Неправда во текот на архитектурата

Модерната архитектура како процес се јавува во почетокот на минатиот век (Виена, 1901) и за кратко време таа навлезе во многу земји во светот. Скопје не е надвор од овие текови во архитектурата. Веќе меѓу двете светски војни, како резултат на малку поповолните економски услови, ќе се градат објекти со чисти и складни форми и без орнаменти. Тоа е зградата на денешната Градска болница, зградата на Етнолошкиот музеј и ресторанот „Метропол“.
По Втората светска војна се изградија повеќе објекти со строга линеарност и геометризам, кои сепак претставуваат чекор напред од дотогашната градба. Подоцнежниот период е уште позначаен, особено по катастрофалниот земјотрес од 1963 година. Тоа е време на силен замав на интернационалниот стил, со градбата на Историскиот архив на Скопје, зградата на ЦК СКМ (сега Влада на РМ), Универзитетскиот кампус и Културниот центар. Токму по овој период се јавуваат и првите знаци на напуштање на интернационалниот стил, со цел што повеќе да дојде до израз духот на нашето поднебје, како и да се воспостави изгубениот континуитет со традицијата. Се градат првите објекти на модерниот регионализам, како што е народната и универзитетска библиотека „Климент Охридски“, Комплексот на музеите и МАНУ.
Меѓутоа, со изградбата на трговскиот центар „Мавровка“ – две изразито закосени кули со ѕид завеса, ортогонално поставени и поврзани со еден заеднички базис се јавува доцната модерна архитектура. Таа по својата идеологија е прагматична и технократска; многу од стилските идеи на модерната ги извртува и преувеличува со цел на сите можни начини да вдахне нов живот на една архитектура што изумира. Наспроти оваа, се јавува и постмодерната архитектура со својата двосмисленост – делумно модерна, делумно нешто друго. Таа наоѓа уште поголем број приврзаници меѓу нашите архитекти. Тоа е разбирливо, бидејќи „нешто друго“ секогаш може да најде инспирација во формите од нашето богато архитектонско наследство, како на пример: лачните отвори на Камени мост на реката Вардар, цилиндричните форми на Старата скопска тврдина, разните видови куполи на Даутпашиниот амам или формите и материјалите на старите цркви и манастири во државава. Зачетокот на оваа архитектура е тесно поврзан со градбата на телекомуникацискиот центар (поштата).
Постмодернизмот има уште две карактеристики: првата, настојувањето преку објектите да комуницира со јавноста низ поетски слики од кои некои се на метафизичка основа; втората, да се проектираат објекти со повторно користење на класичните форми, но со нова технологија, иницирајќи еден нов тек на рамките на оваа архитектура – постмодерен класицизам. Овој класицизам кај нас наполно се потврдува со сите објекти од проектот „Скопје 2014“. Меѓутоа, тука има уште нешто да се додаде. По ослободувањето на Грција, Бугарија и Србија од Отоманската Империја, нивните капитални објекти имаа можност да се градат во духот на времето – класицизмот. Ние, како држава, бидејќи таа можност не сме ја имале, тоа го правиме денес, пак во духот на времето, но сега во врвот на светските текови на архитектурата, постмодерниот класицизам. И до тука нема ништо спорно!
Еден ваков поширок вовед требаше да се даде за во целост да се одговори на идејата дали треба или не треба да се менува фасадата на зградата на Владата.
Објектот не е случајно граден, туку е граден по првонаграден проект оценет од еминентни професори на љубљанскиот, загрепскиот и на скопскиот универзитет. Тој со својата архитектура и ненадминати детали претставува значајна алка во тековите на современата скопска архитектура. Секое нарушување на таа алка значи кршење на тековите на архитектурата и нанесување огромна штета на нашата архитектура. Како потврда на ова е што сите околни земји, особено Грција и Брисел, ни завидуваат токму на врвното мајсторство во современата архитектура што е постигната со овој објект. Покрај овие, има уште некои моменти што треба да се истакнат. Прво, зградата претставува специфична сеизмичка градба, така што секое нарушување на товарите на фасадните платна може да има катастрофални последици – едноставно речено таа може да се урне! Второ, презентираните пет конкурсни трудови со ништо не ја надградуваат постојната фасада, напротив, се под нивото на современоста. Трето, авторот на проектот ја пренесува и кај нас идејата на знаменитите архитекти Ван ден Брук и Бакема за разноликост во просторот што овозможува непречено ширење на урбаната поставка.
Од сето ова произлегува како да му пречи некому што зградата носи предзнак ЦК и таа треба да се смени и да изгледа како зградите што ги граделе некои кралеви или цареви! Тоа е сосема погрешно! Од историјата на архитектурата е познато дека сите оние објекти што имаат повеќезначна архитектура, тие се повеќе ценети и повеќе опстојуваат на забот на времето.
Оттука, идејата за промена на фасадата на зградата е во најмала рака смешна. Замислете некој во Катар да побара застаклените палати да им се сменат во класични форми, бидејќи такви објекти немале! Или, ѕидините на Кремљ, бидејќи не се модерни, наполно да се застаклат! На што би личело тоа? На ништо!
Едно е јасно, сé додека во номенклатурата на Владата едно министерство не носи предзнак УРБАНИЗАМ, ќе ни се случуваат вакви пропусти во архитектурата. Па, се наметнува прашањето како може нашата земја, една од најзаостанатите земји во Европа во делот на комуналното уредување, да нема министерство за урбанизам, а Франција наполно уредена има не едно, туку четири. Со ова сé е кажано.

