Започна изградбата на нов црковен храм во општина Виница кој ќе биде
посветен на Светиот апостол и евангелист Лука. Осветувањето на
камен-темелникот го изврши неговото блаженство архиепископот Охридски и
Македонски г-н Стефан заедно со митрополитот Брегалнички Иларион и
свештеници од Брегалничката епархија.Храмот ќе се гради во м.в. Пепелиште на државно земјиште кое е отстапено
на Македонската Православна Црква, во непосредна близина на детската
градинка. Како што потенцираше отец Бранко Богданов од храмот “Св.
Архангел Михаил“, храмот ќе се гради со средства од верниците и поголеми
донатори, изведувач на работите ќе биде градежната фирма “Дама 2“.


http://www.opstinavinica.gov.mk

Edited by Makedonij - 26-Jan-2013 at 14:40

По една година храмот „Св. Апостол Лука“ недовршен

31.10.2012 Средствата со кои располага црковниот одбор за изградба на храмот Свето Апостол Лука не се  доволни за завршување на градежните работи. По поставувањето на темелите пред една година, изградбата на црквата е дојдена до кровната конструкција. Беше  планирано  храмот да биде пуштен за богослужба за една година, но поради малиот број донации, неизвесен е временскиот рок за нејзино довршување.

- Градбата ја гледате до која конструкција сме стигнале. Затоа пак ги повикуваме сите бизнисмени, сите благочестиви христијани да помогнат, бидејќи знаеме дека и куќа не се гради за една година а не божји храм.

Мислиме дека наредната година ако даде господ, да имаме здравје, државата повеќе финансии да има, да биде народот побогат, ќе имаме повеќе дарувања и ќе го ставиме покривот. А кога ќе го ставиме покривот, значи веќе повеќе од 80% е изграден храмот - изјави отец Бранко Богданов.

Досега за изградба на црквата се инвестирани околу 20.000 евра - помош од локалната самоуправа и донации од верниците. Потребни се уште 30.000 евра за да се заврши целата надворешна конструкција на храмот, а за внатрешното уредување може да помогне и народот, вели отец Бранко.

- Ако дојде ние да го завршиме кровот, мачкањето и фреските, мислам дека народот секој по една фреска или како минатиот пат што имавме една донација вредна и ни беше донирано путир и дискос, секој ќе може да купи и кандило и сè што е потребно за самиот храм, додаде отецот Бранко Богданов.

Црквата Свети Апостол Лука во Виница, е прв храм во Македонија посветен на овој светител. По една година, откако е ставен камен темелникот, денеска на празникот, свештени лица и верници дојдоа до ова свето место да се помолат и да направат една традиција за почитување на Светиот апостол и евангелист Лука.

С. Шуманска-Митева

Верниците го одбележаа празникот “Св.Лука“

Originally posted by Makedonij

Започна фрескосликањето на црквата „Свети Лука“ во Виница

Edited by Makedonij - 04-Dec-2016 at 09:15