Јавен автобуски превоз (општо)

Датум: 09.06.2012, 14:06

Возач од приватен автобус нападнал возач на ЈСП во Скопје

Скопјанецот А.П. (24), возач на приватната линија број 22, го нападнал Р.А. (43), возач на автобусот, исто со број 22, на ЈСП „Скопје“ кој сообраќал на линија од Ѓорче Петров кон Центар.

Возачот од приватната 22-ка го нападнал колегата од ЈСП, зашто тој на постојка на булеварот „Партизански одреди“ му го пресекол патот со автобусот, при што дошло и до оштетување на еден од ретровизорите.

Како што соопшти МВР, А.П. со тупаница го удрил Р.А. во пределот на главата и лицето, нанесувајќи му видливи повреди. Полициската станица-Карпош презема мерки за целосно расчистување на случајот.

http://dnevnik.com.mk/default.asp?ItemID=89FFD64FBDE715479002DC42F564F9C5

Еве неколку мои размислувања:

1. Основно нешто е воведување поинаков начин на наплата - односно временски ограничен билет. Секако, може да остане и сегашниот билет како поевтина опција (нешто како Берлинскиот билет за неколку станици).

2. Претходното би создало услови за редефинирање на линиите, односно оформување трансферни точки и зајакнување на најважните линии. Секако, во ова спаѓаат и периферните терминали за приградските линии. Кога би имал време би предложил некакви модели и локации, а веројатно ти веќе работиш на тоа.

3. Секако, мора да се размисли и за некакво решение за приватните превозници бидејќи истите се веќе долго присутни и нема да исчезнат ни на подолг рок. Мое лично размислување е дека ним може да им се доделат експресни линии кои директно поврзуваат некои населби и села со центарот (пример би бил Амстердам), па можеби и ноќните линии. Стои и можноста за интегрирана наплата, со што истите целосно би се интегрирале во мрежата.

4. Планирање на линиите со можност да бидат лесно трансформирани во соодветни ЛРТ линии. Ова воопшто не е лесно со оглед на нетранспарентноста на Градот во поглед на новиот ГУП и трамвајот воопшто.. Дополнително, доколку се воведе концесионерот како автономен оператор тоа би предизвикало целосен хаос, но тоа е веќе среднорочно прашање.

5. Ренумерација за истите да добијат некаква логика: моделот би можел да биде едноцифрени броеви за најважните линии, двоцифрени за секундарните и троцифрени за приградските. Можеби не е најважно, но секако битно за корисниците - како што е битна и картата која никако да ја довршам: во мртва трка сум со ЈСП

6. Како што веќе напишав во нишката за Малиот ринг, сметам дека идејата за наменување на Рекорд исклучиво за јавен транспорт е добра. Можеби истото може да се направи и на други локации.

Со повеќе идеи и предлози кога ќе ги имам..

Edited by mladen_s - 14-Jun-2012 at 11:00

значи кај нас критериум за автобус што смее да се пушти во сообраќај е да биде во возна состојба??? ај да не се чудам како во Скопје беше дозволено пола век да врват, ќе се чудам со кој памет ги донираат на градови место да ги фрлат на топење

Старите автобуси треба да ги пратат на КАСАЦИЈА! Премногу дрска е одлуката на ЈСП - Скопје да им се  поклонат дотраени автобуси на македонските општини. Ѓубрето треба да се исече и да се продаде на отпад, а дури и да сакаа да помогнат некако би требало да ги дадат на оние општини каде има реални потреби (за превоз на ученици во селски средини, за организирање јавен автобуски превоз во градови...). Не гледам логика во одлукава.

 
Ако се доволно паметни, општините во кои пристигнале тие стари канти, ќе ги продадат како старо железо, а со парите од продажбата ќе отворат свои фондови за собирање на финансиски средства за набавување на нови современи автобуси, наместо да се трујат со старите канти кои не исполнуваат ама баш никакви еколошки стандарди.


Edited by Dexter26 - 21-Jul-2012 at 10:16

Состојба и од Крушево.

Извор

малку од донираните автобуси возат или ке возат низ општините каде се подарени оти сите се вон возна состојба и не знам како ги возеле низ скопје технички неисправни

 
Било која градска администрација на град Скопје со здрав ум и разум, би нарачала нови единечни и двојни нископодни градски автобуси, би подарила околу 60% до 70% од новите двокатни градски автобуси на останатите општини низ Македонија, а во замена за тоа би ги побарала назад старите канти со цел да ги исече и продаде истите како старо железо.
 
