Мостови (општо)

ФOTO: Новиот мост на каналот „Мала Рада“ во Драчево
Среда, 03 Октомври 2012 13:11

Жителите на селото Драчево, по повеќегодишни барања конечно добија мост на реката „Мала Рада”.



Пред граѓаните, градоначалникот на општина Кисела Вода Марјан Ѓорчев, заменик-министерот за локална самоуправа Сашо Лазаревски и директорот на ГД „Бетон” Трајче Трпевски, денеска свечено го пуштија во употреба новоизградениот мост на каналот на „Мала Рада”, кој ги поврзува селото и населбата Драчево.

-Мостот на реката „Мала Рада„ беше едно од приоритетните барања на жителите на селото и населбата Драчево во изминатите неколку години и ветувањето кое го дадовме пред три години пред жителите, денеска се исполнува. Со неговото пуштање во употреба денеска сметам дека сме направиле чекор напред во она што се нарекува заедничка работа со граѓаните и сметам дека така треба да продолжиме и понатаму, изјави градоначалникот Ѓорчев.

Тој порача дека со изградбата на мостот максимално се придонесе да се урбанизира и овој дел од општината, а земјоделците од селото Драчево веќе нема да мораат да преминуваат преку коритото на „Мала Рада”, туку преку новиот модерен мост ќе можат да отидат до своите земјоделски насади.



Пофални зборови за проектот имаше и заменик – министерот за локална самоуправа, Сашо Лазаревски.

-Во името на Владата на Република Македонија сакам да го поздравам и да му честитам на градоначалникот Ѓорчев за реализацијата на еден ваков капитален проект за жителите на Драчево и воедно да им упатам порака на сите градоначалници да го следат овој позитивен пример и на ваков начин да ги решаваат проблемите на граѓаните, порача Лазаревски.

Конструкцијата на мостот ја доби својата физиономија согласно со усвоеното решение, со кое, се премостува распон од 21,80 метри со плочеста конструкција со три отвори. Самиот мост пак, се состои од два строја.

Долниот строј е составен од два крајни, два средни столба и четири крилни ѕидови, кои се изведени од армиран бетон.

Коловозот на мостот е со широчина од шест метри, а се изградија и тротоари од двете страни. Од двете страни на мостот се поставени банкини и канделабри.

Градежните работи ги изведуваше ГД „Бетон“, а општината Кисела Вода за овој проект, од општинската каса, издвои 20 милиони денари за изградба на мостот и за реконструкција на пристапните улици во должина од околу 800 метри.

http://kurir.mk/republika/skopje/86850-FOTO-Noviot-most-na-kanalot-Mala-Rada-vo-Dracevo

Новиот мост на Дрим во Струга ќе се гради претстојната пролет По измината речиси година и половина од рушењето на препознатливиот пешачки мост на реката Дрим во непосредна близина на Паркот на поезијата во центарот на Струга [»мапа], локалната самоуправа конечно се огласи со информации за новиот мост кој треба да се изгради на негово место. Градежните работи треба да започнат во текот на пролетните месеци од 2013 година, а финансиската конструкција за целокупниот зафат изнесува 300.000 евра. Во моментов се привршува техничката документација како и постапката за избор на градежна компанија која ќе го реализира инфраструктурниот објект. Избраното идејно решение на распишаниот конкурс веќе е публикувано во јавноста. Од Општина Струга објаснуваат дека причината за одложување на почетокот на градба лежи во недостигот на финансиски средства, кои треба да бидат обезбедени од локалниот буџет во висина од 200.000 евра и од Министерството за транспорт и врски во износ од 100.000 евра. Мостот кој помеѓу стружани беше познат и како „Мостот на Нина“ беше урнат во јуни 2011 година поради неговата руинираност и небезбедноста на пешаците кои го користеа, за што претходно се изјасни и експертска комисија од Министерството за транспорт и врски која изврши проценка на неговата конструкција.   Победничкото идејно решение за новиот мост:           # Објавено на 19.10.2012 во категорија Вести. Тагови: Градска инфраструктура, Инфраструктура, Мост на Нина, Мостови, Струга, Тендери и лицитации

http://www.build.mk/?p=19584

Датум: 15.09.2013, 17:49
СПОРЕД НОВИОТ ГЕНЕРАЛЕН УРБАНИСТИЧKИ ПЛАН

НА ВАРДАР ЌЕ СЕ ГРАДАТ ОСУМ НОВИ МОСТА


Нови мостови ~ се потребни на метрополата, а откако Град Скопје ќе ги заврши двата пешачки моста што неодамна ги најави, следни приоритети ќе бидат сообраќајните премини преку Вардар. Новиот Генерален урбанистички план (ГУП) предвидува изградба на осум нови моста - некои пешачки, некои за возила, а сите со цел да се олесни движењето на граѓаните и да се скрати патувањето меѓу двата брега на реката.

Градските власти неодамна ја презедоа обврската за изградба на два моста за пешаци, на двата краја од Скопје. Првиот ќе ги поврзува населбите Ново Лисиче и Маџари, поточно од последната станица на автобуската линија „15“ кон Вардариште. Вториот мост ќе се гради на Матка, а Град Скопје веќе ги распиша огласите за избор на идејно решение.

