build.mk Homepage
Forum Home Forum Home > Главни теми > Проекти > Административни
  Active Topics Active Topics
  FAQ FAQ  Forum Search   Register Register  Login Login

Нова фасада и ограда на објектот на Владата

Bookmark and Share
 Post Reply Post Reply Page  123 64>
Poll Question: Рeкoнcтрукција на oбјектoт на Влада на РМ
Poll Choice Votes Poll Statistics
21 [22.34%]
30 [31.91%]
0 [0.00%]
1 [1.06%]
7 [7.45%]
23 [24.47%]
12 [12.77%]
You can not vote in this poll

Author
Message
  Topic Search Topic Search  Topic Options Topic Options
Djole88 View Drop Down
Senior Member
Senior Member
Avatar

Joined: 28-May-2008
Location: Skopje
Online Status: Offline
Posts: 611
  Quote Djole88 Quote  Post ReplyReply #1 Topic: Нова фасада и ограда на објектот на Владата
    Posted: 14-Nov-2011 at 01:16

И Владата со нова фасада

Целта не била објектот да добие стилски лик, туку нова лушпа, бидејќи прозорците не дихтувале


И објектот на владината зграда на „Илинденска“ бб ќе добие нова фасада. Дали ќе биде стилска, како оние од „Скопје 2014“ или, пак, модерна и стаклена каква што е сега, ќе зависи од понудените идејни решенија.

Надлежните тврдат дека во објавениот конкурс за избор на идејно решение за фасадата не се инсистира на одредени детали, ниту, пак, генерално на некој стилски изглед. Најбитно било објектот да добие нова лушпа, оти постојната веќе со години им создава проблеми на владините функционери. Застарените прозорци, со кои речиси 100 отсто е покриен објектот, биле главната причина поради која е во план нова фасада за зградата на „Илинденска“ бб.

„Дува од сите страни, прозорците не дихтуваат и се соочуваме со разни проблеми, губиме многу топлинска енергија. Стаклата немаат изолација, под нив има азбестни плочи, материјал што е отровен. Поради ваквата состојба, летно време внатрешноста на објектот тешко се разладува, а зиме, пак, едвај се стоплува и покрај централното греење. Од тие причини одлучивме да ја смениме фасадата“, објаснува Васе Доневски, директор на владината служба за општи и заеднички работи, која е носител на проектот за промена на фасадата и ќе го избере новото идејно решение за зградата.

Доневски објаснува дека во случајов не може да се изврши само промена на прозорците без да се менува целосната лушпа на објектот, оти такви веќе не се произведувале. Така, надлежните одлучиле комплетно да направат нова фасада. Тврдат дека изработката на ново идејно решение за надворешноста на зградата е комплетно оставена на заинтересираните сами да одлучат каков стил за фасадата ќе понудат.

„Дали ќе биде стилска, модерна, комбинација на модерно и рустично, ние не одлучивме. Апсолутно се' е оставено на понудувачите на идејните решенија, а потоа, во зависност од понуденото и од градбата, ќе одлучиме што најмногу ни одговара“, дополнува Доневски и додава дека иако објектот е изграден во 70-тите години на минатиот век, до сега не била извршена санација ма фасадата. Единствено имало „шминкања“ во внатрешноста на објектот и од неодамна биле реновирани тоалетите.

Со оглед на роковите за избор на новата фасадата, а потоа и времето потребно за изработка на изведбениот проект, надлежните проценуваат дека надворешниот изглед на зградата ќе почне да се менува најдоцна до почетокот на летото. Колку пари ќе чини менувањето на фасадата на препознатливиот стаклен владин објект, ќе се утврдело по завршување на сите постапки за избор на идејно решение, на проект, изведувач. Битно е, вели Доневски, што за оваа намена веќе се планираат пари во буџетот за наредната година.


