build.mk Homepage
Forum Home Forum Home > Главни теми > Урбани прашања > Јавен превоз
  Active Topics Active Topics RSS Feed: Јавен автобуски превоз (општо)
  FAQ FAQ  Forum Search   Register Register  Login Login

Јавен автобуски превоз (општо)

Bookmark and Share
 Post Reply Post Reply Page  123 82>
Author
Message Reverse Sort Order
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #1 Topic: Јавен автобуски превоз (општо)
    Posted: 12-May-2022 at 17:01
ГРАД СКОПЈЕ ИМ ПЛАТИ НА ПРИВАТНИТЕ ПРЕВОЗНИЦИ, ОД УТРЕ ЌЕ ВОЗАТ ЗА ШУТКА

Од утре, автобусите на линиите 19 и 20 ќе продолжат да возат, велат од Град Скопје и додаваат дека проблемот со приватниот превозник „Макекспрес“ е надминат, односно исплатени му се парите. Од понеделникот не возеа автобуси на овие две линии, па жителите на Шуто Оризари беа отсечени од градот, немаа начин како да стасаат на работа, во улилиште или на лекар.

„Во договор со компанијата, од утре линиите ќе сообраќаат според редовниот возен ред. Градот Скопје за една недела на приватниот превозник му надомести средства во износ од осум милиони денари, а во текот на следните денови на приватниот превозник ќе му бидат надоместени скоро четвртина од наследениот долг кој Градот го има кон овој приватен превозник“, велат од кабинетот на градоначалничката Данела Арсовска.

Од Градот се надеваат дека вакви неприлики со јавниот превоз и повторно исклучување на линии од приватните превозници нема да се случуваат, затоа што, како што велат, „истото е на штета на граѓаните“.

Денеска и градоначалникот на Општина Шуто Оризари Курто Дудуш побара од градоначалничката Арсовска итно решавање на проблемот и да се пуштат автобуси од ЈСП, а не само приватни, кои си возат кога сакаат и до каде сакаат.

https://sdk.mk/index.php/dopisna-mrezha/grad-skopje-im-plati-na-privatnite-prevoznitsi-od-utre-ke-vozat-za-shutka/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #2 Posted: 12-May-2022 at 12:50
ШУТКА ОСТАНА БЕЗ ЈАВЕН ПРЕВОЗ, АРСОВСКА 3 МЕСЕЦИ НЕ ИМ ИСПЛАТИЛА ПАРИ НА ПРИВАТНИТЕ ПРЕВОЗНИЦИ, ПА ДЕЛ ОД НИВ НЕ ВОЗАТ

Приватните автобуски превозници во Скопје за три месеци немаат добиено пари од Град Скопје за превозот кој го вршат и линиите кои ги одржуваат. Поради тоа веќе неколку дена одредени превозници не возат, па на дел од линиите нема автобуси и граѓаните се оставени без јавен превоз.

Со воведување на единствениот систем на наплата уште во времето на ексградоначлникот Коце Трајановски и во автобусите на ЈСП „Скопје“ и во приватните важат истите билети и истата цена. Градот преку ЈСП „Скопје“ за возврат им исплаќа на приватните превозници по 1 евро за секој изминат километар, Но, сега како што велат од „Макекспрес“ и „Слобода превоз“не им се исплатени пари за февруари, март и април, а веќе сме средина на мај. Исто така намален им е и авансот кој за секој месец им се исплаќа за да можат да работат.

Поради ваквата состојба одредени автобуси не возат, а во одредени делови од Скопје воопшто нема автобус по цел ден. Таков е примерот со населбата Шуто Оризари каде во 90 отсто линиите „19“ и „20“ ги опслужуваат приватните превозници. Овие линии веќе два дена не возат па жителите се отсечени од центарот и другите општини во градот. Граѓаните од Шутка што ја контактираа нашата редакција велат дека за да стасаат на работа мора да користат такси.

Милорад Димитриевски еден од сопствениците на „Макеспрес“ вели дека автобусите не возат оти немаат пари да стават нафта.

„Ние немаме пари за гориво, како да возиме? За плата пак ич да не збориме. Градот ни должи пари за дел од месец февруари, како и за цел март и април. Авансот кој ни се даваше од 2 милиони денари, е намален на 1 милион, а се договоривме да биде зголемен на 2,5 милиони денари. Од Градот Скопје ни ветуваат средба па ќе видиме што ќе се договориме во наредните денови. Но, ако нема пари, нема начин како да возиме и да има автобуси за граѓаните на улица“, вели Димитриевски.

И од вториот приватен превозник со кој Град Скопје има склучено договор и му додели линии за превоз на патници, „Слобода превоз“ велат дека и нив Град Скопје им должи пари, па дури и повеќе од „Макеспрес“.

„И нас ни должат пари за три месеци и моравме да земеме кредит за да имаме пари за гориво и да возиме. Ние не сме повлекле ниту еден автобус од линиите што ни се доделени, ако се откаже, еден компензираме со друг, треба да се менаџира некако. Но, сепак ситуацијата е тешка и не знаеме како ќе продолжиме понатаму“, вели Ленин Јовановски од „Слобода превоз“.

Од градоначалничката Данела Арсовска и овој пат не добивме одговор зошто не им се исплатени пари на приватните превозници за три месеци и што ќе преземе како градоначалничка на Скопје со оглед на тоа дека граѓани се оставен без автобуски превоз, а во изборната кампања главно ветување ѝбеше бесплатен, брз, безбеден и еколошки јавен превоз.

Приватните превозници се исплаќаат преку ЈСП „Скопје“ а таму пак веќе една недела нема директор откако досегашниот Иван Илиевски минатиот четврток си поднесе оставка неполни 6 месеци откако беше назначен на функција. Од Град Скопје не кажуваат кога ќе назначат нов и зошто до сега тоа не е сторено.

Град Скопје нема пари да ги плати приватните превозници дури и кога наплатуваат за билети.

Градоначалничката Данела Арсовска покрај тоа што вети бесплатен автобуски превоз за сите граѓани, вети и 250 еколошки автобуси за кои ќе бидат потребни 75 милиони евра. Поминаа 6 месеци откако е на функција, но уште не кажа од каде ќе најде пари за автобусите, со оглед на тоа дека Градот не може кредитно да се задолжи.

