Доколку постои посоодветна тема за оваа статија, администраторите/модераторите нека го преместат овој пост во таа конкретна тема.
 
На Интернет страницата кон која води наредниот линк е објавен и видео клип поврзан со конкретната статија.
 
http://www.telma.com.mk/index.php?task=content&cat=1&rub=6&item=33138
 

ХЕ „БОШКОВ МОСТ“ ЌЕ ГО УНИШТИ НАЦИОНАЛНИОТ ПАРК „МАВРОВО“

 

12.12.2013     Здружението „Eко свест“ предупредува дека со изградбата на хидролектраната Бошков Мост ќе бидат одброени деновите на Маврово како на Национален парк, бидејќи ќе се изменат водотеците, а со тоа и флората и фауната. Здружението, како и странски експерти еколози, се категорични дека изградбата на   хидроелектрана ќе го загрози опстанокот на балканскиот рис.   Европската банка за обнова и развој одлучила да ја финансира изградбата на хидроелектраната „Бошков мост“ и покрај тоа што на тој начин ги прекршила сопствените еколошки и социјални процедури. Банката за овој проект на македонската влада и даде кредит од 65 милиони евра без да спроведе добра анализа за штетните влијанија кои тој ќе ги има врз животната средина, велат од здружението „Еко-свест“, кое пред две години поднесе жалба до ЕБОР за овој случај. Според нив, најголема опасност му се заканува на балканскиот рис, кој токму пределот каде ќе се гради централата го користи како природна средина за размножување.    - Балканскиот рис, според најновите истражувања на Меѓународната унија за заштита на природата, се смета за критично загрозен вид. Ако тој живее на теренот каде се планира проектот, тоа е живеалиште на критично загрозен вид и банката автоматски не би требало да финансира проект на таква територија, изјави Ана Чоловиќ Лешоска, извршен директор на „Еко-свест“.   По жалбата на „Еко-свест“, ЕБОР спровела истражување преку кое се утврдило дека не биле почитувани дел од процедурите на банката, но сепак за сега нема најави дека ќе се повлече од проектот, објаснува Чоловиќ Лешоска.    - Ова е класичен пример каде банката се обидува да каже дека се` е во ред, има некаква студија за животната средина, дека има недостатоци, но тоа ќе се адресира по потпишувањето на договорот.   Осумдесет отсто од површината која ќе ја зафаќа проектот „Бошков мост“ ќе биде во рамките на националниот парк „Маврово“. Ова предизвика рекации и кај меѓународните еколошки организации. Тие веќе имаат петиција против изградбатан а хидроцентралата, која за четири дена ја потпишале 70 реномирани научници од цела Европа.    - За нас во Европа не е јасно како е можно организација како ЕБОР воопшто да размислува да финансира уништувачки проект во границите на еден национален парк. Ако изградите хидроцентрала во националниот парк Маврово најискрено би било да се откажете од него и да признаете дека тоа повеќе не е национален парк. Не знам како воопшто се осмелуваат да градат централа таму, рече Улрих Ајхелман, од Организација за заштита на реките „Riverwatch” од Австрија.   Според најавите изградбата на хидроцентралата „Бошков Мост“ треба да почне до крајот на оваа или на почетокот на идната година. Станува збор за електрана со моќност од 70 мегавати, чија изградба ќе чини вкупно 107 милиони евра.   [ Мирко Трајановски ]

Macedonia’s ELEM calls tender for construction works at St. Petka dam - TED

December 18 (SeeNews) – Macedonian power producer ELEM called a tender for construction works at hydro power plant St. Petka's dam, the European Union’s procurement journal said on Wednesday.

http://wire.seenews.com/news/macedonia-s-elem-calls-tender-for-construction-works-at-st-petka-dam-ted-395811

