build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Буџет(и) - Скопје

Bookmark and Share
 Post Reply Post Reply Page  <1234 10>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #21 Posted: 30-Dec-2008 at 15:28
Dejan во глобални рамки е премалку тоа, и 52 милиони се премалку за Скопје. Ама за Македонски услови Дебар е доста добар со буџетот.
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #22 Posted: 30-Dec-2008 at 15:29
ne, jas sum od kicevo,pisuvase kaj vesnikot
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #23 Posted: 02-Jan-2009 at 11:13
metropolata skopje OhnoLOLCrazy 
da vidime sto iat metropolata 

СКОПЈЕ, ЈАВНА ПОВРШИНА, ЛИЧНИ ИНТЕРЕСИ И ПРАЗЕН БУЏЕТ


Кинески ѕид го загради кејот!


Ако 2007 година беше позната по џиновската полулегална градба во Градскиот парк наречена кинески ѕид, крајот на 2008 го одбележа уште еден кинески ѕид, но овојпат во епицентарот на македонската метропола, на кејот 13 Ноември


Ако 2007 година беше позната по џиновската полулегална градба во Градскиот парк наречена кинески ѕид, крајот на 2008 го одбележа уште еден кинески ѕид, но овојпат во епицентарот на македонската метропола, на кејот 13 Ноември. По цела должина на најфреквентното шеталиште се поставени, грди, високи, лимени паравани и тоа за потребите на приватното градилиште во непосредна близина на плоштадот, кај некогашната Стара народна банка. Таму, македонско-холандската фирма Дивелоп груп ќе почна да гради административно-деловна зграда на седум ката, па барикадите се поставени за да ја обележат трасата по којашто ќе поминуваат камионите и тешката градежна механизација. Оваа слика на центарот на Скопје ќе мора да остане најмалку две години, што е период во којшто се предвидува изградбата на комерцијалната висококатница.
Инвеститорите, иако имале обврска да изградат подземна сообраќајница која ќе води до нивниот објект, па потоа да почнат да градат, направија импровизиран пешачки мост како пристапен пат до кафулињата и Трговскиот центар од другата страна на параванот.

Весникот Вечер, скопјани и стручната јавност први протестираа и јавно ги прашаа надлежните институции како може јавни површини да се користат за приватни цели, а никој за тоа да не одговара или барем да плати?!... Дотолку повеќе што станува збор за простор од преку илјада метри квадратни. Ако се знае дека во согласност со Одлуката за користење на јавни површини, која беше донесена од страна на Советот на Град Скопје, во април годинава, за метар квадратен во Малиот ринг се наплатува по 200 денари месечно, тогаш загубата што ја има не само Градот туку и самите граѓани, за кој е наменет се мери во илјадници евра.

Само како пример, доколку некој би сакал да ги користи овие, најмалку илјада метри квадратни од површината на кејот, за сопствен интерес би требало да плати околу 200 илјади денари месечно, или 40 илјади евра годишно. Во овој случај Градот и граѓаните губат.

Група граѓани организираа дури и протест којшто неочекувано доби политичка димензија, а состојбата многу перфидно ја искористија и некои приватни бизнисмени кои имаат аспирации за градоначалничкиот кабинет, па од толку сериозната работа направија циркузијада. Никој од повиканите надлежни институции не ја презеде одговорноста и дигаат раце од проблемот. Од одговорноста за овој случај се оградија скопскиот градоначалник Трифун Костовски и градоначалничката на Центар , Виолета Аларова кои вината си ја префрлаа од еден на друг. Од Дивелоп груп, пак, тврдат дека нема пречка за да почнат да градат. Ја поседувале комплетната документација од Општината Центар и од Градот, имаат градежна дозвола и велат дека градежните работи ќе ги изведуваат според Законот за градење.

Само за потсетување еден квадратен метар на оваа ексклузивна локација е продаден по минимална цена од 25 евра, во времето на поранешниот министер за транспорт Агрон Буџаку, што уште тогаш беше оценето како скандал во јавноста.

По секој дожд, Скопје како Венеција

После секој дожд, скопските улици се дават од вода и се прави невиден колапс во сообраќајот. Подвозникот кај "Дојрана", кај Маџари, Керамидница, на Сава Ковачевиќ во Кисела Вода, во Црниче, Нерези..., се само мал дел од црните точки каде редовно, од пролет до зима, се прават реки вода и помали езера.

Приказната со години е иста, граѓаните реагираат, но, никој не се најде способен да го реши проблемот. Поголемиот дел од улиците во градов немаат атмосферска канализација, а кај оние кои имаат, сливниците се редовно затнати со отпад или лисја. Градските власти велат дека само 30 проценти од Скопје е покриено со атмосферска канализација, а 80 отсто има фекална канализација. На одредени делови цевководите се стари и според профилите не ги задоволуваат потребите. На местата каде што нема атмосферска канализација, атмосферските води се слеваат во фекалната мрежа.

Сите градоначалници најавуваат офанзива за изградба на атмосферска мрежа на секоја улица што ќе се гради или реконструира.

Шаторски черги среде метропола!
Запрежни коли и коњи, распослани шатори и импровизирани картонски колиби, огромни вреќи полни со пластични шишиња, хартија, стари предмети. Среде смрдеата на коњски измет и урина, детски џагор. Иако сето тоа можеби и не оди заедно, сепак, ова е првата слика на македонската метропола која секој случаен или намерен патник ја гледа при симнувањето од железничките перони. Под столбовите на Железничката станица, на работ на сиромаштијата уште од пролетоска живеат неколку семејства. Под ведро небо, со татнежот на локомотивите. Велат, животот не им е лесен, но го живеат чесно.

Надлежните институции се согласни дека овој проблем мора да се реши, но, досега не понудија вистинско и трајно решение. Се надеваат дека тоа ќе се надмине со предвидените пакет социјални мерки, но и со новиот Закон за комунален со којшто се предвидени ригорозни санкции и глоба на лице место во висина од 50 до 4.000 евра во зависност од прекршокот.

Окупација на диви пазарџии
Камиони преполни со зеленчук и овошје, вреќи и импровизирани тезги од картонски кутии на кои се продаваат разни дребулии, цвеќе, евтин текстил, секојдневно се множат пред трговските центри и поголемите маркети. Распослани на пешачките патеки, приодите, сообраќајниците, го спречуваат нормалното функционирање на сообраќајот, а околу нив редовно има купишта ѓубре од кое се шири неподнослива реа.

Ситните трговци на диво својот бизнис го нарекуваат борба за живот, единствена можност да заработат за парче леб. Согласно со Законот за трговија, пазарната инспекција има ингеренции да донесе решение за привремена забрана на вршење на дејноста трговија во траење од седум дена и да наложи да се регистрира во соодветниот регистар доколку тој не е регистриран. Покрај решението за привремена забрана на вршење на дејност државниот пазарен инспектор на лице место изрекува и мандатна казна во износ од 100 евра во денарска противвредност.