 




Edited by lslcrew - 24-Nov-2011 at 15:15
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #2 Posted: 14-Nov-2011 at 19:52
Ајде после неколкучасовниот молк, да го скршиме мразот со малку доза шала. LOL

Back to Top
gjoko View Drop Down
Senior Member
Senior Member


Joined: 18-Jun-2011
Location: kicevo
Online Status: Offline
Posts: 6554
  Quote gjoko Quote  Post ReplyReply #3 Posted: 14-Nov-2011 at 20:03
јас би ги заменил сите објекти од Ск2014 за една ваква,па макар било и 300 години стар стил(мислам дека е готика ама не сум екперт)
Back to Top
FT View Drop Down
Senior Member
Senior Member
Avatar

Joined: 22-Jun-2010
Location: Kocani
Online Status: Offline
Posts: 565
  Quote FT Quote  Post ReplyReply #4 Posted: 14-Nov-2011 at 20:12
Значи и овде ако вметнат од тој „нивни“ стил, ќе се откажам од Македонија.
Back to Top
OCB View Drop Down
Senior Member
Senior Member
Avatar

Joined: 03-Feb-2011
Location: 54
Online Status: Offline
Posts: 921
  Quote OCB Quote  Post ReplyReply #5 Posted: 14-Nov-2011 at 21:13
Лична прогноза: Стилот ќе биде à la „Скопје 2014“, а како аргумент ќе се користи идната обнова на фасадите на булевар „Илинден“ и видиковото поле со објектите од левата страна на Вардар. Вака ќе се постигне една усогласена „композиција, целина и организација на просторот“, што би рекол zabegan
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #6 Posted: 14-Nov-2011 at 22:56
Originally posted by OCB

Лична прогноза: Стилот ќе биде à la „Скопје 2014“, а како аргумент ќе се користи идната обнова на фасадите на булевар „Илинден“ и видиковото поле со објектите од левата страна на Вардар. Вака ќе се постигне една усогласена „композиција, целина и организација на просторот“, што би рекол zabegan
нема врска, кога сум кажал нешто такво? Big%20smile

како и да е, уште една катастрофална идеја би било тоа, како и други објекти кои ги намерачиле, владата си има свој уникатен стил на кој не може да му се става некој сосема друг стил, неповрзан со оригиналниот... барем ако веќе менуваат фасада, треба да се одлучат за нешто што е минимален зафат, поблизок на формите на објектот... (пр. фасадата да биде целосно стаклена, наместо со лимени профили)
очекувам, барем тука да одат разумно, иако би било спротивно на нивните фантазии...

Architects create dreams...politicians create nightmares
Back to Top
N23 View Drop Down
Senior Member
Senior Member
Avatar

Joined: 03-Feb-2011
Location: Skopje
Online Status: Offline
Posts: 2159
  Quote N23 Quote  Post ReplyReply #7 Posted: 14-Nov-2011 at 23:58

"Мудар" потег од страна на Владата на РМ. Намерно (!) се дистанцираат од стилот, притоа оставајќи слобода на проектантските куќи за тоа како да изгледа фасадата. Нормално, по дифолт, проектантиве водени од духот на новите градби, гледајќи сигурно да го добијат "бизнисот", нема многу да екпериментираат и најверојатно ќе се префрлат на некој неокласичен/барок стил. Да сакаа од Владата да не биде во таков стил, ќе дадеа некаква класификација, на пр да го следи сегашниот тек и линии, промените да не бидат радикални и сл. Вака останува да видиме дали можда ќе се договорат сите што ќе конкурираат помеѓу себе да излезат со модерни решенија кои нема многу да ја сменат сегашната фасада. Во тоа сум скептик. Некои најверојатно ќе излезат со модерна замисла, но ќе има и такви кои ќе бидат во контекст на тековниот проект.

Факт е дека нешто требаше одамна да се промени со фасадата, но тоа да биде речиси идентично со сегашното, макар колку и да била сива и досадна. Ако отидат со барок, ќе претераат до максимум.

