Мал Ринг

Originally posted by Cloverstack @ lslcrew Дека фали издржана критика се сложувам. Ама дека единствен проблем на катните гаражи во Мал Ринг би бил изгледот, тоа можеме само да сонуваме. Еве ја мојата „омилена“ новозацртана катна гаража во ДУП-от, висока 29 метри, а слепена на помалку од 2 метри од челната страна на хотелот Холидеј Ин http://www.build.com.mk/forum/forum_posts.asp?TID=132&PID=46030#46030 Немам зборови да ја опишам „вештината“ и „визијата“ на нашите „планери“...

Се слагам дека катните гаражи се најмал проблем, иако и кај нив се гледаат истите пропусти како и за останатите утки низ цел центар.

За катната гаража кај Холидеј ин гледам само две причини зошто е ставена баш таму, и двете се многу, многу погрешни  (пардон, катастрофални):
- Првата е дека планерите што ги прават плановите се неписмени и прават основни проектантски грешки
- Втората е дека, катната гаража некако ќе се трансформира во полза на Холидеј ин, со што планот се редуцира на “инструмент“ за остварување на лични интереси.

Мене ме дополнително ме интересираат условите за приватизација на земјиштето на Телеком и Холидеј ин. Колку што може да се закључи од планот, Катните гаражи се наоѓаат во парцелите на овие објекти (телеком има две) и не знам, дали со приватизацијата се доделува само објектот а не и земјиштето, и дали Телеком и Холидеј ин воопшто имаат некакви ингеренции за градежните зафати во нивната парцела, особено што новите објекти во нивните парцели се јавни. Доколку некој е запознаен, би било супер да фрли некоја информација.

Покрај онаа на холидеј ин, не можам да се сложам ни со гаражата на платото пред ПТТ. Ужасен тренд, кој мора да престане, бидејќи моментално ни го уништува градот и неговите јавни простори. Веројатно се` почна со Објект на платото пред ЕСМ, па продолжи со објект на платото пред Дом на АРМ, па трендот метастазира со предлози за Објект на  платото пред Лумикс(oh, the irony) и објект(и) на платото пред МОБ. Можда пропуштив нешто, дополнете ме слободно. Не дискутирам за естетиката на објектите, туку за ретардираниот гест на користење пристапни платоа за градежни површини.

Гаражите под жена парк и под платото на МНТ, ми се проблематични од изведбен аспект (особено под Жена парк) иако целата подземна инфраструктура во центарот ми е помалку или повеќе- проблематична....

Платото пред МОБ ќе стане сокак Скопјани дефинитивно ќе го загубат платото пред објектот на Македонската опера и балет (МОБ), кое по изградбата на сите планирани објекти за државни институции ќе стане сокак. На левиот брег на реката Вардар, на потегот од Камен мост до Мостот „Слобода“ ќе се градат пет објекти, еден амфитеатар и ѕид со столбови, при што зградите ќе бидат во стил на класицизмот, романтизмот или барокот. По изградбата на Уставниот суд, веднаш до Камен мост, на граѓаните ќе им остане мал премин за поминување од зградата „Ибни Пајко“ кон МОБ. Планерите уверуваат дека просторот што ќе остане откако ќе се тргнат оградите од градилиштето ќе биде широк десет метри. Со најновиот план за Малиот ринг и до Уставен суд се предвидува уште една зграда со чудна форма за некоја државна институција. Откако таа ќе се изгради, од неа до објектот на Комерцијална банка, според планот, ќе останат само пет метри за поминување на пешаците. На платото пред МОБ се предвидени и амфитеатар, над него полукружен ѕид од столбови, висок десетина метри, па во продолжение кружна зграда за Јавното обвинителство, хотел со пет ѕвездички и нова зграда за Министерството за надворешни работи, која почна да се гради пред три дена. Објектите имаат дозволена височина до 30 метри. Дел од архитектите негодуваат оти просторот меѓу новоградбите и постојните објекти е многу тесен и дека зградите се нафрлени една до друга. Тие предупредуваат дека градежната линија на овој потег е опасно поместена кон Вардар, односно дека објектите се градат врз самиот кејски ѕид, нешто што порано било незамисливо. Поради овие, но и поради други пропусти, советничката група на СДСМ смета дека градоначалникот на Општина Центар, Владимир Тодоровиќ, треба да го повлече планот за Мал ринг. - Надворешните ѕидови на зградата на Уставен суд која е во градба се речиси залепени до објектот на Комерцијална банка. Скопје беше познато по автентичната архитектура на објектот на МОБ, а платото пред него не беше само така направено, туку имаше цел. Беше планирано платото каскадно да се спушта кон реката. Сега некој, без почит кон тоа што било направено, смета дека ова плато веќе не е потребно и решава врз него да гради објекти во стил што воопшто не соодветствува со околината. Ние како советничка група баравме од градоначалникот овој детален план да не оди како приоритет на Владата, туку во редовна постапка преку Советот на општината. Но, сите непредвидени и избрзани чекори околу изградбата во строгиот центар се само непочитување на нечии труд, пари и историја - велат во советничката група на СДСМ од Центар. Тие додаваат дека градоначалникот, пред да го даде планот на усвојување, требало да ангажира стручно лице што ќе води сметка колкава е искористеноста на просторот во Малиот ринг. - Недозволиво е на кој како му текнало да реди објекти по најскапиот и најпосакуваниот дел од градот - велат советниците. Неодамна и младите архитекти од „Првата архи-бригада“ предупредија дека градот ќе го загуби просторот пред МОБ, кој бил замислен како културен центар. Освен објектот на МОБ, по земјотресот таму било планирано да се гради и филхармонија и кино, кои просторно би создале еден вид плато, отворено кон реката, идеално за културни случувања. Од „Архи-бригадата“ предупредија дека граѓаните, наместо да се привлечат на платото, во иднина ќе го одбегнуваат овој јавен простор, затоа што наместо отворено шеталиште ќе добијат дворови на државни институции кои постојано ќе бидат снимани со камери. За советниците од СДСМ, во овој дел од планот е спорно и тоа што под платото, на целата површина е предвидено подземно паркирање во две нивоа, како и неколку подземни сообраќајници. Пешачката комуникација со овој простор ќе биде обезбедена со два моста, еден што веќе се гради и завршува директно во објектот на Уставен суд и уште еден, кој ќе завршува директно во идната кружна зграда за Обвинителството. Планот за Мал ринг е најкоригираниот план во земјава, кој за две години претрпе пет измени и дополнувања. Само лани се менуваше во два наврата. Првите измени беа за да се вцрта маркичка за црквата на плоштадот Македонија, кога беа внесени и две маркички на левиот брег на Вардар. Втората измена беше пред крајот на годината. Годинава планот е збогатен со неколку маркички за катни гаражи и за споменици. Советниците од СДСМ коментираа дека на јавната анкета за планот, кој беше изложен во Урбаната заедница „Мирче Ацев“, пристигнале само пет коментари, што за нив значи или тотална индиферентност на граѓаните или криење на вистината. http://dnevnik.com.mk/?ItemID=060C8623633F4C43973D41747DD2C258

