажба на струја би надминувал 25 милиони евра според цените на балансната, односно на „пиковата“ енергија.

Izvor: MKD, http://www.mkd.mk/88752/ekonomija/strujata-od-he-tikves-ke-finansira-do-30-otsto-od-trosokot-za-gradba-na-he-cebren/

Св. Петка...