Плоштад „Методија Андонов Ченто" - Прилеп

Означен почетокот на градежните активности за реконструкција на плоштадот „Методија Андонов Ченто“      
10.09.2011.

По повод „Денот на независноста на Р.Македонија“, отпочнаа градежните работи околу реконструкцијата на плоштадот „Методија Андонов Ченто“.На површина од околу 8.000 м2, општина Прилеп ќе пристапи кон реконструкција на плоштадот „Методија Андонов Ченто“ кој претставува едно од најфреквентните места каде се вкрстуваат сите генерации. Во првата фаза е предвидено третирање на делот пред меморијалниот Музеј „11 – ти Октомври“, на површина од околу 600 метри квадратни, за што е предвидено градежните работи да бидат завршени до одбележувањето на празникот „11- ти Октомври“, истакна градоначалникот Марјан Ристески.


Материјалите кои ќе се користат при партерното уредување, по потекло се од локалното поднебје, т.е. мермерни и гранитни плочки. Исто така со идејното решение е предвидено зголемување на постојните зелени површини. Во оваа фаза е предвидено на реновираниот дел да биде поставен и споменикот на Кузман Јосифоски – Питу. Предвидено е богато хортикултурно уредување, поставување на модерна урбана опрема како и обновување и ревитализација на осветлувањето.

http://www.prilep.gov.mk/index.php?option=com_content&task=view&id=1267&Itemid=1






















Edited by KraliMarko - 10-Sep-2011 at 19:54