Јавен автобуски превоз (општо)

автобусот не се превртел оти е стар, колку нови се имаат превртено 

Некаде прочитав као дека ја промашил станицата (што не му било првпат) и почнал нагло да кочи при што изгубил контрола над возилото.

Автобусот неофицијално се движел со брзина над 60км/ч и нагло почнал да кочи за да застане на постојка додека влегувал во кривина.

Со оглед на строста на автобусот нема никакви системи како АБС, ТЦС, ЕСО... што ги има кај новите на јсп.
Влажен коловоз.
Овие автобуси поради класично поставено карданско вратило не се нископодни и при случај на максимална оптовареност (во случајот 50+ патници) имаат опасно високо тежиште.

При такови услови на патот и таков тип на возило неизбежно е превртување.

Сето ова требало возачот да го знае и соодветно да ја приспособи брзината додека наглото кочење во кривина било фатално. Се постигнал феномен на "oversteering" (преголема управливост).

Така што несомнено е крвицата во возачот.

Oversteering може да настане и на сува подлога.
Во случај на влегување во кривина на возилото, влечните сили на секое тркало се различни. Доколку возачот силно притисни на кочница, "креира" спротивни сили од влечните секоја со ист интензитет при што тие се неутрализираат. Бидејќи влечните сили се различни за секое тркало, а кочните исти може да дојде до дестабилизирање на возилото, т.е. да се движи по траекторија различна од очекуваната. Најчесто кон внатрешноста на кривината во облик на спирала.

Со цел креирање на различни кочни сили за секое тркало спрема потребата модерните возила имаат системи како АБС или ТЦС. (Што во случајов ги нема)

Е сега, доколку возилото се дестабилизира поради Oversteering, се креира голема бочна сила кон внатрешноста на кривината. Доколку возилото има високо поставено тежиште како во случајов, полн ненископоден автобус се нарушува контакот на надворешните тркала и возилото може да се преврти.

Aquaplaningot, од друга страна се јавува кога имаме значително влажна подлога со што се креира слој на вода помеѓу тркалата и патот, а со тоа исто така се нарушува контактот на тркалата со подлогата (патот).


Да се резимира. Автобусот се дижел и без да се намали брзината влегол во кривина и притоа нагло почнал да кочи. Бидејќи немал дополнителни сигурносни системи (постар автобус) преминал во подрачје на преголема управливост (oversteering) и почнал да се засукува кон внатрешноста на кривината. Поради високото тежиште и влажната подлога се нарушил контактот на надворешните тркала со подлогата и автобусот се превртел.

Сето ова можело да се избегне доколку брзината на движење била помала и нагло не се закочело. Или ако возилото поседувало TCS (понов автобус).

Цела среќа што не бил автобусот што сообраќа до милениумски крст.

Edited by stratus - 23-Sep-2014 at 19:08

е сега напрај ти „дрифтинг“ со автобус стар 30 години

инаку јас имам доживеано лизгање на автобус при кочење, само среќа што К.Ј. Питу е широк булевар и немаше други коли... автобусот беше зглобен санос и му се зализга задната половина од голема инерција на влажна подлога, при кочењето на семафорот кај железничка

инаку дрифтингот во Ф1 се случува поради задниот погон, мазните гуми и недостатокот од автоматска контрола на тракција

Oвие модели Саноси се од првата половина на 80-те, па досега имале генерално чисто досие.Како и други нивни модели кои уште возат милиони км по ремонт.Ама тогаш произведувале со намера за подолга трајност, сега за изглед, резервни делови и ново возило на 7-10 години.
За разлика од ЛАЗ на пример - запалени (не намерно запалениот, туку други случаи), неколку случаи на капење вода од кровот на нови возила!, слаба климатизација, ефтин и лесно расклоплив ентериер...

Originally posted by Тркало Oвие модели Саноси се од првата половина на 80-те, па досега имале генерално чисто досие.Како и други нивни модели кои уште возат милиони км по ремонт.Ама тогаш произведувале со намера за подолга трајност, сега за изглед, резервни делови и ново возило на 7-10 години. За разлика од ЛАЗ на пример - запалени (не намерно запалениот, туку други случаи), неколку случаи на капење вода од кровот на нови возила!, слаба климатизација, ефтин и лесно расклоплив ентериер...

се се сведува на неодговорност на ЈСП... лазовите се запалија не од неквалитет, туку поради тоа што ги пуштија да возат по селски ридски друмови полни со дупки (тоа што автобусите се лошо склопени и не дихтуваат, нормално е проблем на квалитет и несериозност од страна на производителот, ама тој проблем е најлесен за средување)
е сега, за урбани подрачја, нормално е да се бара естетика и удобност, никој не сака да се вози до работа и назад со трактор... и мислам дека е нормално на секои 10 години да се надоградува возен парк, не заради дотраеност, туку за да бидат во тек со современите потреби... а тие современи потреби подразбираат и помошни уреди и системи, нешто што во автобус стар 30 години нема да го најдеш, па макар и да биде како нов

Некој треба да јаде ќотек!

