На свечен начин во присуство на премиерот Никола Груевски, градоначалникот на општина Прилеп, Марјан Ристески, амбасадорот на Р.Германија во Р.Македонија, Урлике Кноц, министри во Владата на Р.Македонија и голем број на граѓани, пуштена е во употреба новата управна зграда на јавното претпријатие „Водовод и канализација“. ЈКП „Водовод и канализација“ доби 1600 метри квадратни зграда, која е дел од проектот на КФВ банка за подобрување на водоснабдувањето во Прилеп. Директорот на ЈКП „Водовод и канализација“, Сашо Николоски, истакна дека како јавно претпријатие на граѓаните ќе им понудат брзи услуги, и додаде дека контролата врз водоснабдувањето со новиот систем на работа е на високо ниво.

Градоначалникот Ристески потенцираше дека автоматизираната зграда на ЈКП„ Водовод и канализација “ ќе придонесе во подобра регулацијата и контролата на водоснабдувањето во градот, редуцирање на губитоците од водоводната мрежa, исполнување на условите за здравствена исправност на водата за пиење, неможност од појава на недостиг од вода во одредени реони од нашиот град  како и алтернатива за планско користење на водата за пиење. Претседателот на Владата на Р.Македонија, Никола Груевски истакна дека проектот за подобрување на водоснабдувањето во Прилеп е резултат на добрата соработка со германската Влада и нагласи дека Владата на Р.Македонија со цел да се подобри водоснабдувањето во Прилеп одобри уште еден проект со кој е предвидено да се градат  10 нови бунари. Во своето обраќање амбасадорот на Р.Германија во Р.Македонија Урлике Кнотц пред присутните истакна дека соработката која ја имаат воспоставено двете влади е одлична и ќе продолжи во иднина. Проектот за реконструкција на водоводната мрежа, во кој е вклучена и изградбата на новата зграда на ЈКП „Водовод и канализација“изнесува 8,2 милиони евра, од кои милион евра се од Владата на Р.Македонија, а останатите средства се од германската Влада, општина Прилеп и ЈКП „Водовод и канализација“.