ТАБ „Фудс,“ турска комапнија сопственик на мастер франшиза за „Бургер Кинг,“ „Попај‘с,“ „Сбаро“ и „Арби‘с,“ кој оперира ланес од 500 ресторани во Турција, планира ширење и на Балканот.

- Ќе го отвориме нашиот прв ресторан на скопскиот аеродром на 30 август, а уште три нови „Бургер Кинг“ ресторани ќе се отворат во Македонија до крајот на годината – изјави Канер Дикичи, генералниот менаџер на ТАБ „Фудс,“ на прес конференција во Истанбул.

Тој додаде дека глобалните менаџери на „Бургер Кинг“ имаат доверба во ТАБ „Фудс“ со оглед на искуството на компанијата во Турција и преферираат партнерство со неа за да се пробијат на новите пазари на балканските земји.

ТАБ „Фудс“ планира да отвори околу 1.100 ресторани во Турција до 2015 година, рече Дикичи, додавајќи дека компанијата во моментов вработува околу 8.000 лица.

Во сега оперира 561 ресторан во Турција од своите 4 брендови за кои има франшиза, а до крајот на годината оваа бројка треба да се зголеми на 620.

Компанијата оствари приходи од 438 милиони турски лири (170,5 милиони евра) во првата половина од годината, а планира да ја достигне сумата од 1 милијарда лири (389 милиони евра) за целата година.

ТАБ „Фудс“ се подготвува да создаде свои локални турски бренодви на храна во своите ресторани, а покрај на Балканот, се шири и на Кавказот преку отворање на ресторани во главниот град на Џорџија, Тбилиси.