Мал Ринг

градската власт не е запознаена со решенијата во планот, бидејќи планот допрва го чекаат на увид, по што ќе го дадат својот став околу ова прашање

Градската власт с` уште не е запознаена со новите урбанистички решенија во нацрт-планот „Мал ринг“, изјави вчера градоначалникот Kоце Трајановски на седница на Советот на Град Скопје, запрашан за неговиот став околу изградбата на улица на дел од Kејот 13 Ноември. Сообразно на тоа, тој не коментираше ништо, ни дали се сложува, а ни дали го поддржува ова урбанистичко решение на центарци со кое ќе се уништи половина од Kејот, кој пак е во надлежност на градската власт.

- Новиот план с` уште не е дојден во Градот и сме немале можност да се произнесеме за него. По јавната расправа, очекуваме да ни биде доставен и тогаш ќе видиме дали е во согласност со Генералниот план на Скопје. Тогаш и ќе го дадеме нашето мислење - изјави градоначалникот.

Јавната расправа за граѓаните околу овој план заврши вчера, па изјаснувањето на градската власт околу ова прашање се очекува по Нова година.

Доброупатени извори, запознаени со решенијата во ГУП, коментираат дека нацртите во „Мал ринг“ мора повторно да се вратат на старо, пред Нацрт-планот да биде ставен на дневен ред на Советот во Центар како предлог-план. Односно, осмислената надземна сообраќајница повторно да понира под земја. Само така планот нема да биде незаконски и спротивен на ГУП.

Kако што е познато, се работи за пристапна сообраќајница што ќе служи за потребите на новиот објект што се гради на местото на поранешната Народна банка на плоштадот Македонија. При добивањето на градежната дозвола за оваа зграда, подземната улица, како што беше кажано, е обврска на инвеститорот. Градбата почна, па оваа обврска беше изменета. Беше кажано дека фирмата неа ќе ја оформи, ама по завршувањето на објектот. Сега, пак, со новите измени на „Мал ринг“ тунелската улица е избришана, со што му е заштедено на инвеститорот. Се води како надземна, која најверојатно ќе ја гради Општина Центар. (Ј.И.)