Тротоари

Тротоарот на булевар Борис Трајковски

Во текот на изградбата на зградите од западната страна на булеварот ова е многу честа појава.



Edited by iristevski - 18-Dec-2023 at 17:19

Булевар 8ми септември, вчера:

На „Васил Ѓоргов“ нема место за пешаци – пола тротоар зафатен од градилиште, другата половина со бандери, автомобили и кабли

Постои ли начин на кои пешаците можат безбедно да се движат кога се гради некоја зграда или друг објект и кога со лимените тараби ќе се зафати половината од тротоарот? На минувачите им останува другата половина и надежта дека градилиштето е добро обезбедено и дека над главите не им се извишува кран, а притоа, по можност, со нозете да не газат низ земја и кал, која случајно од градилиштето се прелеала по тротоарот или по велосипедската патека.

Но, што доколку и другата половина од тротоарот е „зафатена“ – со паркирани автомобили, со бандери, заштитни столпчиња, кабли кои висат од бандерите и слични други пречки на кои може да наиде кој било случаен минувач низ градов.

Токму тоа се случува на улицата „Васил Ѓоргов“, покрај градилиштето во близина на ТЦ „Зебра“.





https://www.slobodenpecat.mk/na-vasil-gjorgov-nema-mesto-za-peshaci-pola-trotoar-zafaten-od-gradilishte-drugata-polovina-so-banderi-avtomobili-i-kabli/

Јас сум за комбинирано решение, кое ќе вклучува одблокирање на тротоари, регулирање/рушење на диви паркизни итн. Така што, треба построга контрола во однос на паркирање на улица и сл., но во исто време треба и одредени места да се доградат со монтажни паркинзи. Така што, на пример, би се направил некој компромис, од типот на тоа да тие што живеат во одредени згради (во однос на радиусот на монтажниот паркинг) да може да си плаќаат годишно паркинг место (кое доколку би се споредило со тоа да имаш сопствено паркинг место би било полошо, па на ваков начин и би се стимулирало купување сопствено паркинг место/гаража -- бидејќи секогаш всушност би си го имал слободно местото за разлика од тоа да постои веројатност на паркингот каде што имаш карта да нема слободно место). Секако, и да се сменат правилата во однос на тоа колку паркинг места би требало да има во една гаража во однос на број на станови. На пример, 1,5 место да има по еден стан, и на пример, доколку одреден стан со одредена квадратура се изнајмува како деловен простор, да мора да овозможи да има сопствено паркинг место (на пример, ако еден стан кој има 40 квадрати, а се изнајмува како деловен простор, да мора да има едно паркинг место во рамки на зградата или во околината -- некој монтажен паркинг, обичен паркинг и сл.; ако е од 40 до 70 квадрати, две места итн.)
Има различни решенија, кои во комбинација со построго однесување кон непрописно паркирање, но во исто време и земање предвид за тоа како се движат луѓето од аспект на тоа каде има деловни простории, каде има институции, каде има чести повремени застанувања во градот итн., може да се најде решение за овој проблем во градот.

Се додека има станбено деловни објекти вака ќе изгледа цел град,конкретно во Порта Аеродром дури и првите 2-3 ката се пренаменети во канцеларии на бројни фирми така да просто е невозможно да се обезбеди толку паркинг за сите странки кои дневно доаѓаат.
Да беше целиот потег зад Тобако 2 само станбен мислам ќе беше подобро но сега со толку многу нови кафичи и ресторани сосем очекуван е ваков епилог.
Па така низ градов имаме деловни простори кои се со години празни а од друга страна станбени згради кои по некое време стануваат 20-30% деловни.
И секако треба да биде задолжително купувањето на гаражно место со станот бидејќи вака новите станари секогаш ќе гледаат да најдат некој тротоар,зеленило и див паркинг со надеж дека ќе бидат поштедени и од пајак службите.

Originally posted by skopskodete Гледам денес, општина Аеродром се фали со поставени столпчиња на улица во Стар Аеродром... Па не знам дали уопште се движат низ општинава и дали гледаат што се дешава со места за паркирање итн. Очигледно е дека на одредени места во одредени населби потребни се монтажни паркинзи, покрај поставување столпчиња и построго однесување во однос на кревање со пајак, но ваљда не им е во план тоа зашто ќе треба да се потрошат „посериозни“ суми пари (кои, за општина како Аеродром, не верувам дека ќе се проблем).

не се потребни монтажни паркинзи туку се потребни закони што ќе ги регулираат инвеститорите на зградиве
99% од објективе имаат гаражен простор што зјае празен... срамота

Оваа уличка мислам дека главно се наполни со возила кога ја отворија Порта Аеродром зградата. А сега со ГА09 уште толку.