Лидерот на ВМРО-ДПМНЕ, партијата што ја поддржа кандидатурата на Арсовска на локалните избори, Христијан Мицкоски кон крајот на март изјави дека „преговараат со странски компании за набавка на 100 електрични автобуси“. На прашањето на САКАМДАКАЖАМ.МК, дали Градот или партијата ВМРО-ДПМНЕ ќе набавува автобуси, зошто се водат преговори со компании наместо да се распише тендер и што би добиле тие фирми за возврат, градоначалничката одговори: „Претседателот на ВМРО-ДПМНЕ Христијан Мицкоски проактивно делува за подобрување на состојбите во Скопје и во комуникацијата за прашања кои се од важност за Скопје и скопските општини, сигурна сум дека ќе постигнеме резултати за доброто на граѓаните“.

Од кабинетот на Арсовска постојано повторуваа дека виновници за лошата состојба во јавниот презов се минатото раководство на Градот кое го оставило ЈСП „Скопје“ во долгови. За секоја критика, или прашање што не ѝ се допаѓа одговара дека „ја напаѓаат“, а со медиумите комуницира исклучиво преку соопштенија и специјални емисии.

https://sdk.mk/index.php/dopisna-mrezha/shutka-ostana-bez-javen-prevoz-arsovska-3-mesetsi-ne-im-isplatila-pari-na-privatnite-prevoznitsi-pa-del-od-niv-ne-vozat/
Carpe diem
Back to Top
phenomenon View Drop Down
Senior Member
Senior Member
Avatar

Joined: 26-Oct-2010
Location: Kumanovo
Online Status: Online
Posts: 2460
  Quote phenomenon Quote  Post ReplyReply #3 Posted: 19-Mar-2022 at 14:51
開始されていないだけの戦いが失われ、
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #4 Posted: 15-Mar-2022 at 15:20
Со набавка на електрични автобуси дефинитивно се подобрува квалитетот на воздухот



АНАЛИЗА НА „НОВА МАКЕДОНИЈА“

Неодамнешната информација дека Скопје ќе добие сто нови електрични автобуси громогласно одекна во јавноста, особено кај еколозите, чија најголема загриженост е загадениот воздух, кој е причина за голем број сериозни последици кај скопјани. Доколку се реализира тоа и градот навистина целосно го ориентира јавниот градски превоз кон електричен, тоа ќе биде огромен плус на контото квалитетен животот во метрополата.

ЗА СКОПЈЕ СЕ ДОБРЕДОЈДЕНИ ЕЛЕКТРИЧНИТЕ АВТОБУСИ

Скопје во наредниот период ќе добие сто електрични автобуси, со кои не само што ќе се обнови возниот парк и ќе се заменат старите автобуси туку и значително ќе се подобри квалитетот на амбиенталниот воздух.
Иако во неколку стручни анализи беше наведено дека сообраќајот не претставува тежишен дел на загадувањето, тоа не значи дека сообраќајот не загадува, особено автобускиот сообраќај, кој речиси 24 часа на ден учествува со голем број автобуси.
Сепак, за поздравување е што автобускиот сообраќај е една од првите мерки што се активираат кога градот има енормна загаденост, односно се активира бесплатен јавен превоз, кој треба да ги натера граѓаните да ги остават своите возила и да го користат јавниот транспорт. Со набавката на електрични автобуси, тоа воопшто и нема да биде дел од загадувањето, односно јавниот превоз ќе биде целосно еколошки, со што загадувањето на амбиенталниот воздух можеби нема целосно да исчезне, но значително ќе се намали.

НАПРАВЕНА МАТЕМАТИКА ЗА ТОА КОЛКУ ТОНИ ПМ-ЧЕСТИЧКИ СЕ ПРОДУЦИРААТ ВО ЈАВНИОТ ПРЕВОЗ

Да потсетиме, на научната конференција за загадувањето на градовите во Македонија и можните решенија – сесија за сообраќај, одржана во 2018 година во МАНУ, проф. д-р Миле Димитровски од Машинскиот факултет и претставник на Комората на овластени архитекти и овластени инженери истакна дека сообраќајот учествува во загадувањето со 20 проценти.
Според него, доколку сите ние сме биле малку построги во однос на заштитата на воздухот, не би се соочувале со толкава загаденост.
– Стимулирано е купување употребувани возила и дозволен е увоз на возила со ниски стандарди (евростандард 1 и 2). Во 2016 година е дозволен увоз на возила со стандард на мотор еуро 4, кој во ЕУ е воведен пред повеќе од десетина години. Набавени се двокатни автобуси за јавен превоз со дизел-мотори еуро 5 (продуцираат честички ПМ10, ПМ 2,5) – нагласи тој на конференцијата.
На тогашната конференција и направените анализи, ЈСП имало 401 автобус, од кои сите биле дизел со неколку гасни минибуси. Тие дневно остваруваат 53.184,8 километри. Во сообраќајот имало 96,26 проценти автобуси на дизел-гориво, 3,74 проценти автобуси на компримиран природен гас (CNG). Број на автобуските линии бил 39, а вкупната должина на автобуските линии била 568,7 километри.
Со извршените мерења на возењето на автобусите, заклучено е дека драстично е помало загадувањето на оние автобуси со еуро 5 во споредба со оние со еуро 2.
Со поминати 53 илјади километри дневно, ЈСП ќе произведе 2,12 тони ПМ-честички. Според него, доколку автобусите би биле гасни, емисијата на ПМ-честички би била 0,511 тони, а најзначајна компонента од јавниот превоз што загадува се азотните оксиди.
Како едно од можните решенија, тој истакна дека е потребна обнова на возниот парк со возила што би возеле на природен гас или електрични.
Според горенаведеното, можеме да заклучиме дека набавката на електрични автобуси што нема да го загадуваат воздухот е добредојдено решение.

