Плоштад Филип Втори (Карпошово востание)

Иако плоштадов сеуште не е изграден мислам дека нема да пречи да отвориме една фото нишка за него .
неговото окружение

Колку грдо изгледаат оние некои дуќанчиња залепени за помошните објекти на црквата Св. Димитрија, заедно со све онаа сељачка кафана Мал Алтан. Срамота што се допушта таков сељачизам во сред град.

РАСКОПАНИОТ ПЛОЧНИК НА ПЛОШТАДОТ ФИЛИП ВТОРИ ВО СКОПЈЕ ЌЕ БИДЕ ТРЕВНИК



Екипи на ЈП „Паркови и зеленило“ денеска почнаа со уредување на Плоштадот Филип Втори. Раскопаниот плочник кој со години стои искршен и е претворен во див паркинг, ќе биде тревник.

„Се работи за површина од околу 700 метри квадратни. Се поставува систем за полевање, а потоа ќе се засади трева. Во пролетната акција за зазеленување на градот ќе се насадат и зимзелени и листопадни садници“, велат од ЈП „Паркови и зеленило“.

Плоштадот Филип Втори, кој е дел од проектот „Скопје 2014“ за кој владата на Никола Груевски потроши 700 милиони евра, беше уништен кога беа поставени скелињата за реконструкција во барок на фасадата на Министерството за транспорт и врски. Откако завршија градежните работи тарабите беа извадени, но плочникот никој не го уреди. Стоеше со земја и слободно се паркираа коли. На Плоштадот е уништена урбаната опрема и насекаде е расфрлано ѓубре.

https://sdk.mk/index.php/dopisna-mrezha/raskopaniot-plochnik-na-ploshtadot-filip-vtori-vo-skopje-ke-bide-trevnik/

Originally posted by Denko Stara makedonska boljka. Odrzuvanje! Megutoa plockite ne se osteteni od neodrzuvanje, tuku poradi avtomobilite. Tuka mora da se zabrani sekakov motoren soobrakaj!

плочкирте беа криви и лабави уште кога ги поставија... колите само си помогнаа во деградацијата
целиот регион е катастрофално несериозно направен од поглед на простор и квалитет и мора да се преправи некој ден

Ќе се погрижи ли некој за одржување на скапите „играчки“ од проектот „Скопје 2014“?



Плоштадот „Филип Втори“ по нецели десетина години од неговото уредување е запуштен, со расклатени и дел искршени плочки, а просторот пред објектот на Министерството за транспорт и врски, остана непоплочен и откако заврши реновирањето на зградата на ова министерство.

На плоштадот се наоѓаат четири фонтани со скулптури, меѓу кои е и фонтаната со скулптурата на „Филип Втори“, за чие поставување, за новата инфраструктура и осветлување беа потрошени 10 милиони евра. Од тогаш до денес платото е оставено да пропаѓа.

Фонтаната официјално наречена „Воин на коњ“, кај граѓаните позната како Александар Македонски, исто така е со искршени и испаѓани плочки на коритото. Нејзината изградба чинеше повеќе од 8 милиони евра, а пуштена беше во употреба во септември 2011 година.

Ќе се погрижи ли некој овие скапи „играчки“ од проектот „Скопје 2014“, за кои беа потрошени многу пари, барем да се одржуваат како што треба?

Од Град Скопје и покрај нашите обиди да добиеме одговор дали планираат да ја санираат оштетената фонтана на градскиот плоштад и дали се планира реконструкција на плочникот на плоштадот „Филип Втори“, одговор нема.

Да потсетиме дека подолго време не работи ниту подната фонтана на плоштад „Македонија“, откако речиси пред една година во неа пропадна возило на „Комунална хигиена“. И тоа не беше првпат. Претходно, во 2017 година во фонтаната пропадна камион додека се подготвуваше бината за пречек на ракометарите на Вардар по освоената титула на Европското првенство. За оваа фонтана беа потрошени 2,5 милиони евра, а сега е заборавена од надлежните. Нејзината поправка никој не ја споменува.

https://www.slobodenpecat.mk/kje-se-pogrizhi-li-nekoj-za-odrzhuvanje-na-skapite-igrachki-od-proektot-skopje-2014/

ПЛОШТАДОТ ФИЛИП ВТОРИ Е ЗАПУШТЕН И СТАНА ДИВ ПАРКИНГ, ГРАД СКОПЈЕ ГОДИНАВА НЕ ПЛАНИРА ДА ГО СРЕДИ ОТИ НЕ Е ПРИОРИТЕТЕН







Раскопан, запуштен, со дупки, вирови, расфрлени шипки, железа и паркирани коли е плоштадот Филип Втори во строгиот центар на Скопје. Откако пред десет години почна реновирањето во барок на зградата на Министерството за транспорт и врски, половина плоштад беше заграден поради градилиштето. Пред две години, скелињата на зградата беа тргнати откако беше завршена фасадата, но делот околу зградата стои раскопан иако плоштадот беше поплочен кога беа правени фонтаните со спомениците од проектот „Скопје 2014“.

Преку целиот ден и навечер плоштадот е и паркинг. Коли слободно влегуваат од делот кај зонското паркиралишпте на ЈП „Градски паркинг“ кој се наоѓа долж булеварот Гоце Делчев, бидејќи нема рампа за да се спречи нивниот влез. Па раскопаниот дел меѓу фонтаната на Филип Втори и зградата на Министерството, како и делот пред скалите за влез во Старата скопска чаршија е со паркирани коли. Возила слободно влегуваат и во паркот Ибни Пајко, бидејќи столпчињата и бетонската препрека поставена во овој дел се отстранети.

Од Град Скопје велат дека годинава не планираат градежни активности за средување на овој дел од центарот на градот.

„Плоштадот Филип Втори е еден од поновите плоштади изградени во Скопје, а воедно градот има и други приоритетни локации за санирање, па оттаму за оваа година не е предвидена реконструкција или поголема санација на истиот“, велат од Град Скопје.

Уредување на овој простор не е предвидено ниту од Министерството за траспорт и врски, иако беше раскопан поради градежни работи за зградата. Од таму велат тоа е надлежност на Град Скопје.

На нашето прашање кога ќе биде пуштена во употреба зградата која се доградува 10 години, како и многупати досега и сега одговорија дека тоа ќе биде наскоро.

„Започната е постапка за добивање на одобрение за употреба на административната зграда и роковите ќе бидат запазени согласно Законот. Во моментов, во тек е номинација на членови на Комисија за технички преглед. По формирање на Комисијата, извршен технички преглед и по добивање на одобрение за употреба на новата административна зграда, Министерството за транспорт и врски ќе ги ослободи просториите на зградата во која се наоѓа во моментов и ќе ги пресели своите канцеларии“, велат од Министерството за транспорт и врски

https://sdk.mk/index.php/dopisna-mrezha/ploshtadot-filip-vtori-e-zapushten-i-stana-div-parking-grad-skopje-godinava-ne-planira-da-go-sredi-oti-ne-e-prioriteten/

Edited by stef4o - 12-Aug-2020 at 10:24

Да ве известам само дека деновиве се работеше (и уште се работи) на санирање на изместените и пропаднати плочки и шахти на плоштадов, иако и по завршувањето се забележува дека нешто не е во ред, дека е некако фушерски направено тоа, но барем не се срамиме толку пред налетот на туристи периодов.

Последнава фотографија е постара, сега е асфалтиран тој дел, а скршените плочи се отстранети.