Јас сум за иницијативата. Дефинитивно треба да настапиме како заинтересирани граѓани и членови на Билд, максимално аполитички, и со конкретниве предлози и скици. Не би било лошо и од некои од ахитектите на форумов да чуеме мислење или пак да дојде во недела.

Originally posted by StreetStruck Апсолутно се согласувам, не да се иде со 20 души туку туку 3-4 луѓе кои ќе знаат да објаснат, да кажат што имаат, без навреди, без инаети,без партиски муабети, со строго изграден став, за да звучи се тоа сериозно и издржано. Затоа треба малце посериозно и порешително да се пристапи. Предлозиве се добра основа според мене.

Точно така. Најдобро е како што вели СтритСтрак. Неколку луѓе, не голем број. Но да се оди во име на форумот и членовите.

И сакам уште нешто да додадам. Никој од страна да не биде вмешан, или да не му се дозволи да се вмеша и приклучи. Секој би можел да ја подржува идејата, односно да му се допаѓа. Но да не смее да биде вклучен во официјалниот став, пристапот, настапот и настанот.

Односно, единствено и исклучиво членови на форумот да бидат во организација на иницијативата и нејзиното спроведување. И јас сум целосно против некој од надвор да биде вмешан.

А кога ќе треба да се претстави пред властите и евентуално пошироко. Тоа да го направат мал едноцифрен број на луѓе, но со подршка и од другите членови кои се вклучени во целата активност.

Edited by FoSsiL - 16-Dec-2011 at 20:16

Идејава за лепенка на Сити Галери е

Доброволно се пријавувам за „крстоносци“ ако одите со овој предлог.

Едно прашање, што веројатно ќе го одговори некој откако ќе се состанете во недела: дали само ќе барате да се задржи погледот кон споменикот или ќе предлагате ваше решение за објектот? (наизглед исто, меѓутоа може да има различен ефект врз суетата на политичарите)

И една забелешка на планот за локацијата: скалите што ги забележа lsl се целосно во површината на плоштадот, ограничена со регулациона линија. И покрај тоа што таквата линија од многу причини и не е многу логична и не мислам дека треба да се појавува, сепак во случајов дава некаково ограничување за околните градежни површини. Е сега, како тргнале да поништуваат, веројатно и тоа не им е проблем.. Веројатно веќе имаат решение за објектот, само тајниот архитект не можел да го венесе во дадената површина, па му требал уште простор, па ајде скали на плоштад. И ме интересира како ќе издадат градежна дозвола за скалите, ако не се дел од градежната површина? Како дел од партерното уредување на плоштадот? Во секој случај, бидејќи јас не сум во можност, доколку некој се согласува со оваа моја забелешка и би сакал да ја достави на јавна анкета, слободно нека го направи тоа и/или нека ме контактира

Edited by mladen_s - 17-Dec-2011 at 11:39

Originally posted by OKA Се извинувам, не Ве разбирам баш најдобро. Каде се спремате да одите!? Да доставите предлози на јавна анкета за Мал ринг!?

Токму така. Би сакал да ни се придружиш?

Originally posted by alexgizh Originally posted by OKA Се извинувам, не Ве разбирам баш најдобро. Каде се спремате да одите!? Да доставите предлози на јавна анкета за Мал ринг!? Токму така. Би сакал да ни се придружиш?

