build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Квалитет на воздухот во Скопје

Bookmark and Share
 Post Reply Post Reply Page  <1 394041
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #801 Posted: 15-Nov-2021 at 17:58
Само еден ден имавме малце повеќе магла и веднаш скокнаа бројките,се додека не се смени начинот на греење нема спас од оваа проблематика со 5-6 илјади инвертери и некои други слични мерки ништо не се постигнува.Треба ширење на топлификациона мрежа(низ Скопје и Битола) а за другите делови кои остануваат надвор од овој опфат(а ги има во голем број) најдобро решение би било гасификација.
Точно дека удел си имаат и индустриските објекти како и возилата но се додека греењето е на мазут,гуми,пластика и додека имаме икс број на депонии кои редовно се спалуваат нема да излеземе од овој круг.
Спасот на краток рок е да се погоди зима со изразено северно струење(какви што имавме изминативе неколку години) и периодите на магла и ниска облачност а со самото тоа и на загаден воздух да бидат колку што може помали/пократки.
Периоди со долги антициклони повторно ќе не извадат на врвот во листите на загадени градови.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #802 Posted: 20-Nov-2021 at 18:09
Мерна станица за квалитет на воздух поставена во Кисела Вода



Мерна станица за квалитет на амбиентален воздух е поставена во паркот „Македонија“, веднаш до Домот на култура.

– Преку заедничка соработка на Општина Кисела Вода и Градот Скопје, жителите на овој дел од градот, за прв пат добија инструмент со кој се мери состојбата на воздухот. Се мери концентрација на PM10, NO2, SO2, CO како и температура, влажност на воздух и брзина на ветар и истите се ажурираат на секои 5 минути. Аирпоинтерот поседува и дисплеј што овозможува резултатите од мерењето да бидат видливи во секој момент. Истите резултати се достапни и на официјалната веб страни на Општина Кисела Вода, како и на порталот на Град Скопје, информираат од општинската прес-служба.

Градоначалникот Орце Ѓорѓиевски, најави дека во наредниот период вакви мерни станици ќе се постават околу сите големи загадувачи. Од општината посочуваат дека борбата за здрава животна средина, борбата со загадувачите, ќе биде бескомпромисна, изјави тој.

https://www.vecer.press/мерна-станица-за-квалитет-на-воздух-по/
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 872
  Quote hcitrS Quote  Post ReplyReply #803 Posted: 20-Nov-2021 at 19:13
Се убивме од мерење воздух. Тро од трудот и времето да се вложеше во реални решенија можеби ќе имаше и некакви почетни резултати.
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #804 Posted: 20-Nov-2021 at 23:42
Колку и да е политички и популистички од било кои власти, мерните станици се чекор кон решавање на проблемот.
Back to Top
alexsend View Drop Down
Senior Member
Senior Member
Avatar

Joined: 11-May-2011
Location: Скопје, Центар
Online Status: Offline
Posts: 2083
  Quote alexsend Quote  Post ReplyReply #805 Posted: 21-Nov-2021 at 22:37
И сега од кога видовме дека е загадено дали дишеме почист воздух?
Истиот муабет со години... не се решава ова за година туку за години...
Гас, парно, забрана за греење на дрва во град, забрана за тешка индустрија... децениски проблем е ова
Јас Скопје никогаш не сум го замислувал вака.
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #806 Posted: 21-Nov-2021 at 23:49
Не. Ништо не е мрднато. Никој нема волја да го реши овој проблем.

Јас само укажав дека не е за хејтање поставување на мерни станици.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #807 Posted: 27-Dec-2021 at 17:52
БЕСПЛАТНИ ЌЕ БИДАТ АВТОБУСИТЕ И НЕМА ГОРЕЊЕ ПЛАСТИКИ И ГУМИ Град Скопје донесе 19 итни мерки за загадувањето

Новиот аларм од Министерството за животна средина и просторно планирање дека ПМ10 честичките го надминале пропишаниот минимум во повеќе скопски населби го натера Град Скопје да донесе мерки од прв степен и препораки за намалување на загадувањето и за заштита на здравјето.