ДЕНЕС ЈСП ИМА ПОВИСОКИ СТАНДАРДИ

Според податоците на интернет-страницата на јавното сообраќајно претпријатие, несомнено ЈСП е најголем поединечен потрошувач на гориво во категоријата транспорт.
Пред десетина години, во делот за животната средина, ЈСП-Скопје наведе дека како претпријатие годишно троши просечно околу 6.000.000 литри гориво.
– Тоа се приближно 30.000 буриња, кои кога би ги наредиле едно до друго, би достигнале и би го поминале Катланово. Со тоа што ЈСП „согорува“ над 6.000.000 литри гориво годишно, истовремено претставува и најголем поединечен потенцијален загадувач на животната средина во својата категорија – наведено е на сајтот на ЈСП.
Како што пишува, сѐ до 2006 година немало никакви активности во правец на намалување на штетноста од емисијата на издувните гасови, а со тоа и да се даде значителен придонес во заштитата на животната средина.
– Европските стандарди за емисија на издувните гасови кај возилата дефинираат прифатливи граници на издувни гасови кај новите и користените возила во рамките на државите на ЕУ. Во моментот се регулирани емисиите на азотните оксиди (NОx), јаглеводородите (THC), неметанските јаглеводороди (NMHC), јаглерод моноксидот (CO) и прашкестите – партикуларните материи (PM). Барањата за намалување на штетноста на издувните гасови, односно грижата за зачувување на животната средина се врвен приоритет на земјите од ЕУ, а индиректно и на Р Северна Македонија – стои на сајтот на претпријатието.
Денес, ЈСП има повисоки стандарди. Актуелните автобуси се далеку од оние старите, кои беа можеби и најголемите загадувачи на воздухот.
Па, така, возниот парк се состои од „ман“ (нископодни) со еколошки стандард еуро 6, „јутонг“ (двокатни) со еколошки стандард еуро 5, „лаз“ (нископодни) со еколошки стандард еуро 4, „јутонг“ (минибуси) со еколошки стандард еуро 4 и „застава“ (минибуси) со еколошки стандард еуро 2.

КОИ СЕ ЕВРОПСКИТЕ СТАНДАРДИ ЗА ЕМИСИИ?

Иако регулативите за емисиите датираат од 1970 година, првиот стандард на ниво на ЕУ – познат како еуро 1 – беше воведен дури во 1992 година, кога каталитичките конвертори станаа задолжителни за новите автомобили, ефикасно стандардизирајќи го вшприцувањето гориво. Оттогаш имаше низа евростандарди за емисии, што доведе до сегашниот еуро 6, воведен во септември 2014 година за одобренија за нови типови и воведен за поголемиот дел од продажбата и регистрациите на возилата во септември 2015 година.
Регулативите, кои се дизајнирани да станат построги со текот на времето, ги дефинираат прифатливите граници за емисиите на издувните гасови на новите лесни возила што се продаваат во земјите-членки на ЕУ и ЕЕА (Европска економска зона).
Според ЕУ, емисиите на загадувачи на воздухот од транспортот се значаен придонес за севкупната состојба на квалитетот на воздухот во Европа, а индустријата и производството на електрична енергија се другите главни извори.
Целта на евростандардите за емисии е да се намалат нивоата на штетни емисии на издувни гасови, главно на азотните оксиди (NОx), јаглеводородите (THC), неметанските јаглеводороди (NMHC), јаглерод моноксидот (CO) и прашкестите – партикуларните материи (PM).
Овие стандарди имаат позитивен ефект, а според СММТ (здружение на производители и трговци на мотори), денес би биле потребни 50 нови автомобили за да се произведе истото количество на емисии на загадувачи како едно возило произведено во 1970-тите.
Бидејќи бензинските и дизел-моторите произведуваат различни видови емисии, тие подлежат на различни стандарди. Дизелот, на пример, произведува повеќе честички – или саѓи – што доведува до воведување филтри за дизел-честички.
Меѓутоа, според ЕУ, емисиите на NOx од патниот транспорт „не се намалени колку што се очекувало“, бидејќи емисиите во „реални“ услови за возење често се повисоки од оние измерени за време на тестот за одобрување (особено за дизел-возилата).
Според статистиката на Одделот за бизнис, енергија и индустриска стратегија од 2018 година, транспортот сè уште учествува со 33 проценти од сите емисии на јаглерод диоксид, а најголемиот дел од нив доаѓа од патниот транспорт.

https://www.novamakedonija.com.mk/makedonija/skopje/so-nabavka-na-elektrichni-avtobusi-definitivno-se-podobruva-kvalitetot-na-vozduhot/
Carpe diem
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5361
  Quote гитардемон Quote  Post ReplyReply #5 Posted: 13-Mar-2022 at 13:33
Originally posted by Vire

Ќе најдите пари,ко можевте милијарда да ја по*ерите на споменици,врби и бекатонки ќе си најдите начин за нешто корисно.

Види ги србите шо прат,вадат шини од нефункционални и нефрекфентни пруги и ќе ги користат за метро во белград,а во меѓувреме прават брзи пруги.
Ние/вие шо прајме ? Автобуси ќе купвате ? Па какви сакаш купи не електрични не еколошки не ти влегва млад чоек во ними.
Заминат е возо(no pun intended) за шинско поврзување низ цело скопје,уште некој ѕид изградете па ќе немат место ни луѓе да поминат не пак воз/трамвај.

Пак ќе кажам МЕТРО е единствен спас за најзагаденио град во европа,а не уште улици,коли,автобуси.



Море ориѓанец, ниту сум од Скопје ниту имам живеено таму. Млад чоек не ти влегва во автобус оти целото општество има грешни вредности. Коли не биле срамота, точаци и пешки одење било. Ама турбофолк и ВМРО нема како да донесат нешто попрогресивно. Тепање педери и Поддршка за Русија е најдалеку шо ќе стигни овај народ.
Arguing on the internet is like running at the special olympics. Even if you win, you're still retarded.
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2122
  Quote Denko Quote  Post ReplyReply #6 Posted: 13-Mar-2022 at 11:58
Kupuvanje novi avtobusi ne e alternativa tuku obnova na vozniot park koj se slucuvaj i vo minatoto. Modelot na javniot prevoz vo Skopje e zastanat na pocetokot na 1980-tite i nikako da se pomesti od taa vremenska tocka.
Back to Top
Vire View Drop Down
Senior Member
Senior Member
Avatar

Joined: 17-Aug-2021
Online Status: Online
Posts: 130
  Quote Vire Quote  Post ReplyReply #7 Posted: 13-Mar-2022 at 07:28
Ќе најдите пари,ко можевте милијарда да ја по*ерите на споменици,врби и бекатонки ќе си најдите начин за нешто корисно.

Види ги србите шо прат,вадат шини од нефункционални и нефрекфентни пруги и ќе ги користат за метро во белград,а во меѓувреме прават брзи пруги.
Ние/вие шо прајме ? Автобуси ќе купвате ? Па какви сакаш купи не електрични не еколошки не ти влегва млад чоек во ними.
Заминат е возо(no pun intended) за шинско поврзување низ цело скопје,уште некој ѕид изградете па ќе немат место ни луѓе да поминат не пак воз/трамвај.