Трет мост за Аеродром

Скопјани за преминување преку реката на располагање имаат 15 моста, меѓу кои во Сарај, Хром, „Обединети нации“, пешачкиот мост „Газела“, „8 Септември“, пешачкиот кај Влада, „Гоце Делчев“, Kамениот мост, „Око“, Мостот на уметноста, „Слобода“.Следуваат Мостот на револуцијата, кај Транспортен центар, еден пешачки мост и мостот „Тодор Александров“, поранешен „Близнак“.

Откако ќе бидат завршени двата пешачки моста, следен што ќе го гради Градот е сообраќаен и тоа во Аеродром, кај салата МЗТ. Според направените анализи, потребата од неговата изградба е итна. Но, ќе се гради кога градскиот буџет ќе биде доволно силен за такво нешто.

- Овој реон ќе се спои со Ќерамидница и потоа со булеварот Гоце Делчев кај МРТ. Тој е потребен поради тоа што Аеродром има само еден влез, кај железничката станица, и еден излез, кај Ново Лисиче, односно мостот „Тодор Александров“. Тој мост е трет приоритет во Аеродром, а работиме на вториот, односно на растоварување на сообраќајот во оваа општина. Тоа ќе се случи со проширувањето на улицата Трета македонска бригада, со нови две коловозни ленти. Оваа улица со булеварско решение ќе се спои со булеварот Kрсте Мисирков кај Олимписки базен - објаснува Неделчо Kрстевски, портпарол на Град Скопје.

Во истата општина, но во населбата Лисиче, освен еден пешачки мост, според ГУП е зацртан и сообраќаен мост кај улицата Индустриска, кој треба да ги поврзе Лисиче и Маџари.

Уште се чека на тунелот под Kале

Во ГУП и натаму се предвидени клучните мостови што се дел од примарната сообраќајна мрежа, тој кај Владата и во Маџир Маало. Мостот кај Владата е продолжение на булеварот Kлимент Охридски, кој откако ќе ја премости реката треба да минува во тунел под Kалето и да се поврзе со улицата Никола Kарев во Чаир, која исто така е предвидена да прерасне во булевар од примарната мрежа, односно урбан автопат. Идејата за урбани автопати каде што може безбедно да се вози со поголема брзина е стара повеќе децении, од планот од 1965 година. Оттогаш е и идејата за изградба на булеварот Kрушевска република, кој треба да мине со мост преку Маџир Маало и треба да служи како брза попречна врска меѓу северниот и јужниот дел на градот.

- Ако некогаш се изгради булеварот, во секој случај ќе се изведе и мостот - велат од Градот.

Реализацијата на овие два моста е неопходна за развојот на Скопје, но е скапа и засега не е на листата со приоритети, особено не мостот кај Маџир Маало.

Мост што има шанси поскоро да биде изграден е тој што е предвиден во Kарпош, како продолжение на улицата Љубљанска, која поминува покрај „Сити мол“.

- Тој ќе се гради преку Вардар и ќе се поврзе со булеварот Словенија. Тој е планиран за да служи за поврзување на северниот дел од градот со Kарпош, поточно Визбегово, Злокуќани, Бардовци, Зајчев Рид и да придонесе за нивна побрза урбанизација - вели Kрстевски.

Во Kарпош е планиран и друг мост преку Вардар, мошне посакуван и атрактивен, како продолжение на булеварот Илинден. Овој булевар е зацртан преку Влае, покрај брегот на реката Лепенец, до Волково, каде што треба да излезе на северната обиколница. За овој мост опозицијата во Град Скопје смета дека треба да биде меѓу приоритетите, но власта гледа поинаку.

- Приоритетите ги диктира сообраќајот, а нашите анализи велат дека во тој реон нема тесно грло, поради постоењето на мостот „Обединети нации“ и поради вториот мост подолу, во Хром, кои значително го растоваруваат сообраќајот - вели Kрстевски.

Јорданка Ивановска

http://dnevnik.mk/?ItemID=4B97E7DB50F511428402DA2131DAE8F3

Originally posted by gorco Врска нема ова од нов урбанистички план, се датира од пост-земјотресниот план ...

и од плановите после него... единствен нов план е што планираат да изигруваат месии и од основни сообраќајни решенија да прават голема галама, тоа е се

Мостот за Сарај и Матка

Реконструкција на мостот „Гемиџии“ во Велес





МИА.мк

Привршува реконструкцијата на коловозот на мостот Гемиџии

Интензивните градежни работи кои се случуваат на мостот Гемиџии треба да допринесат што поскоро да биде реконструиран коловозот за да може истиот да биде отворен за сообраќај.

Информациите на ЈП за Државни патишта дека многу скоро по мостот ќе се одвива сообраќај ги потврдуваат и фотографиите кои ги направи Радио Голди.



http://lisica.mk/index.php?option=com_content&view=article&id=7569%3A2014-07-25-16-19-11&catid=93%3Aglavni-vesti&Itemid=758

Edited by jyvation - 20-Oct-2014 at 17:32

Готов е

а зошто во санацијата не влегува префарбување на ивиците и реновација на оградата?
и зошто мора секој проект во македонија да завршува без чистење на улицата со една најпроста метла?