Мостови (општо)

Значи ќе има свечено пуштање во оупотреба пред избори на стар мост.

В сабота ќе се прави ново товарење на мостот „Беласица“?

Мостот „Беласица“ наскоро би можел да биде пуштен за сообраќај и за тешки возила. Според информации на весникот ВЕЧЕР, оваа сабота треба да се направи второ товарење со шест полни камиони, распоредени еднакво од двете страни, за да се види во каква состојба е и дали е целосно функционален за сообраќај.

Тежината од 205 тони товар е приближно она оптоварување што го има мостот доколку е целосно исполнет со возила. Потоа ќе се врши мерење за да се утврди дали поместувањата од една точка до друга се во дозволените граници.

По една крајна лента во двата правца на овој фреквентен мост пред осум месеци (во септември 2023) беше пуштена за движење на лесни возила откако експертизата, на барање од Град Скопје, ја правеше Институтот за сеизмички отпорни градби и климатски промени, по големиот пожар што се случи лани во мај и покажа дека нема сериозни структурни оштетувања на конструкцијата и на преднапрегнатите кабли што ја нарушуваат безбедноста на мостот.

Тогаш професорот Михаил Гаревски од ИСОГКП рече дека му е потребна лесна санација на мостот, со оглед на површинското напукнување на надворешниот бетонски слој во средишниот дел на едната страна на мостот, предизвикано од горењето на изолацијата на топловодните цевки на ЕСМ, а таквите оштетувања се прифатливи според квалификациите прифатени во светот.

Потоа беше направено првото товарење, по кое поместувањата од таквото оптоварување беа во рамките на дозволените граници.

АД ЕСМ тогаш ги извади изгорените цевки од топловодот, требаше до почетокот на грејната сезона да постави нови за овозможување непрекинато снабдување на граѓаните на градот со топлинска енергија. Но, грејната сезона заврши, а цевките не се поставени.

Деканот на Градежниот факултет во Скопје, Горан Марковски, тогаш истакна дека се потребни продлабочени и пообемни испитувања за утврдување на состојбата на мостот за да може со сигурност да се каже дека може целосно да се пушти за сообраќај.

https://www.vecer.press/most-belasica/

На мостот „Беласица“ петти месец се вози по две ленти, новите цевки сè уште не се поставени

После осум месеци откако избувна пожарот на мостот „Беласица“, по мостот и натаму се вози само по две ленти, а поставувањето на топловодните цевки не е стигнато до никаде.

Градоначалничката Данела Арсовска неколкупати во изминатиот период изјави дека причината зошто мостот не се пушта во целост во сообраќај е поради безбедноста на работниците кои ги поставуваат цевките. Но, она што и денеска можеше да се види на терен е дека работници нема, а монтирањето на топловодните цевки, кои лежат на тревникот покрај мостот, не е ниту започнато.

На прашањето до ЕСМ до каде е монтирањето и кога во целост ќе завршат работите, оттаму нема прецизен одговор ниту објаснување зошто толку бавно се одвиваат активностите со оглед на фактот дека демонтажата на опожарениот топловод заврши уште кон крајот на август.

-Во текот на изминатиот период, ЕСМ Дистрибуција активно работи на санација на цевководот кај мостот Беласица. Успешно беа отстранети оштетените цевки и донесени се нови. Поставувањето на новите цевки е комплексна активност и бара сериозна посветеност и работа и се вложуваат максимални напори за санацијата да заврши во најкус можен рок. Додека траат активностите за поставувањето на новите цевки се користи алтернативниот вод на железничкиот мост кој има капацитет да врши континуирана испорака на топлинска енергија до потрошувачите – одговараат од ЕСМ.

Одговорот не се разликува од оној што го добивме уште во октомври, ниту пак укажува за каква комплексна активност станува збор што пет месеци по демонтажата на оштетените цевки уште не се започнува со поставувањето на новите.

Од почетокот на септември по мостот се вози само по две ленти, двете средишни не се пуштаат во употреба додека ЕСМ не ги постави цевките. Од Град Скопје тогаш потенцираа дека согласно експертскиот извештај за состојбата на мостот, утврдено е дека на него нема структурни оштетувања кои ја нарушуваат безбедноста.

