Јавен автобуски превоз (општо)

Originally posted by гитардемон Ете и нешто арно да произлезе од неспособноста на Данела.

treta rabota e ova, prvata korist e zabataluvanjeto na univerzalna da se doraspadne sosema posakuvano, vtorata e bataluvanjeto na gluposta BRT.

ГРАД СКОПЈЕ ГО РАСКИНА ДОГОВОРОТ СО ПРИВАТНИКОТ „МАКЕКСПРЕС“, НА НИВНИТЕ ЛИНИИ ЌЕ ВОЗИ ЈСП

Град Скопје и ЈСП „Скопје“ го раскина договорот со приватниот превозник „Макекспрес“ кој веќе втора недела не вози оти не му се исплатени пари. Како што велат од Градот, линиите 19, 20, 22, 52 и 54.на кои сообраќаа приватните автобуси, отсега ќе бидат заменети со автобуси на ЈСП Скопје. Од Градот велат дека со преземањето на овие линии од ЈСП, транспортот на патници ќе продолжи непречено.

„Причина за раскинувањето на договорот со приватниот превозник “Макекспрес“ е непочитување на обврските од договорот во кои се уредуваат условите за начинот на јавен превоз. Со жалење мораме да констатираме дека приватниот превозник до моментот на раскинување на договорот не успеа да обезбеди модернизирани автобуси со соодветни еколошки стандарди, основно ниво на хигиена во автобусите и редовност без доцнење на автобуските постојки“, велат од Град Скопје.

Град Скопје му должи на „Макекспрес“ околу половина милиони евра. Во соопштението на Градот не се надедува дали ќе му бидат исплатени парите на превозникот. „Макекспрес“ возеше со 72 автобуси на петте линии.

Градоначалничката Данела Арсовска во јануари ги продолжи договорите со двата приватни превозници во Скопје „Макекспрес“ и „Слобода превоз“.

https://sdk.mk/index.php/dopisna-mrezha/grad-skopje-go-raskina-dogovorot-so-privatnikot-makekspres-na-nivnite-linii-ke-vozi-jsp/

ПРИВАТНИТЕ ПРЕВОЗНИЦИ НЕ ЗАСЛУЖУВААТ ПАРИ, АВТОБУСИТЕ ИМ СЕ КРШ, ВЕЛАТ ОД ГРАД СКОПЈЕ ОТКАКО ДЕЛ ОД НИВ ТРЕТ ДЕН НЕ ВОЗАТ

Трет ден приватните автобуси на превозникот „Макекспрес“ не возат, а градоначалничката Данела Арсовска ниту имала средба со нив, ниту нуди решение за проблемот. Таа проблемот го префрла кон нив велејќи дека дел од приватните превозници нудат супстандарди услови за превоз и не ги заслужуваат парите кои ги добиваат од Градот за услугата која ја вршат.

Арсовска сега вели дека автобусите не чинат, а на почетокот на годинава таа им ги продолжи договорите на приватните превозни за сите линии и тогаш не сметаше дека нудат супстандарди услови за превоз.

Од нејзиниот кабинет не кажуваат дали и кога ќе им биде подмирен долгот и зошто до сега не е најдено решение. Велат дека со тоа што 70 автобуси не возат скопјани не се оставени без дел од јавен превоз туку добиваат редовна услуга бидејќи овие линии ги сервисираат автобусите на ЈСП.

„За разлика од градските автобуси на ЈСП, кај една група на приватни превозници се регистрирани низа неправилности и нерегуларности во нивното работење, како и неисполнувањето на услугите за кои тие наплаќаат од ЈСП. Од супстандардните услови на автобусите, нивната техничка неисправност, саботажа на системот за следење на движењето на нивните автобуси па се` до неисправност на фискалните уреди и непочитување на утврдениот возен ред. Сето ова ни дава за право да ја преиспитаме оправданоста на висината на сумата која оваа група на приватни превозници ја побаруваат како надомест за нивните услуги. ЈСП и Град Скопје во неколку наврати укажаа на овие пропусти и недостатоци, дури беше даден и рок за да се подобрат квалитетот на автoбусите и нивната техничка исправност“, велат од кабинетот на Арсовска.

Еден од сопствениците на „Макекспрес“ Милорад Димитриевски вели дека кога се нема решение најлесно е преку напад да се префрли вината.

