Квалитет на воздухот во Скопје

Значи концентрацијата на ПМ10 четички во воздухот само 3 дена во декември била под опасното ниво, а 17 дена била 10 пати над максимално дозволеното...

Од божиќ навака сајтот за следење на загадувањето тивко престана да работи, и еве сега што велат во град Скопје - сајтот не работи зашто требало да распишат тендер, а тоа било комплицирана постапка. Од што е комплицирана, гледам на e-nabavki.gov.mk секоја недела бар 3 тендери има поставено од град Скопје

Сакате да дознаете каков е квалитетот на воздухот во центарот на Скопје? Ќе си ги облечете чевлите за снег, дебелата јакна, капа, шал и ракавици и ќе одите до улицата Македонија да ги проверите информациите од прва рака, од дисплејот на мерната станица покрај статуата „Шмизла“. Интернет сајтот „Скопје дише“ на кој до пред Божик во живо се објавуваа податоците сé уште не работи, а најверојатно нема ниту да проработи. Од еколошката лабораторија на фирмата Фармахем која една година го одржуваше системот ни потврдија дека се работи за нешто повеќе од само надградба на софтверот, како што сега стои на страницата. Имале едногодишен договор за одржување на системот , но тој истекол, а досега од Градот Скопје нема иницијатива да се продолжи. Од Фармахем велат дека сакале да го надградат системот и со архива од податоците од мерењата, но дека за судбината на оваа транспарентна интернет алатка со која се служеа голем број граѓани треба да се обратиме во Градот. Од Градот пак делуваат целосно незаинтересирано за продолжување на објавувањето на податоците за квалитетот на воздухот на интернет. Портпаролот Неделчо Крстевски вели дека поставувањето на сајтот уште од почетокот било иницијатива и добра волја на фирмата. „Сајтот не беше наш. Во моментов не можеме да кажеме дали зависи од нас или од Фармахем. За нас е важно да работат мерните станици и граѓаните да можат да ги добиваат информациите за квалитетот на возухот од дисплеите на уредите“ вели Крстевски. Од Градот признаваат дека за евентуално продолжување на работењето на „Скопје дише“ тие треба да ја почнат постапката која како што велат, била комплицирана бидејќи вклучувала распишување на тендер. Дали пак тоа ќе се случи, ниту тие самите не знаат. „Не можам ништо да ви кажам сега, ниту дали ќе го има , ниту дали ќе го нема сајтот“ вели Крстевски. Преку „Скопје дише“ граѓаните зимава дознаа дека загадувањето на воздухот во главниот град беше и до 10 пати поголемо од максимално дозволеното при што се препорачуваше воопшто да не се излегува надвор. Градските власти и Министерството за животна средина по притисокот од јавноста беа принудени да извршат инпекции во индустриските објекти по што загадувањето се намали. Според истражување на Институтот за јавно здравје во Скопје годишно ќе се избегнат 117 смртни случаи и 420 заболувања ако во воздухот се намалат за една третина концентрациите на прашина.

Извор: Гринбокс


Edited by tomi_z - 07-Feb-2012 at 21:52

Среднодневни концентрации на суспендирани честички со големина до 2,5 и 10 микрограми и азотен диоксид за месец февруари 2012:


гранична вредност 50 µg/m3


гранична вредност 25 µg/m3


гранична вредност 220 µg/m3

Концентрациите на сулфур диоксид, јаглерод моноксид и озон се во рамките на дозволеното, односно под граничната вредност.

http://www.moepp.gov.mk/WBStorage/Files/Mesecen%20izvestaj%20za%20VOZDUH%20-%20Fevruari%202012.pdf

Препорака е да го пуштите на цел екран и со висока резолуција (HD). Иако најверојатно се разликува се разликува од првичната цел и намена на видеото би сакал да го искористам за да се воочи и да се даде претстава за влијанието на скопска железара врз Скопје и воопшто скопскиот регион. Видеото секако може да се третира и како TimeLapse од Скопје и може да се постави и во нишката Скопје - видео снимки.

 

 

Што дишеме, никој не знае!

А клипов со time-lapse од Водно е одличен доказ!

Инаку во Автокоманда живеам, и синоќа околу два Железарница пак почна со испуштање на овој облак, но сега беше малку различно, прв пат да осетам и мирис на сулфур...


Edited by tomi_z - 12-May-2012 at 13:51

OCB најпрво ... одлична информација! Секако е многу добро да се видат најновите информации за воздухот во Скопје. Меѓутоа имам еден коментар за анализата - според "најдоверливиот извор на информации" wikipedia, во европски рамки границите за присутност на PM10 се значајно пониски од 50 µg/m³ како што е посочено во графиконот. Според информациите тука (http://en.wikipedia.org/wiki/Particulates) во главата Regulation - EU legislation, е наведено дека 50 µg/m³ е максимална просечна дневна вредност со тоа дека во текот на една година само во 7 случаи вредностите можат да бидат над овој максимум. Гледано на годишна основа, границата треба да биде во просек од 20 µg/m³.

Гледајќи ги графиконите погоре, може да се забележи дека деновите кога овие вредности ги надминуваат максимално дозволените вредности се повеќе од 7 во текот на еден месец со што во Скопје има поголемо присуство на овие честички во текот на целата година, без разлика на сезоната, условите и/или местоположбата.