Авторот е поранешен државен секретар по урбанизам

     
Автор: Васил Василевски

http://novamakedonija.com.mk/NewsDetal.asp?vest=124121133393&id=13&prilog=0&setIzdanie=22487

Originally posted by mladen_s Пред да биде и овој професионалец нападнат со секакви можни погрдни зборови, добро би било да се прочита што пишувал претходно (од таму и последниот пасус). Лично, не се сложувам со сите негови ставови по сите теми, но сепак во случајов се постави многу етички и напиша еден доста одмерен текст (јас имам поинаков став за сегашните случувања и донекаде разбирам што сака да каже со Грција, не и со Брисел, но веројатно е алузија на пошироко подрачје). Понатаму, сметам дека објектов за кој зборуваме тука припаѓа на регионалната Модерна, но сепак тоа се нијанси во размислувањата. Исто така, не би се сложил дека СК2014 е постмодерен класицизам, најмалку од досега реализираното.

добро, сепак поентата е да нагласи дека да изградиш нов објект во класицизам не е многу страшно, страшно е да применуваш класицизам на модерен објект
можеби така спомнал сметајќи дека се градат објекти со нагласок на класицизам, според модерни стандарди
инаку го прочитав од буква до буква цел и потполно се согласувам со се и би било штета ако некој најде политичка или лична замерка на еден ваков издржан текст
особено ми се допаѓа што за разлика од други критичари, овој се обидел да „не образова“ и го ценам тоа


Edited by zabegan - 25-Jan-2012 at 02:06

najubav objekt vo skopje?!?!?!

а што е битно кому колку му бил убав стилот на објектот? никогаш не разбрав

Господинот Василевски најверојатно мисли на следниве француски министерства:

- Министерство за екологија, одржлив развој, транспорт и домување
- Министерство за земјоделство, храна, рибарство, рурално и регионално планирање
- Министерство за градски средини
- Министерство за рурални подрачја

http://en.wikipedia.org/wiki/French_government_ministers

Нашиот (политички) пандан во овие области се:

- Министерство за животна средина и просторно планирање
- Министерство за транспорт и врски
- Министерство за локална самоуправа

Clover, како што и самиот изведуваш исправен заклучок, не ми останува ништо друго освен да те цитирам

Originally posted by Cloverstack Нам очајно ни треба општествена реформа, не бирократска.

Честито барок

http://www.okno.mk/node/16516
 

Владата најави изградба на пет јавни куќи во барокен стил

 

Владата на Република Македонија на својот интернет – портал денеска објави дека планира да изгради пет јавни куќи чии фасади ќе бидат во барокен стил.   Оваа одлука беше донесена поради евидентно присутната агресивност меѓу преродбениците од машкиот пол, која што веќе почнува да ѝ штети на самата Преродба

 

Tочно ...ЛУДОСТ!

И онака се луди...

Но си правам некои претпоставки.... каква дијагноза би им се поставила... ако случајно... случајно им текне и одлучат да го реновираат Градски Ѕид, поготово кулите... и притоа одберат нешто по мерка на Скопје 2014.

Originally posted by antiuser Јеби га ..кој губи има право да се љути..така  и вие  "модернисти".

Еднаш постаив прашање, ама не го одговори тој на кого беше наменето.

Дечко пишуваш книга, добро ти се продава, читана е, доаѓа друг газда у издавачка куќа и вика ужасна е твојата книга, и он ќе ја мењава. Ќе дозволиш ли?