Пуштена во употреба новата хидроцентрала на реката Студенчица

Се привршуваат и проектните активности и за изградба на уште една хидроцентрала, која ќе биде монтирана на цевководот од хидросистемот кај населбата Варош во близината на Прилеп
Паралелно со редовното водоснабдување на над 200.000 жители од шест општини во југозападниот дел на Македонија, јавното претпријатие „Студенчица“ почна со производство и на електрична енергија, откако во почетокот од оваа календарска година ја пушти во употреба новата хидроцентрала, со инсталирана моќ од 446 киловат-часа. - За изградбата на малата хидроцентрала нашата компанија потроши 34.950.000 денари сопствени средства. Работите ги изведе компанијата „Фероинвест“ од Велес, а опремата што е вградена во новиот капацитет е произведена во три земји, и тоа турбината е од австрискиот производител „Глобал хидроенерџи“, трансформаторот е на италијански „Тесал“, додека генераторот е на хрватската компанија „Уљаник“. Карактеристично е што новата хидроцентрала ќе ги користи преливните води од хидросистемот и воопшто нема да го попречува водоснабдувањето од хидросистемот. За да работи со полн капацитет, новата хидроцентрала ќе користи 300 литри вода во секунда, која потоа повторно ќе биде вратена во коритото на река Студенчица - рече Гоце Наќески, директор на јавното претпријатие. Тој потсети дека се привршуваат и проектните активности и за изградба на уште една хидроцентрала, која ќе биде монтирана на цевководот од хидросистемот кај населбата Варош во близината на Прилеп. Инаку ова претпријатие и понатаму има проблеми со наплатата на испорачаната вода, бидејќи некои општините имаат заостаток постар и од десет години. - Иако главните потрошувачи од хидросистемот, градот Прилеп и РЕК „Осломеј“, редовно ги намируваат обврските кон јавното претпријатие, не можеме да се пофалиме дека и другите општини редовно ги намируваат своите долгови. Така што општините Долнени и Пласница, па и другите што ја користат водата од овој хидросистем, имаат заостанат долг што не е намирен речиси 10 години. Наскоро ќе склучиме спогодби со овие општини за плаќање на рати, а за редовно сервисирање на обврските ќе им биде овозможен и попуст. На овој начин сметаме дека до 2020 година целосно ќе ги намириме сите достасани а ненаплатени долгови - вели Наќески.

http://novamakedonija.com.mk/NewsDetal.asp?vest=1314843164&id=10&prilog=0&setIzdanie=23067

Интензивно се градат петте мини хидроцентрали во кавадаречко
Петок, 14 Февруари 2014 09:18

Интензивно се извршуваат градежните работи од проектот за изградба на пет мини хидроцентрали на хидро системот Бошава, повеќенаменски проект преку кој ќе се обезбеди вода за наводнување и за пиење, а пет мини централи ќе произведуваат електрична енергија, пренесува дума.мк.


Во моментов се извршуваат градежни активности на повеќе потези. Се врши реконструкција на постоечките објекти, на Стара река се гради тиролски зафат, а се   работи и на отворената каналска мрежа. Исто така се извршуваат и градежни работи за надвишување на моклишкото езеро за 2,5 метри.

Директорот на водостопанство “Тиквеш“ Љубе Димов појаснува дека проектот “Бошава” е повеќенаменски и од големо значење за општината. Покрај изградбата на хидроцентралите опфаќа комплетна реконструкција на Тиролскиот зафат како и реконструкција на стариот хидросистем “Бошава” изграден 1957 година.

„Моментално се изведуваат градежни работи на самиот зафат на Моклишкото Езеро. Се гради преграда која ќе го надвиши езерото за 2,5 метри со што ќе се добијат плус околу 400 000 метри кубни вода, што дополнително ќе се акомулира во оваа акомулација. Исто така низводно се прават цевководите каде што треба да се постават малите пет централи чија моќност е околу 11 мегавати“ рече Димов.

Со сите активности кои се реализираат околу Моклишкото Езеро, пред се со реконструкцијата, за долг период се зголемува и безбедноста од можно излевање на водата од езерото.

Курир

ХЕЦ Вруток (фото: МИА.мк)

ЗА 80 МАЛИ ХИДРОЦЕНТРАЛИ ДОСТАВЕНИ 49 ПОНУДИ

До Министерството за животна средина се доставени 49 понуди од домашни и странски компании за вкупно 80 локации за мали хидроелектрани, информира министерот за животна средина и просторно планирање Абдилаќим Адеми при вчерашното отворање на понудите.

- Ова е голема заинтересираност за изградба на ваквите хидроелектрани затоа што и студијата што беше подготвена од Министерството покажуваше дека некои локации се поатрактивни. Владата пред да го отвори овој повик имаше неколку измени околу овластените тарифи и олеснување за инвеститорите с` со цел локациите да бидат поатрактивни и да имаме повеќе заинтересирани, истакна Адеми.

За уделот на обновливите извори на енергија, министерот посочи дека во вкупната потрошувачка на енергија, тие учествуваат со 15 до 16 проценти.