Тие се:

– Бесплатен јавен превоз во автобусите на ЈСП и на приватните превозници

– Зајакнат инспекциски надзор на инсталациите под надлежност на Град Скопје

– Ограничување на градежни активности на објектите во надлежност на Град Скопје

– Интензивна контрола на градилиштата, односно возилата што излегуваат од градилиштата мора да имаат измиени тркала и да се покриени со церади заради контрола на прашината.

– Зачестено машинско миење на градските улици и булевари што се во надлежност на Град Скопје и препорака на скопските општини да го направат истото на улиците што се во нивна надлежност.

– Зајакната контрола на имателите на одобренија за доставување на стока преку Инспекторатот на Град Скопје. Воедно го повикуваме Министерството за внатрешни работи да спроведе засилени контроли на правните субјекти кои поседуваат одобренија за доставување на стоки издадени од страна на Градот Скопје.

– Апел до вработените во Град Скопје, јавните претпријатија и институции на работа да доаѓаат со автобусите на јавниот превоз.

– Градоначалниците на општините во градот Скопје да ги интензивираат инспекциските надзори над субјектите кои управуваат со отпадни гуми и отпадни масла.

– Министерството за внатрешни работи да спроведе ограничување на обуките на автошколите од 9,30 до 14,30 и по 18,00 часот.

Министерството за животна средина, Државниот инспекторат за животна средина и општините да извршат засилени контроли над инсталациите што се под нивни ингеренции.

– Министерството за внатрешни работи да ги зајакне контролите на почитување на забраната за движење на тешки товарни возила чијашто крајна дестинација не е Градот Скопје и кои ќе се упатуваат да ја користат скопската обиколница, во согласност со поставената сообраќајна сигнализација.

– Министерството за внатрешни работи да врши зачестени контроли на издувните гасови на возилата кои учествуваат во сообраќајот.

– Откажување/одложување на јавни собири, спортски настани и културни настани на отворено.

– Препорака градежната механизација да не се става во употреба за време на сообраќајниот метеж.

– Да се користи јавниот превоз, возилата да се користат само во неопходни ситуации.

– За затоплување на домовите да не се користат отпадни материјали, прегорено машинсо масло, лакирани и обоени отпадоци од дрво, стиропор, ПЕТ амбалажа, гуми и каков било синтетички материјал.

– Да се користи суво и чисто дрво без примеси од земја и отпадоци.

– Печките на дрво да се користат и одржуваат според упатствата на производителот.

– Редовно да се чистат оџаците.

Итните мерки и препораки за намалување на загадувањето на воздухот се согласно Краткорочниот акциски план за заштита на амбиентниот воздух во град Скопје кој е донесен од Советот на Град Скопје. Овие мерки ќе бидат во сила сè додека не се намали загадувањето под прагот за алармирање, односно под 100 микрограми на кубен метар.

Град Скопје ги повикува граѓаните да се придржуваат до дадените мерки и да го сведат своето движење на отворен простор само на неопходни излегувања, малите деца, бремените жени, хроничните болни, постарите луѓе да не излегуваат на улица и да не се проветруваат просториите во кои се престојува. Градот Скопје веќе започна со сет системски и конкретни мерки за справување со загадениот воздух и токму ова е еден од најголемите приоритети на кој ќе работи новата градска администрација. Овие комплементарни мерки за обезбедување повисок квалитет на живот за граѓаните, ќе придонесат за намалување на нивото на загаден воздух во Скопје, а за секоја настаната промена на состојбата јавноста ќе биде редовно известена.

https://plusinfo.mk/besplatni-e-bidat-avtobusite-i-b-ez-gore-e-plastiki-i-gumi-grad-skop-e-donese-19-itni-merki-za-zagaduva-eto
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #808 Posted: 27-Dec-2021 at 17:55
ЌЕ ИМАМЕ ПРОБЛЕМ СО ЗАГАДУВАЊЕТО ОТИ ГОЛЕМ БРОЈ ГРАЃАНИ ЌЕ СЕ ГРЕАТ НА ДРВА ПОРАДИ КРИЗАТА, ВЕЛАТ ОД ГРАД СКОПЈЕ

Економската криза и најавеното зголемување на цената на струјата дополнително ќе влијаат врз загадување на воздухот, велат од Град Скопје. Од Градот велат дека голем број граѓани годинава се решиле да се греат на дрва што придонесува за зголемено загадување.

