Ја отворам темава со вест која верувам сите ќе ја прифатат позитивно: Управата за заштита на културното наследство покренала постапка за заштита на овој интересен објект.

Никој не се осмелува да го разбива проклетството на куќата на стравот во Црниче

Легендата за зелената куќа-замок на улица Востаничка во населбата Црниче, која датира од пред Втората светска војна, вели дека ја бие проклетство и секој кој ќе се всели во неа ќе заврши трагично. Според локалното население, повеќе браќа кои живееле во неа делеле заедничка несреќна судбина, која се верува дека била поврзана со лошата карма на нивната куќа.

До денес, никој, освен зависниците од дрога, не се осмелува да влезе во куќата.

- Меѓу нас е позната како куќа на стравот. Прикаската за ужасната судбина што ја носи оваа куќа се пренесува од генерација на генерација. Херојско дело беше порано меѓу децата ако некој влезе макар и во дворот на замокот, но, сега е претворена во дувло на зависници од дрога - вели жител на Црниче.

Управата за заштита на културното наследство отвори инцијатива за заштита со закон на зелениот замок, кој со својата градба се издвојува од скопската архитектура и го привлекува вниманието на секој минувач.

- Сé уште немаме добиено решение за заштита. Ја разгледуваме секоја можност, но, во зависност од тоа што ќе одлучат стручните екипи, ние ќе дејствуваме - изјавија од НУ Конзерваторски центар- Скопје.

Куќата е препродавана повеќе пати, но, никој од новите сопственици не се осмелува да преземе какви било активности за нејзина реконструкција.

Во Црниче се шпекулира дека сепак се работи многу повеќе за нерасчистени имотно-правни односи отколку за страв од духовите кои ја прогонуваат.

Сепак, кој и да биде последен сопственик што ќе реши да ја реконструира, Конзерваторскиот центар ќе се обиде да издејствува да се имплементираат делови од постојната градба за куќата да го задржи уникатниот стил.

- Имаме комплетна техничка документација за постојната состојба, која ќе послужи во реконструирањето на новиот објект. Ние ќе наложиме во новата градба да се имплементираат делови од старата - велат од Конзерваторскиот центар.

Извор: http://www.plusinfo.mk/vest/8709/Nikoj-ne-se-osmeluva-da-go-razbiva-prokletstvoto-na-kukjata-na-stravot-vo-Crniche

Имаме некои постари текста за ова, јас памтам два во реконструкција нишката, додека не сме ги префрлиле. Ова оддамна се зборуваше за заштита а и штета е да не се заштити зашто е ретка ваква куќа, таа кај кочо рацин ја знам, слична е, некако посочувана ми изглед аи е кафеава. Во зеленава имам влезено, цела е лом, депонија, горе куполата од внатре се распаѓаше, барем тоа беше оддамна пред многу години.  Инаку куќата е како со некои одвоени влезови два, напред има нешто како кружна просторија што мислам дека не е врзана со другите простории.

Веројатно клучно прашање е што се случило со иницијативата за заштита на објектот поведена од Управата за заштита на културното наследство. Ако не биднало ништо од тоа (како што изгледа), кој би бил начинот за реакција? Сепак се работи за приватен сопственик, кој што доколку објектот не е заштитен, може да го урне кога сака.

Се бара Пјер да ја тргне клетвата од Куќата на духовите во Црниче



Братската клетва е причина за проклетството на замокот во скопската населба црниче, познат како Куќата на стравот и на духовите, пишува дневниот весник “Вест“.
Проклетството доаѓа од смртната постела на скопјанецот Трајко Боцев, кој ги проколнал помладите браќа Томе и Димче да изгубат се’ во животот, оти одбиле да го погребаат во семејната куќа.

Долгата приказна за тројцата браќа, за “Вест“ ја раскажува нивниот потомок Здравко Боцев, кој пак ја чул од нивниот татко и дедо.

“Се работи за тројца богати браќа Трајко, Томе и Димче. Најмладиот од нив бил Димче. Тој бил бербер, но со брат му Томе стануваат бакалџии и многу се збогатиле. Први имале лозје каде се наоѓа вилата, од кое правеле многу убаво вино. Најстариот брат Трајко се борел со Турците, кои смртно го раниле во Ниш. Пред да почине, пратил абер по неговиот син Никола да им пренесе на браќата да го земат и вратат во Скопје, за да го погребаат во семејната гробница. Томе и Димче не сакале да чујат за тоа и го оставиле да умре сам. Никој не знае ниту каде е закопан. Пред да умре фрлил клетва на браќата да им се уништи се’ во животот. Од тука почнува проклетството“, раскажува за “Вест“, Здравко, потомок на Трајко кој ја фрлил клетвата врз браќата.

Според него, клетвата може да ја тргне само Пјер, оти тој законски може да управува со вилата.

Озлогласената “куќа на стравот“ во Црниче наскоро ќе биде урната, а на нејзино место ќе се гради нов објект, тврди сопственикот. Од друга страна, од општина Кисела Вода велат дека не можат да стапат во контакт со него и поради тоа не можеа да ни дадат одговор дали на нејзино место, доколку таа биде урната, ќе се изгради некоја зграда.

http://tocka.com.mk/1/78139/se-bara-pjer-da-ja-trgne-kletvata-od-kukata-na-duhovite-vo-crnice

И така, додека Управата за заштита на културното наследство се потресувала за некоја си приватна, веќе распадната куќарка, интересна главно на суеверните маалски простаци, низ градот се обезличуваат уникатни објекти од сериозна архитектонска вредност и важност. Кого ли треба да бараме да ја тргне клетвата од нив, да ми је знати... 

Срушена „Куќата на стравот“, најголемата скопска мистерија

Само прав остана од најголемата скопска мистерија.

Викендов багери ги расчистуваа остатоците од „Куќата на стравот“ во скопската населба Црниче.

На местото на кое со децении стоеше мистериозната куќа сега ќе никне нов објект.

Од општина Кисела Вода за весникот „Вест“ велат дека издале решение за уривање на сопстеникот врз основа на барање на сопственикот Крсто Велјановски. Откако тој ќе плати комуналии ќе мус е издаде и дозвола за градба но во општината ен знаат што точно тој планира да гради.

http://www.kurir.mk/republika/skopje/95036-Srusena-Kukata-na-stravot-najgolemata-skopska-misterija

Скопје остана посиромашно за една култна градба/приказна. Се осеќам лично одговорен што не превзедов иницијатива да се заштити некако. Се надевам дека никој нема да му купи стан на инвеститорот во идното П+7 ругло.

Наспроти колосалната брука позната под името СК2014, ова е небитна информација. 

Градот убав никна, но го откорнаа. Инаку сега има зграда можеш да видиш на Стрит Вју.

Edited by one1 - 03-Mar-2016 at 22:44

Верувам дека е ова говно од објект.