Kонцесијата, за користење вода за производство на електрична енергија од 80 мали хидроелектрани на сливовите на реките Вардар, Треска, Брегалница, Струмица и Црн Дрим, се дава на 23 години, од кои три години изградба и 20 години концесија за искористување вода.
http://www.dnevnik.mk/default.asp?ItemID=E1571D53B1D4674E882C96A4215461E3

СТУДЕНТИ МОТИВИРАНИ ЗА ЕНЕРГЕТСKА ЕФИKАСНОСТ

СО ГЕНЕРАТОР НА ВАРДАР ПЛОШТАДОТ ЌЕ СВЕТИ БЕЗ ПАРИ




Електрична енергија која ќе се добива со искористување на водата од реката Вардар со изградба на генератор, а ќе се користи за осветление на градскиот плоштад е проектот на петмина студенти од Факултетот за електротехника и информациски технологии (ФЕИТ), кои ја добија втората награда во вредност од 300 евра на натпреварот „Енергетска азбука“ што се организира неодамна. Станува збор за тимот „Енергетика 6“, составен од Димитар Трајковски, Александар Петроски, Марко Поповиќ , Дарко Алексовски и Јане Веселинов, кои ја завршуваат третата година од студиите.

Дење се полни, ноќе свети

Марко Поповиќ објасни дека на почетокот имале повеќе идеи за натпреварот, но на крајот надвладеал генераторот на Вардар, пред с` затоа што се работи за голема река со недоволно искористен воден потенцијал. Димитар Трајковски се надоврза дека проектот предвидува прво да се постави проточна турбина во Вардар, која ќе се поврзе со генераторот, а тој, пак, преку инвертор со батерии.

- Притоа се создава наизменична струја. Идејата ни беше, во текот на денот, додека не работат светилките во период од десет часа, преку генераторот да се наполнат батериите. А во наредните 14 часа, кога се вклучува осветлението, напојувањето да се земе од батериите и на тој начин да се осветли плоштадот Македонија - објасни Трајковски и додава дека тоа е само еден дел од нивната замисла.

- Другиот дел е, во истите 14 часа кога се вклучува осветлението, светилките да имаат и директно напојување од генераторот. Заедно ќе работат и батериите и генераторот - истакна Трајковски.

Александар Петроски дополни дека, наместо сегашните светилки, во нивниот случај ќе има светилки со помала моќност.

- Сето ова ќе значи заштеда на електричната енергија за Градот Скопје, ако решат да го осветлуваат плоштадот на ваков начин. За приближно пет години инвестицијата се враќа и тогаш Градот ќе добие бесплатна струја за плоштадот. Со тој еден генератор не би можеле да се осветлат и улиците. Но, ако се постават повеќе генератори или еден со поголема моќност, тогаш би било можно тоа да се примени и на уличното осветление - велат од тимот „Енергетика 6“.

Инвестиција од 60.000 евра

Генераторот кој би се применил за конкретниот проект треба да биде од 24 киловати, а инвестицијата би била околу 60.000 евра, без правните дозволи.

Иницијаторот за овој тим да се здружи бил Марко, кој сакал да го искористи нивното секојдневно дружење и заедничко студирање и за натпреварот. Идејата, пак, да се претстават со генераторот била на Јане Веселинов, кој моментно е на летна работа во САД.

- Оваа награда за нас е мотив да се пријавиме и на слични вакви натпреварувања во иднина. Освен парична награда, ЕВН ни понуди и практикантска работа - вели Петроски.

За да го направат проектот за генератор на Вардар и бизнис-планот на овој тим му бил потребен еден месец. Нивниот проект, велат, е изводлив и ако се најде инвеститор, може да се реализира.

Нивната цел за во иднина во кариерата е да се да се занимаваат со обновливите извори на енергија и со проекти за нивно максимално искористување. Натпреварот го организираше ЕВН Македонија во рамките на Платформата за енергетска ефикасност, заедно со Министерството за економија.

Анела Петрова
http://dnevnik.mk/?ItemID=F477FC0FB68CD64897584F7B8229BEB4

Ѓоко ако проектот навистина се исплатува за 5 години, нека се и 10 треба да се гради со пари од градот.За енергетски проекти мислам дека се сметат за исплатливи ако се враќат парите за едно 25 до 30 години.
Плус не е само до парите туку и до иновативноста. Јас мислам дека од тој аспект треба да се биде прагматичен па ако треба на почетокот нека има и загуби. Но сознанијаташто ќе се соберат можат после многу да вредат.
ЈАс ваква прагматичност посакувам и во сообраќајните решенија.

Почнува со работа модернизираната хидроелектрана „Вруток“

"АД „Електрани на Македонија“ денеска ќе го означи почетокот на работата на модернизираната хидроелектрана „Вруток“.Како што соопшти компанијата, станува збор за дел од проектот „Ревитализација на хидроелектрани - втора фаза“.

http://www.mia.mk/mk/Inside/RenderSingleNews/32/120170466

Edited by jyvation - 17-Nov-2014 at 02:26