„Не се точни ваквите обвинување, туку напротив Град Скопје и ЈСП се тие кои не ги почитуваат обврските кон нас, па изнесуваат вакви обвинувања од незнаење и ја префрлат вината. Ние трет ден не возиме, ни должат пола милиони евра, а ниту градоначалничката Арсовска ниту некој од Градот досега не се јавил за да се најде решение“, додава Димитриевски.

Градот освен кон „Макекспрес“ има долг и кон вториот приватен превозник „Слобода превоз“ од 700.000 евра. Тие засега велат дека нема да престанат со возење бидејќи им биле ветено дека до петок ќе добијат пари.

https://sdk.mk/index.php/dopisna-mrezha/privatnite-avtobusi-se-supstandardi-i-ne-gi-zasluzhuvaat-parite-koi-gi-zemaat-velat-od-grad-skopje-otkako-del-od-niv-tret-den-ne-vozat/

Овие за септемвриска плата протестирале? Браво.

Билет за едно возење 35 денари и за села оддалечени и по 40 km, a месечен билет
и тоа за сите линииза скопјанки над 62 год и скопјани над 64 год изнесува 300 денари.

Па така за Дељадровци билет е 35 денари во ЈСП, а за соседното Агино Село, билет од Скопје Транспортен Центар е 110 ден.

Па откаде пари?

Во Куманово за 300 денари тие што се над 62/64 год од поодалечените села како Арбанашко, Пелинце, Татариновац, Руѓинце, Бељаковце, Габреш, К'шање одвај ќе може еднаш да отидат до Куманово и да се вратат.

Во Куманово цена на билет за градска линија прва зона 30 денари, а втора зона, само до селата што граничат со градот 35 денари. Месечен билет ти важи само за една линија.

Верувам дека е слично и за Охрид, Битола, Прилеп, Струмица.

А на скопјаниве и тоа им е скапо, па незадоволни што им го нема ветениот бесплатен превоз.

Утре од пладне ќе нема автобуси, не го чекајте бадијала ЈСП

Утре после пладне граѓаните е добро да смислат друга алтернатива за превоз низ Скопје, освен автобусите, тие ќе бидат паркирани пред Владата, пишува Алсат.

Вработените ќе штрајкуваат поради долгот од централната власт кон ЈСП. Од Град Скопје бараат Владата итно да го исплати долгот за компанијата да има пари за плати на вработените, но дури и со таа сума, ќе се покријат само платите за септември и октомври. Месечните трошоци за плати достигнуваат и до 65 милиони денари. Два милиони евра, велат од Град Скопје е долгот само од Министерството за образование за бесплатниот превоз на ученици и студенти, 40 милиони денари должат општините, а 90 милиони е наследен долг.

„Но, еден час подоцна градоначалничката на Град Скопје рече дека превоз ќе има и по 12 часот„ рече Зоран Глигоров – секретар на Град Скопје.

„Од Владата попладнево демантираа дека Министерството должи пари за ЈСП и обвинија дека всушност општините неодговорно менаџираат со средствата наменети за превоз на учениците„рече Данела Арсовска – Градоначалничка на Град Скопје.



А и покрај оваа хаотична состојба во ЈСП, градоначалничката Арсовска и понатаму ветува бесплатен јавен превоз за сите граѓани. Тој, како што тврди таа, ќе почне да се реализира во втората половина на следната година.

https://alsat.mk/mk/utre-od-pladne-ke-nema-avtobusi-ne-go-chekajte-badijala-jsp/

Немаат пари за гориво, дали автобусите ќе застанат?

Градот, односно Јавното сообраќајно претпријатие „Скопје“ на приватните превозници им должи околу 68 милиони денари што треба да им се исплаќаат неделно и месечно, со што се доведува во прашање јавниот градски превоз во Скопје во делот кој го покриваат тие.

Директорот на приватното претпријатие за јавен превоз „Слобода превоз“, Ленин Јовановски вели дека долгот кон нив изнесува околу 40 милиони денари.

– Константно ни должат. Во понеделникот имавме средба со претставници од ЈСП и со секретарот на град Скопје на која е договорено до петок да се исплати половината од сумата која ја должат. Освен тоа, договорено е да се утврди динамиката на тековната исплата на авансот за наредниот период, како и за расчистување на останатиот доспеан долг – информираше Јовановски.

Тој вели дека имаат разбирање за проблемот и оти Градот помага и како медијатор и со средства и е вклучен во процесот на изнаоѓање решение за овој проблем, но сепак имаат големи потешкотии во работењето кои не можат да се поднесат, доколку не се решат на време.