Пак ќе кажам МЕТРО е единствен спас за најзагаденио град во европа,а не уште улици,коли,автобуси.

Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5361
  Quote гитардемон Quote  Post ReplyReply #8 Posted: 12-Mar-2022 at 22:44

Пари за метро нема, а нема ни исплатливост во мал град како Скопје. Прво треба да се почни од приградска железница - Куманово, Велес, Тетово од и до Скопје на секое 30-45 минути. Можеби пониските кирии тогаш ќе го растеретат градот. Второ, самото Скопје да биди поврзано со шински сообраќај. Од Ѓорче Петров или Сарај до центар зошто со кола или автобус? Нека има congestion charge за оние кои не живеат во општина Центар (која патем треба да се укине). Зошто од Драчево или Зелениково клацкање со автобус, кога може да има воз на секои 30 минути (тој што би доаѓал од Велес).

Приградска железница не е rocket science, но метро и тоа како е.
Arguing on the internet is like running at the special olympics. Even if you win, you're still retarded.
Back to Top
Vire View Drop Down
Senior Member
Senior Member
Avatar

Joined: 17-Aug-2021
Online Status: Online
Posts: 130
  Quote Vire Quote  Post ReplyReply #9 Posted: 12-Mar-2022 at 18:36
Ако никој нејќи да се вози со автобус и градо и младите го имат надживеано то оти да купваш УШТЕ АВТОБУСИ и да форсираш брт ?

Кажете си отворено,МЕТРО е единствено нешто што можи да биди ефикасен јавен превоз,се друго значит уште коли и уште загаден воздух.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5361
  Quote гитардемон Quote  Post ReplyReply #10 Posted: 12-Mar-2022 at 17:40

Аааа како да не, платен текст комуњарски. Само увезени половни дизели од Германија бе бате! Не за БРТ-то во Скопје!
Arguing on the internet is like running at the special olympics. Even if you win, you're still retarded.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #11 Posted: 12-Mar-2022 at 15:33
Стручна анализа на професорот Никола Крстаноски: Зошто младите не сакаат да користат јавен превоз?

По објавената анкета на тема користењето на услугите на јавниот превоз од страна на младите, која што Мета.мк ја спроведе заедно со „Студентарија“, универзитетскиот професор на Отсекот сообраќај и транспорт при Техничкиот факултет во Битола, д-р Никола Крстаноски го дава своето стручно мислење во однос на тоа зошто интересот на младите за користење на јавниот превоз постојано се намалува, како и кои итни промени е потребно да се применат со цел да се подобри состојбата со јавниот градско-приградски превоз во земјава.

Професорот Крстаноски објаснува дека најголемиот проблем настанува кога најголем број од патувањата во еден град се со автомобил, а зачеток на тоа е намаленото ниво на свест кај младите за придобивките од градење на политика за почиста средина, која во делот на сообраќајот значи што помала употреба на автомобилот во градските средини и што поголема употреба на квалитетен јавен градски превоз, велосипеди, мопеди, пешачење итн.

„Денес, сме сведоци на сѐ построго ограничување, па дури и целосна забрана на автомобили во делови на градовите, воведување „зони 30“ на територија на цел град, пример е Брисел, плаќање високи еколошки такси ако се влегува со автомобил во централно подрачје на градот (Лондон) или забрана на влез во централните градски зони со автомобил со ЕУРО стандарди под 5 во најголем број германски градови“, истакнува професорот во својата анализа.

Во однос на другата главна причина поради која се јавува незадоволство кај младите, ненавременото пристигнување на автобусите се должи движењето по исти сообраќајни ленти со останатиот сообраќај и во врвните часови кога доаѓа до метеж во сообраќајот, автобусите се заглавени во тој сообраќај.

„На семафоризирани раскрсници се случува да чекаат по неколку циклуси, не можат да се престројат кога треба да променат сообраќајна лента, а се разбира заради природата на работата, мора да застануваат на стојалиштата заради влез и излез на патници. Неретко имате недисциплинирани возачи на автомобили кои стојат или паркираат дури и на автобуските стојалишта итн“, посочува професорот Крстаноски.

Тој се задржува на тоа дека во поголемите градови потребен е систем на јавен градски превоз што вклучува повеќе различни видови, кои со своите каратктеристики ќе покријат различни сегменти од потребите на луѓето. Освен автобуси, може да се вклучат и метро систем, автоматски водени системи (AGT – Automated Guided Transit), брз трамвај (LRT – Light Rail Transit), брз автобуски систем (BRT – Bus Rapid Transit), трамвај, јавен градски превоз на повик (Public transport or Bus on- call).

„Брзите, висококапацитетни видови како метрото, ЛРТ или БРТ работаат со големи возила со висок капацитет и што е најважно на физички издвоени траси од останатиот
сообраќај што им обезбедува голема брзина, висока точност и редовност и независност од закрчувањето на улиците на останатиот сообраќај“, вели тој.

За јавниот превоз кај младите, а општо и кај населението, да стане попримамлив за користење со цел да се добие поздрава животна средна, професорот наведува дека е потребна мрежа на линии која е соодветна на потребите на граѓаните, доверлив превоз што подразбира одржување на точност и редовност на возните редови и редовно реализирање на очекуваното време на патување. Од голема важност е и правењето на анкети на корисниците на јавниот градски превоз. Нивното спроведување во светот покажува дека за патниците се важни елементите на удобност.

„Со развојот на ИТ технологијата исклучително се цени од страна на патниците, информацијата во реално време која е достапна на мобилни телефони. Во однос на цената на билетот, тоа е дел од квалитетот на услугата, но интересен е податокот дека во многу анкети во светот, оваа ставка е некаде на крајот во редоследот на оценка на квалитетот на услугата, бидејќи воглавно секаде цената на билетот се држи на ниско ниво заради потребата јавниот градски превоз да се користи секојдневно и од што поголем број на корисници“, забележува професорот Никола Крстаноски.

Тој смета дека она што властите треба да го преземат за подобрување на состојбата на јавниот превоз се разликува во Скопје и во другите помали градови во Македонија.

„Во сите други градови во Македонија (освен Скопје) каде има јавен градски превоз не постои традиција за користење на јавен градски превоз“, појаснува професорот Крстаноски.

