build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Буџет(и) - Скопје

Bookmark and Share
 Post Reply Post Reply Page  123 10>
Author
Message
  Topic Search Topic Search  Topic Options Topic Options
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #1 Topic: Буџет(и) - Скопје
    Posted: 13-Dec-2007 at 00:10
Информацииве ми се малку дежаву но да се надеваме дека Меркатор и Хипо стварно ќе градат оваа година. Хипо пред некое време најави инвестиција во управна зграда во Скопје. Ете изгледа изборот паднал на Општина Карпош. Cheers

Новиот буџет на Општина Карпош ќе тежи 10,5 милиони евра

Најголем дел од приходите Општината ќе ги добие од словенечки „Меркатор“ и од австриската „Хипо“

Касата на Општина Карпош идната година ќе тежи 10,5 милиони евра, процениле општинските власти. Тоа досега ќе биде најголем буџет со кој ќе располага Општината, што се должи, пред се', на блок-дотациите за образованието кои централната власт ги трансферира до општините за потребите на училиштата и на градинките. Според градоначалникот Андреј Петров, касата на Општината идната година во голем дел ќе се наполни од комуналиите кои, всушност, се и најголемиот извор за полнење на буџетот. Имено, в година од таксата за користење градежно земјиште, како и од фирмарина, користење јавни површини и од таксата за осветлување, Општината пресметала дека ќе инкасира приближно три милиони евра, од кои два милиона се од два странски инвеститора.

„Сметаме дека идната година, конечно, ќе се реализира проектот за изградба на трговски центар на ‘Меркатор‘, а веќе во процедура е и проектот за изградба на управната зграда на австриски ‘Хипо‘. Комуналиите ќе ги чинат Словенците 68 милиони денари, а ‘Хипо‘ ќе треба да плати речиси 50 милиони денари“, рече Петров, истакнувајќи дека ова е доказ оти во државава се подобрува климата за инвеститорите и се надева дека и двата проекта ќе се реализираат навремено без непредвидени пречки.

Општинарите планираат најголем дел од проектираните пари за наредната година, околу 900.000 евра, да потрошат за изградба на нови канализациски мрежи, патишта и линии за осветление, а ќе се троши и за доизградба на деловните простории за „Влајко“, за што се планирани околу 160.000 евра. Околу 300.000 евра Општината планира да потроши за изработка на нови урбанистички планови. За изградба на нови спортски и детски игралишта се предвидени 65.000 евра. Општинарите испланирале и ставка за резерви, односно за „црни денови“ ќе остават 14.000 евра. (Дс.Т.)


Извор: Утрински весник
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #2 Posted: 11-Jan-2008 at 23:27
Не е лошо во споредба со другите години (лани пресметав сумарен буџет од околу 80 милиони ЕУР) но со оглед на тоа дека е предизборна година а и ако се земе во предвид структурата на буџетот (разни еднократни добивки на кои што сметаат) очигледно не се работи за некој одржлив напредок. Ohno

ЛОКАЛНИТЕ ВЛАСТИ ПРОЕКТИРАА АМБИЦИОЗНИ БУЏЕТИ за 2008 година

Општините ќе потрошат 128 милиони евра

Иако буџетите се поголеми од минатогодишните, сепак, парите ни оддалеку не се доволни за да се решат сите проблеми и да се изградат капитални објекти

Општините и Градот Скопје годинава ќе соберат и ќе потрошат вкупно 128 милиони евра. Толку изнесува збирот на проектираните буџети за 2008 година на девет скопски општини и на Градот Скопје.

Иако буџетите главно се поголеми од оние во минатата година, локалните власти не се многу задоволни од сумите бидејќи парите ни оддалеку не се доволни за да се решат сите проблеми во населбите и да се изградат капитални објекти. Општинските буџети најмногу се полнат со пари што граѓаните и инвеститорите на градежни објекти ги уплаќаат за комуналии, кои се строго наменски средства, како и од даноците на имот, наменските дотации од државниот буџет и со многу мал процент од персоналниот и од данокот на додадената вредност.

Најмногу пари годинава ќе потроши Градот Скопје, чиј буџет е проектиран на фантастични 49 милиони евра, најмногу досега. Средствата ќе бидат потрошени за повеќе капитални проекти, за проширување на улицата Илинден, за изградба на нова раскрсница на булеварот Александар Македонски и за реконструкција на јавното осветление. Градските власти најавија и изградба на системи што ќе го спречат паркирањето на тротоари, како и хортикултурно уредување на зелените површини.