Од извештајот е констатирано дека има површинско напукнување на надворешниот бетонски слој во средишниот дел на едната страна на мостот, предизвикано од горењето на изолацијата на топловодните цевки на ЕСМ, кое ЕСМ ќе го санира со цел поставување нови топловодни цевки како нивна обврска за овозможување непрекинато снабдување на граѓаните на градот со топлинска енергија, соопштија од Град Скопје.

Споменатиот извештај никогаш не беше презентиран во јавноста, а при крајот на годината, на мостот беше извршено тестирање со оптоварување од над 200 тона, за да се увиди дали неговата состојба е стабилна и дали е безбеден за сообраќај, со поставување на неколку натоварени камиони од двете страни по должината на мостот.

Според анализите, утврдено е дека мостот е во одлична состојба и е сигурен и безбеден за сообраќај и движење на граѓаните. Дополнително беше извршена прва фаза на пробно товарење, а во моментов се чека завршување на поставувањето на цевководот за топлинска енергија по што мостот ќе биде пуштен во целосна употреба – одговарија од Град Скопје за „Слободен печат“.

Од Градот очекуваме и одговор на прашањата дали тестирањето го изведувала лиценцирана фирма за испитување на мостовски конструкции која може да потврди дека мостот е безбеден или тоа го утврдиле вработени во ЈП „Улици и патишта“, но и на прашањето каква е поврзаноста на поставувањето на топловодните цевки со тоа што мостот не се пушта во употреба, односно зошто работниците би биле небезбедни доколку се одвива сообраќај на сите ленти на мостот, кога Град Скопје тврди дека мостот е во одлична состојба.

Во јавноста останаа неразјаснети многу дилеми околу мостот и нејасно е зошто доколку стануваше збор само за „козметичка“ санација, таа не завршува ниту осум месеци по пожарот.

Деканот на Градежен факултет Горан Марковски, непосредно по опожарувањето на мостот посочи дека доколку станува збор за мало оштетување на „Беласица“, санацијата ќе трае неколку месеци, ако е поголемо и цела година.

Безмалку девет месеци поминаа, а мостот не е целосно пуштен во употреба. Не знам што се работи сега таму, но предолго трае доколку навистина станува збор само за козметичка санација. Јас и понатаму сметам дека мостот не се испита како што треба – вели професорот Марковски.

https://gradska.mk/na-mostot-belasicza-petti-mesecz-se-vozi-po-dve-lenti-novite-czevki-se-ushte-ne-se-postaveni

К.Паланка

Градечки мост" и "Соларски мост" добиваат модерен и урбан лик со нова инвестиција - 14.000.000 денари, обезбедени од Владата на РСМ, преку ТАВ програмата.
Општина Крива Паланка со инвестицијата за реконструкција на овие два моста и дополнително, инвестицијата за изградба и проширување на централната градска улица, добива комплетно разубавен и променет лик на централното градско подрачје.







https://www.facebook.com/o.krivapalanka

ГРАД СКОПЈЕ ПРЕД ЕДЕН МЕСЕЦ ГИ РАСКОПА ТРОТОАРИТЕ НА МОСТОТ „ОБЕДИНЕТИ НАЦИИ“ И ГИ ОСТАВИ ТАКА



Еден месец тротоарите на мостот „Обединети нации“ стојат раскопани и не се градат. Град Скопје на 15 август го откорна асфалтот од патеките за пешаци и велосипедисти од едната страна на мостот, во правец на движење од Влае кон Карпош. Поставени се прегради со кои е забрането движење и знак на Град Скопје дека се изведуваат градежни работи.

Но, иако е поминат цел месец, работите за поставување нов асфалт не се ни почнати, па мостот е небезбеден за движење на пешаци. Пешаците, велосипедистите, родителите со колички за бебиња и деца мора да се движат по коловозот на мостот кој е доста фреквентен и низ него се вози со голема брзина.

Од Град Скопје, како и во цел досегашен мандат на градоначалничката Данела Арсовска, не добивме одговор на нашето прашање зошто оваа фреквентна сообраќајница е раскопана и оставена така, со што е небезбедна за граѓаните.

Мостот „Обединети нации“ со години е во очајна состојба. Полн е со дупки и прокопи, а тротоарите се изрешетани па кога се минува низ нив се гледа реката Вардар. Деканот и професор на Градежен факултет Горан Марковски уште пред неколку години предупреди дека на мостот „Обединети нации“ му е потреба санација поради дотраеноста на некои делови.

