Катна гаража Тодор Александров - кај Беко

ОБЈЕКТ БЕЗ ВРЕДНОСТ ГО ДОБИ ИМЕТО НА ТОДОР АЛЕКСАНДРОВ

Нејасен и несериозен потег на градските власти е именувањето на катна гаража по Тодор Александров, реагираат дел од историчарите. Според нив, ваквата одлука не заслужува сериозна и стручна дебата, но заради чувството на граѓанска одговорност велат, одлучиле да се огласат во јавноста.

„Ако според образложението на градоначалникот Коце Трајановски и на Советот на Градот Скопје, Тодор Александров е толку важна личност за историјата на Македонија, зошто на еден таков профан објект, како што е катна гаража во која се паркираат aвтомобили што продуцираат издувни гасови треба да се става име на голем револуционер“, вели Наталија Поповска, историчар.

За историчарите, подеднакво нелогично е и решението на градоначалникот Коце Трајановски градската куќа да ја нарече Мајка Тереза, Агенцијата за електронски комуникации „Објект Лидија од Македонија“ и антенскиот ситем на Водно „Кулата на Александар“. Прашуваат зошто објекти кои немаат никаква вредност воопшто треба да се именуваат.

„Што се однесува на имињата и на другите, исто така, профани објекти, не можам да ја сфатам потребата за такво нешто. Мислам дека Градот и Советот на Град Скопје имаат посериозни теми за разговор и посериозни одлуки коишто треба да ги донесат за доброто на градот и на граѓаните“, смета Поповска.

За дел од историчарите ваквите одлуки на градските власти најчесто се носат од незнаење, но во последните примери гледаат и намерно однесување, со цел да се испровоцира и деградира стручната фела.

http://telma.com.mk/vesti/objekt-bez-vrednost-go-dobi-imeto-na-todor-aleksandrov

На првите две слики најгоре се наѕира и куполата.

Edited by jyvation - 21-Jul-2014 at 00:59

DSC04692 by george k. 1981, on Flickr

ЗА ЛИФТОВИТЕ ВО КАТНАТА ГАРАЖА „ТОДОР АЛЕКСАНДРОВ“ 325.000 ЕВРА

Градските власти договорија да ги купат лифтовите потребни за катната гаража „Тодор Александров“, лоцирана на „Даме Груев“. Неодамна, склучија договор со скопската фирма „Тин елеватор“ за набавка на неколку лифта и ескалатори за објектот што е во фаза на изградба. Градот ќе плати речиси 325.000 евра за нивна набавка и монтажа. Ќе се купат четири патнички лифтови без машинска просторија, еден кујнски малотоварен лифт, еден хидрауличен товарен лифт со машинска просторија како и два ескалатори. Со потпишаниот договор, ангажираната фирма ќе има обврска и да ги одржува и сервисира лифтовите и ескалаторите во период од две години. Во рок од пет месеци, пак, лифотвите ќе треба да бидат монтирани.

Со оглед на договорот за набавката, извесно е дека изградбата на катната гаража е во напредна фаза. Градските власти во неколку наврата не сакаа да кажат барем приближно, кога објектот ќе биде готов, со оглед на досегашниот тек на изградбата.

Имено, одамна веќе е пробиен најавениот краен рок за завршување на гаражата. Таа уште лани требаше да стане функционална, но изградбата меѓу другото задоцни и поради банкротот на хрватската компанија „Конструктор инженеринг“, која првично беше избрана за изведувач. По неочекуваната ситуација, градските власти бараа нова градежна компанија. На тендер беше избран „Бетон“.

Според најавите, објектот ќе биде висок 23 метри и ќе се состои од две подземни и седум надземни нивоа. Гаражата ќе има капацитет за паркирање за 605 автомобили и 105 велосипеди. Освен паркинг-простор, во објектот ќе има и деловни простории.

Инаку, ова е една од двете катни гаражи, чиј инвеститор е Град Скопје. Првата, „Свети Кирил и Методиј“,, онаа кај поранешен Цветен пазар, веќе е предадена во функција.

http://www.utrinski.mk/?ItemID=ED68F8702CC36D43AF3DDB429C738644

1


2


3


4

Еве ја и куполата ја сликав денес.Иначе приодот до катнава гаража е всушност од позади, измеѓу гаражава и Министерството за финансии(Југобанка)

DSC06223 by george k. 1981, on Flickr

ja sum oduseven od fasadava(osven kupolata)

Се завлечка малку работава овде...