Во Стар Аеродром,пред новоотворената зграда ГА 09(од твитер)

Триаголников со слепата уличка кај ОУ „Блаже Конески“ е совршено место да се направи еден монтажен паркинг (претпоставувам бројот на паркинг-места би бил 50-60).

Зошто узурпирани тротоари и велосипедски патеки



ДИВИТЕ ПАЗАРЏИИ ПРОБЛЕМ РЕЧИСИ НА СЕКОЈА ОПШТИНА

Дивите продавачи што ги узурпираат улиците се редовен проблем речиси за секоја општина во градот. Главно, на овие импровизирани тезги се продаваат ситни работи, метли, штипки и разни други предмети, меѓутоа на голем дел се продаваат и прехранбени производи, а се продаваат и домашно произведени зимници, слатки и што ли уште не. Ваквите импровизирани тезги, најчесто поставени на обични картонски кутии, или, пак, на метални приправени конструкции, ги блокираат пешачките и велосипедските патеки, па граѓаните реагираат дека таквата узурпација мора да се запре.

БЛОКИРАН ТРОТОАР ПРЕКУДЕН, А НАВЕЧЕР ОСТАВЕНО ЃУБРЕ

Секоја општина во Скопје има барем едно специфично место каде што се лоцирани дивите пазарџии што продаваат разни производи. Распослани на картонски кутии, во нивните продажни гама-производи се наоѓа „од игла до локомотива“. Голем дел од нив продава и животни, најчесто кокошки и мали пилиња. Сето тоа е огромен проблем за скопјани, за безбедноста на сообраќајот, за хигиената на јавните површини, за естетиката и изгледот на главниот град, но и за здравата животна средина, која, несомнено, изминатиот период е една од главните теми и преокупации на сите жители на Скопје.
– Кога и да треба да одам на лекар во поликлиниката Бит-пазар, тротоарот пред поликлиниката целиот е узурпиран од диви пазарџии. Освен што е узурпиран тротоарот, преполно е и со ѓубре и остатоци од продавачите, кои наместо да си соберат откако ќе завршат со продажбата, оставаат сѐ и си заминуваат дома. Бит-пазар и целиот тој потег се меѓу најпознатите, тоа е локација што доаѓаат да ја посетат сите странци поради разноликоста, меѓутоа се прашувам што ли им нудиме да видат. Ѓубре и разни скапани производи, јаболка и што ли уште не. Дополнително, има продавачи што продаваат кокошки и мали пилиња, па на сите страни има пердуви и измет од нив – вели Владимир Димовски.
На ваквите пазари доста често може да се забележи и продажба на алкохол, домашна ракија и вино, а често и ајвар и друг вид зимница, произведени во домашни услови, без декларации и соодветни заштитни етикети што би го заштитиле купувачот.
Дополнително, како што велат граѓаните, во услови кога врне дожд, најчесто ги оставаат кутиите за продажба на дождот, па тие скапуваат и се распаѓаат на улиците и тротоарите.

ДА СЕ РЕГУЛИРА НАПЛИВОТ НА ДИВИТЕ ПАЗАРЏИИ

Ништо подобра не е ситуацијата и во општината Чаир, каде што пред пазарот, во близината на стадионот, постојано се сместуваат диви продавачи.
И тамошните жители реагираат дека секојдневно сликата е иста и велат дека со години е таква ситуацијата.
– Остатоци од зелка, паднати компири, скапани јаболка се само мал дел од производите на кои секојдневно наидувам кога одам во продавница. Ситуацијата е таква секој ден, ајде да е еднаш, па и да разберам некако, меѓутоа ова е секојдневна ситуација – вели Ристо Стојановски.
Слично е и во општината Аеродром, чии локални власти неодамна спроведоа акција за отстранување на дивите пазарџии и препродавачи во Реонски центар, кои притоа не беа казнети, но им беше наложено веднаш да ги тргнат дивопоставените импровизирани тезги, со опомена да не го повторат тоа во иднина.
– Општината излезе на терен и постапи по пријави на граѓани и околните стопанственици, кои со години испраќале поплаки до Општината. Нашата намера е да ја спречиме и превенираме оваа честа појава, која не само што претставува лоша слика за овој фреквентен дел од Аеродром, го попречува слободното движење на граѓаните и зафаќа дел од паркинзите туку и ја поттикнува и развива сивата економија – информираа општинските власти.
Надлежните од Општината информираа дека ги интензивирале инспекциските контроли на терен и застанале на страната на граѓаните и чесната приватна иницијатива на секој што на легален начин се занимава со ваквите сродни дејности.

https://www.novamakedonija.com.mk/makedonija/skopje/zoshto-uzurpirani-trotoari-i-velosipedski-pateki/