– Доколку не се превенира проблемот ќе не доведе во состојба да го прекинеме јавниот градски превоз во Скопје во делот кој го покриваат приватните превозници. Финансиски не може да се издржи. Не ќе можеме да ставиме гориво во возилата, а треба да ги исплатиме обврските кон нашите добавувачи – вели Јовановски.

Тој се надева дека нема да дојде до такво нешто, бидејќи како што најави на повидок е решавање на проблемот. Јовановски информира дека разговарале со градоначалничката на Град Скопје, Данела Арсовска да се работи на предлог-измена на цената која е утврдена по изминат километар во која ќе бидат вкалкулирани новите цени на оние производи кои што тие ги користат вршејќи ја дејноста, а се дел од формулата според која се пресметува цената по изминат километар.

Милорад Димитриевски, еден од сопствениците на „Макекспрес“,,вели дека долгот кон нив е околу 29 милиони денари за 2,5 месеци, односно за половина јули, цел август и цел септември и оти иако повеќе пати се обраќале до Градот, решение никако да се најде.

– Немаме пари за гориво, за одржување на возилата и за исплата на плати и придонеси за возачите. Нарушено е целокупното работење – потенцира Димитриевски.

Тој рече дека било пуштено нешто ситно и се надева дека до петок ќе биде исплатена поголема сума од долгот за да се излезе од оваа агонија.

https://www.vecer.press/немаат-пари-за-гориво-дали-автобусите/

АРСОВСКА НЕ ОЧЕКУВАЛА ОЛКУ ГОЛЕМА ЕНЕРГЕТСКА КРИЗА, ЗАТОА ВЕТИЛА БЕСПЛАТЕН ЈАВЕН ПРЕВОЗ

Скопската градоначалничка Данела Арсовска вели дека сè додека не се надмине енергетската криза не може да каже кога ќе го реализира ветувањето за бесплатен јавен автобуски превоз во градот. Во емисијата „Клик плус“ на ТВ21, таа кажа дека никој не очекувал да се случи олку голема енергетска криза и високите цени на енергенсите многу го оптоваруваат буџетот на Град Скопје.

„Чесно е да кажеме дека олку голема енергетска криза никој не очекуваше. Цените на енергенсите, на нафтените деривати, на мазутот, се толку високи во овој момент и ова што сега го правиме е практично нешто што многу го оптоварува буџетот на Град Скопје. Работиме во таа насока, меѓутоа сè додека не ја надминеме кризата, сега во овој момент не можам да кажам во која фаза ќе се реализира. Но, сè што беше ставено во програмата ‘Модерно Скопје’ ќе се реализира, тоа е нашата цел“, изјави Арсовска.

По доаѓањето на функцијата, Арсовска во декември кажа дека проектот за бесплатен јавен превоз кој го вети во предизборната кампања ќе се реализира за две години.

https://sdk.mk/index.php/dopisna-mrezha/arsovska-ne-ochekuvala-volku-golema-energetska-kriza-zatoa-vetila-besplaten-javen-prevoz/

Спијат нашиве.

https://www.maltatoday.com.mt/news/budget-2022/112622/budget_2022_free_public_transport_as_from_october_2022#:~:text=Malta%20will%20become%20the%20second,over%2075-year-olds.

ШУТКА ОСТАНА БЕЗ ЈАВЕН ПРЕВОЗ, АРСОВСКА 3 МЕСЕЦИ НЕ ИМ ИСПЛАТИЛА ПАРИ НА ПРИВАТНИТЕ ПРЕВОЗНИЦИ, ПА ДЕЛ ОД НИВ НЕ ВОЗАТ

Приватните автобуски превозници во Скопје за три месеци немаат добиено пари од Град Скопје за превозот кој го вршат и линиите кои ги одржуваат. Поради тоа веќе неколку дена одредени превозници не возат, па на дел од линиите нема автобуси и граѓаните се оставени без јавен превоз.

Со воведување на единствениот систем на наплата уште во времето на ексградоначлникот Коце Трајановски и во автобусите на ЈСП „Скопје“ и во приватните важат истите билети и истата цена. Градот преку ЈСП „Скопје“ за возврат им исплаќа на приватните превозници по 1 евро за секој изминат километар, Но, сега како што велат од „Макекспрес“ и „Слобода превоз“не им се исплатени пари за февруари, март и април, а веќе сме средина на мај. Исто така намален им е и авансот кој за секој месец им се исплаќа за да можат да работат.