Дупки од сите страни
Во скопскиот метеж најтешко им е на лицата со посебни потреби, на оние кои се принудени да користат инвалидски помагала или на мајките со бебиња. Речиси и да нема дел од градов каде што може лежерно да се извозат барем двесте метри со количка, а притоа да не се наиде на дупка на тротоар, на улица. Да не зборуваме за високите рабници, за недостатокот на пристапни рампи на голем број места и институции. И на паркиралиштата, задолжителниот број на места наменети за паркирање на лица со инвалидитет многупати се узурпирани.
Дупки, на улици, на тротоари, на мостови... демнат од сите страни.

Сообраќаен хаос преку цел ден
Во Скопје веќе нема одредено време кога е најголемиот сообраќаен метеж. Заглавени колони автомобили, свирежи и нервозни возачи можат да се видат на секој дел од градов, а шпицот започнува уште од раните утрински часови и трае преку целиот ден. Во ваквиот сообраќаен хаос многу тешко се пробиваат противпожарните возила или пак оние на Брза помош, на екипите на кои секунда изгубено време може да значи изгубен живот.
Решението за обезбедување на нормален проток на сообраќајот, според сообраќајните експерти, е во проширување на примарната сообраќајна мрежа со брзи магистрали, собирни улици, надвозници и подвозници.

Ѓубре, депонии и некултура
Преполни контејнери и канти, диви депонии, хартии, пластика на улиците... Скопјани и ЈП Комунална хигиена водат серизна битка. Првите најчесто не го почитуваат комуналниот ред и фрлаат ѓубре во секој период од денот. Не е мал бројот и на оние кои фрлаат отпадоци секаде каде што ќе стигнат само, не во садовите предвидени за тоа. Го чистат сметот од своите домови и ги оставаат пред врата. Така, секојдневно никнуваат диви депонии. Комуналците пак, не стигнуваат да ги пратат во чекор. Немале доволно контејнери, немале доволно возила, но и желба. Значи, причините се објективни и субјективни.

Крајот на ноември помина во знакот на нафтената криза кога поради недостаток на нафта постоеше опасност метрополата да се задуши во ѓубре. За среќа, работите многу брзо се средија и не дојде до ескалација на проблемот

 


Edited by lslcrew - 02-Jan-2009 at 13:16
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #24 Posted: 14-Jan-2009 at 11:25
АМБИЦИОЗНИ ГРАДСКИ ПРОЕКТИ НА ИСТЕКОТ НА МАНДАТОТ
За почеток на трамвајот предвидени 442 милиони денари

Роза Петкова

Буџетот на Град Скопје годинава ќе се троши на изградба и на поправки на улици и мостови, за трамвај, системи за прочистување отпадни води, центар за контрола на сообраќајот, урбана опрема, реконструкција на првиот и на вториот дел од Градски парк, а помали суми се издвоени и за култура, спорт и за рекреација, како и за заштита на животната средина. Во градската каса воопшто не се предвидени средства за изградба на системи за водоснабдување, ниту за изградба на паркинг-простори. Градоначалникот Трифун Костовски како најграндиозен проект го најави трамвајот за кој само годинава се предвидени речиси 442 милиони денари. Од новиот систем за транспорт на патници се очекува да ги намали времето на патување и емисијата на штетни гасови и да штеди енергија. Замислата е да се финансира од буџетски средства, чиј вкупен износ за пет години е приближно 11 милијарди денари и да се добијат уште две милијарди преку заеми од Европската инвестициска банка и донации. Од сето тоа досега ништо не е почнато, а, како што стојат работите, проектот кој Костовски го најавуваше за време на целиот свој мандат, ќе стартува дури по неговото заминување. Последните информации од Градот велат дека до 15 јануари треба да се распише тендер за изведувач на првата траса. - Објективно, првата лопата може да се очекува кон крајот на март, почетокот на април. Мое оптимистичко очекување е првата траса во должина од 12 километри да се заврши до средината на идната година “ изјави градоначалникот. Во приоритетните капитални инвестиции на градот, кои заземаат околу 63 проценти од буџетот, влегува и доизградбата на булеварите Видое Смилевски-Бато, Србија, Македонска војска и Митрополит Теодосиј Гологанов, улицата Волково и изградба на тротоари. Сето тоа ќе чини 174 милиони денари, а за сума од 270 милиони денари ќе се прошируваат улицата Првомајска, булеварите Илинден и Гоце Делчев, ќе се прави клучката кај Бит-пазар, крстосницата кај „Тутунски комбинат“, плоштадот околу црквата „Раѓање на Пресвета Богородица“ заедно со кејот Димитар Влахов. Градските власти предвиделе два милиони денари за проекти за мостови и уште толку за нивна изградба. Триесет милиони ќе се издвојат за реконструкција на крстосници и автобуски стојалишта. Проект, ревизија и консултанти за јавниот превоз со трамвај, изградба на шини и депо, трафостаница, како и трамвајска траса ќе чини околу 442 милиони денари, што е најголемиот зафат кој Градот го најавува за годинава. Еден систем за пречистување и еден за одведување на отпадни води ќе се градат во населбата Аеродром и во Градски парк. За зеленилото во градот ќе се потрошат 171.250.000 денари и тоа за зелените површини меѓу магистралните улици, за проектот цветни знамиња, за хортикултурно уредување на просторот кај аквадуктот и новиот театар, висечки жардиниери за канделабрите, зеленило за платото пред споменикот Гоце Делчев и за набавка на возила и машини. Со дваесет милиони денари властите ќе се погрижат и за урбанистичка опрема, односно изградба на бетонски жардиниери на булеварите, набавка на клупи и канти за отпадоци, контејнери и заштитни столпчиња за зеленилото. Новина во сообраќајот ќе биде воведувањето центар за негово управување и контрола, а пари се издвоени и за знаци и за лантерни, надолжни пречки за автобуските ленти, камери и софтвер, опрема за „смарт-тикетинг“ и автоматска локација на возилата. Овие проекти ќе чинат приближно 140 милиони денари.