Знам дека е малку прерано за нова обнова на возниот парк на ЈСП Скопје, но ова што му се случува на возниот парк на ЈСП Скопје изминативе 2 години повеќе е шминкање, отколку вистинска обнова, бидејќи една од главните, ако не и најважната причина за секоја обнова на возниот парк на било кое превозно претпријатие, не е исполнета при таканаречената обнова на возниот парк на ЈСП Скопје со нови двокатни градски автобуси, а тоа е - капацитетот на патници во возилата.
 
50 до 60 двокатни градски автобуси нека останат во возниот парк на ЈСП Скопје, а сите останати двокатни градски автобуси, вклучувајќи ги и тие од последната пратка која треба да пристигне во 2013, нека ги подарат на останатите општини низ Република Македонија, а на нивно место, нека го обноват возниот парк на ЈСП Скопје со 80 до 90 нови двојни нископодни градски автобуси и уште 60 до 70 нови единечни нископодни градски автобуси, така ќе се задоволи потребниот капацитет на патници во возилата на ЈСП Скопје во градот чиј што број на жители расте по неприроден пат, а истовремено ЈСП Скопје ќе има нови, удобни, безбедни и современи возила.


Edited by Dexter26 - 26-Jul-2012 at 10:32

 
Секој со свој став, ти со твој став, јас со мој став.
 
Чисто колку за информација, јас не сум вработен ниту во ЈСП Скопје, ниту во Влада на Република Македонија, ниту во било која фирма во сопственост на државата или институција која е дел од државната и/или јавната администрација.
 
Знам дека е рано да се зборува за нова обнова на возниот парк на ЈСП Скопје, но тоа што во пракса му се случува на возниот парк на ЈСП Скопје изминативе 2 години повеќе е шминка, отколку обнова, бидејќи украинските единечни нископодни градски автобуси се палат на скопските горештини, еден се запали летото 2011 и засега само еден се има запалено ова лето 2012 и дај Боже да е и последен, додека кинеските двокатни градски автобуси се тотално непрактични за град како Скопје, а ова го говорам како жител на град Скопје и како редовен патник во возилата на ЈСП Скопје.
 
И во целост се согласувам со тебе, дефинитивно нема смисла и тотално нефер и неправедно е јавниот градски превоз во Скопје да ужива субвенции со народни пари од сите граѓани на Република Македонија, а останатите населени места надвор од Скопје да чекаат неодговорно јавно претпријатие како ЈСП Скопје да им фрли коска и тоа 'рѓосана коска, стара неколку децении.
 
Конкретно за двокатните градски автобуси, претпоставувам дека попрактични би биле во населените места надвор од Скопје, а и кога не би биле, општините би можеле да ги изнајмуваат на приватните превозници, па така и општините би профитирале од двокатните градски автобуси и жителите на истите тие општини би уживале удобен, безбеден и современ превоз, под претпоставка дека не им се случува на нив еден автобус да го наполнат до последен милиметар квадратен, како што се случува и во новите единечни нископодни градски автобуси од украински ЛАЗ и во двокатните нископодни градски автобуси од кинески Јутонг во Скопје, правилото со кое се забранува стоење на горниот кат не ужива баш секојдневно почитување и практикување, а дека овие автобуси не се практични за Скопје веќе се уверивме и на дело со двокатниот градски автобус што удри во настрешница, претпоставувам дека во населените места надвор од Скопје шансите за да се случи таков инцидент, кој лесно може од инцидент да прерасне во несреќа со човечки жртви, не дај Боже, се помали отколку во Скопје.


Edited by Dexter26 - 26-Jul-2012 at 18:57

Originally posted by sanos_a кога веќе спомна запалување на автобус да те прашам нешто ако може: Дали знаеш колку ман, неоплан, мерцедес .... автобуси кои возат исто градски превоз се имаат запалено низ Европа?

може и за тоа да дискутираме, ама притоа да ги наведеме причините кој автобус, каде, и зошто се запалил... а и тогаш, не знам која би била поентата, тоа што некаде на друго место се запалил автобус од друга марка, не го прави ни најмалку оправдано тоа
никој не го дискутира производствениот квалитет на Украина, туку конкретно овие автобуси и тоа колкав е нивниот квалитет, и не верувам дека дискусијата ќе беше нешто поразлична, ако автобусите биле од ман, неоплан и слично
а тоа дека автобусиве не издржуваат во наши услови, дека лошо се склопени и деловите брзо им истрајуваат, а уште поголем факт е дека се во рацете на катастрофално неодговорно претпријатије кое на многу наврати ставало патници и пешаци на опасност


Edited by zabegan - 27-Jul-2012 at 18:23