Железнички билети - цени, поволности, резервации..

Билети за воз за Европа ќе купуваме и од дома

„МЖ - Транспорт“ сака да ја користи мрежата на Германските железници за резервација на карти за европските дестинации

Сања Наумовска



„Македонски железници - Транспорт“ сака да ја користи мрежата на Дојче бан, односно Германските железници, за резервација на возни билети за дестинации низ цела Европа и дел од Азија. Билетите за европските метрополи ќе се купуваат и од дома, на интернет-страницата на „Транспорт“, со кредитни или со дебитни картички. За можностите за соработка веќе било разговарано при посетата на претставници на нашата компанија на Германски железници. Дали идејата ќе добие реализација, ќе се знае на почетокот на идната година кога ќе се разгледаат и условите што ги нуди Дојче бан за користењето на нејзината мрежа.

Преку веб-страницата на Германски железници ќе може да се резервира билет кон 10 европски држави, Австрија, Белгија, Данска, Франција, Велика Британија, Холандија, Италија, Полска, Швајцарија и Шведска, поточно кон најмалку два, три или повеќе градови во овие држави. Во „Транспорт“ велат дека се подготвени да ја воведат новата услуга за своите патници. За тоа ќе треба да ја модернизираат веб-страницата по примерот на онаа на Германската железница. Преку „Дојче бан“ можат да се резервираат повратни или билети во еден правец за десетици градови низ Европа. Се избира дестинацијата, времето на тргнување, а опција за избор се и попатните станици. Патникот може електронски да си избере и седиште што му е по волја за што треба и да се доплати. Плаќањето се врши со кредитни и со дебитни картички, а германската железница нуди и трета опција, своја специјализирана картичка која има можност за надополнување со средства. Во услугите на Дојче бан, патниците што букираат билет за воз добиваат и информации, колку ќе трае патувањето, каде точно возот ќе застане, колку патувањето ќе придонесе за загадување на животната околина и други слични податоци. Патниците можат преку веб-страницата да си купат и билети за локалниот јавен превоз во градот во кој патуваат.

Според директорот на „МЖ Транспорт“, Оливер Деркоски, компанијата има можност да одвои средства за да го плати пристапот кон софтверот на германските железници за да ја воведе новата услуга.

„По средбата во Германија добивме информации за дел од условите што треба да ги исполниме за да ја воведеме новата услуга, а на идниот останок што го закажавме за крајот на јануари или почетокот на февруари, ќе се допрецизираат сите поединости. Тогаш, веројатно, ќе можеме попрецизно да знаеме дали ќе се реализира идејата“, вели директорот Деркоски.

Тој објаснува дека „Транспорт“ планира зголемување на можностите за купување билети и за домашниот железнички транспорт. Компанијата ќе набавува автомати за билети, кои ќе се постават на железничките станици низ државата. Планирано е првично да се набават седум автомати од кои два ќе има на железничките станици во Скопје и по еден во Велес, Битола, Прилеп, Штип и во Гевгелија. Патниците ќе можат да ја изберат дестинацијата и времето на патување од возниот ред што ќе биде внесен во автоматот, а за билетот ќе се плаќа со кредитна картичка. Автоматите ќе се набавуваат идната година, а еден чини од 10.000 до 15.000 евра.


Извор: http://www.utrinski.com.mk/?ItemID=30961ABCE9BC4342B21E63937DCC2A51


За почеток, мислам дека би било добро најпрво да им проработи возниот ред на интернет-страницата, па потоа да можат да се купуваат билети за во домашниот сообраќај преку интернет, е дури потоа да се вклучиме во европскиот ЕПА систем за резервација на билети и продажба на карти за воз за низ цела Европа.

Originally posted by Тркало За почеток би било добро да им проработи и интернет страната

Не си во тек... Интернет страната е во функција уште одамна... http://www.mztransportad.com.mk/

Originally posted by Тркало Originally posted by zookisk Originally posted by Тркало За почеток би било добро да им проработи и интернет страната Не си во тек... Интернет страната е во функција уште одамна... http://www.mztransportad.com.mk/ Моја грешка.Барам на google.com >Македонски Железници< и ми отвори некоја страна mzi.mk Ама и на оваа страна возниот ред е утнат...

www.mzi.com.mk треба да биде новиот веб сајт на Македонски железници - инфраструктура, а напоменатиов е на Македонски железници - транспорт, возниот ред во моментов не работи бидејќи треба да се внесе новиот возен ред за 2012 година што ќе треба да стапи на сила за 10-тина дена.