Само од даноци - над две милијарди денари


Во приходите за годинава, само од даноци градот очекува да инкасира приближно сто милиони денари повеќе од лани, односно 2.111.100.000 денари. За субвенции за јавните претпријатија, пак, е одделена помала сума во споредба со минатата година, и тоа 125 милиони денари.

http://www.vreme.com.mk/DesktopDefault.aspx?tabindex=0&tabid=1&EditionID=1597&ArticleID=105545
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #25 Posted: 14-Jan-2009 at 11:33
а за сума од 270 милиони денари ќе се прошируваат улицата Првомајска, булеварите Илинден и Гоце Делчев,


WTF, ако ова не е новинарски пропуст тогаш стварно не ми е јасно што треба да значи...
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #26 Posted: 14-Jan-2009 at 11:39
Ако првомајска, илинден и ваљда не г.д. коштаат 270м (а ќе излезе повеќе на крај сигурно) тогаш колку може да кошта цветан димов?!
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #27 Posted: 14-Jan-2009 at 11:43
Абе јас се чудев што уште ќе прошируваат на Гоце Делчев, тоа ми беше поентата
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #28 Posted: 21-Jan-2009 at 20:55
Предлог- Буџет на Град Скопје за 2009 година
ПАРИТЕ ОД ГРАЃАНИТЕ -
ЗА РЕШАВАЊЕ НА ПРОБЛЕМИТЕ НА ГРАЃАНИТЕ

Љупчо Пандиловски

Градоначалникот Трифун Костовски до Советот на Град Скопје го достави
Предлог- Буџетот на Градот за 2009 година. Градските приходи за наредната година
се предвидува да изнесуваат околу 3,172 милијарди денари, односно околу 50
милиони евра, во основниот буџет, од кои 62,9 проценти се предвидени за
капитални инвестиции. Тоа значи дека Буџетот и идната година ја задржува
карактеристиката од претходните три, а тоа е доминантниот дел од
средствата да се вложат за капитални инвестиции, односно за проекти со кои
Градот долгорочно решава проблеми во областа на сообраќајот, комуналните
дејности, планирањето и уредувањето на просторот, заштитата на животната
средина, но и за сигурно и континуирано финансирање на културата, образованието,
социјалата и забавно-рекреативните содржини.

Средствата во Предлог –Буџетот во делот на капиталните инвестиции се
распоредени во следните ставки:

ИЗГРАДБА И РЕКОНСТРУКЦИЈА НА УЛИЦИ И МОСТОВИ - 526.000.000 ДЕНАРИ
Проекти за улици - 28.000.000 денари
Изградба на улици - 174.000.000 денари
Доизградба на булеварот „Видое Смилевски-Бато“, на улицата „Волково“,
изградба на тротоари, на булеварот „Србија“ - трета фаза, на булеварот
„Македонска војска“ - прва и втора фаза и на булеварот„ Митрополит Теодосиј
Гологанов“ - прва фаза.

РЕКОНСТРУКЦИЈА НА УЛИЦИ - 270.000.000 ДЕНАРИ
Проширување на улицата „Првомајска“, реконструкција на крстосници и автобуски
стојалишта, булевар „Илинден“, клучка „Бит-пазар“, плоштад ,кеј„ Димитар
Влахов“ и партерно уредување, булевар„ Гоце Делчев“, крстосница кај Тутунски
комбинат
Изградба на мостови - 2.000.000 денари
Проекти за мостови - 2.000.000 денари

ЈАВЕН ЛОКАЛЕН ПРЕВОЗ, ТРАМВАЈ - 441.900.000 ДЕНАРИ

ИЗГРАДБА НА СИСТЕМИ ЗА ОДВЕДУВАЊЕ
И ПРЕЧИСТУВАЊЕ НА ОТПАДНИ ВОДИ- 60.000.000 ДЕНАРИ


ПОСТАВУВАЊЕ НА УРБАНА ОПРЕМА - 65.000.000 ДЕНАРИ
- Изградба на бетонски жардиниери на магистрални улици, набавка на клупи и корпи за отпадоци,
заштитни столпчиња на зеленилото и набавка на контејнери.

ПОСТАВУВАЊЕ СООБРАЌАЈНА СИГНАЛИЗАЦИЈА - 138.558.815 ДЕНАРИ
- Центар за управување и контрола на сообраќајот, набавка и поставување
знаци, набавка на лед-лантерни, градежни работи на семафоризација, набавка на
надолжни пречки за автобуски ленти, камери и софтвер, набавка на опрема
и софтвер смарт-тикетинг и АВЛ.

ПАРКОВИ И ЗЕЛЕНИЛО - 171.250.000 ДЕНАРИ
- Реконструкција на Градскиот парк (дел 1 и 2) 55.350.000 денари, подигање
на јавно зеленило на магистрални улици и реконструкција на градско зеленило,
проект - цветни знамиња, хортикултурен проект - Аквадукт, хортикултурен проект-
нов театар, висечки жардиниери на канделабрите, изградба на плато пред
споменикот Гоце Делчев, набавка на возила и машини за одржување на
зеленилото и доделување садници на граѓани.

ЗАШТИТА НА ЖИВОТНАТА СРЕДИНА И ПРИРОДАТА -53.954.685 ДЕНАРИ
- Регулација на реката Вардар кај изворот Рашче, уредување на споменик
на природата кањон Матка, реализација на виа ферата -изградба на патека за
екстремно планинарење на Матка, уредување на пештерата Дона Дука во
Сарај, уредување на заштитен локалитет Гази Баба, уредување и заштита на парк-
шумата Водно, замена на азбестно- цементни плочи.

КАПИТАЛНИ РАСХОДИ ЗА ИНСТИТУЦИИТЕ ОД ОБЛАСТА НА КУЛТУРАТА - 94.000.000 ДЕНАРИ
- Проекти за реконструкција на културните установи, реконструкција
на ДКЦ, реконструкција на МКЦ, на Салон 19,19 во КИЦ и на Музејот на
Град Скопјe, доизградба на Зоолошката градина со трансфери од Владата и
изградба и реконструкција на Зоолошка градина.

ДРУГИ КОМУНАЛНИ УСЛУГИ - 20.000.000 ДЕНАРИ
- Уредување на левата и десната страна на Вардар, довршување на стационарот
за кучиња, набавка на возило за службата за кучиња скитници, набавка на опрема
за заловување кучиња.

СПОРТ И РЕКРЕАЦИЈА - 27.000.000 ДЕНАРИ
- Изградба на ролерски и велосипедски патеки на кејот на реката Вардар.

СРЕДНО ОБРАЗОВАНИЕ - 7.753.000 ДЕНАРИ
- Проект за реконструкција на СУГС „Браќа Миладиновци“ и „Кочо Рацин“,
поставување рампи за лица со посебни потреби во средните училишта и купување
тајмери за заштеда на електрична енергија во средните училишта.

ВОВЕДУВАЊЕ ГЕОГРАФСКО-ИНФОРМАТИВЕН СИСТЕМ (ГИС)- 5.000.000 ДЕНАРИ

- Остатокот од средствата во најголем дел, околу 800 милиони денари, повторно
се распределени за извршување на надлежности од јавен интерес и
одржување на комуналните објекти и инфраструктурата. Остатокот од
предвидените средства во износ малку поголем од 12 % е за трошоци на
градската администрација.



Овој Предлог-Буџет, покрај инвестиционата компонента, за првпат во историјата на
Град Скопје, има и развојна компонента, затоа што проектите како скопскиот
трамвај, ГИС, системот за отпадни води во Аеродром, реконструкцијата на патната
мрежа, заштитата на Рашче, воведувањето на центар за контрола и управување
со сообраќајот и реконструкцијата на Градски парк се долгорочни инвестиции,
кои покрај големите расходи имаат и функција на реален развој на градските
ресурси.
Целта на развојниот дел е да ги прикаже плановите за развој, кои по
својот карактер се повеќегодишни и придонесуваат за интензивирање на
економскиот развој на Град Скопје. Вкупно планираните средства за развојни
програми во Предлог- Буџетот изнесува 1.877.830.000 денари.