- Годинава ќе имаме повеќе еднократни приходи, па оттаму е и поголемиот буџет. Ќе го продадеме уделот во спортската сала „Борис Трајковски“, ќе имаме приходи од давање концесии за користење јавен простор за огласување и планирани трансфери од државниот буџет - рече градоначалникот Трифун Костовски при неодамнешната промоција на градскиот буџет.

Веднаш по Градот, најголем буџет проектираше Општина Аеродром, која планира да собере и да потроши околу 16 милиони евра. Парите најмногу ќе бидат трошени за изградба на нова инфраструктура, а во план е да почне и изградбата на општинската зграда. Амбициозниот буџет на Аеродром е заснован на новите детаљни урбанистички планови, со кои се отвори можност инвеститори во општината да градат станбени згради, аквапарк, затворен олимписки базен, повеќенаменска сала за култура и спорт, хотели, типизирани киосци итн.

Веднаш по Аеродром доаѓа Општина Сарај, која годинава ја почна со проектиран буџет од 12 милиони евра, што е за два милиона евра повеќе од лани. На четврто место е Центар, која планира да потроши околу 10 милиони евра. Општината очекува најмногу пари да собере од надоместокот за уредување на градежно земјиште, околу 2,5 милиони евра, затоа што годинава се очекува да почне изградбата на трговски центар и хотел зад „Рамстор“, поради што во општинската каса ќе се слеат пари за комуналии. Општина Центар од својот буџет ќе издвои 300 илјади евра за основното образование и за градинките, што е доволно за замена на дел од азбестните покриви. Ќе се гради и „мост на цвеќето“ меѓу Градскиот трговски центар и платото пред Македонската опера и балет.

Со сличен буџет од 10 милиони евра е и Општина Карпош, потоа е Гази Баба, чиј буџет изнесува 9,1 милиони евра, па Општина Кисела Вода со буџет од околу 8 милиони евра. Општина Ѓорче Петров планира да собере 6 милиони евра, а Бутел 5 милиони евра. Општина Чаир годинава е со најмал буџет, во износ од околу три милиони евра, речиси исто како и во минатата година.

Не се знае колкав е буџетот на Општина Шуто Оризари бидејќи, според објаснувањата на секретарката на градоначалникот на Шуто Оризари, Ердуан Исени секогаш е на состаноци, а портпаролот никогаш не е на своето работно место во Општината.

Анела Петрова



http://www.dnevnik.com.mk/?itemID=060766C7B27731478EDE757FE271B59E&arc=1


Edited by Cloverstack - 02-Nov-2008 at 02:23
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #3 Posted: 12-Jan-2008 at 01:22


Дбро сеа, овдека сигурно не се урачунати приходите што општина аеродром ќе ги има од комуналиите за 160-катниците.

Киро ќе има доволно пари да го дигне булевар Јане Сандански на столбови кај Бисер, а испод надвозникот да направи плоштад, како што сакаше лани... Плус ќе има доволно пари за да постави лежечки полицајци на секој чекор и да изгради уште 50-тина фонтани...

Nuts Wallbash


Него еве кого го интересира, ова е обраќањето на Трифке во врска со буџетот на градот за 2008.

http://www.skopje.gov.mk/ShowAnnouncements.aspx?ItemID=1535&mid=24&tabId=1&tabindex=0


На денешната седница на Советот на Град Скопје, Градоначалникот, Трифун Костовски им се обрати на присутните со излагање за Предлог Буџетот на Градот за 2008 година.
По обраќањето на градоначалникот Костовски и по дискусијата по Предлогот советниците едногласно го донесоа Буџетот на Град Скопје за 2008 година.
Во прилог ви го пренесуваме во целост обраќањето на Градоначалникот Костовски.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

„Почитувани советници,
Пред се, би сакал да Ве поздравам и да Ви пожелам успешена работна седница.

По сеопфатните дискусии водени со комисиите одговорни за разгледување на различни сегменти од Буџетот , денеска пред Вас е Буџетот на Град Скопје за 2008 година, кој претставува основен инструмент за извршување на надлежностите на Градот Скопје. Тој всушност е годишен план на приходи и одобрени средства, а ги вклучува основниот буџет, буџетот на дотации, буџетот на донации и буџетот на самофинансирачки активности.
Планираните приходи се основна рамка за утврдување на висината на одобрените средства со буџетот.


