Надградба на Министерството за транспорт

Уште еден, четврти кат, ќе се издигне на зградата на Министерството за транспорт и за врски, а деновиве е распишан и оглас во кој се бара да се изработи идејно решение за изгледот на доградбата. Во конкурсот Министерството бара решение за фасада и за надградба на последен, четврт кат за управната зграда, која е во непосредна близина на Македонската опера и балет и новиот објект во изградба за Македонската филхармонија. На учесниците ќе им се дадат и прилози со идејните решенија за надворешниот изглед на објектите во непосредното опкружување, кои се планирани или се во тек на изградба, што значи дека, најверојатно, ќе се бара и новиот кат да биде вклопен во барокниот стил. На конкурсот може да се пријават домашни и странски правни и физички лица. Првата награда за избраното најдобро идејно решение изнесува 200.000 денари, втората награда е 150.000 денари, а третата 100.000 денари. Министерството може да откупи најмногу уште четири други идејни решенија во висина од по 30.000 денари. Конкурсот трае до 11 мај. Во Министерството велат дека изградбата е планирана в година.

Р. П.