Буџетски дотации
Покрај основниот дел, Буџетот на Град Скопје го сочинуваат и дотациите
добиени директно од Буџетот на Р. Македонија. Дотациите добиени од
централната власт се наменски и со нив се финансираат надлежностите добиени
со процесот на децентрализацијата од областа на образованието, културата и
противпожарната заштита. Од вкупно 1.057.224.000 денари, 85 % се средства
за плати и наемнини на вработените во овие сфери, а остатокот е за покривање
на трошоците за работа. Програмските активности, модернизацијата и дел од
инфраструктурните зафати на објектите се финансираат од основниот буџет на
Град Скопје.



http://www.skopje.gov.mk/images/File/Vesnik%20SKOPJE/Grad%20Skopje%20br.2.pdf


Edited by Cloverstack - 21-Jan-2009 at 20:56
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #29 Posted: 15-May-2009 at 02:48

Градскиот буџет ќе се скусува за 20 милиона евра

Трајановски најави ребаланс од 70 на 50 милиона евра поради
економската криза

Градоначалникот на Скопје Коце Трајановски најави кратење на градскиот буџет во многу ставки поради економската криза. Според него, нема да трпат почнатите проекти, туку само ќе се одложат тие за кои градската администрација ќе одлучи дека не се приоритетни за годинава. Трајановски рече дека се' уште не знае дали ќе се отпуштаат службеници. Допрва ќе се утврдува за кои проекти ќе се намалуваат парите. Проектираниот буџет за годинава е 70 милиона евра - од такси, даноци, комуналии, но, според градоначалникот, тој е предимензиониран и мора да се намали од 30 до 40 отсто. Ова се првични проекции, но не мора да значи дека мора да е така. Сметам дека педесет милиони евра е реален буџет. Ребалансот е потребен за да ја одржиме финансиската стабилност на Градот - изјави скопскиот градоначалник.

Градската армија има 602 лица и троши 370.000 евра

Наспроти бившиот градоначалник Трифун Костовски, кој кажа дека остава седум милиони евра во градската каса, Трајановски тврди дека затекнал 4,3 милиони евра. Во врска со расходите и долговите, соопшти дека се пристигнати фактури заклучно со април од 600.000 евра, а долгови за потрошена електрична енергија за улично осветление - околу 300.000 евра. Вкупните обврски, фактурирани и нефактурирани, се околу 10 милиона евра. Само од стари и нови тужби, Градот должи 18 милиона евра, а побарува 2,7 милиона евра.  Многу од договорите што не се почнати, а се' помали, ќе гледаме да ги одложиме - изјави Трајановски.Во врска со многубројноста на градската администрација градоначалникот кажа дека се примени 65-те луѓе што Агенцијата за вработување ги оспори за време на изборите. Трајановски рече дека сега со нив градската администрација брои 371 луѓе. Нема каде да седат, па мора да стојат. Градот ќе мора да гради нови бараки - рече Трајановски. Пред децентрализацијата, во 2005, кога и немаше потреба за вработување нови луѓе, во Градот имало 193 луѓе. Сега, месечно, за оваа „армија“ и за 231 пожарникари се трошат околу 370.000 евра. 

 Ќе се прошируваат само Илинденска и Првомајска

За проектите скопскиот градоначалник рече дека ќе ги завршуваат веќе почнатите. Трајановски рече дека за сите од нив се исплатени само дел од обврските, а дека вкупно на крај ќе треба да се исплатат околу 3,1 милиони евра. Станува збор за проектите што ги почна Костовски: „детелинката“ кај Бит-пазар, проширувањата кај Тутунски комбинат и на булеварот Видое Смилевски-Бато, улицата Самуилова, изградбата на велосипедските патеки и жардиниерите на булеварите, како и инфраструктура во населбите Јурија и Реонски центар. Во врска со трамвајот, градоначалникот рече дека се' уште разгледуваат дали воопшто да се реализира.

На прашање дали нешто самиот ќе почне годинава, Трајановски рече дека најверојатно ќе може нешто и да се почне годинава од неговата програма. Значи годинава ништо од најавената гасификација, нов Луна-парк, изградба на Градска куќа, жичница до Водно, подземен тунел под Партизанска до Комплексот банки, катни гаражи, надвозник на Јужен булевар, нов пешачки мост преку Вардар... Приоритети за годинава ми се проширување на улиците Илинденска и Првомајска, како и изградба на атмосферска канализација во Скопје - изјави скопскиот градоначалник.

http://www.dnevnik.com.mk/?ItemID=9158545C6C9A8D4E89DB65A314668379
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #30 Posted: 15-May-2009 at 03:01

На прашање дали нешто самиот ќе почне годинава, Трајановски рече дека најверојатно ќе може нешто и да се почне годинава од неговата програма. Значи годинава ништо од најавената гасификација, нов Луна-парк, изградба на Градска куќа, жичница до Водно, подземен тунел под Партизанска до Комплексот банки, катни гаражи, надвозник на Јужен булевар, нов пешачки мост преку Вардар... Приоритети за годинава ми се проширување на улиците Илинденска и Првомајска, како и изградба на атмосферска канализација во Скопје - изјави скопскиот градоначалник.

Дали ако му најдеме на градот 20 милиони евра, ќе ги видиме реализирани сите овие проекти кои се набројани?! Roll%20eyes Нема! Божем сега тууууу кај не снајде оваа рецесијава...инаку све ќе изнапраевме!

Освен Првомајска и Илинденска како приоритетни треба и гасификацијата да се убаци пошто е еден од проектите кои имаат финансиски повраток односно е комерцијална инвестиција за која и се исплати да се кредитира, а колку што знаеме (Трифун збореше) нели градот е со добар кредитиен рејтинг.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #31 Posted: 13-Jun-2009 at 20:16
ЌЕ СЕ СКРАТАТ ГРАДСКИТЕ ПАРИ ЗА ГОЛЕМИТЕ ПРОЕКТИ
Трамвај во Скопје, можеби