Ексградоначалникот Петре Шилегов кон крајот на неговиот мандат најави дека мостот ќе се урива и ќе се гради нов со по три коловозни летни во двата правци, како дел од проектот за воведување на Брз автобуски превоз (БРТ). Но, со доаѓањето на функција на Арсовска овој проект беше стопиран, иако државата зема кредит од од 70 милиони евра од Европската банка за обнова и развој и сега плаќа камати од 350.000 евра годишно.

https://sdk.mk/index.php/dopisna-mrezha/grad-skopje-pred-eden-mesets-gi-raskopa-trotoarite-na-mostot-obedineti-natsii-i-gi-ostavi-taka/

Дупки на тротоарот на мостот „Обединети нации“ – Телма дознава утре затворен еден дел за негова санација



https://telma.com.mk/2023/08/30/dupki-na-trotoarot-na-mostot-obedineti-nacii-telma-doznava-utre-zatvoren-eden-del-za-negova-sanacija/

ЕСМ не е надлежно за санација на мостот ,,Беласица‘‘, туку само за повторно поставување на топловодните цевки

Затворениот мост Беласица не се знае кога ќе се санира за да биде пуштен за сообраќај. Од Град Скопје кратко ни одговорија дека во текот на наредните денови ќе ни дадат информација, што преземаат во врска со мостот. Засега единствено ЕСМ работи на терен. Отстранети се опожарените цевки од топловодната мрежа и почнуваат со инсталација на нови. Уверуваат дека нема да има прекини во снадбувањето со топлинска енергија оваа зима.

„Во моментов се вложуваат максимални напори инсталацијата да заврши во најкраток можен рок, со цел да се обезбеди сигурна и непрекината испорака на топлинска енергија до сите потрошувачи приклучени на дистрибутивната мрежа за следната грејна сезона. Санацијата на мостот, од друга страна, е во надлежност на Град Скопје. “

Директорот на институтот кој ги правеше проценките на штетите од пожарот, вчера информираше дека завршиле со инспекциски контроли и потребна ќе биде само лесна санација на мостот.

Мостот кој е една од главните артерии во градот, се поизвесно е дека нема да биде завршен до септември кога завршуваат летните одмори и почнува учебната година. Граѓаните ќе мора да патуваат и по еден час низ скопските улици, кружејќи за да стигнат до работа, на училиште, болница. Во неколку јавни настапи, уште пред месеци, градоначалничката на Скопје уверуваше на многу скоро пуштање на мостот. Мостот беше опожарен на 12 мај, по што веднаш беше затворен за сообраќај.

https://sitel.com.mk/esm-ne-e-nadlezhno-za-sanacija-na-mostot-belasica-tuku-samo-za-povtorno-postavuvanje-na-toplovodnite

Очигледно ништо

Само зијан прават овие "медиуми" кои имаат наслови кои содржат прашалници, капс лок, извичници..

Originally posted by stef4o Нереализиран проект Пешачки мост на река Вардар кај “Црква Пресвета Богородица”

Скроз непотребен, 300метра е од еден до друг постоечки мост.

Проектантот на „Беласица“ : Не може со дрон да се заклучи дека каблите не се сериозно оштетени

Констатациите за оштетувања на конструкцијата на мостот „Беласица“ од пожарот коишто се однесуваат на состојбата на каблите за преднапрегање, а кои се донесени врз база на преглед на мостот со дрон и тоа на помалку загрозените делови на неговата конструкција, без сомнение не можат да бидат основ за носење заклучок дека каблите не се сериозно оштетени, вели проектантот на мостот, Вукан Њагуљ за МИА.

Њагуљ појаснува дека се неопходни испитувања на лице место и дополнителни пресметки.

Според него, улогата на средишната плоча на мостот за негово правилно функционирање во ниту еден случај не може да се смета за споредна.

-Напротив, со тоа што ги поврзува главните сандачести носачи во една целина таа значително ги намалува влијанијата во нив при несиметричното сообраќајно оптоварување. Ова може да се докаже со соодветна статичка пресметка, онака како што е направено и во Главниот проект, вели Њагуљ.