„Покрај неодговорната работа на претходното градско раководство, сигурен проблем во справувањето со загадениот воздух оваа зима ќе биде и економската криза која директно удира по граѓаните. По најавите за драстично зголемување на цената на електричната енергија, дел од граѓаните најавуваат дека за огрев ќе користат дрва, што дополнително негативно ќе се одрази на загадувањето на воздухот“, велат од Град Скопје.

Во буџетот на Град Скопје за 2022 година, кој треба да се усвои на седницата в среда, се предвидени трипати помалку пари за животна средина споредено со оваа година. Во ставката за животна средина се предвидени 73 милиони денари, а оваа година по овој основ беа предвидени 213 милиони денари.

Од Град Скопје велат дека претходната градска власт не направила ништо за решавање на проблемот со загадување, а новото раководство веќе започнало со сет системски и конкретни мерки за справување со загадениот воздух.

„Уште во првите денови од својот мандат, градската администрација почна интензивно да ги чисти сите диви депонии кои беа детектирани на територијата на Град Скопје. Преку модернизација на јавниот превоз, директно да се влијае и да се подобри квалитетот на воздухот. Покрај тоа, планирани се нови велосипедски патеки, субвенции за купување на велосипеди и електрични тротинети, со што ќе се мотивираат граѓаните да користат алтернативен превоз. Град Скопје во план има и изградба на пет мега паркови, со што ќе се зголеми зеленилото во градот“, велат од Град Скопје.

https://sdk.mk/index.php/dopisna-mrezha/ke-imame-problem-so-zagaduvaneto-oti-golem-broj-gragani-ke-se-great-na-drva-poradi-krizata-velat-od-grad-skopje/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #809 Posted: 27-Dec-2021 at 18:06
Овие мерки треба да ги има константно а не да се вонредни,зошто да не може да се мијат тркалата на камиони и други возила кои влегуваат/излегуваат по сто пати во текот на денот(пример комплексот што се гради кај Рамстор и Порта Супериум во Аеродром околните улици ги прават лом од кал и земја),авто-школите би било супер да си останат во посочените термини наместо да создаваат хаос во шпицот итн.
А загадувањето ќе се реши кога ќе се покачи стандардот,едноставно екологија без економија не бива,цели населби се греат на отпад,гуми,пластики камо да беа барем на ниво на огревно дрво.
Back to Top
Graditelot View Drop Down
Groupie
Groupie


Joined: 17-May-2016
Online Status: Offline
Posts: 77
  Quote Graditelot Quote  Post ReplyReply #810 Posted: 28-Dec-2021 at 09:27
Да бидеме реални, нема решение за загадувањето на воздухот во Скопје.
Просто градот се наоѓа во котлина без никакво струење на воздух и малку дождови во текот на годината.
Едино целосна гасификација на греењето на граѓаните би помогнало нешто, но тоа за наши услови е очигледно научна фантастика.
Back to Top
Aowek View Drop Down
Groupie
Groupie


Joined: 22-Sep-2021
Online Status: Offline
Posts: 53
  Quote Aowek Quote  Post ReplyReply #811 Posted: 28-Dec-2021 at 10:21
Све на место кажано друже. За нас гас е на ниво на Америка да постави перманентна база на месечината. Јас сум 100% убеден дека нема да видиме гас во наредни 20 години во куќите и ако го има ќе биде пак прескапо за обичниот граѓанин.
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #812 Posted: 28-Dec-2021 at 18:22
Originally posted by Aowek