„Скопје е град кој одамна го прераснал автобускиот превоз и му недостасува барем некој од видовите на брз, високо- капацитетативен превоз со заштитена траса, со целосна реорганизација и оптимизација на целата мрежа на линии, за да се обезбеди единствен координиран систем на брзите видови и класичниот автобус. И се разбира планирање на систем кој ќе ги исполни елементите на квалитет набројани претходно. Во помалите градови, се доволни помали мрежи на линии кои треба да обезбедат пристап до главните точки на атракција Кај помалите градови поголем акцент се става на приградскиот и руралниот превоз, со кој се обезбедува превоз од околните населени места кон градот“, заклучува професорот Крстаноски.

Инаку, статистичките податоци за користењето на јавниот превоз во земјава ги потврдуваат нашите анкетни резултати дека кај младите опаѓа интересот за користење на градско-приградскиот превоз. Податоците на Државниот завод за статистика велат дека во 2021 година 37.386.000 патници ги користеле услугите на градско-приградскиот превоз во земјава. Од нив, ЈСП-Скопје и приватните автобуски превозници лани во Скопје превезле вкупно 29.797.130 патници, додека останатите превезени граѓани се со јавниот превоз организиран низ другите градови во Македонија.

Низ годините наназад, забележливи се податоците за континуирано опаѓање на користењето на јавниот превоз низ земјава, особено во Скопје. Бројките на превезени патници во главниот град опаднаа за двојно со појавата на ковид-19 пандемијата во 2020 година, но и претходно тие бележеа загрижувачка надолна линија.

https://meta.mk/struchna-analiza-na-profesorot-nikola-krstanoski-zoshto-mladite-ne-sakaat-da-koristat-javen-prevoz/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #12 Posted: 23-Feb-2022 at 17:53
Автобуси на градскиот превоз упатени на технички преглед – патниците со часови чекаа на станиците

МВР информира дека денеска, во периодот од 8 до 12 часот, била извршена контрола на техничката исправност на 11 автобуси, сопственост на ЈСП, од кои кај пет биле констатирани неправилности. Исто така, на вонреден преглед биле и 20 автобуси на „Макекспрес“, а од „Слобода превоз“ деновиве ќе излезат со бројката на проверени возила,

Немањето потребен број автобуси предизвика нервоза и паника кај патниците во јавниот градски превоз на одредени линии, бидејќи со часови чекаа автобус и не можеа навреме да стигнат на работа, особено учениците доцнеа на часовите. Многу тензично беше на автобуската станица спроти зградата на „Македонија осигурување“, бидејќи тука поминуваат голем број автобуси кои одат за Кисела Вода, Драчево, Зелениково, Студеничани, Орман. Сите тие нервозно се прашуваа зошто нема автобуси

Седум возила „јутонг“ на ЈСП Скопје, но и повеќе автобуси на приватните превозници „Макекспрес“ и „Слобода превоз“ денеска беа испратени на вонреден технички преглед од страна на полицијата. Како што информираа од ЈСП, од седум возила, пет биле двокатни автобуси, еден минибус/комбе и едно комбе „ивеко“.

– Во меѓувреме, две возила од посочените веќе се вратени на линија – нагласуваат од ЈСП и додаваат дека ја следат состојбата на терен и по потреба, по исклучување на некое возило поради технички преглед, реагираат навремено со испраќање т.н. заменско возило за да се избегне „дупка“ во возниот ред.

Освен овие, како што велат од „Макекспрес“, од кај нив на технички преглед биле однесени над 20 автобуси, иако сè уште немаат прецизна бројка за тоа.

– Не добиваме веднаш податоци за тоа колку автобуси се однесени на технички преглед и колку од нив биле технички неисправни. Точната бројка ќе ја утврдиме наредните денови од нашите возачи, бидејќи ниту МВР ниту, пак, станиците за технички преглед ни доставуваат информации – истакна Милорад Димитриевски, еден од сопствениците на „Макекспрес“.

Директорот на приватното претпријатие за превоз на патници „Слобода Превоз“, Ленин Јовановски, немаше податоци за тоа колку нивни возила се однесени на технички преглед, со истото образложение дека ќе сумираат наредните денови кога ќе ги добијат податоците од фирмите кои треба да пријават.

– Точно е дека се носени автобуси на контрола и, можеби, сè уште се носат. Немам информација колку наши се однесени и колку биле неисправни – истакна Јовановски.

Немањето потребен број автобуси предизвика нервоза и паника кај патниците во јавниот градски превоз на одредени линии, бидејќи со часови чекаа автобус и не можеа навреме да стигнат на работа, особено учениците доцнеа на часовите. Многу тензично беше на автобуската станица спроти зградата на „Македонија осигурување“, бидејќи тука поминуваат голем број автобуси кои одат за Кисела Вода, Драчево, Зелениково, Студеничани, Орман. Сите тие нервозно се прашуваа зошто нема автобуси.

Револтирани, тие преку социјалните мрежи го прозваа Јавното сообраќајно претпријатие „Скопје“ да излезе со соопштение дали воопшто и ќе има автобуси во текот на денот и која е причината за нивниот застој.

– ЈСП, да излезевте со соопштение дали воопшто и ќе има автобуси во текот на денот и со соодветна причина за нивниот застој – вели Марина Стојановска.

– Зошто не кажавте од сабајле, барем децата да не одеа во училиште, со што ќе се вратат? Катастрофа! За што плаќаме? – пишува Дијана Крстевски.

Од МВР објаснија дека согласно со годишните програми за работа, имаат изготвено годишен план распоред за спроведување акциски контроли со точно определен месец, ден, време и цел на контролата, кои истовремено се спроведуваат на целата територија на државата.

– Согласно со предвидениот план распоред, на 23.2.2022 година, во периодот од 8 до 12 часот, предвидена и спроведена е акциска контрола на подрачјето на Град Скопје, над возила кои вршат јавен превоз на патници (линиски, градски и меѓуградски превоз). Акциските контроли се спроведуваат согласно со утврдена методологија, а со цел зголемување на безбедноста на учесниците во сообраќајот на патиштата – нагласија од МВР и додадоа дека била извршена контрола на техничката исправност на 11 автобуси на ЈСП, од кои кај пет биле констатирани неправилности предвидени согласно со одредбите на ЗБСП и ЗВ – информираа од МВР.

https://www.vecer.press/автобуси-на-градскиот-превоз-упатени/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #13 Posted: 12-Feb-2022 at 17:54
ШТИП ЌЕ ВОВЕДЕ ЈАВЕН АВТОБУСКИ ПРЕВОЗ, ЌЕ БИДЕ БЕСПЛАТЕН ЗА УЧЕНИЦИТЕ

Општина Штип започна постапка за воведување јавен градски превоз. Како што е најавено, тој ќе стартува наесен, пред почетокот на новата учебна година.