Мислењето дека мостот е во ред само затоа што во моментот стои и затоа што можеби би издржал некое пробно оптоварување, според Њагуљ, не е во согласност со основните особини на сите градежни материјали.   

-Тоа конкретно подразбира дека мостот не е сигурен доколку поради пожарот дошло до губиток на силата на преднапрегање и како последица на тоа до пораст на напрегањата на затегнување во бетонот преку границите дефинирани со проектот. Во такви околности мостот наизглед сигурно ќе стои се додека носивоста на бетонот на затегнување поради замор не се намали на ниво кое ќе овозможи појава на статички неконтролирани пукнатини што ќе доведе до загрозување на стабилноста на конструкцијата. Или грубо кажано – мора да се знае зошто мостот стои, појаснува Вукан.

Додава дека би сакал да го види извештајот како човек кој целиот работен век се занимава со мостови, особено како проектакт на мостот „Беласица“.

– За жал, немав прилика да го погледнам Извештајот, а како некој кој целиот свој работен век, па и повеќе, се занимава со мостови и особено како проектант на овој мост навистина би сакал да ја имам таа можност, вели Њагуљ, додавајќи дека поради тоа неговите заклучоци се креирани врз основа на информациите објавени во јавноста.

За потребата од подлабински истражувања алармираше и професорот Горан Марковски веднаш откако Институтот го достави Извештајот до Град Скопје. Марковски, инаку декан на Градежниот факултет при УКИМ во Скопје, имаше посочено дека подлабинско истражување ќе придонесе за намалување на ризикот и полесно предвидување на наредните чекори.

Њагуљ се согласува со тоа дека е потребно да се направи детална пресметка со која би се проценило што се случило со мостот.

-Ниту еден проектант на мост не може да остане рамнодушен кон своето дело. Затоа со внимание го следам развојот на настаните поврзани со проценката на степенот на неговото оштетување. Во тој контекст, со особен интерес ја проследив и снимката од излагањето на проф. Марковски. Како што предлага професорот Марковски, во процесот на дијагностика неопходно е да се спроведе ваква анализа со расположивите податоци за пожарот. Целта на оваа пресметка би била да се процени што се случувало со мостот, односно со неговите конструктивни материјали за време на пожарот. Дали евентуално некаде дошло до пречекорување на дозволените напрегања во материјалите, дали се појавиле пукнатини и во кои пресеци итн., изјави Њагуљ.

Во врска со отклонот на конструкцијата во средното поле, тој се согласува со заклучоците на професорот Марковски, но додава дека имајќи предвид оти каблите се инјектирани, има и други причини зошто како последица на пожарот не морало да дојде до зголемување на отклонот, односно до деформација надолу. Притоа, посочува дека сепак оваа претпоставка мора да се провери.

-Должината на делот на конструкцијата на која каблите во внатрешните ребра можеле да бидат изложени на критична температура е релативно мала. За 3 кабли (од вкупно 6) таа должина изнесува во просек околу 12 м (по 6 м мерено од средината на речниот распон на мостот). Притоа дебелината на заштитниот слој на 2 од 3-те кабли, гледано од средината на распонот, постапно се зголемува за да на крајот од наведената должина изнесува повеќе од 10 см што значи дека влијанието на температурата на таа должина постапно се намалува, потоа каблите кои се наоѓаат во надворешните ребра и во долната плоча на сандачестите носачи најверојатно не биле изложени на критична температура, вели тој.

Пукнатините кои можеле да се отворат поради нееднаквото загревање, според Њагуљ, најверојатно потполно се затвориле во текот на ладењето на конструкцијата, но, тоа, вели тој, не значи дека така ќе остане и при сообраќајно оптоварување на мостот.

Потенцира дека евентуалното непостоење на позитивен отклон, односно деформација надолу во моментот, не мора да значи дека нема настанати оштетувања во делот од каблите за преднапрегање.



Во врска со губитокот на силата на преднапрегање и состојбата на каблите, Њагуљ смета дека губењето на квалитетот на челикот за преднапрегање е од примарно значење, бидејќи како што појаснува, освен губитокот на активната сила на преднапрегање и последователниот пад на резервното напрегање на притисок во бетонот, доаѓа и до важно и неповратно намалување на коефициентот на сигурност на лом на конструкцијата.