Во основниот буџет се проектирани приходи и одобрени средства за финансирање на основните надлежности на Градот Скопје. Основниот буџет е проектиран во износ од 2.243.000.000 денари и претставува 73,7% од вкупниот буџет. Вака предвидените приходи со кои располага Буџетот на Град Скопје за 2008 година се значително зголемени во однос на Буџетот за 2007 година.

Споредено со 2007 година основниот Буџет за 2008 година е зголемен за 43,8%. Ова зголемување е базирано на планираните еднократни приходи, како што се приходите од продажба на удели за спортската сала, приходи од давање концесии за користење на јавен простор за огласување и планирани трансфери од Буџетот на Република Македонија како дополнување на изворните приходи на градот неопходни за комплетна реализација на капиталните проекти кои се планираат за 2008 година. Овие капитални приходи и капитални трансфери учествуваат со 23,3% или 523.000.000 денари во вкупните приходи на основниот Буџет за 2008 година. Додека даночните приходи како носечки дел од вкупните приходи учествуват со 70,2% во основниот Буџет.

Приходите од даноци на имот со кои се опфатени приходите од данокот на имот, данокот на наследство и подарок, данок на промет на недвижности, учествуваат со 21% во приходите од основниот Буџет, додека Приходите од комунални даноци во кои спаѓаат комуналните такси согласно законот за комунални такси и надоместокот за уредување на градежно земјиште учествуваат со 48% во приходите на основниот Буџет.

Вака предвидените приходи ја акцентираат зголемената наплата на комуналните такси и даноци на имот, кои ги администрира Градот, со превземање на мерки преку ажурирање на базата на податоци за даночните обврзници, согласно измените на законот за даноците на имот. Додека пак зголеменото учество на приходите од комунални даноци се условени од вкупната економска клима во државата и влезот на странски капитал, поради што се очекуваат инвестициона градба во главниот град, што повлекува зголемување на приходите од надоместок за уредување на градежно земјиште.

Приходите од тековните трансфери од други нивоа на власт како што се законски утврдените трансфери од Фондот за патишта и дотациите од ДДВ заедно учествуваат со 3% во основниот буџет, и уште еднаш го потврдуваат недоволното учество на приходи од државата за изградба на современа инфраструктурна мрежа на патишта во главниот град на Републиката.
Вака предвидените вкупни средствата во основниот буџет се проектирани врз основа на тесната рамка на изворните приходи кои Градот Скопје според законските прописи е надлежен да ги администрира и сеуште не отсликуваат квалитетен и перманентен извор на приходи, потребен за ивршување на утврдените надлежности, а со цел квалитетно задоволување на потребите на граѓаните на главниот град на Републиката.

Тоа би значело дека, во оваа преодна фаза на децентрализација, и во услови на севкупна општествена клима на незавршени транзициски реформи сеуште најголемиот дел од приходите се администрираат на централно ниво, а законски утврдениот процент за Градот е минимален, со што се оневозможува финансирање на децентрализираните надлежности, кои претставуваат значаен дел, т.е основа на целокупниот систем.

Сакам да потенцирам, дека и покрај неповолната реализација на приходите во 2007 година, наша заложба која успешно ја остваривме, беше целосна исплата на стар долг, кој на денот на превземање на мандатот (15.04.2005 година) изнесуваше 675 милиони денари. Додека со основниот буџетот за 2008 година е предвидено исплаќање на тековни обврски .

Имајќи го предвид фактот за ограничените средства со кои располага Градот Скопје, основната цел на Буџетот за 2008 година е да се насочат одобрените средства кон најприоритетните проекти, како и да се овозможат услови за спроведување на основните надлежности на Градот Скопје.
Вака димензионирани средства ги претставуваат реалните проценки за реализација на приходите во 2008 година и се предвидени за завршување на започнатите активности и отпочнување на нови како што се:

  • изградба на крстосница на бул. Александар Македонски кај хотелот Континентал, со која би се овозможил непречен влез и излез на возила во главниот Град; потоа проширување на булеварот Илинден како би се растеретил сообраќајот во централното градско подрачје; потоа хортикултурно уредување на зелените површини во градот, реконструкција на јавното осветлување; изградба на системи со кои би се оневозможил пристап на возила на пешачките површини.


