Јавен автобуски превоз (општо)

Џоле88 јас ти кажувам како во австралија се стимулира употреба на смарт картичките. Нивната логика е ако живееш во градот и ако се возиш со автобус еднаш на 2-3 недели, ќе си ја имаш картичката и одвреме на време ќе си ја надополнуваш а тој билет што е 50% поскап е за тие што заборавиле да надополнат картица или за тие што навистина само на кратко го посетуваат градот па само двапати ќе се возат. Овој начин на стимулација очигледно функционира тука.
Целата поента да се максимизира употребата на смарт картичките и да се сведе купувањето на билети на минимум......затоа и немаат автомати за билети. Во Мелбурн порано беше со такви билети кои се купуваа од автоамти и со смената на системот ги отстранија сите тие автомати.
Не викам дека ова е правилниот пристап, само информирам која била целта на смената на системот и како тоа е спроведено.
А за автомати за билети знам дека има можност да се постават  во превозни средства. Тоа е често застапено да речеме во германија, со тоа што пред се ваквите автомати се наоѓаат во трамваите, не не и автобусите, и другите локални железници. Имај на ум дека поставувањето и одржувањето на ваков автомат во сите возила е огромен трошок кој може да е избегне ако... еве да речеме се земе австралискиот пристап.
Некој претходно спомна за податоци на сопственикот внесени во смарт картицата.....тоа не е случајот. Картицата е само одреден број на кој се додаваат пари комплетно анонимно....со други зборови можеш да позајмуваш картица на други.....се додека станува збор за иста класа на смарт картици (тие со и без студентски/пензионерски попусти).

 
Има соодветна тема за двокатните градски автобуси од кинески Јутонг на форумов.
 
Инаку, станува збор за модифицирана верзија на скопските двокатни градски автобуси, па поради тие мали модификации, станува збор за поинаков автобус, а градот Скопје и владата на Република Македонија која ги нарача тие автобуси можат само да го прифатат фактот дека скопските двокатни градски автобуси се ексклузивни за Скопје само во мали ситни детали, како што е прозорецот кај клима уредот во предниот дел од автобусот и некои други ситни детали.


Edited by Dexter26 - 26-Jul-2013 at 17:10

Во автобусите на ЈСП забрането е внесување колички за пазар и куфери


Во автобусите на Јавното сообраќајно претпријатие - Скопје не е дозволено да се влегува со полни колички за пазар, се жалат патниците. Пензионерите раскажуваат дека им се случувало контролори да не им дозволат да го продолжат возењето кога ги виделе дека носат колички со тркалца, полни со продукти. Други скопјани раскажуваат дека биле опоменати оти во автобусите не смеат да се возат со куфери кон или од Железничката или Меѓуградската автобуска станица, пишува весникот Дневник.



http://kurir.mk/republika/skopje/126129-Vo-avtobusite-na-JSP-zabraneto-e-vnesuvanje-kolicki-za-pazar-i-kuferi

Изгледа некоја такси компанија има дебел профит од оваа `услуга` на ЈСП

Од кодексот на ЈСП:

Дозволените димензии на личен багаж не смеат да бидат поголеми од 100 на 60 на 25 сантиметри и потешки од 30 килограми.

Значи не смееш да носиш ни телевизор, освен ако не е со дијагонала од 26 инча или помала.

 
Доцниш едно 3 месеци со веста дека двокатните градски автобуси со отстранлив покрив сообраќаат на градски превозни линии, наместо на туристички обиколки.
 
А со веста дека се користат двокатните градски автобуси за градски превозни линии се користат за туристички обиколки, наместо двокатните градски автобуси со отстранлив покрив, доцниш најверојатно цели 8 месеци, јас помнам дека е така уште од јануари 2013.
 
И не, не е неспособност, туку е чист идиотизам од страна на еден од најголемите и најсубвенционираните загубари во Република Македонија.

нема ништо чудно тука, со голем багаж го зафаќаш просторот за други патници

Originally posted by zabegan нема ништо чудно тука, со голем багаж го зафаќаш просторот за други патници

Знаеш што ми беше чудно?! Димензиите и килажата. Посебно килажата. Ако веќе мојот, твојот, нечиј куфер се причина за казна, зошто и оние со морбиден обезитас не ги казнат? Мислам многу пати ми се има случено да неможам да поминам заради стомакот на некој во автобус, а никогаш заради нечиј куфер.

Апсурд.

Edited by Danndy - 27-Aug-2013 at 03:19

ЕЛЕКТРОНСКАТА НАПЛАТА ВО ЈСП ОДЛОЖЕНА ЗА НАЕСЕН

Иако со најповолна понуда на електронската лицитација, сe` уште е неизвесно дали турската фирма „ Kенткард“ ќе потпише за инсталирање систем за електронска наплата во автобусите на Јавното сообраќајно претпријатие „Скопје“. Од менаџментот во претпријатието дознаваме дека чешката фирма „Микроелектроника“, која била второрангирана, во меѓувреме, поднела жалба која е уважена од второстепената комисија.

- Откако ја уважи жалбата, комисијата ја врати постапката на повторно разгледување. И тоа на сите четири фирми што учествуваа на електронското јавно наддавање. Била направена грешка во евалуацијата. Така што нашата комисија сега треба повторно една по една да ги разгледа понудите - изјави директорот на ЈСП, Мишо Николов.

Тоа, според него, не значи поништување на тендерот, но во секој случај ќе ја одолжи постапката уште еден месец.

На електронското јавно наддавање кое се одржа на почетокот на јули, освен турската „Kенткард“ и „Микроелектроника“ од Чешка, учествуваа и „Т-мобиле“, кој беше треторангиран и норвешкиот конзорциум „Бро-ог тунел-селскапет“. Од ЈСП не обелоденија кој, колку понудил пред да се направи конечниот избор.

Ова е четврти конкурс со кој претпријатието се обидува да ја модернизира наплатата во своите автобуси, односно обид да ги замени хартиените билети со електронски картички. Претходните три обиди во последните пет години беа неуспешни од технички причини, а имаше и жалби поради кои постапките беа прекинувани.

Всушност, за воведување електронска наплата или таканаречени „умни билети“ во ЈСП се зборува со години, уште од времето на екс градоначалникот на Скопје, Трифун Kостовски.

Со ваквата наплата патниците ќе располагаат со пластифицирана картичка, која самите ќе можат да ја дополнуваат по принципот на припејд. При влегувањето во автобус, специјален читач ќе им одзема од сумата. Новиот систем ќе ги испрати во историја хартиените билети. Само по себе, тоа ќе ги намали турканиците, поточно застојот кој настанува додека луѓето купуваат билети од возачот или ги отчукуваат картичките.

Според досегашните најави, за имплементирање на системот ќе се вложат три милиони евра, а парите, како што е планирано, ќе ги обезбеди градската власт. Инвестицијата ќе се плаќа во три фискални години - 2013, 2014 и 2015 година.

http://dnevnik.mk/?ItemID=DAD820764088DB4FAB448D25703F9EAA

ова се парчињата од картичките што се куцнуваат?