ОК, треба да се отиде до Урбаната заедница Мирче Ацев, да се подигнат формулари за достава на сугестии, забелешки и предлози за Нацрт ДУП-от. Во принцип, тоа може да го направи и еден член на Билд. Нема потреба "чопоративно" да се настапува, оти, таму, на лице место, обично ставаат некој "неук" административец, колку да го сервисира процесот на Јавната анкета (во смисол да дели ливчиња, по нашки). Самиот проектант и надлежните урбанисти се појавуваат шат-пат и тешко дека може да се очекува дека би се укажала прилика за некаква конструктивна дебата со нив.
Ако има интенција да се постигне некаква поширока јавна промоција на Билд идеиве за спас на "погледот кон Аце", па и некои други ситуации, тогаш најдобро е неколку члена на Билд да дадат изјава пред електронските медиуми, пред просториите на УЗ Мирче Ацев, непосредно по доставувањето на анкетните листови. Во тоа кратко интервју или изјава за јавност, претставниците на Билд треба прецизно и концизно да ги промовираат "спорните" ситуации во ДУП Мал Ринг и соодветните решенија што ги нуди "Билд заедницата". Подоцна, пакетот решенија треба да се евалуираат и пошироко презентираат во подолг временски период, со зголемен опфат на медиумскиот простор. Целта е да се задржи вниманието на јавноста во целото времетраење на процесот на усогласување на ДУП/от. И секако, крајно, да се изврши голем притисок врз министерот за сообраќај, бидејќи, искуствено, неговото "дискреционо" право е пресудно за конечниот изглед на Мал Ринг.
Со оглед на тоа дека Јавната анкета трае до 28.12.о.г., според мене, поволен термин за предавање на Анкетниот лист и ефикасно медиумско покривање би бил понеделник, 26.12.2011. По тој датум, настаните се покриени од празничните активности и аудиториумот тешко перцепира и вари сериозни општествени теми. Исто така, периодот од 19.12. до 26.12. е сосема доволен за студиозно обмислување на анкетната материја со која би настапила Билд заедницата.
Инаку, да! Шансите да се промени она што моќните лоби групи го намислиле, се многу мали. Но, може да се направи многу во поглед на намалувањето на нивниот комодитет. Секоја ваква акција го храни Google со нивните имиња, намери, со информации за нивните бизнис придобивки од несовесното поигрување со функционалната архитектура на Скопје. А, еден ден, "келнерот ќе ја донесе сметката"...


Edited by OKA - 18-Dec-2011 at 09:52

Се најдовме јас, OCB и FoSsiL вечерва, и се договоривме каков ќе биде настапот. Следна средба (се надевам малку помасовна) ќе одржиме во Вторник, начелно во 19 часот.

Ne znam dali bas ova bi bilo resenie Ako mislat instituciite deka verzijata na alexgixh (zgradata) e mala i nema dovolno prostor togas bi go zemal ova.. 

Originally posted by mladen_s Веројатно многумина нема да се сложат со мене, ама мислам дека и Стоковната куќа, проектирана од Славко Брезовски, си има некоја вредност и стварно не мора да се изгуби целосно... Истиот воедно е заштитен како објект од втора категорија (задолжително задржување на надворешна фасада), па ваквото решение може лесно да биде одбиено и да се задржи постојното.. Јас лично од многу причини сум против ваков објект на ова место, но доколку мора да се направи некаков компромис (бидејќи современа архитектура веќе не поминува) тогаш би оставил тесен простор помеѓу двата објекти, исто како помеѓу Новата Народна Банка и Метропол (Етнолошки Музеј) можеби и повеќе. Па ако веќе мора, нека се приближи и до Лумикс и нека оди повеќе кон ГТЦ. Така и ќе добие уште една фасада, во спротивно внатрешноста на новиот објект ќе биде премногу темна.. Затоа е наједноставно да се бара само задржување на погледот кон споменикот, но веројатно ќе се соочите со двата „аргументи“: дека сте против тоа да се гради и дека треба да предложите ваше решение.. Бидејќи се решивте да реагирате, веројатно ќе го барате најдобриот начин за тоа. Во секој случај, се надевам дека ќе успеете нешто да промените од ова што е сега, што ќе даде малку надеж дека може да се комуницира со политичарите..

Етнолошки Музеј? Каков Етнолошки Музеј?

Нешто што сега го приметив во планот: на кејот е вцртана „пристапна улица“ до паркиралиштето на парцела 1.3.7 и до рампа за 1.4.1 па само сакам да прашам дали некој се осеќа како излажан? Нема да ме изненади ако на крај нема никаква подземна улица..

Изгледа парцелата 1.5.1 е замислена како постојан одвлекувач на внимание од се' што се прави во Мал Ринг.