УСТАВЕН СУД
„Мал ринг“ ќе причека

Уставните судии вчера одлучија да го одложат решението дали да поведат постапка за оценување на уставноста за урбанистичкиот план „Мал ринг“ во центарот на Скопје, по иницијатива на архитектот Мирослав Грчев. Тие образложија дека им е потребно повеќе време за тоа.
Дилемата е дали граѓаните имале доволно време за да се изјаснат за анкетата за забелешките за урбанистичкиот план, која траела само десет дена, а била спроведена непосредно пред католичкиот, па се до православниот Божик.
- Каде се прави јавна анкета во неработни денови за два големи празника на две верски заедници и за една Нова година. Во тој период не знам кој граѓанин можел да отиде за да провери што има и на што треба да приговори - изјави уставната судијка Лилјана Ингилизова. Според нејзиниот колега Зоран Сулејманов, предметот е политички, а на уставните судии им е даден наводно да го решат во име на правото, иако се работи за интерес на нечија политичка определба.

http://www.vreme.com.mk/DesktopDefault.aspx?tabindex=5&tabid=1&EditionID=2008&ArticleID=139652

skopje 2014 ke se gradi i toa celosno. Ke vidite sami. A iako treba da reagira deka ima zakon (ako ne se lazam) da ne se gradi direktno na kej nikoj ne rece nisto od drza. institucii.

Edited by Cloverstack - 20-May-2010 at 15:28

Пишува во веста

Доколку Уставниот суд пресуди дека е прекршена уставноста и законитоста при носењето за ДУП-от, Општина Центар ќе треба да спроведе нова постапка со запазени процедури и рокови.

Доколку дојде до тоа, ќе се изрече времена мерка за стопирање на градбите па ќе се бара чаре.

Но да не бидеме наивни, нема шанса за такво нешто, јавните анкети ионака се спроведуваат чисто формално. Може да има милион издржани забелешки, сите ќе бидат отфрлени како неосновани и планот ќе биде изгласан.


Edited by Cloverstack - 20-May-2010 at 17:34

Метафората со рафтовите поробро се вклопува во тоа како беа истуркани ревизиите на Мал Ринг   Но во тој случај, очигледно тоа не ти пречи


Edited by pbanks - 20-May-2010 at 18:28

Whatever што би рекле американците...

Малиот ринг падна на Уставен

Миле А. Ристески

30.06.2010 15:46

Малиот ринг падна на Уставен. Судот ја укина одлуката на општина Центар со која беше дополнет деталниот урбанистички план за центарот на Скопје. Сега произлегува дека дел од започнатите објекти кои се градат на плоштадот се дивоградби.

Уставните судии ја укинаа одлуката бидејќи таа била донесена во скратена постапка која не е пропишана со новиот закон кој е на сила.

„Одлуката за донесување на планот е донесена според процедура од закон кој што не важи од времето на донесувањето и немало услови да се примени стариот закон“, изјави Игор Спировски уставен судија (19.05.2010).

„Има формална повреда на постапката за еден предмет што за жал е исполнето со политика“, вели Трендафил Ивановски.

Во општина Центар денеска кратко одговорија не ја коментираат одлуката на Уставниот суд, а што ќе превземат ќе кажеле кога ќе имаат решение.

Во Малиот ринг покрај поставувањето на споменици предвидено е да се изградат вкупно 19 објекти од катни гаражи до зградите на Уставниот суд, државниот архив, обвинителството и хотел.