Back to Top
Dave Gahan View Drop Down
Senior Member
Senior Member
Avatar

Joined: 27-Oct-2008
Location: 42°0′N,21°26′E
Online Status: Offline
Posts: 986
  Quote Dave Gahan Quote  Post ReplyReply #8 Posted: 15-Nov-2011 at 09:31
Авторот на овој објект е архитектот Муличковски. Тој е жив, здрав...и баш да видиме како ќе реагира на „идејава“...објектот сам по себе, според мене е уникатен, има (за свое време) уникатна, поточно дотогаш неприменета „обесена“ конструкција, односно плочите на катовите се носат на централното јадро со некакви затеги и затоа кубусите се испуштени со за (наши сеизмички услови) големи конзоли...мене лично на овој објект секогаш ми недостасувале уште неколку катови и секогаш сум барал багер за двете куќички пред него, за да си го добие изгледот кој заслушува...
Иако општото „барок-лудило“ го тресе Скопје како чумата во времето на Карпош и Пиколомини, сепак објектите на Филхармонијата и доградбата на НУБ ми даваат надеж дека нема да се инсистира такво комплетно несоодветно обликување да го упропасти и овој објект...

Немам намера да има политички предзнак овој дел...колку се сеќавам СКМ ПДП (денес СДС) како наследник на СКМ е сопственик на објектот, а владата е потстанар во објектот, баш затоа овие „стилски“ комбинации во моментот ми изгледаат неверојатни....
MAKE CAPITALISM HISTORY
Back to Top
OKA View Drop Down
Senior Member
Senior Member
Avatar

Joined: 11-Dec-2009
Location: Yenni Maalе
Online Status: Offline
Posts: 332
  Quote OKA Quote  Post ReplyReply #9 Posted: 15-Nov-2011 at 09:57
Сопственик на објектот е Република Македонија, откако своевремено, во знак на демократизација на општеството и настанување на политички плурализам, Сојузот на комунистите го предаде на државата.
Инаку, вчерашните медиуми (ТВ АЛФА и др.) веќе известија за првични контакти помеѓу инвеститорот (Владата на РМ) и авторот на објектот. Наводно, нема да има кооперативност помеѓу страните. 
Врзи два поста без СК2014 и освој трет гратис!!!
Back to Top
shran View Drop Down
Newbiе
Newbiе


Joined: 15-Nov-2011
Online Status: Offline
Posts: 0
  Quote shran Quote  Post ReplyReply #10 Posted: 15-Nov-2011 at 10:00
еве и авторот што има да каже, накратко не се слага Ohno

http://www.utrinski.com.mk/?ItemID=1E2D2FD29E6CE44689388BEF4B8AF3FA
Back to Top
OKA View Drop Down
Senior Member
Senior Member
Avatar

Joined: 11-Dec-2009
Location: Yenni Maalе
Online Status: Offline
Posts: 332
  Quote OKA Quote  Post ReplyReply #11 Posted: 15-Nov-2011 at 10:21
Originally posted by Dave Gahan

...мене лично на овој објект секогаш ми недостасувале уште неколку катови и секогаш сум барал багер за двете куќички пред него, за да си го добие изгледот кој заслушува...
Јас би рекол дека време е за багер, ама за трите куќички. Тие две пред, но и за самата зграда на Владата. Оти, тоа е екслкузивна локација и вистински луксуз е што има толку ниска спратност (П+4+П), а архитектонскиот проект не дава можност за едноставно и економски рационално зголемување на капацитетот на носивост, токму поради специфичниот начин на носење на катните плочи.
Според мое мислење, согласно околината, големината и намената на маркицата, сообраќајните и другите микро и макро услови, тука одлично би се вклопиле 2 ката подземни гаражи во размер на целата маркица, приземје и минимум 8 нормални ката со деловна висина не помала од 3,20 м.
Со оглед на тоа дека во моментов најверојатно не постои финансиска конструкција за реизградба на Владината зграда (буџет секако > 10 MIO eur), воопшто не е грев што сега би се издвоиле средства за подигање на нивото на енергетска ефикасност на зградава. Преку заштеди на енергија, подобрени здравствени услови (аут за азбестот!) и зголемена функционалност, средствата би се вратиле за неколку години. А новата естетика на екстериерот е чист бонус.
Врзи два поста без СК2014 и освој трет гратис!!!
Back to Top
mladen_s View Drop Down
Senior Member
Senior Member
Avatar