Поради ваквата состојба одредени автобуси не возат, а во одредени делови од Скопје воопшто нема автобус по цел ден. Таков е примерот со населбата Шуто Оризари каде во 90 отсто линиите „19“ и „20“ ги опслужуваат приватните превозници. Овие линии веќе два дена не возат па жителите се отсечени од центарот и другите општини во градот. Граѓаните од Шутка што ја контактираа нашата редакција велат дека за да стасаат на работа мора да користат такси.

Милорад Димитриевски еден од сопствениците на „Макеспрес“ вели дека автобусите не возат оти немаат пари да стават нафта.

„Ние немаме пари за гориво, како да возиме? За плата пак ич да не збориме. Градот ни должи пари за дел од месец февруари, како и за цел март и април. Авансот кој ни се даваше од 2 милиони денари, е намален на 1 милион, а се договоривме да биде зголемен на 2,5 милиони денари. Од Градот Скопје ни ветуваат средба па ќе видиме што ќе се договориме во наредните денови. Но, ако нема пари, нема начин како да возиме и да има автобуси за граѓаните на улица“, вели Димитриевски.

И од вториот приватен превозник со кој Град Скопје има склучено договор и му додели линии за превоз на патници, „Слобода превоз“ велат дека и нив Град Скопје им должи пари, па дури и повеќе од „Макеспрес“.

„И нас ни должат пари за три месеци и моравме да земеме кредит за да имаме пари за гориво и да возиме. Ние не сме повлекле ниту еден автобус од линиите што ни се доделени, ако се откаже, еден компензираме со друг, треба да се менаџира некако. Но, сепак ситуацијата е тешка и не знаеме како ќе продолжиме понатаму“, вели Ленин Јовановски од „Слобода превоз“.

Од градоначалничката Данела Арсовска и овој пат не добивме одговор зошто не им се исплатени пари на приватните превозници за три месеци и што ќе преземе како градоначалничка на Скопје со оглед на тоа дека граѓани се оставен без автобуски превоз, а во изборната кампања главно ветување ѝбеше бесплатен, брз, безбеден и еколошки јавен превоз.

Приватните превозници се исплаќаат преку ЈСП „Скопје“ а таму пак веќе една недела нема директор откако досегашниот Иван Илиевски минатиот четврток си поднесе оставка неполни 6 месеци откако беше назначен на функција. Од Град Скопје не кажуваат кога ќе назначат нов и зошто до сега тоа не е сторено.

Град Скопје нема пари да ги плати приватните превозници дури и кога наплатуваат за билети.

Градоначалничката Данела Арсовска покрај тоа што вети бесплатен автобуски превоз за сите граѓани, вети и 250 еколошки автобуси за кои ќе бидат потребни 75 милиони евра. Поминаа 6 месеци откако е на функција, но уште не кажа од каде ќе најде пари за автобусите, со оглед на тоа дека Градот не може кредитно да се задолжи.

Лидерот на ВМРО-ДПМНЕ, партијата што ја поддржа кандидатурата на Арсовска на локалните избори, Христијан Мицкоски кон крајот на март изјави дека „преговараат со странски компании за набавка на 100 електрични автобуси“. На прашањето на САКАМДАКАЖАМ.МК, дали Градот или партијата ВМРО-ДПМНЕ ќе набавува автобуси, зошто се водат преговори со компании наместо да се распише тендер и што би добиле тие фирми за возврат, градоначалничката одговори: „Претседателот на ВМРО-ДПМНЕ Христијан Мицкоски проактивно делува за подобрување на состојбите во Скопје и во комуникацијата за прашања кои се од важност за Скопје и скопските општини, сигурна сум дека ќе постигнеме резултати за доброто на граѓаните“.

Од кабинетот на Арсовска постојано повторуваа дека виновници за лошата состојба во јавниот презов се минатото раководство на Градот кое го оставило ЈСП „Скопје“ во долгови. За секоја критика, или прашање што не ѝ се допаѓа одговара дека „ја напаѓаат“, а со медиумите комуницира исклучиво преку соопштенија и специјални емисии.

https://sdk.mk/index.php/dopisna-mrezha/shutka-ostana-bez-javen-prevoz-arsovska-3-mesetsi-ne-im-isplatila-pari-na-privatnite-prevoznitsi-pa-del-od-niv-ne-vozat/