Освен одобрените средстава за наведените капитални проекти, со Буџетот на Град Скопје за 2007 година се предвидени и средства за непречено извршување на надлежностите т.е непречено функционирање на Градот како што се:

уредувањето на градежно земјиште како договорна обврска при изградба на станбени и деловни објекти; одржување и заштита на магистралните и собирните улици на подрачјето на Град Скопје како и регулирање на режим на сообраќајот; тековно одржување на урбаната опрема во градот; изработка и украсување на градот со знамиња за време на празници; одржување на системите за јавно осветлување; потоа расчистување на диви депонии, подигање на умрени животни, дезинсекција и ерадикација; летно и зимско одржување на магистрални и собирни улици (крпење дупки и санации); одржување на вертикалната, хоризонталната и светлосната сигнализација како и поставување нова и обнова на дотраената сигнализација; работи на регулација на коритото на реката Вардар и останати активности во функција на подобрување на квалитетот на живеење во главниот град.
Со Буџетот на Град Скопје за 2008 год. се проектирани и средства за повеќе културно уметнички манифестации и за финасирање на проекти од локален интерс за Градот Скопје, како и за организирање и помагање на спортски манифестации и клубови кои го поттикнуваат културниот и спортско- рекретивниот живот во градот.
Во социјалната област се проектирани средства за трансфери до здруженија на граѓани поради остварување социјална грижа на повеќе целни групи и поддршка на кампањи од оваа област; обезбедување непречен пристап и прилагодување на простор до институциите од областа на културата и средните училишта за лицата со посебни потреби, како и субврнционирање на автобуски карти за инвалидизирани лица и покривање на трошоци за организиран превоз на инвалидизирани студенти.
Во согласност со законските одредби, Градот Скопје обезбедува и средства за тековно-оперативното работење на територијалните противпожарни единици и за финасирање на програмските активности на Противпожарниот сојуз на Град Скопје. Овие средствата се значително зголемени, поради вработување на 40 пожарникари и набавка на нова заштитна опрема за пожарникарите за кои градот одвои средства.

Што се однесува пак на буџетот на наменски дотации, проектирани се приходите од дотации и одобрени средства кои се користат за финансирање конкретна намена, надлежност, програма и инвестиционен проект. Буџетот на наменски дотации изнесува 211.825.077 денари и претставува 6,9% од вкупниот буџет на Град Скопје. На страната на приходите во буџетот на дотации се проектирани наменските дотации од Државата кои се предвидени за финансирање на пренесените надлежности во делот на образованието, културата, социјалната заштита и платите на вработените во Бригадата за противпожарна заштита на Град Скопје. Висината на дотациите во областа на образованието е зголемена во однос на 2007 година, додека пак висината на дотациите за институциите од областа на културата е значително намалена и не е доволна за покривање на реалните потреби за непречено одвивање на дејноста во културните установи чии потреби се значително поголеми, со што се потврдува и оваа година недостатокот на средства од наменските дотации.

На страната на одобрените средства во буџетот на дотации, 65% од дотацијата за активности во културата и 100% од дотацијата за средно образование се проектирани за комунални услуги, греење, комуникација и транспорт, поради покривање на основните оперативни расходи за непречено функционирање на установите и средните училишта од една страна и тесната рамка на дотациите од друга страна. Останатите одобрени средства за трошење во областа на културата и социјалната заштита се предвидени за останати тековно оперативни расходи во функција на дејноста.


Во буџетот од самофинансирачки активности се проектирани приходите од активностите на буџетските корисници кои се дополнителни на основните активности и одобрени средства во износ од 438.593.963 денари или 14,4 % од вкупниот Буџет на Град Скопје.