ЈСП ГО ТРЕСЕ ФИНАНСИСКА КРИЗА

Градоначалникот Коце Трајановски ја искритикува работата на раководството на претпријатието бидејќи не успева да ја зголеми наплатата и да ги намали загубите

Елена Вељановска

Големиот број патници кои се возат без пари, ниската цена на билетите, како и лошата наплата се главните причини поради кои ЈСП „Скопје“ трпи финансиски загуби. Според првиот човек на ова јавно претпријатие, Мишо Николов, не може да се очекува да биде рентабилно и да не трпи никакви загуби претпријатието кое работи со ниска цена на билети споредена со големите трошоци кои секојдневно ги има, како и со превезувањето голем број патници кои бесплатно ги користат нивните услуги.

Темата за лошата финансиска ситуација на ЈСП повторно стана актуелна откако завчера вработените најавија штрајк поради неисплатена плата. Оваа информација која проструи низ медиумите, експресно беше демантирана од одговорните во претпријатието кои тврдеа дека платите на вработените редовно се исплаќаат. Сепак, за проблемот се огласи градоначалникот Коце Трајановски, кој јавно проговори за финансиската состојба на ЈСП и за загубите што ги трпи.

За да се реши проблемот со неисплатената плата, Трајановски префрлил околу 27 милиони денари од градската класа, со цел парите да се поделат за плати за вработените. Освен овие средства, градоначалникот најави дека во наредните денови ќе бидат покриени и останатите загуби кои ги направило јавното претпријатие, бидејќи од потребните 50 милиони денари наменети само за плати, остварило приход од едвај 8 милион денари.

Сепак, Трајановски, иако дал согласност за исплата на парите, остро ја искритикува работата на претпријатието и на неговото раководство, од кое побара поголем ангажман и поуспешна наплата за на тој начин претпријатието да почне да работи без загуби и да застане на „свои нозе“.

Градоначалникот посочи дека ЈСП „Скопје“ не може постојано да се потпира на субвенциите кои му ги исплаќа Градот. Според него, претпријатието мора да ја зголеми заработувачката барем за 15 до 20 отсто, поточно за толку да ја зголеми ефикасноста во наплатата, за што треба да се потрудат, како што рече „цела армија контролори“ кои не успеваат да обезбедат наплата.

Но, првиот човек на ЈСП, Мишо Николов, смета дека претпријатието се соочува со вакви проблеми поради ниската наплата, односно поради тоа што многу патници се возат без пари.

„Не може да се очекува да бидеме профитабилни и да немаме загуби кога голем број патници што ги користат нашите услуги плаќаат нула денари за услугата што ја користат, а проблем е и ниската цена на билетот“, вели Николов.

Од Градот, пак, објаснуваат дека, како и со останатите јавни претпријатија, тие будно ја следат состојбата и во ЈСП.

„Град Скопје од своја страна обезбедува програмски средства за поддршка на јавното претпријатие, но, во основа, мора да се вложат дополнителни напори за обезбедување зголемена наплата на превозот. Ова ќе се обезбеди со поголема ефикасност на контролите во автобусите и со намалување на бројот на патници кои не плаќаат или, пак, се возат со фалсификувани слободни карти. Значи, решението е во зголемување на наплатата, а не во зголемување на цената на јавниот превоз“, информираат од Одделението за односи со јавност на Град Скопје.

Според информации од ЈСП, оваа година од градската каса биле префрлени 150 милиони денари на сметка на претпријатието за покривање на трошоци по различни основи. Дополнителни 20 милиони денари им биле искеширани за поставувањето на новите автобуски постојки низ градот. Предвидено е од градската каса да се одлеат дополнително и 60 милиони денари наредната година за финансирање на проектот за системот за автоматска локација на автобусите.

Поради лошата финансиска ситуација, останува нејасно зошто Град Скопје
одлучи ЈСП да биде инвеститор на проектот за изградба на панорамското тркало кое ќе чини околу 18 милиони евра.

„Се надеваме дека ќе има голем број донации со чијашто помош ќе го реализираме проектот за изградба на панорамското тркало на Вардар“, кратко ни одговори Николов.

http://www.utrinski.mk/?ItemID=1F2B9341F693034991545331BF84F07F

Originally posted by ehrlich Ниска цена на билетите, боже што ќе слушнам, ко божем тоа е главниот проблем? Па ај ако не ние останатите смртници (непензионери) да плаќаме по 100 денари, за да тие се возат. Само кај нас, луѓе што немаат приходи (невработени, студенти, стечајци) плаќаат билети, додека ова баграва за до пазари и останато се вози по автобуси и после била крива цената, а не нивната неспособност и превработеноста во нивното претпријатие.

Зарем забораваш кои се најлојалните гласачи на избори?

ЈСП имаат финансиски проблеми. За споредба неколкуте приватни компании работат рентабилно и со кредити за автобусите(ако поволни сепак платени а не поклон), без финанссиска помош од град Скопје и владата и со пониски цениза билети. Плус ретко кој вади месечна а да не е на јсп. Значи прблемот е исклучиво од политички карактер. Се префрлаат пари за разни глупи проекти кои не се во наадлежност на јсп, а градот не секогаш го субвенционира возењето на пензионерите.

инаку, grip=прилепување