Средствата во буџетот на град Скопје предвидени за трамвај, најверојатно, ќе се намалат за околу 400 милиони денари, односно ќе останат пари само за ревизија и за консултанти за проектот. Со ребалансот, кој градоначалникот Коце Трајановски го предложи до советниците за наредната седница, ставките за трамвајско депо, изградба на шини и трафостаница, како и за кредити целосно се бришат. Остануваат само 42 милиони денари за проект, ревизија и за консултанти за трамвај. Вкупниот буџет на Скопје се намалува за околу пет милијарди денари. Од Град Скопје велат дека не се откажуваат од проектот, но се уште го разгледуваат како можност. - Ребалансот е направен бидејќи буџетот не одговара на реалната состојба, туку е предимензиониран. Намалени се средствата во повеќе ставки кои биле нереално планирани. Проектот за трамвај се уште се еволуира од страна на градоначалникот. Тој влегува во ребалансот, но со оглед на тоа што е вклучен и во програмата за работа за периодот од 2009 до 2011 година, сепак не може да се каже дека градоначалникот се откажал од него “ вели Неделчо Крстевски, портпарол во Град Скопје. Меѓу проектите со скратени средства се и проектите за Илинденска, за која наместо предвидените 120 остануваат 40 милиони денари, плоштадот на кејот Димитар Влахов, поточно околу црквата „Раѓање на Пресвета Богородица“, реконструкција на улици, а целосно се бришат ставките за изградба на првата фаза од булеварот Гологанов и за тротоари. Четирикратно се намалува и сумата за набавка на опрема за сообраќајници, а ќе се зголемат средствата за клучката Бит-пазар и за булеварот Гоце Делчев. - Илинденска се наоѓа во програмата на градоначалникот и ќе се реализира, а овие средства во буџетот се за проектирање, не за нејзина изведба. За проектите на градоначалникот немаше изработени изведбени проекти, а и доколку има нешто, тоа е на база на идеен проект “ вели Крстевски. Во програмата на Градот за следните три години остануваат проектите за обнова на првиот и на вториот дел од Градски парк, регулација на Вардар во близина на изворот Рашче, систем за одведување отпадни води во општина Аеродром и Центарот за управување и контрола на сообраќајот. Со предлогот на градоначалникот трошоците за работа на градската администрација, во делот за снимање на ТВ-емисии и кампањи за промоција на нивната работа, ќе се намалат. Парите за проектите на „Паркови и зеленило“ за цветни знамиња, хортикултурниот проект за аквадуктот, уредувањето за новиот театар и висечките жардиниери на канделабрите се бришат, а се намалува и сумата за обнова на градското зеленило. Отпаѓаат и реализацијата на патеката „Виа ферата“ за екстремно планинарење на Матка, уредување на пештерата Дона Дука во Сарај и за природно-научниот музеј и спасителната станица во кањонот. Се намалуваат и ставките за изградба и обнова на Зоолошката градина со буџетски пари.

http://www.vreme.com.mk/DesktopDefault.aspx?tabindex=2&tabid=1&EditionID=1730&ArticleID=115650

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #32 Posted: 13-Jun-2009 at 20:19
Еве градот се одкажа од зиградба на "Јужен" булевар! Сега останува на Инвал од Шпанија да ј апотврди потребата на Скопје од Јужен Булевар!
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #33 Posted: 15-Jun-2009 at 20:56
Повеќе информации за расходите во новиот буџет

ГРАДСКИОТ БУЏЕТ НАМАЛЕН ЗА 22,6 МИЛИОНА ЕВРА

Пари колку за крпење улици

Поради економската криза и поради нереално проектираниот буџет ќе се одложи реализацијата на многу предвидени сообраќајни, културни и комунални проекти


За изградба и одржување на тротоарите во градскиот буџет се предвидени 0 денари

Поради кратење на градскиот буџет за 22,6 милиона евра, годинава од областа на сообраќајот ќе се довршуваат само проектите што ги започна поранешниот градоначалникот Трифун Костовски: клучките кај „Континентал“ и кај Бит-пазар, крстосницата кај Тутунски комбинат, булеварите Видое Смилевски-Бато, Македонска војска и Србија. Парите што Костовски ги предвиде за изградба на првата фаза од трамвајот, околу 7,2 милиони евра, се намалени за 6,5 милиони евра, при што е јасно дека годинава оваа градска гарнитура нема да се занимава со продолжување на амбицијата на поранешниот градоначалник.Со ребалансот на буџетот за 2009 година градоначалникот Коце Трајановски предлага тој да биде проектиран на 67,1 милиони евра, а претходно бил проектиран на 89,8 милиони евра, што е намалување за 25 отсто. Ребалансот треба да биде усвоен деновиве на седница на Советот на Град Скопје.

Намалените приливи во градската каса ќе одложат и многу други проекти. Она што паѓа в очи во измените е дека годинава воопшто нема да се градат тротоари во Скопје, односно за нив се предвидени 0 денари, а за околу 830.000 денари е скратен буџетот за изградба на јавно осветление. Годинава нема да биде решен ниту метежот на „Митрополит Теодосиј Гологанов“ кај Католичката црква, бидејќи и за работите на оваа улица не се предвидени пари.

- Приоритети за годинава ми се проширувањата на улиците Илинденска и Првомајска, како и изградбата на атмосферската канализација во Скопје - изјави неодамна Трајановски.Сепак, тој годинава малку ќе се занимава со „Илинденска“, бидејќи во буџетот за оваа намена се скратени 80 милиони денари, односно три третини од предвидената сума. Исто така, намалени се и предвидените пари за обнова на кејот Димитар Влахов. Ќе се реализираат планираните реконструкции на улиците Благоја Стефковски во Гази Баба и проширувањето на Првомајска, оти за нив остануваат предвидените 40 милиони денари. Според Трајановски, со ребалансот буџетот значително ќе се скрати бидејќи претходната проекција била преценета, како во врска со приходите така и со расходите, но и поради економската криза.

Нема да се гради предвидената патека за екстремно планинарење на Матка, нема да се уредува пештерата Дука во Сарај, ниту таму ќе се гради природонаучен музеј. Овие проекти беа дел од проектот за ревитализација на кањонот.За 5,5 милиони денари се намалени парите за замена на азбестните покриви, а во делот на културата се скусени средствата со кои се планираше обнова на културни објекти што се под градска капа. Се намалуваат одобрените средства за реконструкција на Младинскиот културен центар, Културно-информативниот центар, Музејот на Град Скопје, а се зголемуваат парите во висина од четири милиони денари за купување опрема за денсинг-сала во МКЦ - се вели во Предлог-измените на буџетот.

Исто така, на Јавното сообраќајно претпријатие „Скопје“ му се намалени парите за воведување на т.н. „умни билети“, односно електронски картички и за системот за сателитско следење на автобусите. Истовремено, градските власти малку пари ќе трошат и за семафорите, за нови лантерни и сообраќајни знаци. На Противпожарната бригада и' се намалени три милиони денари од планираните 25,8 милиони, односно за Бригадата нема да биде набавено едно ново противпожарно возило. Во врска со третманот на кучињата-скитници, годинава само ќе се купи опрема за нивно заловување и возила, а довршувањето на стационарот, кој одамна требаше да биде готов, повторно се одлага. Буџетот за субвенциите на јавните претпријатија „Комунална хигиена“ и „Градски паркинг“ се намалува за 20 милиони денари. Комуналците ќе добијат финансиска инјекција од 42 милиона денари, а „Градски паркинг“ 20 милиона денари. Програмата за капитални проекти на градоначалникот Трајановски предвидуваше гасификација, нов Луна-парк, изградба на Градска куќа, жичница до Водно, подземен тунел и сообраќајница под плоштадот, катни гаражи, надвозник на Јужен булевар... Сите овие проекти ќе чекаат подобри времиња.