Joined: 04-May-2010
Location: Macedonia
Online Status: Offline
Posts: 407
  Quote mladen_s Quote  Post ReplyReply #12 Posted: 15-Nov-2011 at 10:59


Мислам дека ставот ти е дискутабилен по неколку линии... Всушност, повеќе ќе го искористам твојот пост за да ги искажам моите ставови   

Првата е градителско наследство, во кое според мене, а и според многу други, овој објект заслужува да припадне. Бидејќи за тоа не се гласа на избори, туку е работа на континуитет и работа на стручни лица, прашање е на време и зрелост кога тој статус ќе биде доделен и објектот ќе биде вратен во првобитната состојба, без додатоци и со јасно видливи конзоли.

Понатаму е секако самиот објект и неговата функција и локација, заради што катноста е сосема оправдана: прво, се работи за репрезентативен државен објект кој може да си дозволи поинкава логика од пазарната која се однесува на станбено-деловни објекти во Малиот Ринг. Второ, начинот на кој е замислен и изграден објектот овозможува најдобро вклопување во околните содржини (нпр. подземните гаражи по цела локација би го уништиле контактот со кејот) и околните волумени (контраст со Градски Ѕид и втопување во Дебар Маало). Осум ката се малку премногу за таа локација и тоа може да се види со просто исцртување на визурите (ама тоа некако веќе не се прави во Скопје)...

Последната линија е економската. Рушење на објект во кој е толку многу инвестирано во поглед на ентериер и додатна опрема е трошок сам по себе, а Владата во никој случај не е „венчана“ за оваа локација. Доколку функционалните барања ја надминале зградата (а и локацијата која ќе станува се' потешко пристапна за вработените), секогаш може да се најде нова локација и 10-те милиони евра да се искористат за да се добие уште еден објект.

Од сево ова, јас идниот компромис би го гледал во нов објект за зголемената владина администрација, а враќање на овој во старата состојба заради користење за репрезентативни функции или некоја друга државна институција или нешто сосема друго (но секогаш општествен објект, секако)

Сето ова е доколку не постои „скриена агенда“ позади реновирањето. Верувам дека им требаат нови прозорци, но би требало да остане на тоа...

Originally posted by OKA


А новата естетика на екстериерот е чист бонус.


Само уште ова.. Кога пишуваш нова естетика, на што точно мислиш?

Edited by mladen_s - 15-Nov-2011 at 11:13
Back to Top
OKA View Drop Down
Senior Member
Senior Member
Avatar

Joined: 11-Dec-2009
Location: Yenni Maalе
Online Status: Offline
Posts: 332
  Quote OKA Quote  Post ReplyReply #13 Posted: 15-Nov-2011 at 11:40
Originally posted by mladen_s

Мислам дека ставот ти е дискутабилен по неколку линии...
Не е воопшто дискутабилен. Легитимни и возможни се и двете опции. И твојата и онаа за која јас говорам. Само што според некоја интуиција мислам дека тука краткорочно ќе имаме реконструкција во некаков нов стил, а долгорочно модерен и висококатен објект, на местото од сегашниот. Глобалното функционирање на економијата едноставно не "признава" конзервација на простор во централни и атрактивни урбани средини.
Освен, ако зградата на сојузот на комунистите не добие статус на археолошки локалитет.
Врзи два поста без СК2014 и освој трет гратис!!!
Back to Top
mladen_s View Drop Down
Senior Member
Senior Member
Avatar

Joined: 04-May-2010
Location: Macedonia
Online Status: Offline
Posts: 407
  Quote mladen_s Quote  Post ReplyReply #14 Posted: 15-Nov-2011 at 12:00
Не е статус на археолошки локалитет, туку статус на заштитено градителско наследство. И ќе го добие заради архитектурата, а не заради функцијата што ја имал своевремено. И неговото „реконструирање„ или рушење за мене не е легитимен потег. Секако, можен е, после многу работи ништо не ме изненадува..