На страната на приходите во буџетот на самофинансирачки активности се проектирани приходите кои ги реализираат буџетските корисници по основ на административни такси во образованието и науката, приходи од помошни активности во образованието, приходи од продажба на производи, влезници за културни манифестации и членарини, приходи од закупнина на објекти како и трансфери од други нивоа на власт за одржување на манифестации.
На страната на одобрените средства во буџетот од самофинансирачки активности се проектирани расходи за изградба, реконструкција, одржување, купување на средства и опрема, како и разни трансфери и договорни услуги за организирање на образовни и културни активности наменети за унапредување, осовременување и развој на дејноста во институциите од областа на културата и средните училишта, како и манифестации со локален интерес. Поради тесниот обем на наменската дотација од страна на државата, освен овие расходи на страната на одобрените средства во буџетот од самофинансирачки активности се проектирани и расходи за тековно одржување на зградите и опремата на училиштата и културните установи.
Буџетот на донации е проектиран на ниво од 147.148.460 денари и претставува 4,8% од вкупниот буџет на Град Скопје. Тука се проектирани приходите од донации и одобрени средства кои се користат строго наменски согласно договор склучен со донаторот и ќе се реализираат повеќе донаторски проекти на градот Скопје кско и на буџетските корисници.
Почитувани советници,
Вака концепиран буџетот на Град Скопје за 2008 година предвидува реализација на активности со кои се овозможуваат услови на граѓаните за непречено функционирање во градот, како и создавање подобри услови за живеење на сите граѓани, со заложби и напори во рамките на нашите надлежности и во овие зададени макроекономски услови да го извлечеме максимумот за граѓаните.
Поради тоа, Ве повикувам да му дадете поддршка на Буџетот на Град Скопје за 2008 година, затоа што со тоа им ја давате поддршка на вашите сограѓани.

Ви благодарам на Вашето внимание !


Edited by Cloverstack - 12-Jan-2008 at 01:24
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #4 Posted: 07-Feb-2008 at 19:58
МИЗЕРИЈА:



Буџетот на Скопје за 2008-ма 50 милиони евра

Речиси 50 милиони евра тежи буџетот на град Скопје за 2008 година. Советниците го усвоија едногласно.


Белград: Речиси половина милијарда евра за реконструкција на Белград

Близу 440 милиони евра ќе бидат вложени во реализација на инвестициониот план на Градот белград во наредната една и пол година, соопштија денеска српскиот министер за финансии Младен Динкиќ и градоначалникот Ненад Богдановиќ.

Дел од средствата се од меѓународни финансиски институции, а другиот дел е од приватизациониот фонд на Србија. Парите ќе бидат вложени во сообраќајната инфраструктура, изградба на станови, здравството, образованието, туризмот, спорт, култура и верски објекти. /макфакс/


Може ли некој да ми објасни, какви измени во законот се потребни за да имаме еден пристоен буџет? Дали тоа ќе го наруши „балансот“ ,  односно како ќе се пренасочи изворот на парите без да се создаде  нерамнотежа во економијата. Се надевам дека не истрескав зелени бидејќи не знам како точно функционира економијата, па се изразив најјасно што можам.


Edited by La Linea - 07-Feb-2008 at 20:05
Помогнете во Македонската Википедија - Слободна енциклопедија!
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #5 Posted: 07-Feb-2008 at 20:24
Па и јас не сум економист, ама очигледно дека на Скопје му треба поголем дел од колачот. Тоа е потребно пред се поради развојот - то ест би била повратна и исплатлива инвестиција. За жал нема друг начин освен нешто да се скрати во државниот буџет, ама мислам дека инфраструктурата во Скопје има приоритет пред многу други работи.

Е сега како точно тоа би се извело не знам, претпоставувам со зголемување на уделот на градот во даночните зафаќања како на пример ДДВ.


Edited by Cloverstack - 07-Feb-2008 at 20:25
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #6 Posted: 07-Feb-2008 at 20:55
Поголеми градови

Прага - 1.2 милиони жители, 2 милијарди ЕУР
Софија - 1.2 милиони жители, 400 милиони ЕУР
Белград - 1.3 милиони жители, 800 милиони ЕУР

Градови со приближна големина колку Скопје

Загреб - 784.000 жители,  1 милијарда ЕУР
Łódź - 767.000 жители, 694 милиони ЕУР
Poznań - 567,882 жители,  555 милиони ЕУР
Gdańsk - 458,053 жители,  500 милиони ЕУР
Братислава - 425.000 жители, 305 милиони ЕУР

Помали градови

Вараждин - 50.000 жители, 52 милиони ЕУР
Сплит - 222.000 жители, 200 милиони ЕУР
Љубљана - 266.000 жители, 360 милиони ЕУР +  140 милиони ЕУР од државата (податоци од 2006)
Марибор -  115.000 жители, 110 милиони ЕУР + 60 милиони ЕУР од државата (податоци од 2006)
Брно -  367.100 жители,  375 милиони ЕУР
Подгорица - 135.500 жители, 92 милиони ЕУР
Нови Сад - 300.000 жители, 182 милиони ЕУР
Бања Лука - 200.000 жители, 85 милиони ЕУР
Кошице - 235.000 жители, 92 милиони ЕУР
Темишвар - 300.000 жители, 257 милиони ЕУР

____________

Па сега проценете вие колку заостануваме и тоа зад сите без исклучок.
 