Градската власт ќе штеди на струја, реклами и на нови возила

Во делот за трошоци на градската администрација и Советот на Град Скопје, според Предлог-измените на Буџетот, предвидено е да се штеди на греење, комуникација и транспорт, како и на канцелариски материјали, репрезентација, осигурување и правни услуги. Вкупно расходите биле предвидени на 7,1 милиони евра, а оваа сума со ребалансот е намалена за 432.000 евра. Исто така, ќе се намалат трошоците за обнова на бараките, како и за купување возила и компјутерски софтвер. Кај ставките на градоначалникот се намалуваат средствата за патни и дневни трошоци, како и расходите за ТВ-емисии и кампањи.

Јорданка Ивановска



http://dnevnik.com.mk/?ItemID=8BCC767617B4314D81FAB85BA48913A4
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #34 Posted: 03-Jul-2009 at 15:12
Повеќе пари за репрезентација и споменици, помалку за планови

Предвидените 17 милиони денари за изработка на детаљни урбанистички планови се намалени за осум милиони денари

Градоначалникот и Советот на Општина Гази Баба ќе добијат по половина милион денари повеќе за репрезентација со најновиот ребаланс на буџетот, што помина на последната седница на Советот. Наместо досегашните 9,3 милиони денари за репрезентација на градоначалникот, се предвидуваат 9,8 милиони (160.000 евра), а предвидените 9,5 милиони денари за Советот се зголемени на 10 милиони.

Со ребалансот се зголемени и парите за изградба на споменикот на Филип Втори на новиот плоштад во Автокоманда за пет милиони денари, односно наместо досегашните 15 милиони, се предвидени 20 милиони денари, под ставката изградба на други објекти. За половина милион денари, односно од 100 илјади на 600 илјади се зголемени предвидените средства за поправка на софтверот и хардверот, односно за осовременување на компјутерската опрема на советниците и на општината. За сметка на тоа, со ребалансот се намалени средствата за изработка на урбанистичките планови од 17 милиони, на осум милиони денари. Овие измени во буџетот предизвикаа жолчна расправа меѓу советниците, а опозицијата во Советот се изјасни против најновата распределба на општинските пари.Советникот Сашо Начовски од ВМРО-НП рече дека зголемувањето на трошоците за компјутерската опрема е несфатливо во време на економска криза.

- Не знам дали е исправно да се потрошат 10.000 евра, односно 600.000 денари за поправка на софтверот и хардверот, а на сметка на тоа да се скусуваат пари за изработка на урбанистичките планови. Во време на рецесија треба да се сосредоточиме на привлекување инвеститори, а за тоа е потребна урбанистичка документација. Ни претстои урбанизација на делот кај Северната обиколница и треба да се донесе план за тој реон - рече Начовски.

Градоначалникот Тони Трајковски се правдаше дека „најмал дел од парите за репрезентација се вистинска репрезентација, а општината треба да инвестира и во спортот и културата“.

- Најмал дел е вистинска репрезентација во буквална смисла. Иако сме во кризна година треба да обрнеме внимание и на спортот и културата. Нема да ја рализираме програмата онака како што е планирана, но должни сме да оствариме барем дел од неа - рече Трајковски. Во врска со урбанистичките планови тој рече дека тие се приоритет на Општината.

- Дел од плановите веќе се платени, дел од нив ги финансира Владата, па ни останува помал дел за плаќање. Затоа си оставивме можност да скратиме од таа ставка, но тоа не значи дека нема да работиме на тоа поле. Основен предуслов за развој во општината е да имаме детаљни планови. Приоритет за годинава се плановите за обиколницата, за Студентскиот центар „Стив Наумов“ и за спортско-рекреативниот центар во Железара - истакна Трајковски.Инаку, со ребалансот буџетот на Гази Баба е зголемен од околу 694 милиони денари на 712,4 милиони, односно околу 11,7 милиони евра.


http://dnevnik.com.mk/?ItemID=64534D4B05EDFE4794D328B82C9886B6
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #35 Posted: 09-Oct-2009 at 13:14

Се кастри градскиот буџет, помалку пари за улиците





 

Идната недела градските советници ќе треба да изгласаат нов буџет, во кој се намалуваат трошоците за изградба и за реконструкција на некои улици, а се зголемуваат тие за администрација, за рекреативни патеки и за бунари за техничка вода

 
 
%20  

Вторпат откако дојде на функцијата, градоначалникот Коце Трајановски ќе прави ребаланс за да го намали буџетот на градот, бидејќи оценил дека во градската каса не може да се соберат толку пари колку што предвидел Трифун Костовски. Идната недела, в среда, градските советници ќе треба да расправаат за нов буџет, помал за 4,4 милиони евра, затоа што се очекува за толку да се намалат приходите на градот. Првото прекројување на градскиот буџет беше извршено во јуни, кога тој се стокми на вкупно 66,6 милиони евра, заедно со дотациите и со самофинансирачките активности.



ПОЛНЕЊЕТО НЕ ОДИ ПО ПЛАНОТ


Досегашното полнење на буџетот годинава покажало дека тоа не се одвива како што било планирано и дека на крајот на годинава би недостасувале 4,4 милиони евра. Тоа значи дека основниот буџет на градот, без дотациите и без самофинансирачките активности, ќе биде помал за десет отсто. Најмногу, за 2,8 милиони евра, се намалиле приходите од комуналии за уредување градежно земјиште што градителите ги плаќаат за да им се спроведат патишта, водовод и друга инфраструктура до нивните објекти. Од таксата за истакнување фирми, пак, ќе се соберат 1,9 милион евра помалку од предвиденото. Милион евра помалку градот ќе добие од данокот на промет со недвижности и од трансферите од други институции, пред сé од Агенцијата за патишта. Сепак, во градската каса ќе влезат 1,3 милион евра повеќе од продажбата на државното градежно неизградено земјиште, бидејќи, според новите законски одредби, 80 отсто од овие приходи одат во локалната самоуправа.



НЕКОИ ТРОШОЦИ ЌЕ СЕ ЗГОЛЕМАТ


И покрај тоа што има помалку пари во буџетот отколку што се предвидувало порано, градот планира да зголеми некои трошоци во одредени буџетски ставки. Една од нив е градската администрација, пред сé поради неодамнешната одлука на советот да се ангажира консултант што ќе ги испитува можностите да се прават проекти со концесии, како скијачка патека на Водно, трамвајска мрежа и подземни сообраќајници. Поради тоа чиновниците во градот нема да ја добијат сета планирана компјутерска опрема, а ќе се крати и на реконструкцијата на бараките во кои тие работат.

Тоа што е значајно за граѓаните е дека ќе има помалку пари за капиталните сообраќајни проекти, како проширувањето на улиците Илинденска, Првомајска и Благоја Стефковски, булеварите Србија и Македонска војска и за изградбата на долгонајавуваниот плоштад покрај црквата „Света Богородица“ на кејот Димитар Влахов. Помалку ќе се троши за обновувањето на градското зеленило и за паркот, а повеќе за урбана опрема, односно за клупи, канти за отпадоци и слично. Неизвесно е и формирањето центар за управување и контрола на сообраќајот, како компјутерска централа од која ќе се следат сите семафори, крстосници и улици, бидејќи и таму има делумно намалување на трошоците. И пожарникарите ќе треба да ја почекаат наредната година за да добијат ново возило. Затоа, пак, дополнителни пари се предвидуваат за изградба на пешачки, велосипедски и други рекреативни патеки на левата страна на реката Вардар, како и за проектот за копање бунари за техничка вода.

