Интересни мапи

многу повеќе се,овие се оние најголемите,тие средните и помалите не се прикажани

има логика,но несакам да верувам.сум читал и за релациите со Ватикан....

           
Како Прилеп бил преселен во Дебар?

Како била претставувана Македонија на мапите во античкото време, во средниот век, но и подоцна, до Балканските и Првата светска војна?



ФЕЉТОН: Македонија на стари мапи и географски карти (5)

Според старите мапи, и Прилеп и Струмица немале многу среќа со лоцирањето, па понекогаш ги менувале своите вистински локации со локации што се многу далеку од местото каде што биле.
Така, Прилеп првпат се среќава во мапата на Гасталди од 1560 година, со името Прелепо, но со наполно погрешна положба на десната страна на реката Црн Дрим, односно на местото каде што би требало да е Дебар. Со ваква местоположба Прилеп се среќава на уште неколку мапи, па прилепчани можеби треба да се замислат да не случајно дебарчани се преселени сосе градот под Маркови кули. Грешката со локацијата ја исправил Кантели во 1689 година, менувајќи го името во Пирлип. Потоа во сите следни мапи локацијата е иста, со многу мали отстапувања.

За разлика од Прилеп, Струмица прв ја споменува Идризи како Устурница уште во 1154 година, но прв на мапа ја прикажал Пјер Лапи дури во 1810 година со името Стромја, со сосема точна локација, меѓутоа тој со истото име прикажува уште еден град кај реката Струма. Вакви забуни имало и во други мапи, па на едно место како Стуциациа е лоциран и град северно од Штип, што секако е сосема погрешно. Градот Костур, пак, поради езерото, имал среќа уште од најстари времиња да биде точно лоциран, а прв на мапа го прикажал Гасталди во 1560 година, со името Касторија. Без некои поголеми грешки во историјата на мапите поминал и македонскиот град Воден, за кој има податоци уште од античкото време, а Гасталди во 1560 година го регистрира со името Водана. До 1810 година името на градот паралелно се менува или како Водена или како Едеса, а притоа се прикажува само како Воден.

Коридорот 10 постои на
мапа стара 17 века!

Патиштата во Македонија се прикажани во историската мапа на Де Лил од 1707 година, а од почетокот на 19 век во сите подетални мапи се прикажуваат поважните, а потоа дури и локалните патишта. Почнувајќи од 1822 година, од мапата на Александар Лапи, подетално се прикажани и голем број села и помали населби, кои уште поподробно ги прикажува Кипер во својата мапа од 1853 година. Исто така на мапите се прикажани и патишта, а првата таква мапа, како што спомнавме, е Појтингеровата мапа изработена од Касторуис во 350 година. Освен Виа егнација, со попатните станици Лигнидо, Хераклеја, Едеса, Пела и други, на мапите детално е прикажан и патот по долината на Вардар со станиците Скупи, Агвас, Анаусаро, Гурбита, Стопис, Антигонија, Стенас, Идомена, Тавријана, Галикум и Тесалонике. Тоа е денешниот таканаречен Коридор 10, или автопатот Александар Велики. Третиот пат е денешниот Коридор 8, кој низ Битола и преку Стоби водел до Софија, минувајќи низ попатните станици забележани на мапата од 350 година како Стибера, Керамиеја, Евристос, Андаристус, Стоби, Транупара, Астибо и на крајот Сердика.

Македонија била меѓу
првите земји претставени на географска карта!

Според истражувачите од оваа област, Македонија, како една од најзначајните земји од античкото време до денес, била во непосреден допир со центрите на древниот културен свет. Кога почнало цртањето на картите, Македонија била меѓу првите земји што биле претставени картографски. И не само што била претставена туку била многу прецизно географски опишана. Тоа се гледа уште од цртежот на Марин Тирски од првата половина на вториот век по Христос, а завршен подоцна од александрискиот географ и астроном Клавдиј Птоломеј. Прецизно се нанесени планините што ја заградуваат Македонија од север, прецизно е нанесена границата на исток до Струма, назначени биле многу села, утоките на многу реки, планините меѓу Вардар и Струма, Халкидик со трите полуострови.

Римската власт, која во тоа време се простирала во Македонија, и низ целиот културен свет, презела мерења во практични цели. Врз карпи и камења биле издлабени карти на Римската Империја. На тие карти со многу подробности била нанесена и Македонија. Не случајно: Македонија не само што претставувала една од најзначајните провинции на Империјата туку имала и посебно значење во стратегијата. На тие карти, како што забележал и Анте Поповски, особено онаа во преписот од 12 век именувана како Табула Појтингеријана, а всушност е стара римска карта од средината на 4 век, Македонија е дадена со многу подробности: планините на север, Виа егнација и Виа милитарис, потоа патиштата Солун - Скопје, Битола - Стоби и други.

Подоцна, во средниот век, заедно со општиот застој во културата, има застој и во картографијата. Во тој период како центар на светот е ставен Ерусалим и во најголемиот број случаи автори на овие карти биле монасите. Меѓу другите, монахот Беатус и неговата елипсовидна карта на која е претставена и Македонија, потоа картата на светот во градот Алби, картата наречена Катонијана, картата на Хајрних Мајнц, картата на светот што се наоѓа во Оксфорд. И на сите нив Македонија е мошне прецизно претставена.

(крај)
Според мапите што ги поседува НУБ „Климент Охридски“ во Скопје, Македонија низ вековите постојано била и останала точно дефинирана земја, почнувајќи од античкото време до денес. Имено, сите картографи, и оние што биле подобро упатени, но и оние послабо упатените во состојбите на теренот, точно знаеле каде е и до каде е Македонија. Затоа на сите мапи со големи букви го пишувале нејзиното име токму во просторот обележан со нејзините замислени граници. Освен неколкуте антички мапи, постојат уште околу 600 мапи работени од 15 век до 1912 година на кои е прикажана Македонија, а оригиналите на најголемиот дел од нив се наоѓаат во Британската библиотека во Лондон, во Француската национална библиотека во Париз, во Австриската национална библиотека во Виена, во Државниот архив и Националната библиотека во Загреб, во Народната библиотека во Белград...

     
Автор: Блаже Миневски

http://www.novamakedonija.com.mk/NewsDetal.asp?vest=417141028113&id=9&prilog=0&setIzdanie=23154

Ќе беше многу по корисно да направиш споредба на Казахстан и Европа

Оо ново име имаме, FRYOM.

Не Сталинград, туку Калининград. Не си забележал дека Молдавија излегува на море, дека Велс и Шкотска се прикажани како одделни држави и дека го нема Сан Марино и ги нема данскиот остров Борнхолм, шведскиот остров Готланд, финските острови Оланд што на овој размер мора да ги има, а можеле да ги прикажат и Крк, Црес и Брач и Крф.

Мапа на Вашингтонпост за етнолингвистичката структура на Украина:

Македонското Царство: