Реконструкција на ул. Никола Вапцаров

Уличката кога го немаше зеленилото,а беше реконструирана мене страшно ме потсеќаше дека сум на Улица Македонија многу повеќе одколку намерата да биде како Максим Горки. Дури и како за момент се збунив како да се најдов на улица Македонија некое силно дежа ву. Сега со зеленилото незнам како ќе биде сличноста но мене ми изгледа дека ќе биде некој фин пресек на Максим Горки и Улица Македонија. Очекувам во брзо време дел од кафеџиите од Кеј од Ленинова и од Улица Македонија да се слеат и накај оваа улица за што веќе има добра отскочна даска со тренд кафичот.

Сега треба да се анимират жителите на соседните згради да извадат цвеќиња на пенџерињата и терасите. Јас да сум градска власт би им донирал земја и саксии и некое цвеќе кое би станало симбол на Градот. Веројатно има некое кое традиционално се сади во Скопје.
Моја Македонија ти знаеш на што мислам Швајцарците се познати по тоа.

Уште фасадите да се средат , и топ ќе биде улицава =)

Пуштена во употреба реконструираната улица „Никола Вапцаров“
07.09.2011 - 19:33 | Македонија
Реконструираната улица „Никола Вапцаров“ денеска беше пуштена во употреба. Улицата е хортикултурно уредена, има ново осветлување, нови канделабри, клупи, жардиниери и дрвореди.


На пуштањето во употреба на улицата присуствуваа скопскиот градончалник Коце Трајановски, градоначалникот на општина Центар Владимир Тодоровиќ, претседателот на Советот на Град Скопје Ирена Мишева, директори на повеќе јавни претпријатија, советници во Град Скопје...

- Улицата е изработена за скоро еден месец, а вкупната инвестиција чини околу 11,5 милиони денари, изјави Тодоровиќ и потенцира дека се обезбедува проток на сообраќај, такси стојалишта и простор за пешаците и за возилата на станарите кои живеат на оваа улица.

Тој рече дека најверојатно автобуската станица кај Рекорд ќе се префрли на излезот од оваа улица.

Комплетно е отстранет асфалтниот слој на улицата и тротоарите. Сообраќајот на оваа улица е контролиран со две хидраулични столпчиња на почетокот на улицата. На спојот со улицата „Димитрие Чуповски“ формирано е такси стојалиште и станица за јавен градски сообраќај.



Оформен е зелен простор во влезот на улицата кој е уреден со насади. Тротоарите на оваа улица се поплочени со вештачки гранит. Поставени се 14 мермерни жардиниери составени од четири дела, на канделабрите има поставено околу 30 корпи со цвеќе, а на улицата има и дрворед со 30 јапонски цреши. Наводнувањето на целото зеленило е решено со системот капка по капка.

Градежните работи ги изведуваа компаниите „Гранит“, „Урбан Инвест“, „Беграмо“, „Анизор“, „Елтра“, „Флора Стат“, „Аполо“.

Новост во целата реконструкција на улицата „Никола Вапцаров“ се атмосферските води кои се решени со линиски тип на сливници од германско производство.
http://sitel.com.mk/dnevnik/makedonija/pushtena-vo-upotreba-rekonstruiranata-ulica-%E2%80%9Enikola-vapcarov%E2%80%9C

Болдираното особено ме радува затоа што одводот на атмосферските води и тоа на ново на цела држава е катастрофално. Да се надеваме дека ќе функционира на оваа улица и дека во иднина ќе се воведе како стандард.

Мене многу ме радува улицата „Никола Вапцаров“, сите овие улички во центарот од Максим Горки, преку онаа кај Арапска куќа и ФФМ треба да прераснат во пешачки зони, а за паркирање да се користат катните гаражи. Единствено јас би го оставил големото паркиралише пред Телеком. Со тоа центарот на Скопје би прераснал во пешачка зона, поплочена со мермер, раскошни букети цвеќиња, места за седење и евентуално паркинзи за велосипеди. Оваа реконструирана улица е дел од мојот сон за изгледот на центарот на Скопје.

Еве како ќе изгледа сообраќајното решение, ова со автобуската посебно мислам дека ќе биде функционално, особено што пред некое време предлагав вакви проширувања да се направат кај улица Македонија, ова значително ќе влијае на протокот.

Originally posted by krale Премало е ова стојалиште за автобуси. Ќе се создава метеж, бидејќи честопати на оваа автобуска во исто време стојат по 3, па и 4 автобуси, што повторно ќе го закрчуваат сообраќајот.

И јас мислам дека во дадениов случај вакво стојалиште е грешка. На место ти е дијагностикава.

Originally posted by The Man Најверојатно ќе направат поделба на линиите на ЈСП кои ќе застануваат тука. За пример нека ви послужи стојалиштето веднаш по железничката станица.

Да поделба би била добра, само што како ќе се поделат? Скоро сите линии што овде стојат одат по Партизанска, па многу од луѓето се качуваат на било кој. Колку линии не продолжуваат по партизанска што стојат овде?

Originally posted by alexgizh Јас би предложил 3ка, 5ка, 57ца (кои не одат накај Партизанска) да се одделат кон оваа постојка.

Да за овие три би била соодветна станицата.

Originally posted by BOJAN Јас само се надевам дека нема да се случи скопските кафичи да се распослаат со нивните тенди на оваа улица и да го узурпираат просторот на граѓаните.

Веќе знам за еден ресторан, што е карши Тренд, малце накај МекДоналдс, што кога слушнаа дека се реновира улицата, одма нарачаа да се распослат маси и столици на улицата.