„За почеток се предвидени четири линии од сите четири приградски населби на Штип: Чардаклија, Караорман, која ќе важи и за населбата Баби, Три Чешми и од населбата Дузлак. Автобускиот превоз ќе ги опфати и поблиските населби во градот“, вели Вишна Шорова-Ангелова од кабинетот на градоначалникот на Штип.

Таа додава дека постапката предвидува и избор на еден или повеќе оперaтори и утврдување на износот на нивното субвенционирање од буџетот за да може да се утврди билет по поволна цена.

Учениците ќе имаат бесплатен превоз и возниот ред ќе бил утврден најмногу според нивните потреби, како и според останатите граѓани кои често имаат потреба да доаѓаат во центарот на градот. Четирите возни линии ќе имаат кружна релација најмалку шест пати во денот.

Јавниот превоз ќе значи крај на договорите со операторите кои сега ги превезуваат учениците, кои изминуваат на крајот на оваа учебна година. До септември, на тендер ќе се избере еден или повеќе оператори за новиот градски превоз.

https://sdk.mk/index.php/dopisna-mrezha/shtip-ke-vovede-javen-avtobuski-prevoz-ke-bide-besplaten-za-uchenitsite/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #14 Posted: 11-Feb-2022 at 12:06
ГОДИНАВА НЕМА ДА ПОЧНЕ НАБАВКАТА НА 250 АВТОБУСИ КОИ ГИ ВЕТИ АРСОВСКА, ВЕЛИ ДЕКА ГРАДОТ СКОПЈЕ ИМА МНОГУ ДОЛГОВИ

Годинава нема да почне ниту постапката за набавка на 250 еколошки автобуси, кои во изборната кампања ги вети градоначалничката на Скопје Данела Арсовска. Во буџетот за 2022 година не се предвидени пари за оваа намена, а Градот не може ниту да земе кредит бидејќи веќе е задожен.

Постапката за набавка на нови автобуси трае најмалку година и половина, со оглед на тоа дека прво се распишува тендер за избор на најповолен понувач која трае неколку месеци, а потоа до една година е рокот за испораката на возилата. Како за пример, рокот за испорака на 33-те автобуси од германскиот производител МАН беше 10 месеци. Постапката почна во јануари 2019 кога беше потпишан договорот за заем од ЕБОР, потоа неколку месеци траеше меѓународниот тендер за избор на фирма, по што во мај 2020 стигнаа првите нови возила за јавниот превоз.

Од кабинетот на градоначалничката Данела Арсовска велат дела годинава не можат да се купат автобусите, оти Градот го наследиле со многу долгови.

„Набавката на 250 еколошки автобуси е дел од четиригодишната програма на Град Скопје. Од буџетот во 2022 голем дел од финансиските средства наменети се за плаќање на милионските долговите наследени од претходното раководство на Градот, како и на повеќегодишни договори кои претходното раководство ги случило надвор од својот мандат. Овие долгови мора да се исплаќаат со средствата кои Град Скопје ги има на располагање од буџетот од оваа и следните години“, велат од кабинетот на Арсовска.

Од таму не одговорија на нашето прашање од каде ќе се најдат пари за купување на ветените автобуси за кои треба околу 75 милиони евра, со оглед дека Градот кредитно не може да се задолжи.

Градоначалничката Арсовска во декември на брифинг со новинарите кажа дека од донатори ќе се бараат средства за купување на автобусите.

Арсовска во кампањата покрај нови 250 автобуси вети и бесплатен превоз за сите граѓани. Ниту тој годинава нема да се воведе, туку за две години оти и јавното претпријатие ЈСП Скопје, како што кажа градоначалничката, се наоѓа во лоша состојба и мора прво да се консолидира.

https://sdk.mk/index.php/dopisna-mrezha/godinava-nema-da-pochne-nabavkata-na-250-avtobusi-koi-gi-veti-arsovska-gradot-ima-mnogu-dolgovi/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #15 Posted: 30-Jan-2022 at 12:17
Градските автобуси наместо по тетовските улици, гаражирани, а јавното претпријатие во застој

Петте градски автобуси наместо да вршат јавен превоз низ Тетово, кој е повеќе од неопходен, речиси два месеци се паркирани во дворот на Противпожарната единица Тетово.

Новата локална самоуправа донесе ваква одлука, оти претпријатието работело со голем број неправилности, а ваквата состојба ќе трае се додека како што соопштија градските власти, не заврши конечното скенирање на состојбите создадени во претпријатие од претходните раководни структури.

Голем број од граѓаните го поздравуваат јавниот превоз, кој профункционира пред да истече мандатот на претходната локална власт, а беше ставен во прекин откако дојде новата локална самоуправа.

-Градскиот превоз не беше идеален, но во секој случај беше корисен. Ефтин, особено за студентите и средношколците чии образовни институции се наоѓаат кон Универзитетот на Југоисточна Европа. Но, сметам дека сето ова се прави заради добивање на политички поени. Ако имало неправилности во претпријатите нека ги откријат, нека ги пријават, има за тоа надлежни институции. Не знам која беше потребата целосно да се прекине јавниот превоз, рече еден жител на Тетово.   

Јавниот превоз во Тетово никако да профункциоира како што треба, иако градските власти една деценија ветуваа дека ќе го воведат. За петте градски автобуси општината плати 720 000 евра , но наместо на коловозите, тие и од претходната локална власт 8 месеци беа гаражирани, со образложение дека треба да се создадат услови, за да започнат да превезуваат патници.

https://telma.com.mk/2022/01/29/градските-автобуси-наместо-по-тетовс/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #16 Posted: 06-Jan-2022 at 13:26
ЈСП „СКОПЈЕ“ ВОВЕДУВА ДНЕВЕН БИЛЕТ, ЌЕ ЧИНИ 120 ДЕНАРИ ЗА ЦЕЛ ДЕН ВОЗЕЊЕ

ЈСП „Скопје“ воведува дневен билет за возење во автобусите од јавниот превоз. Билетот ќе чини 120 денари и со него ќе може да се вози цел ден.

„Овој билет ќе биде пуштен кон крајот на овој месец. Ќе биде хартиен како билетот за едно возење. Го воведуваме како опција за граѓаните кои користат повеќе автобуси во текот на денот, а ќе биде од голема корист и за туристите“, велат од ЈСП „Скопје“.