Фалат 4,5 милиони евра и за развојните програми


Намалените приходи во градскиот буџет ќе се одразат и врз планот на програми за развој за периодот од 2009 до 2011 година. За спроведувањето на овие програми градот годинава ќе може да одвои 4,5 милиони евра помалку од предвиденото. Ќе се штеди на воведувањето географски информациски систем, кој, меѓу другото, треба да содржи катастар на целата подземна инфраструктура, на уредувањето градежно земјиште, односно на комуналната инфраструктура, на изградбата на магистрални и собирни улици, на решавањето на проблемот со отпадните води во општината Аеродром, на целосната реконструкција на Градскиот парк и на трошоците за воведување трамвај.

 
   
Автор: Г.Т.


http://www.novamakedonija.com.mk/NewsDetal.asp?vest=1099100276&id=14&prilog=0&setIzdanie=21808
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #36 Posted: 09-Nov-2009 at 12:08

Кредити ќе го спасуваат Скопје

Со буџетот за 2010 година предвидена е реализација на само неколку капитални проекти, па затоа Трајановски најави задолжување во банки, но вети дека ќе бара и дел од колачот на приходи од даноци кои одат во државната каса

Со предлог-буџетот за 2010 година, кој ќе се гласа пред Нова година, ќе се градат проектите што беа одложени со двата ребаланса на буџетот во 2009 година. Тоа се проширувањата на „Илинденска“ од Влада до Карпош 3, на дел од „Теодосиј Гологанов“, на „Првомајска“ за уште две ленти и тоа од Рампа до Расадник, почеток на втората фаза од булеварот „Македонска војска“ во Ѓорче Петров, како и довршување на булеварот „Србија“ до крстосницата со „Првомајска“ и нејзино спојување со пробиената улица кај Усје.

Градоначалникот Коце Трајановски, на работната средба во Маврово на која се дискутира за проектниот буџет за 2010, акцент стави и на ревитализација на езерото Треска, за што ќе се одвојат 30 милиони денари.

Ова се главните проекти на Трајановски за кои има шанси да видат бел ден. Сепак, главната поента на средбата, на која присуствуваа и членови на Советот, сите директори на јавните претпријатија, како и раководители од Градот, беше дека во буџетот нема да има пари за изведба на други големи капитални зафати, па ќе мора да се оди на кредитно задолжување.

БИТКА ЗА КОЛАЧОТ

- Градот е единствената локална единица која има кредитен рејтинг. Затоа планираме да подигнеме кредити, пред се' за изведба на сообраќајни проекти. Тоа значи да не собираме пари 10 години за нешто да градиме, туку ако оцениме дека некој проект е значаен, веднаш да го реализираме - изјави градоначалникот.

За наредната година, според проекциите, буџетот ќе биде скроен за 10 отсто повеќе од годинава, а тоа значи дека би изнесувал околу 60 милиони евра. Тоа, според Трајановски, е малку. Затоа, како што објасни, ќе се борат за поголем дел од колачот од приходите кои сега завршуваат во државниот буџет. Станува збор за поголемо полнење на градската каса од продажба и концесии на државно земјиште, за шест отсто приход од ДДВ, како и 30 отсто од персонален данок. Сега сумите што ги добива градската власт по овие основи се минимални.

- Ако не се избориме за поголем прилив на приходи во буџетот, се' ќе биде сведено само на вегетирање - рече Трајановски.

Во наредната година, планирано е да се потроши еден милион евра за измена на Генералниот план на Скопје-ГУП, а ќе се предвидат и осум милиони евра за обнова на фасадите на „Илинденска“. Но, тоа се само желби. Дали и како ќе се потрошат ќе зависи од динамиката на собирање приходи. Што се однесува до изборот на консултанти, кои би направиле процена за изведба на трамвајот, но и за подземните сообраќајници под „Илинденска“ и плоштадот, тие се реални.

СООБРАЌАЈНИ ПРОЕКТИ

Значителен број средства во 2010 година ќе се потрошат за проектни решенија за изградба на разни булевари важни за растоварување на сообраќајот во Скопје. Нивната реализација е неизвесна, станува збор само за задачи и желби кои градските власти ќе си ги дадат за цели во иднина.

Како што објасни Аљоша Шопар, раководител на Секторот за планирање на просторот, ќе се изработуваат проекти за решенија кои се предвидени со ГУП. И тоа: документација за булевар АСНОМ, кој ќе ја спојува салата МЗТ со Ќерамидница, потоа втора фаза од булевар „Словенија“, кој ќе поминува покрај Бардовци и ќе се поврзе со „Илинденска“ во Карпош, како и проширување на „Првомајска“ од булевар „Србија“ до Драчево. Акцент беше ставен и на изградба на нови попречни улици кои би го спојувале Аеродром со Кисела Вода со цел да се растовари делот кај Тутунски комбинат. Улицата „Фрањо Клуз“ би се споила со „Михаил Чаков“, би се градел нов булевар „Есенинова“, но и улица „Борис Кидрич“ кој би поминувал покрај Транспортен центар.

Јани Христовски раководител на Секторот за сообраќај кажа дека доколку има пари ќе се издвојат и за изведба на првата турбокрстосница во Скопје кај Католичка црква, но и за осум други кружни крстосници, најмногу во Чаир и во Бутел.

Во новиот буџет за јавното претпријатие „Комунална хигиена“ предвидено е да се набават нови возила во висина од 50 милиони денари, како и да се гради јавно осветлување на „Првомајска“ до Драчево во висина од 60 милиони денари. Она што е интересно е дека пет милиони денари ќе бидат одвоени за поставување табли на улиците со нивните нови имиња.

Јорданка Ивановска



http://dnevnik.com.mk/?ItemID=CA2EE40D696EF941886C94FF9625841A
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #37 Posted: 24-Nov-2009 at 20:32
За Илинденска очигледно се работи за 2,2 милиони евра, а не денари. Во секој случај мизерна сума за најголемиот инфраструктурен проект во буџетот, уште помизерна споредена со вртоглавите суми што ги трошат некои општини и министерството за култура за непродуктивни работи.

Платата и трошоците на градоначалникот исто така невкусно напумпани.

Thumbs%20Down


Илинденска е најскапиот проект во новиот градски буџет





 

Градот наредната година планира да троши речиси 48 милиони евра, од кои 60 отсто се за инвестиции, а другите за тековни трошоци

 
 
%20  
Со предвидени 2,2 милиони денари, проектот за претворање на улицата Илинденска во булевар е најскапиот проект во буџетот на градот за наредната година, за кој градскиот совет ќе расправа денеска. Според проекциите, градот наредната година треба да располага со речиси 48 милиони евра, од кои 27,8 милиони евра или околу 60 отсто се наменети за капитални инвестиции, а останатите за тековните трошоци за администрацијата и за советот, за одржување на комуналните објекти и на инфраструктурата и за други надлежности.