Све на место кажано друже. За нас гас е на ниво на Америка да постави перманентна база на месечината. Јас сум 100% убеден дека нема да видиме гас во наредни 20 години во куќите и ако го има ќе биде пак прескапо за обичниот граѓанин.
Гасификацијата ќе ја зафати бран на антиваксерство, на анти-5г, и такви кампањи. Дека е опасно, па ќе се пренесува по портали некоја зграда во Индија како е срушена, и така иде тоа со све у Македонија. Дури и да дојде, нема да може по улички терцијарна мрежа да се пушта, штрајкови ќе има.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #813 Posted: 11-Jan-2022 at 18:39
Стотина сензори ќе се поставуваат на градски објекти во Скопје, ќе се бараат изворите на аерозагадувањето

Советот на Градот Скопје прифати амандман на советниците на Зелен хуман град и се обврза од градскиот буџет да инвестира 700.000 денари за поставување на хипер-мрежа на сензори за мерење и локациско мапирање на аерозагадувањето во главниот град. Со овие средства ќе треба да се постават стотина сензори за мерење на аерозагадувањето на градски институции и средни училишта, но и во општини каде што нема ниту една мерна станица, како Шуто Оризари.

Советникот на ЗХГ и еколошки активист, Горјан Јовановски вели дека целта на хипер мрежата е да дознаеме од каде доаѓа загадувањето на воздухот и полесно да го спречиме. Сензорите, иако се нискобуџетни, имаат отстапување помало од 10 микрограми на кубен метар, што значи дека даваат точни резултати од кои може да се извлечат информациите кои се потребни.

„Овој тип на сензори се користат секаде во светот, а подолго време има и кај нас и нивните мерења може да се следат преку апликацијата AirCare – Air Quality App. Секако дека тие податоци нема да се користат во научно- истражувачки цели како оние од државниот мониторинг, но даваат сосема солидни информации, особено за она што нас ни е цел, да алармираат ако на некоја локација има зголемено загадување на воздухот и со тоа да помогнат да се откријат загадувачите во градот“, вели Јовановски.

Тој посочува дека фактот, што покрај овој амандман за хипер мрежата на сензори, Советот прифати уште четири, од 33 колку што поднесе ЗХГ, е мала, но значајна победа. Нагласува дека нема да дозволат да не се реализираат овие проекти и средствата повторно да се пренаменат за нешто друго.

„Свесни сме дека прифаќањето на амандманот не значи и дека ќе го реализираат проектот. Но, ние не отстапуваме и постојано ќе го следиме напредокот. Веќе договоривме средба со Секторот за животна средина и подготвени сме со нашето искуство да помогнеме во определувањето на спецификациите на уредите што ќе треба да се набават“, посочува Јовановски.

https://meta.mk/stotina-senzori-kje-se-postavuvaat-na-gradski-objekti-vo-skopje-kje-se-baraat-izvorite-na-aerozagaduvanjeto
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #814 Posted: 17-Nov-2022 at 12:59
Скопје веќе е угушено во загадениот воздух, гледано од птичја перспектива



https://a1on.mk/macedonia/video-skopje-vekje-e-ugusheno-vo-zagadeniot-vozduh-gledano-od-ptichja-perspektiva/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #815 Posted: 25-Dec-2022 at 17:56
ГЛАВНИОТ ГРАД И НАТАМУ ВО ТОП 10: Скопјани се гушат, Скопје 4 ти најзагаден град во светот!

Скопје повторно руши рекорди по загаденост. На листата на најзагадени градови на светот која секојдневно ја објавува апликацијата IQair.com, главниот град вчера се најде на четврто место во светот според загаденоста на воздухот.

Главниот градот на Македонија е во друштво на Лакоре во Пакистан, Акра во Гана, и на првото место е Њу Делхи во Индија.