Back to Top
mitatos View Drop Down
Senior Member
Senior Member
Avatar

Joined: 06-Jan-2008
Location: Skopje
Online Status: Offline
Posts: 1739
  Quote mitatos Quote  Post ReplyReply #7 Posted: 07-Feb-2008 at 21:02
богами ова е срамотно за Скопје , има право понекогаш Трифун што се буни затоа што човекот не може да дотера ниту еден проект до крај ;(

"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)
Back to Top
blejdsk View Drop Down
Senior Member
Senior Member
Avatar

Joined: 05-Feb-2008
Location: Skopje
Online Status: Offline
Posts: 320
  Quote blejdsk Quote  Post ReplyReply #8 Posted: 07-Feb-2008 at 21:13
nie ostvari imame budjet kako edno SELO od zemjite na EU. -no comment. -katastrofa.

Praga ima 2 miljardi - R. Makedonija za 2008 ima 2 miljardi
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #9 Posted: 07-Feb-2008 at 22:07
Прва работа што треба да се направи е да се централизираат средствата што веќе ги има Скопје. Од 128 милиони ЕУР оваа година само 50 се на градот а остатокот е распрчкан по општините каде градоначалниците во голема мера се глупираат. Средствата дистрибуирани на тој начин неможат да се усмерат кон ниеден капителен проект. И 128 милиони е малку но би било многу подобро ако би биле концентрирани во градот.

Дефинитивно законот за град Скопје не го бива, за ова веќе имавме дискусија но еве повторно се потврдува.
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #10 Posted: 22-Dec-2008 at 16:02
Градот во 2009-та ќе троши 51 милион евра, најмногу за трамвајот

Скопје
Градот наредната година ќе троши 51,5 милион евра, од кои 7,2 милиони или 13 отсто ќе се наменат за трамвајот, како најголема поединечна ставка во него. За оваа намена ќе се одвои речиси една четвртина од парите во градскиот буџет што се предвидени за капитални инвестиции. Со нив треба да се платат проектот, ревизијата и консултантите, да се изградат депото и шините во него, да се направи трафостаница од која ќе се снабдуваат возилата и да се гради дел од трасата.

Градот планира да собере 67 отсто од парите од даноци, 21 отсто од трансфери од државата, осум отсто од продажба на удели, два отсто од такси и од други надоместоци и исто толку од капитални приходи.

ИЛИНДЕНСКА ПАК Е НАЈСКАПА УЛИЦА, НО НИКАКО ДА СЕ НАПРАВИ

За инвестиции ќе се потрошат 63 отсто од буџетот, односно околу 32,5 милиони евра. Со 8,5 милиони евра треба да се прават и да се реконструираат улици и мостови. Треба да се догради булеварот Видое Смилевски Бато во Ново Лисиче, булеварот Србија во Кисела Вода, Македонска војска во Ѓорче Петров и Теодосиј Гологанов, од центарот до Тафталиџе. Предвидена е и нова улица во Волково и изградба на тротоари. Најголем дел од овие пари и оваа година ќе биде наменет за претворање на улицата Илинденска во булевар, проект заглавен во административни процедури за кој општините Центар и Карпош не издаваат градежни дозволи. Уште од 2004 година се предвидуваат пари за него. За наредната година се планира и изградбата на плоштадот кај црквата „Света Богородица“, иако тоа требаше да се направи по последниот ребаланс на годинешниот буџет. Во оваа ставка се предвидени и проширувањето на Првомајска, реконструкциите на крстосницата кај Тутунскиот комбинат и на клучката кај Бит-пазар, обнова на автобуските станици и други помали проекти. Со 32 илјади евра ќе се прават проекти за мостови.