Глобалното (а веројатно мислиш на урбаното) функционирање на економијата и тоа како признава „конзервација на простор“ бидејќи тоа е еден од начините за урбана регенерација - преку создавање или одржување на фокусни точки - репрезентативни објекти, кои ја подигаат цената на околното земјиште (а сами по себе и не мора да го искористуваат најдобро - примери колку сакаш).

Но категоријата репрезентативни државни објекти ионака не потпаѓа под урбаната економска логика - имено, најлесно би било да се докаже дека наместо Владата може да се изгради луксузен станбено деловен објект. Навистина, има место и за поголем административен објект, но нема да биде репрезентативен бидејќи ќе се „стопи“ во околината. На крај, Скопје нема толку големи проблеми со функционирање на администрација, но дололку треба да ги решава во иднина, веројатно ќе мора да го следи „глобалниот“ модел на „административен град“ надвор од централното градско подрачје.

Е сега.. Твојата интуиција е нешто сосема друго - дали е согледување на „скриените агенди на избраните“ или лично твои желби, тоа ти си знаеш..

Веројатно можеме да дискутираме што е тоа „нов стил“ - барем додека не се донесе закон за „официјален државен архитектонски стил“... Така барем ќе им оди поедноставно (ако ова се случи, ја прифаќам одговорноста за давање глупави идеи).

А втората дискусија би била што е тоа „модерен и висококатен“ бидејќи јас мислам дека овој сегашниов е сосема модерен и конструктивно радикален објект (бонус: аналоген на традиционалната архитектура) и одлично одговара на локацијата, додека пак поголем габарит би бил несоодветен. Тоа што би бил „модерен“ не би го извадило многу.

Edited by mladen_s - 15-Nov-2011 at 12:15
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #15 Posted: 15-Nov-2011 at 12:04
Сопственик на објектот е Владата на Р.М. никаков СКМ, СКМ е партија од друг систем која е укината со падот на тој систем и во новиот сиистем сите партии се новоформирани односно нема правен модус да бидат правни сукцесори на партии од поранешен систем. Wishful thinking.

Сопственик не е никаков архитект, авторските права не се врзуваат со катастар и носител на правата е сопственикот на објектот, однонсо некогаш бил исплатен тој проект, нема логика да сега некој демонстрира удел во нешто што некогаш продал. Од авторот е очекувано и не го осудувам, кога го проектирал да мислел дека треба да биде поинаков ќе го испроектирл поинаку, сосема логична позиција е, иако не би требало да има причина да не се слага евентуално ако за нешто смета дека е професионално добро изработено од негов колега. Објектот како таков, е сега само резидуална вредност од "предходен" и почетен капитал во изведна на "нов" објект. Јасно им е на сите ова, само очекувате дека може би ќе упали како аргумент.

Тоа со несечката конструкција е уште една панаѓурштина на тоа време исто како што се расправавме за мостот Гоце Делчев, непотребно испитување со методи кои само комплицираат обчини редовни зафати кои се нормални за сите објекти, само за по секоја цена да се имало разноликост и демонстрација на некоја "современост" дека имало способност за секакви методи, а сега ги сркаме плодовите кога неможеме ни прозори да смениме. Едноставно кажано, можело сосема да се изведе со ковенционални методи, намерно се одбирале вакви к кои сега создаваат компликации

Објектот уште владата не го ставила на листа за барок, најголемите противници го ставивте. Чекајте да излезе конскурс, проект, после тоа ќе дискутираме. Јас сметам дека овој објект треба да остане модерен, но модерен за ова време, а не за седумдесетите. Очекувам најмалку нешто што се случи со ИК Банка дел од поранешниот НИП Нова Македонија. Урбанизмот на просторот, распоредот на објектите, просторот помеѓу нив, не одговара за барок. Освен ако не се втурнат во радикални проемни и доградба со пополнување на простор барем околу, да се остави некој атриум со неправилни форми за да однадво се добие впечаток на некоја палата, а од Кале тоа да личи на Будимпешта со некоја голема купола.