Од пред една недела, јавното претпријатие ги врати ноќните линии кои беа укинати поради пандемијата на ковид-19. Автобуси после 23 часот има на линиите 2, 5, 7, 22, 24, 41, 50, 57, 61, 63 и 65Б. Автобуските линии 2, 22, 24, 41, 57 и 65Б сообраќаат секој ден, а преостанатите се во функција во деновите од викендот или комбинирано, како и за време на празниците.

ЈСП „Скопје“ до крајот на март ќе го врати и бесплатниот автобуски превоз за пензионерите во вторник, петок, сабота и недела. За реализирање на оваа мерка доби 650.000 евра субвенции од Град Скопје.

https://sdk.mk/index.php/dopisna-mrezha/jsp-skopje-voveduva-dneven-bilen-ke-chini-120-denari-za-tsel-den-vozene/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #17 Posted: 05-Jan-2022 at 16:27
ЈСП „СКОПЈЕ“ ПОМОШ ЗА ГОРИВО ПРВО ТРЕБА ДА БАРА ОД ГРАД СКОПЈЕ ОТИ Е ПОД НЕГОВА НАДЛЕЖНОСТ, ВЕЛИ ВЛАДАТА

Владата досега официјално не добила никакво барање за помош од ЈСП „Скопје“ поради зголемената цена на метанот. Од Владата за САКАМДАКАЖАМ.МК велат штом се добие такво барање соодветно ќе се одговори, но на јавното претпријатие му препорачува прво да се обрати за помош во Град Скопје, под чија надлежност е.

„Напоменуваме дека ЈСП ‘Скопје‘ е под надлежност на Град Скопје и соодветно првично треба да се исцрпат сите можности во матичната институција, пред да се бара решение на друго место. Владата останува посветена на тоа граѓаните да имаат полесен живот и секогаш ќе помага на граѓаните кога е потребно, како што тоа го правиме во изминативе две години во периодот на пандемијата“, одговорија од Владата.

Од ЈСП „Скопје“ и денеска преку соопштение побараа Владата да им помогне поради зголемувањето на цената на метанот од 50 на 110 денари. На метан возат 33 нови автобуси на МАН, за кои годишно трошоците за гориво се околу 1 милиони евра, а со поскапувањето ќе бидат и над 2 милиони евра.

„ Уште еднаш ја повикуваме Владата да донесе одлука за субвенционирање на работењето на претпријатието со оглед на зголемените цени на енергенсите во државата. ЈСП ‘Скопје‘ е јавен сервис на сите граѓани на Скопје, ги опслужува сите и сега не е момент да се играат политички игри, туку е момент да се реагира. Врз основа на член 9-а став 6 од Законот за задолжителни резерви на нафта и нафтени деривати, Владата може да донесе одлука за отстапување на нафтени деривати без надомест на Град Скопје, а за потребите на претпријатието, како што било случај во 2020 година, кога гориво еуродизел БС било отстапено за потребите на ЈСП Скопје. Врз основа на досегашната практика за намалување на ценовниот шок, ова може да се примени и во случајов кога имаме драстично покачување не само на цената на електричната енергија, туку и на цените на метанот“, велат од ЈСП „Скопје“.

Од таму појаснуваат дека побарале вчера да се иницираат промени во Законот за енергетика за да може на Регулаторната комисија да ѝ се даде можност за одредено регулирање на цената на метанот во кризни ситуации.

https://sdk.mk/index.php/dopisna-mrezha/jsp-skopje-pomosh-za-gorivo-prvo-treba-da-bara-od-grad-skopje-oti-e-pod-negova-nadlezhnost-veli-vladata/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #18 Posted: 04-Jan-2022 at 16:39
Директорот на ЈСП „Скопје“ Илиевски бара помош од владата откако цената на метанот поскапе

Ова е ставот на новото раковдство на ЈСП по драстичното поскапување од 120% на цената на метанот односно од 50 денари пред нова година на 110 денари за само неколку дена. Оваа нова цена на метанот која се должи на растот на цените на светските берзи ќе му направи нова финансиска загуба од милион евра ако не се вклучи владата со субвенции или регулаторна не ја замрзне цената на нивото од пред нова година укажува првиот човек на ЈСП Илиевски.

Со став се огласија и од Макептрол кој се увозници од каде укажуваат дека цената на метанот е во директна зависност од увозната цена на природниот гас кој од 292 долари во декември пораснала на 890 долари во јануари. Олеснителна околност за да нема уште подрастично зголемување е тоа што Макпетрол склучила договор со руски Гаспром за набавки кои се со 30% пониски цена од берзанската.

И покрај сите потешкотии со долгови од околу 4 милиони евра и цени на метанот кои прават еден автобус од новите 33 на ова еколошко гориво да вози 2 и пол пати поскап од дизелите сепак новиот директор оптимист дека до март ќе има повторно беспалтен превоз за пензионерите и за две години дека ќе почне и беспалтниот превоз за сите.

https://kanal5.com.mk/direktorot-na-jsp-skopje-ilievski-bara-pomosh-od-vladata-otkako-cenata-na-metanot-poskape/a510642
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #19 Posted: 31-Dec-2021 at 13:20
КУМАНОВО ОД УТРЕ БЕЗ ГРАДСКИ ПРЕВОЗ ОТИ ОПШТИНАТА ЗАДОЦНИЛА СО ТЕНДЕРОТ

Од 1 јануари, кумановци ќе останат без градски превоз затоа што не е завршена постапката за избор на нови фирми за превоз на патници. Општина Куманово тендерот го распишала на 15 декември и вчера се отворени понудите, но новите превозници ќе започнат со работа по завршување на жалбениот период и потпишување на договорите. Ако никој не се жали, постапката ќе заврши за 15-дена, но ако има приговори таа може да се развлече со месеци.

Во Општина Куманово јавен градски превоз користат над 15.000 граѓани, од тоа 5.000 ученици во основните и средни училишта.

Празниот простор во превозот не можат да го покријат ни старите превозници, приватните автотранспортни претпријатија „Оли-травел“, „Штуз“ и „Јоцо-турс“, група превозници кои досега го спроведуваа општинскиот линиски превоз на патници во Куманово, а се јавиле и на новиот тендер, затоа што до денеска им завршуваат старите договори за работа, а со тоа им истекува и важноста на дозволите за превоз на патници.

Од Општината Куманово се правдаат дека проблемот настанал поради локалните избори, бидејќи се чекало тие да завршат за да се објави тендерот.