Покрај Скопје, зголемено загадување на воздухот е забележано и во Кичево, Кавадарци и Струмица, поради што Министерството за животна средина објави дека во овие градови стапуваат на сила препораки и мерки за заштита од аерозагадувањето. Од вчера овие мерки стапија на сила и во Гостивар. „Согласно Уредбата за изменување и дополнување на Уредбата за гранични вредности за нивоа и видови на загадувачки супстанции во амбиентниот воздух и прагови на алармирање, рокови за постигнување на граничните вредности, маргини на толеранција за гранична вредност, целни вредности и долгорочни цели (Службен весник на Република Македонија бр. 183 од 14.12.2017 година) во која е дефиниран прагот на алармирање на суспендирани честички со големина до 10 микрометри (надминување на вредноста од 150 mg/m3 во текот на два последователни денови) и добиената временска прогноза од Управата за хидрометеоролошки работи, ве информираме дека тој е надминат на мерното место во Гостивар“, се вели во вчерашното соопштение од Министерството за животна средина и просторно планирање.

Во овие општини и Градот Скопје стапуваат на сила препораките и мерките за намалување на последиците по здравјето поради зголеменото загадување на воздухот усвоени од Владата во 2017 година информираат од министерството за животна средина.

Министерството за здравство е должно да препорача сите работодавци да ги ослободат од работни обврски бремените жени, лицата постари од 60 години, како и лицата со хронична астма, прележан миокарден инфаркт или мозочен удар, без разлика на возраста, со препорака на матичен лекар.

Да го реорганизираат работното време, лицата кои работата на отворено да работат од 11 до 17 часот , да не се организираат спортски натпревари и други културни манифестации на отворено.

Се препорачува владата да ги задолжи сите органи на државна управа, агенциите, фондовите, бироата, заводите, јавните претпријатија и АД во државна сопственост, како и на Единиците на локална самоуправа да ја намалат до 50 отсто употребата на службени возила. За граѓаните на главниот град пак проблемот со аерозагадувањето не е изненадување, велат ова се случува секоја година, но не очекуваат решение за проблемот.

Инспекторатот за животна средина да започне со зачестени контроли на капацитетите кои имаат А дозвола и да спроведат контролни мерења на воздухот и истите да го намалат просизводството до 50 проценти со исклучок на топланите и капацитетите кои произведуваат електрична енергија.

Од „Зелен хуман град” сметаат дека препораките нема да помогне за да почнеме да дишеме чист воздух.

-Не се доволни зошто не се обврзувачки. Вие може да препорачате на некој субјект кој има А интегрирана дозвола да го намали капацитетот до 50 проценти. Кој ќе го направи топа, кој проверува дали некој го направил тоа. Тоа е препорака само. Тој може да го зголеми производството за 200 отсто. Со препорака ништо не правиме, изјави Горјан Јованосвки, од Зелен хуман град и советник во Град Скопје.

Мерки за справување со загадениот воздух должни се да спроведат и општините. Но, од единиците на локална самоуправа засега нема најава за бесплатен автобуски превоз, почесто миење на улиците, забрана за градежни активности.

Јовановски од „Зелен хуман град” смета дека ниту овие краткорочни мерки нема да имаат значаен ефект во намалување на аерозагадувањето.

-Локалните самоуправи треба да гледаат на долг рок ако сакаме да дишеме чст воздух. Потребен е плански начин со добар ГУП за наредните 10 години во Скопје, додаде Јовановски.