Edited by lslcrew - 15-Nov-2011 at 12:15
Back to Top
mladen_s View Drop Down
Senior Member
Senior Member
Avatar

Joined: 04-May-2010
Location: Macedonia
Online Status: Offline
Posts: 407
  Quote mladen_s Quote  Post ReplyReply #16 Posted: 15-Nov-2011 at 12:08
Originally posted by lslcrew

во новиот сиистем сите партии се новоформирани односно нема правен модус да бидат правни сукцесори на партии од поранешен систем. Wishful thinking.


Всушност, има правен модус и денешниот СДСМ е правен наследник на СКМ, затоа сеуште е сопственик на зградите на „комитетите“ по другите општини. Тоа што своевреемно ја поклонија ЦК на РМ, правен наследник на СРМ, си била нивна желба. For better or worse.

Originally posted by lslcrew

Сопственик не е никаков архитект, авторските права не се врзуваат со катастар и носител на правата е сопственикот на објектот, однонсо некогаш бил исплатен тој проект, нема логика да сега некој демонстрира удел во нешто што некогаш продал.


Прочитај го добро законот за авторски права. Не е баш така.

Edited by mladen_s - 15-Nov-2011 at 12:14
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #17 Posted: 15-Nov-2011 at 12:28
Зградава е на СДСМ колку што Вардар е од Миравци! Сукцесор е во нечии глави, правно не е. Дури ни Кина не е правен наследник на онаа Кина до пред втора светска војна. Јавниот впечаток не е правно мерило. Газда на зградата е Владата на Р.М. Вчера ако го помочавме суверенитетот на државава, денес и ова ли ќе го релативизираме?

Има и закон за сопственост на имот, така да не е се така за да изгледа по желба.
Back to Top
mladen_s View Drop Down
Senior Member
Senior Member
Avatar

Joined: 04-May-2010
Location: Macedonia
Online Status: Offline
Posts: 407
  Quote mladen_s Quote  Post ReplyReply #18 Posted: 15-Nov-2011 at 12:41
Не знам што дискутирам ако немаш основна култура на изразување? Има други форуми, бараат такви како тебе, да викаат по сите дека ова или она правеле по суверенитетот..

Никој не ти кажа дека сега сопственик е некој друг. Сопственик сега е Република Македонија, а не Владата. Моментално, во владеење е Службата за општи и заеднички работи на Владата, ама може утре да биде и Музејот на Современа уметност...

Само кажав дека своевремено СКМ-ПДП, правен наследник на СКМ, ја поклони зградата на РМ (што беше најправично и логично, а можеби истото требаше да го направи и со цел имот), што можеш да го провериш. Од тогаш па наваму, зградата веќе не е нивна.

И да, Вардар е од Миравци, и моментално е на чело на Првата и Втората лига истовремено. Одличен пример за правна сукцесија!

И Кина е пример исто така, при што имаше борба за тој континуитет (во спротивно, Хонг Конг би бил вратен на Тајван). И сегашната Германија е наследник на Источна Германија, но и на Третиот Рајх. Секако, никој не им вели дека се комунисти или пак фашисти (барем не толку често)..

А тоа што ти си имаш во главата е недостаток на информации.

Edited by mladen_s - 15-Nov-2011 at 12:50
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #19 Posted: 15-Nov-2011 at 12:49
Тоа со суверенитетот, извини што не напоменав, не беше за тебе, за друга изјава беше, сакав да покажам ескалирање на релативизација на се само за да се "докаже" став.