По еден милион евра се предвидени за прочистување отпадни води и за урбана опрема. Треба да се градат системи за водите во Аеродром и во Градскиот парк. Од урбаната опрема, пак, најмногу пари ќе се трошат за бетонските жардиниери на булеварите, потоа за нови клупи и за контејнери. Со над два милиона евра ќе се прави центар за управување и контрола на сообраќајот, кој треба да ги замени сообраќајните полицајци на крстосниците, ќе се воведува систем за автоматска локација на автобусите на градскиот превоз, ќе се набавуваат браници за да се оградат жолтите ленти за јавниот сообраќај, ќе се купуваат светилки за семафорите, знаци и слично.

Речиси три милиони се наменети за зеленилото, со кои се опфаќаат реконструирањето на Градскиот парк и подигнување нови зелени површини покрај улиците. Со овие пари ќе се прават и цветни знамиња, а хортикултурно ќе се уредат и просторите околу стариот аквадукт и околу театарот што се гради на кејот на Вардар. Ќе се направат и висечки жардиниери на канделабрите, по примерот на многу европски градови. Има еден и пол милион евра за реконструкција на културните институции, односно на детскиот креативен центар „Карпош“, на Младинскиот културен центар и на салонот „19,19“ во КИЦ. Од новиот буџет на градот ќе се офајдат и пожарникарите, на кои ќе им се купат противпожарни возила, но и автомобил, канцелариски мебел, греење и климатизација и опрема за во кујна.

За тековното одржување на постојните објекти и инфраструктура, осветлувањето, дезинсекциите, чистењето на Вардар и за сличните комунални услуги се предвидени 6,4 милиони евра.


ПО 7.300 ЕВРА ЗА СЕКОЈ СОВЕТНИК

Градоначалникот, советот и администрацијата за своите потреби ќе потрошат 6,8 милиони евра, од кои 2,6 милиони за плати на вработените. За 45-те советници се предвидени 331 илјада евра, односно по 7.300 евра за секој од нив. Членувањето во советот не е работно место, туку дополнителна дејност, а повеќето советници се вработени и земаат плати од други институции или од фирми. Градот ќе се поднови и со нови возила, за кои ќе потроши 260 илјади евра.

Иако Трифун Костовски најави дека нема да се кандидира за наредните избори, во делот од буџетот за поддршка на активностите на градоначалникот се предвидени речиси 200 илјади евра за телевизиски емисии со кои граѓаните треба да се информираат за активностите на градот. Оваа ставка тежи вкупно 610 илјади евра, а во неа се опфатени и издавањето на градскиот весник и на публикацијата „како се трошат вашите пари“, како и трошоците за 26 Јули, за Нова година и слично.

Од другите трошоци, 5,8 милиони евра ќе се потрошат за четириесетина манифестации и за други активности со кои треба да се поддржат туризмот, локалниот економски развој, образованието, културата и спортот, а со овие пари исто така ќе се субвенционира ЈСП и ќе се покриваат тековни трошоци на противпожарната бригада. Меѓу манифестациите спаѓаат фестивалот на виното, гурманскиот викенд, тортијадата, месецот на трговијата, изборот на најдобар угостителски објект, фестивалот на зимницата, како и неколку проекти за ракотворци. Ќе се печати туристички материјал, ќе се учествува на саеми, а со 2.500 евра од парите за туризмот ќе се организираат автобуски тури низ градот.




Спомениците ќе „изедат“ четвртина од буџетот на Центар

Општината Центар наредната година ќе троши 22 милиона евра, според одлуката на општинскиот совет. Од нив, шест милиони или повеќе од една четвртина се наменети за изградба на споменици.

Со околу три милиони ќе се прават и ќе се реконструираат улици, мостови и паркиралишта. Трошоците за плати на вработените изнесуваат околу 300 илјади евра. Сепак се планира зголемување на расходите за работа на администрацијата, односно за комунални дејности, греење, комуникација и транспорт, кои ќе изнесуваат 400 илјади евра.


http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=270&ArticleID=14184
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #11 Posted: 22-Dec-2008 at 18:15
три милиони ќе се прават и ќе се реконструираат улици, мостови и паркиралишта


Колку мостови улици и паркиралишта можеш да НАПРАВИШ и да РЕКОНСТРУИРАШ со 3 милиони евра?!
Помогнете во Македонската Википедија - Слободна енциклопедија!
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #12 Posted: 22-Dec-2008 at 21:47
Прекрасно е да се знае дека една од градските општини за споменици издвојува скоро исто колку што градот издвојува за круцијалниот и убедливо најдоминантниот инфраструктурен зафат - трамвајот

Тешко е да се поверува колку се изместени работите кај нас, а не помалку тешко е да се сфати зошто нема сериозна општествена реакција на ваквите чудесии. Ова со трамвајот наспроти спомениците без преувеличување е за во рубрика „верувале или не“.