Мхмммм.... Мислиш пожар е... мислам дека треба малку да се заинтересираме за ова... и да се преземе нешто...

ВОЗДУХОТ Е ПРЕKУМЕРНО ЗАГАДЕН И ЛЕТЕ И ЗИМЕ

Да беше Европа Скопје, алармот би бил на црвено


Скопјани и во лето дишат загаден воздух, покажуваат податоците од автоматскиот мониторинг-систем на Министерството за животна средина. Според мерењата во март, април и во мај, концентрацијата на ситен прав (ПМ10) во главниот град редовно ја минувала максималната граница за заштита на човековото здравје, која изнесува 50 микрограми на кубен метар воздух. Во април во одредени делови од градот граѓаните дишеле тројно позагаден воздух од дозволеното, односно концентрацијата на ПМ10 на моменти достигнувала и до 150 мг/м3, а во мај правта најмногу се искачила до вредност од 113 мг/м3. За споредба, зимоска Скопје беше меѓу најзагадените градови во Европа затоа што правта постојано достигнуваше вртоглави вредности од 500 мг/м3, а имаше моменти и со 1.000 мг/м3! Kонцентрацијата на другите загадувачи, јаглеродмоноксид, сулфурдиоксид, азотдиоксид и озон, се во рамките на дозволените граници.

Сепак, и покрај пониските вредности во споредба со зимското аерозагадување, не може да се рече дека скопјани дишат чист воздух. Според Законот, во текот на една календарска година не смее да има повеќе од 35 дена со зголемена вредност на прав над 50 микрограми, а таа норма ја надминавме само во јануари и во февруари. Во април на мерните места Гази Баба и Лисиче 19 дена поминале со надмината вредност на прав, а во мај 18 на едната, а 12 дена на другата локација.

Проф. д-р Драган Ѓорѓев од Институтот за јавно здравје вели дека имаме значително аерозагадување и покрај растоварувањето со честичките.

- Зимно време аерозагадувањето е поголемо поради тоа што Скопје е во котлина, нема проветрување и е отежната размената на топол со студен воздух. Освен климатските и географските предуслови, битен фактор за зимското загадување кој го нема лете е греењето. Летно време проблем е аерозагадувањето со озон, а најголем аерозагадувач е сообраќајот. Имаме зголемени концентрации на штетниот озон во Скопје, Kуманово и во Битола. Сега има помалку прав во скопскиот воздух од зимоска, но со ваков сообраќај, а без зелени зони, ништо нема да постигнеме. Не треба да чекаме ветер да ни го прочисти воздухот, мора сами да преземеме конкретни мерки - вели проф. д-р Ѓорѓев.

Да се појават вредностите од воздухот во Скопје измерени во мај во некој од европските градови, алармот би бил вклучен на црвено. Во Париз вчера индексот на аерозагадување изнесуваше 33, во Берлин 30, а во Лондон 20. Најзагадени градови во Европа вчера беа Падова (Италија) и Марибор (Словенија), со индекс 80 и аларм кренат на високо портокалово ниво. Доколку концентрацијата на ситниот прав ја надмине вредноста од 100 микрограми за кубен метар воздух, во градовите на ЕУ се смета дека таквиот воздух е опасен за здравјето, а препораката е сите да избегнуваат престој надвор. Kај нас се препорачува да не се престојува надвор ако границата на прав надмине 500 мг/м3. Во ЕУ воздухот се смета добар ако правта не надминува 12,5.

Според Светската здравствена организација, во светот годишно умираат над два милиона лица како последица на заболувањa од аерозагадувањето.

Најлош воздух во Тетово

Најлош воздух во мај дишеле жителите на Тетово. Според податоците од автоматскиот мониторинг цел месец загадувањето со прав било над максималната граница, односно надминувањето било присутно 29 дена. Во просек, вредноста во мај во Тетово изнесува околу 90 мг/м3, а највисоката концентрација била на 14 мај, 142 мг/м3.

Жителите на другите поголеми градови каде се врши мерење на аерозагадувањето може да бидат задоволни, затоа што квалитетот на воздухот секаде е добар. Во Велес во мај пет дена бил надминат лимитот за прав, а во Битола само еден ден.

http://www.dnevnik.com.mk/?ItemID=42CD29EF38E7F045949E67B7AB9EB572

Среднодневни концентрации на суспендирани честички со големина до 2,5 и 10 микрограми за месец мај 2012:


гранична вредност 50 µg/m3


гранична вредност 25 µg/m3

Концентрациите на азотен диоксид, сулфур диоксид, јаглерод моноксид и озон се во рамките на дозволеното, односно под граничната вредност.

Ги проверив и мерењата за првите 20 дена од јуни во Општина Карпош. Граничните вредности за суспендирани честички со големина до 10 микрограми не биле надминати ниту еден ден. Граничните вредности за суспендирани честички со големина до 2,5 микрограми се минимално надминати (до 2 µg/m3) само 3 дена што е во рамките на дозволеното.

Дишете слободно, во лето воздухот е чист

Денес во околу 5:30 наутро...