Ова со правно наследство го застранивме од темата, зашто и не ни е баш местото, зградата е градена кога целокупниот политички простор е претставува од една партија, таква организација нема никаков наследник, тоа што се случувало тука на правен план може да е преседан, по службена должност имотот на партии од бивши системи е државен. Ниту собранието е на Српскиот крал, ниту Турска чаршија на Турција, ниту манастирите низ Македонија на други странски цркви.

Зградата е на Владата, објективен и правен факт, секакво релативизирање е само смешно и неможе да има никаква тежина повеќе од тоа.


Edited by lslcrew - 15-Nov-2011 at 12:50
Back to Top
OKA View Drop Down
Senior Member
Senior Member
Avatar

Joined: 11-Dec-2009
Location: Yenni Maalе
Online Status: Offline
Posts: 332
  Quote OKA Quote  Post ReplyReply #20 Posted: 15-Nov-2011 at 12:53
Originally posted by mladen_s

Не е статус на археолошки локалитет, туку статус на заштитено градителско наследство
Секако дека бев малку "Саркози" за археологијата, а тоа дали објектов ќе добие статус на наследство е неизвесна работа која зависи од стручни лица, за кои секако е наивно да се очекува дека ќе имаат едноумие при одлучувањето.
Originally posted by mladen_s

И неговото „реконструирање„ или рушење за мене не е легитимен потег.
Ако настане правен и јавен консезус, тогаш ќе биде легитимен.
Originally posted by mladen_s

Глобалното (а веројатно мислиш на урбаното) функционирање на економијата и тоа како признава „конзервација на простор“ бидејќи тоа е еден од начините за урбана регенерација - преку создавање или одржување на фокусни точки - репрезентативни објекти, кои ја подигаат цената на околното земјиште (а сами по себе и не мора да го искористуваат најдобро - примери колку сакаш).
Хм, современиот, прегреан капитализам нема баш многу трпение и сентименталност кон "архитектурата на нашите предци". Во случајов пак, преамбициозно е да се тврди дека објектов е репрезентативен. И покрај феноменално избраната и имплементирана подлошка на стара македонска куќа, кај објектов отсуствуваат тизери на долговечност и одржливост при интерпретирањето на надворешноста.
Мое лично мислење!? Да е моја сопственост, не би го зачувал ваков каков што е. Нешто би менувал. Оти, едноставно не ме тера да извикнам WOW, не ми проаѓаат трпки додека го гледам. Но, не тврдам дека би го рушел, оти има драматична економска компонента во таквата одлука, се согласувам.
Originally posted by mladen_s

Е сега.. Твојата интуиција е нешто сосема друго - дали е согледување на „скриените агенди на избраните“ или лично твои желби, тоа ти си знаеш...
Де бе Младен, мора ли толку грубост, "тоа јас сум си знаел..." А ти, што си знаеш!? Објектов мора да се брани по секоја цена!? Ајде, да го симнеме нивото и да се етикетираме. Писмен си и човек си, би требало да толелираш поинакви мислења, а и да ти е прифатливо дека има луѓе кои само се обидуваат да ја "прочитаат" сегашноста и иднината на најреален, можен начин, базирајќи се на искуствата, однесувањата и инстиктите.
Originally posted by mladen_s

А втората дискусија би била што е тоа „модерен и висококатен“...
Висококатен значи урбанизација во височина, а современ, ЈАС ЛИЧНО преферирам да го дефиниран како архитектура која "до коска" ги апсолвирала најновите функционални и еколошки стандарди. А како ќе се "пакуваат" надворешно објектите за пет-десет години, тоа само "милиот Бог" знае.


Edited by OKA - 15-Nov-2011 at 13:02
Врзи два поста без СК2014 и освој трет гратис!!!
Back to Top
 Post Reply Post Reply Page  123 64>

Forum Jump Forum Permissions View Drop Down



This page was generated in 0.203 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.