Заедничките патувања ќе Ви бидат попријатни и поевтини користејќи ја понудата CITY STAR. Оваа понуда важи за релациите: Македонија-Австрија, Македонија-Хрватска, Македонија-Словенија, Македонија-Чешка и Македонија-Словачка.

Овие возни билети важат 1 месец.

CITY STAR понудата овозможува патување во група од најмногу 5 патника. На еден патник му се пресметува редовна цена, а на неговите сопатниците им се наплатува половина од таа цена, додека ако еден од патниците е дете, се наплатува четвртина од редовната цената.

Ова е Владимир? И ако да, се надевам ќе ни дадеш многу подетални информации него ова што го иаме сеа, а можда и затоа се правеше спалниот вагон? (пусти желби)

N23, во право си но да се стрпиме за деталите како и за возниот ред кој е веќе готов, па за ден два ќе има се.

Прекрасни вести од МЖ - Транспорт . Сепак, би сакал во рамките на самиот текст да видам неколку примери со точно пресметана сума за повеќе патници. На пример, патуваме 5 лица до Виена преку Будимпешта, гледам дека тоа изнесува 160 евра според тарифата. Според она од кое јас се разбирам, првиот патник плаќа 160 евра, вториот 80 евра, третиот 40 евра, четвртиот 20 евра и петтиот 10 евра, односно вкупно сите солидарно ќе треба да платат 310 евра поделено на 5 патници, тоа е 62 евра. Дали сум во право?

При што, ме интересира и што значи тоа зони, километри. Претпоставувам дека оваа цена е највисока, така што истата вклучува неограничено патување низ Австрија со воз и плус транзит - коридор до земјата преку Белград и Будимпешта?

Датум: 06.03.2012, 17:27
Поскапува патувањето со воз за 50%


Цените на билетите во патничкиот железнички сообраќај во земјава од идниот вторник се зголемуваат во просек за околу 50 отсто, одлучи Управниот одбор на „Македонски железници - Транспорт“.

Според соопштението од Железницата, причина за поскапувањето на железничкиот превоз се зголемените цени на нафтата и на струјата.

„Цените на железничките превозни услуги не се променети од 12.7.1995 година. Во меѓувреме, цените на нафтените деривати (Д-2) само во последните пет години се зголемени за повеќе од 70 отсто, а пак цената на електричната енергија во последните пет години е зголемена за повеќе од 60 отсто. Земајќи го предвид периодот 1995 - 2012 година, може да се констатира дека не постои област во стопанството во земјава која драстично не ги зголеми цените на своите услуги. Оттаму и потребата и Железницата да ги зголеми цените на своите превозни услуги во железничкиот патнички сообраќај“, се вели во соопштението од „МЖ Транспорт“.

со поскапувањето повратната карта Кичево Скопје(222 денари) ќе се изедначи со автобуската повратна карта која чини 350 денари

Со ова најверојатно си постигнаа автогол и ја помогнаа конкуренцијата .Секако најголем дел патници одеа со воз поради нивните цени, а сега со новите цени предноста целосно е на страна на автобуските превозници (предности како поголем број дневни тргнувања,побрзо време на патување, климатизација, хигиена во возилата, точност, удобност и воведувањето увоз со Еуро 2 агрегати после кој скоро сите автопревозници го зголемија и возниот парк и квалитетот на истиот), особено во тие места со железница.
(пр. Авто Атом ги намали цените до цените на МЖ на релација Кочани-Скопје и обратно, па автобусите им се пополнети над 90%.Замислете МЖ го имаше како предност цените со само 2 тргнувања дневно спрема 10-тината на Атом.После ова, ако МЖ не отстапат најверојатно пак ќе гледаме укинување на линијата за Кочани).

Ама да видиме дали и какви промени ќе се случат, нема да останат на истиот став од МЖ ако се со малку чувство за работа.Ама немаа ни да дозволат ваква реакција ако добро размислувале,а со оглед на досегашната пракса, поправање е тешко за очекување.Имаа милиони опции досега поскапувања по 3,7,10 проценти, ама ја одбраа најлошата - 50% наеднаш   

јас кога патував почесто за Скопје како студент(до 97 година) цената на билетот беше иста како таа што ја платив вчера 220 денари повратна карта Кичево-Скопје