-Може да се каже дека со ладење на челикот од кој што се произведени јажињата еден дел од силата на преднапрегање ќе биде обновен затоа што должината на каблите на загреаниот дел е генерално гледано непроменлива, секако ако не дошло до деградација на квалитетот на челикот и ако каблите можеле непречено да се вратат на првобитната должина. Доколку настанала деградација на квалитетот на челикот постои можност напрегањето во жиците од кои се составени јажињата да ја пречекориле границата на течење што значи дека сила во каблите сепак постои, но таа ќе биде помала, дециден е Њагуљ.

На прашањето дали е возможно да се утврди силата во каблите, проектантот вели дека каблите кои се наоѓаат во критичната зона на сандачестиот носач биле најмногу изложени во текот на пожарот. Според него, утврдувањето на интензитетот на постоечката сила на напрегање и степенот на евентуална губење на квалитетот на челикот од кој што се произведени јажињата се од примарно значење, особено за носење конечна одлука за потребата од санација на конструкцијата.

Додава дека методата со испитување на бетонските јадра може да се користи како помошна, пред сѐ заради намалување на бројот на местата на кои би се вршеле директни мерења на постоечката сила на преднапрегање, при што таа треба едновремено да биде „баждарена“ преку споредба со директните мерења.

Посочува дека е пожелно состојбата на каблите и постоечката сила на преднапрегање на одреден број места да се определат прво со индиректна постапка, а дури потоа со директна.

-Поради големата широчина на мостот и со самото тоа значителната несиметрија на главната лента на сообраќајното оптоварување во однос на неговата оска, обновувањето на оваа улога на средишната плоча во работата (функционирањето) на конструкцијата на мостот, со преземање на соодветни мерки за санација и евентуално зајакнување, треба да има посебно место во проектот за неговото возобновување, подвлекува Њагуљ.

Според него, покрај другото ќе биде потребна и замена на постоечката арматура.

Експертизата за опожарениот мост „Беласица“ ја направи приватниот Институт за сеизмички отпорни градби и климатски промени и таа е доставена до Град Скопје.

Директорот на Институтот, професор Михаил Гаревски тогаш рече дека од визуелната инспекција не е забележана изложеност на каблите за преднапрегање ниту на еден дел од мостот, туку дека тие се скриени со заштитниот слој на бетон.

Овој е основниот услов и затоа оштетувањата се мали. Но, иако оштетувањата се мали, сепак ќе треба да се изврши санација. Но, потребна е санација на плочата над примарните цевки за парно со торкретирање за да се врати заштитниот слој од бетон кој ја штити ребрастата арматура од корозија. Потребно е и да се врати паднатиот бетон на некои површини од долната плоча и вертикалните ребра на сандачестите носачи. За да може да се спроведе санацијата на мостот неопходно е да се извадат цевките за парно кои се наоѓаат под мостот, истакна Гаревски тогаш во изјава за МИА.

Минатата недела, од АД ЕСМ информираа дека се започнати теренските активности за отстранување на опожарениот топловод на мостот „Беласица”. Оттаму соопштија дека ќе вложат максимални напори демонтажата да се заврши во најкраток можен рок.

Отстранувањето на топловодната инсталација, за проектантот на мостот Њагуљ, е добар почеток, но смета дека тоа требало да биде направено многу порано.

-Отстранувањето на топловодната инсталација секако е добар почеток затоа што е тоа неопходно за извршување на дополнителните испитувања на конструкцијата на лице место и за локална санација на нејзините делови. Штета што со тоа не се започна порано. За време на мојата посета на мостот на 25 мај, лично предложив со тие активности да се започне веднаш, независно од тоа какви работи на мостот ќе биде неопходно да се извршат, истакна проектантот.

Поминаа скоро три месеци откако на мостот „Беласица“ избувна пожар кој зафати површина од 2.000 м2. Оттогаш сообраќајот по мостот е забранет, а возилата и пешаците се пренасочуваат по околните улици со што се создава сообраќаен метеж во градот. Освен информацијата од АД ЕСМ дека е почнато отстранување на топловодната цевка, нема официјални информации за колку време би завршила санацијата и кога повторно мостот ќе биде пуштен во употреба.

https://nezavisen.mk/proektantot-na-belasica-ne-mozhe-so-dron-da-se-zakluchi-deka-kablite-ne-se-seriozno-oshteteni/