„Јавниот оглас за општински линиски превоз е со важење од 5 години и претходниот завршува на 31 декември годинава. Согласно позитивна законска регулатива, Општина Куманово има распишано нов јавен оглас и тој е во тек. По завршување на истиот, градоначалникот ќе ги потпише дозволите и превозниците со утврдените линии ќе продолжат да возат. Секогаш се запазуваше рокот, но оваа година поради изборите и нефункционирање на Советот одлуката на општинскиот линиски превоз е донесена покасно, а со тоа касни и огласот. Така, дојдовме во временски дисбаланс и во најбрзо време ќе се реши, може да биде и за 10-15 дена веднаш по нова година, но ако има жалби тогаш не може да се каже колку време ќе трае“, велат од Општина Куманово.

Но, автопревозниците тврдат дека причина за доцнење на превозот не се изборите, бидејќи огласот можел да биде објавен и пред тоа, туку предлогот на градоначалникот да се укине одлуката превозот да го врши група превозници, која беше воведена пред десетина години, туку сега секој од превозниците да конкурира сам за секоја линија. Мнозинството советници го усвоија предлогот на втората седница на Советот.

„На тендерот се јавија 9 превозника. За одредени линии има по двајца-тројца заинтересирани. Сигурно ќе има жалби и ова нема да заврши толку брзо. Плус, за одредени линии кои не се атрактивни никој не се пријави. Селата Шупли Камен, Косматац, Новосељане, Четирце, Мургаш, Граничен премин Табановце, новата линија Бајрам Шабани – Бедиње, никој не сака да ги вози. Порано како група превозници имавме обврска да ги покриваме целата единствена мрежа на линии предложена од Советот и сите граѓани да имаат подеднаков третман, независно дали се рентабилни лините или не. Ова е голем проблем за граѓаните на Куманово, а особено за жителите на приградските и селски населби, кои ќе немаат со што да отидат на работа. Дополнителен проблем ќе се појави со превозот на ученици кога ќе заврши распустот“, велат превозниците и додаваат дека за пропустите во оваа работа треба да се вклучат и инспекциските служби, бидејќи општината не смее да ги остави граѓаните без јавен превоз.

Тие кажуваат дека граѓаните и газдите на фирмите веќе се јавуваат и ги прашуваат како се организира превозот, бараат да склучат договори за нивните работници, но тие немаат законска можност за такво нешто.

За прекинот во јавниот превоз Општина Куманово вчера ги извести граѓаните преку кратко соопштение на сајтот на Општината.

„Ве известуваме дека од 01.01.2022 година, поради истек на важноста на дозволи на превозниците за општински линиски превоз на патници на подрачјето на Општина Куманово, ќе престане да се одвива јавниот превоз се до завршување на постапката објавена со оглас за уредување на општински линиски превоз на патници на подрачјето на Општината, бр.08-9194/2 од 14.12.2021 година, објавен од страна на градоначалникот на Општина Куманово“, стои во соопштението.

Од Општината додаваат дека немаат законска можност да ги продолжат дозволите за работа на старите превозници за временскиот рок додека трае постапката и со тоа да го покријат меѓупросторот, за да граѓаните не останат без превоз.

За прекинот во градскиот превоз реагира и коалициониот партнер на Максим Димитриевски ВМРО-ДПМНЕ, кој најави дека ќе бара одговорност од надлежните општински служби.

[URL][https://sdk.mk/index.php/dopisna-mrezha/kumanovo-od-utre-bez-gradski-prevoz-oti-opshtinata-zadotsnila-so-tenderot//URL]
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 15007
  Quote stef4o Quote  Post ReplyReply #20 Posted: 27-Dec-2021 at 09:21
ВО СКОПЈЕ СЕ ВРАЌА БЕСПЛАТНИОТ АВТОБУСКИ ПРЕВОЗ ЗА ПЕНЗИОНЕРИ ВО ВТОРНИК, ПЕТОК, САБОТА И НЕДЕЛА

Пензионерите во Скопје повторно ќе имаат бесплатен автобуски превоз во вторник, петок, сабота и недела. Оваа одлука треба да стапи на сила наредниот месец, а за таа цел од буџетот на Град Скопје ќе се дадат 650.000 евра субвенции на ЈСП „Скопје“. Бесплатниот автобуски превоз за пензионерите беше укинат лани во март поради пандемијата на ковид-19.

Оваа одлука за субвенционирање на претпријатието за да се воведе бесплатниот превоз треба да се гласа на седницата на Советот на Град Скопје в среда. Со одлуката се предлага бесплатен превоз преку цела недела како и до сега да продолжи да важи за редовни студенти на додипломски студии на државните универзитети.

Покрај за бесплатен превоз, со буџетот за 2022 ЈСП ќе добие субвенции и поради потешкотии во работењето и исплата на приватните превозници во износ од 4 милиони денари, како и 1 милион евра за функционирање на системот за автоматска локација на возилата (АВЛ).

„Согласно препораките на Меѓународната асоцијација за патен транспорт (ИРУ), како и Меѓународната асоцијација за јавен транспорт (УИТП), Советот на Градот Скопје уште во 2008 година започна да го субвенционира јавното сообраќајно претпријатие. Со цел подобрување на квалитетот на јавниот превоз на поширокото подрачје на Град Скопје, предвидени се 250.000.000 денари за потешкотии во работењето, а согласно на Одлуката за линиски поревоз на патници, средставата кои се наменети за ЈСП ‘Скопје‘ индиректно ќе бидат наменети и за приватните превозници кои го имплементираат концептот исплата по изминат километар“, се вели во образложението на градоначалничката Данела Арсовска.

Во текот на 2014, ЈСП „Скопје“ набави опрема за имплементација на системите за АЛВ и за интелигентна наплата. Субвенциите се даваат со цел нормално функционирање и редовно одржување на информатичката и компјутерска технологија за потребите на ЈСП „Скопје“.

https://sdk.mk/index.php/dopisna-mrezha/vo-skopje-se-vraka-besplatniot-avtobuski-prevoz-za-penzioneri-vo-vtornik-petok-sabota-i-nedela/
Back to Top
 Post Reply Post Reply Page  123 82>

Forum Jump Forum Permissions View Drop Down



This page was generated in 0.390 seconds.

Copyright ©2007 - 2022  build.mk

Коментарите на форумот претставуваат лично мислење на нивните автори и не претставуваат официјален став на build.mk.