Edited by Cloverstack - 22-Dec-2008 at 21:48
Back to Top
BOJAN View Drop Down
Senior Member
Senior Member
Avatar

Joined: 09-Sep-2008
Location: SKOPJE
Online Status: Offline
Posts: 3438
  Quote BOJAN Quote  Post ReplyReply #13 Posted: 23-Dec-2008 at 12:03
Искрено само се нарвирам кога ги читам ставките на буџетот на градот и скопските општини. Сеуште не можат да направат поделба на капитални и тековни инвестиции, а парите се трошат најмногу на партиски вработувања и на фантомски фирми за да копаат по општините и да извршуваат минорни поправки.
Големината на буџетот на Град Скопје е посебна приказна која докажува дека централизираниот авторитарен систем во кој има само еден центар на моќ, а се останато се ситни риби, СЕУШТЕ ФУНКЦИОНИРА ВО МАКЕДОНИЈА!
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #14 Posted: 29-Dec-2008 at 13:45
kaj bucetot od skopje pisuva nova ulica kaj volkovo
koja volkovo ima mnogu volkovo vo skopje...mozebi tamu kade se gradit vero supercenter?
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #15 Posted: 29-Dec-2008 at 21:31
My Macedonia, локацијата на Веро е означена со црвено, а во аголот е ГТЦ за да се ориентираш. Волково е 9 км североисточно од овде




Помогнете во Македонската Википедија - Слободна енциклопедија!
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #16 Posted: 29-Dec-2008 at 22:12
Волково е 9 км североисточно од овде


северозападно Smile
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #17 Posted: 29-Dec-2008 at 22:13
Bonk

Точно, 9 км северозападно од овде
Помогнете во Македонската Википедија - Слободна енциклопедија!
Back to Top
kire85 View Drop Down
Senior Member
Senior Member
Avatar

Joined: 27-Nov-2007
Location: Düsseldorf
Online Status: Offline
Posts: 400
  Quote kire85 Quote  Post ReplyReply #18 Posted: 30-Dec-2008 at 03:49
hahahaha najbolji se nema sto.....6 milioni za spomenici, a 3 milioni za rekonstrukcija na mostovi i ulici!!

ne e bitno ako naletas na nekoja rupetina po ulicite kade sto cela kola moze da ti propadne...ne e bitno ako se srusi most od sto mnogu gi oddrzavaat...ne e bitno ako ulickite okolu sobranieto se posleden pat rekonstruirani od vremeto koga e izgradeno sobranieto.....i ne e bitno sto pola centar e zona sumraka i dovlo na manijaci i zavisnici od droga.....VAZNO ALEKSANDAR MAKEDONSKI GO IMAME NA PLOSTAD, SE DRUGO E VTOROSTEPENO!!!

ke se vozdrzam od smiley stavanje oti ke se nakurcam epten pa 3 strani ke mi bide postov
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #19 Posted: 30-Dec-2008 at 13:33

fala la linea super si  mi razgasuval kade e Thumbs%20UpThumbs%20Up

ovaj ne e Буџет  od skopje tuku od debar ama aj kade da go postiram??
kolku sum procital kaj albanskiot vesnik od makedonija ( Fakti ditor) PISUVASE DEKA  Буџетот OD DEBAR ce bide 3 Mil.denari pomal od stariot  Буџет .
Noviot Буџеt e okolu 4 mil.evra  eden golem del ce ojt kaj komunalnite uslugi (i za automobili)
 
Back to Top
dejan View Drop Down
Senior Member
Senior Member
Avatar

Joined: 01-Sep-2007
Location: Australia
Online Status: Offline
Posts: 672
  Quote dejan Quote  Post ReplyReply #20 Posted: 30-Dec-2008 at 15:23
Да не си од Дебар? Незнам колку пари би му требал на таков мал град, ама на мене ми изгледа како да се малку.
Back to Top
 Post Reply Post Reply Page  123 10>

Forum Jump Forum Permissions View Drop Down



This page was generated in 0.133 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.