Во меѓувреме граѓаните продолжуваат со сопственото здравје да го плаќаат данокот на загадениот воздух. Веќе има згоменен број на пациенти на Клиниката за пулмологија.

https://www.vecer.press/главниот-град-и-натаму-во-топ-10-скопјан/
Carpe diem
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #816 Posted: 26-Dec-2022 at 00:13
Денес бев над Скопје, видливоста бше 10/10 од „птичја ерспектива“.
Arguing on the internet is like running at the special olympics. Even if you win, you're still retarded.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #817 Posted: 25-Jun-2023 at 17:25
Густ црн чад на две локации покрај Вардар попладнево ги вознемири жителите на Карпош | ФОТО+ВИДЕО





https://sitel.com.mk/gust-crn-chad-na-dve-lokacii-pokraj-vardar-popladnevo-gi-voznemiri-zhitelite-na-karposh-fotovideo
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #818 Posted: 26-Jun-2023 at 17:13
Жителите се жалат на константно палење гуми, кабли и друг отпаден материјал



Во неделата на локацијата каде што се гради новиот мост од страната на приватната болница „Систина“ се издигнал црн густ чад, на што жителите брзо реагирале и пријавиле во Бригадата за противпожарна заштита од каде што им било кажано дека веќе знаеле за тоа. Велат дека проблем е тоа што ова постојано се случувало на оваа локација, па ќе мора да се преземат поригорозни мерки. Сметаат дека се работи за организиран криминал со отпад за кој се знаело уште од 2007 година, поради што во неколку наврати и протестирале на раскрсници, но биле во мал број, па немало ефект



Почна сезоната на палење на гуми, но и на топење на каблите од кои се вади бакарот. Ова во неделата на своја кожа го осетиле жителите на општина Карпош, а се случило на локацијата каде се гради новиот мост од страната на приватната болница „Систина“.

Тие биле задушени од црн густ чад, на што тие брзо реагирале и пријавиле во Бригадата за противпожарна заштита.

-Набрзина ме откачија кога им ја кажав локацијата. Ми рекоа само да, да, знаеме, што значи и други се јавувале – вели Анита Петровска Рајковиќ.

Таа додава дека проблемот е што ова се случувало редовно на оваа локација.

-Неразбрани се изгледа. Така ќе мора нешто поригорозно да се преземе – вели Рајковиќ.

Сеат Соколи коментира дека само казна и затвор за родителите ќе го реши проблемот, бидејќи како што вели, 90 проценти се деца од 8 до 15 години.

-Па ова е тој организиран криминал со отпад. Не е ова палење само „онака”, аради неколку кабли. За ова веќе се знае од 2007 година. Штом не е прекинато значи дека се поврзани со сè и сешто. Кога протестиравме (луѓе од Карпош), на неколку наврати пред некоја година, бевме само 30-40 луѓе на раскрсници. Ако бевме барем 3.000-4.000 немаше вака да биде. Веројатно на поголемиот дел од жителите на Карпош не им пречат овие отрови кои предизвикуваат смртоносни болести или може мислат дека некој друг повеќе се грижи за нивниот живот од нив самите… – потенцира Александар Стојчески.

Лидија Темелковска додава дека токму поради инертноста на надлежните институции, оние што палат се комотни.

–Да беше блокиран еден мост, еден ден, друго ќе беше – истакна таа.

Слична е ситуацијата и во Злокуќани.

Елеонора Нора вели дека кај телевизијата Канал 5 секој ден се соочуваат со палење на гуми, кабли и друг отпаден материјал.

-Со црн чад се труеме. Некој мора да преземе мерки на дивеењето – реагира Нора.

Од Општина Карпош велат дека во петокот вечерта околу 21 часот имале пријава за палење во Злокуќани, но инспекциските служби во тој период не се на работа, па пријавиле во полиција, но додадоа оти немале пријава за густиот чад и палењето во неделата. Поради тоа апелираат граѓаните ваквите случаи да ги пријавуваат во општината.

https://www.vecer.press/жителите-се-жалат-на-константно-палењ/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #819 Posted: 20-Jan-2024 at 16:15
Скопјани во декември се изнадишаа позагаден воздух во споредба со 2022 [инфографик]





https://meta.mk/skopjani-vo-dekemvri-se-iznadishaa-pozagaden-vozduh-vo-sporedba-so-2022-infografik/
Carpe diem
Back to Top
 Post Reply Post Reply Page  <1 394041

Forum Jump Forum Permissions View Drop Down



This page was generated in 0.180 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.