Меѓу другите проекти за кои се предвидуваат поголеми суми пари се третата фаза од булеварот Србија со 1,5 милион евра, нови линии за јавно осветлување со еден милион, обнова на улицата Благоја Стефковски и реконструкција на раскрсници н на автобуски станици со по 650 илјади, нови тротоари низ градот со половина милион, булевар Македонска војска, изградба на патека покрај Вардар и проширување на Првомајска со по 325 илјади евра и други. Се планира и обнова на Градскиот парк со 800 илјади евра, проекти за ревитализација на езерото Треска и реконструкција на градското зеленило со по половина милион евра, како и довршување на реконструкцијата на Зоолошката градина со 570 илјади евра, од кои половина милион обезбедува Владата. Има предвидено и 1,3 милиони евра за конечно воведување систем со електронски чип картички за наплата во градските автобуси, како и 1,1 милион денари за нови камиони за „Комунална хигиена“.

Околу 70 отсто од приходите ќе се собираат од даноци, пред се од тие на имот и на специфични услуги, а другите од трансфери, такси и надоместоци и од продажба на акции.





За потребите на Трајановски 333 илјади евра

Во градскиот буџет се предвидени над 20 милиони денари, односно околу 333 илјади евра за потребите на градоначалникот Коце Трајановски. Од нив 32 илјади евра ќе бидат наменети за неговите плати и придонеси, што значи по околу 2.700 евра секој месец, а девет илјади евра за патувања. Останатите пари се за информативното гласило на градот, за коктели за празници, за консултантски услуги, а се планираат и кампањи за промовирање на проектите и телевизиски емисии за информирање на граѓаните.
 
   
Автор: Г.Т.
http://www.novamakedonija.com.mk/NewsDetal.asp?vest=112491053321&id=14&setIzdanie=21845

Edited by Cloverstack - 24-Nov-2009 at 20:34
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #38 Posted: 25-Nov-2009 at 01:03
Како може манипулативните трошоци за семинари и патувања, и другои потреби да кошта ~ две првомајски?!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #39 Posted: 25-Nov-2009 at 01:21

В година проширена Илинденска и обновено езеро Треска

Градските власти во 2010 година планираат да соберат околу 67,7 милиони евра и да потрошат нешто повеќе од тоа - 72 милиона евра. Најмногу пари се предвидени за сообраќајните проекти

Градските власти во година планираат да соберат околу четири милијарди денари, односно 67,7 милиони евра и да потрошат нешто повеќе од тоа, односно 4,4 милијарди денари, односно 72 милиона евра. Парите од Буџетот на градот за 2010 година, кој вчера беше усвоен од Советот на Град Скопје, ќе се трошат за изградба на булеварот Илинден и за други сообраќајни проекти, како и за ревитализација на езерото Треска.

Најмногу пари Градот очекува да собере од даночните приходи, односно околу половина од предвидениот буџет, потоа од капитални приходи, неданочни приходи, дотации, трансфери и донации.

Според скопскиот градоначалник Коце Трајановски, буџетските приходи за следната година ќе бидат за 28,4 отсто повисоки од годинашниот буџет.

- Ваквото зголемување на приходите се должи на тоа што се очекуваат дополнителни финансиски средства од продажбата на нашит удел во спортската сала „Борис Трајковски“, како и од продажбата на државното градежно земјиште - изјави Трајановски.

Во буџетот не се предвидени пари за трамвајот, но се предвидени 540 милиони денари (8,8 милиони евра) за изградба и реконструкција на улици и на мостови.

Најважен сообраќаен проект за следната година ќе биде проширувањето на Илинденска, за што се предвидени 135 милиони денари (2,2 милиона евра). За третата фаза од изградбата на булеварот Србија ќе бидат потрошени 94 милиони денари, а за првата и втората фаза од изградбата на улицата Македонска војска се предвидени 20 милиони денари.

Градот предвидел и 39 милиони денари за изградба на мостови. Меѓу нив, 15 милиони денари ќе одат за изградба на нов мост кај Сарај, кој ќе го замени стариот железен мост, и исто толку пари за поставување на нови огради на мостовите Гоце Делчев и Октомвриска револуција.

Новина во буџетот за следната година е ревитализацијата на езерото Треска, за што од градската каса ќе бидат потрошени 30 милиони денари.

Девет милиони денари се предвидени за изградба на паркинг кај Транспортен центар. За поставување на урбана опрема ќе се потрошат 67,5 милиони денари, а за сообраќајна сигнализација 142 милиона. Предвидени се и 15 милиони денари за атмосферска канализација за новоизградената клучка кај хотелот „Континентал“. За субвенции на ЈСП ќе отидат 60 милиони денари.

Во наредната година Градскиот парк ќе добие нов лик, за што ќе се потрошат 50 милиони денари. Паркот ќе го красат и скулптури во вредност од околу 60.000 евра.

Во ставката за заштита на животната средина и природа се предвидени 36 милиони денари, од кои за проектот за регулација на реката Вардар кај изворот Рашче ќе се потрошат 3,5 милиони, а за одредување на границите на Водно и Гази Баба, еден милион. По толку пари се предвидени и за нивното уредување.

За доизградба на Зоолошката градина со трансфери од Владата се планирани 30 милиони денари и плус пет милиони од градскиот буџет.

Градот в година ќе гради ролерски и велосипедски патеки, ќе прави проект за Градска куќа и привремено ќе вработува. За плати и надоместоци на градската администрација се предвидени 176 милиони денари, односно 2,8 милиона евра.

На вчерашната расправа во Советот околу новиот буџет, дел од советниците понудија и свои предлози за тоа што треба да се реализира.

Жанета Попеска, независен советник, забележа дека, иако се предвидени пари за булеварот Илинден, тоа нема да го реши проблемот со тесното грло во овој дел од градот.

- Можат да се потрошат пет милиони денари за да се воведе еднонасочен сообраќај во делот на „Рузвелтова“. Со предвиденото проширување повторно ќе биде загрозена безбедноста на овој простор - рече Попеска.

Советникот Игор Гиевски од ВМРО-ДПМНЕ истакна дека со вака скуден буџет Градот нема да биде во можност да ги внесе сите приоритетни проекти, за кои притискаат граѓаните.

- Ќе се обидеме да внесеме поголем дел од проектите на кои настојуваат граѓаните како приоритет, но пред се' ќе треба да се завршат започнатите проекти - нагласи Гиевски.

Неговата сопартијка Дафинка Саздова предложи да се вметнат пари за покривање на отворени атмосферски канали, конкретно за оној на улицата Салвадор Алјенде кај училиштето „Кочо Рацин“.

Советничката Виолета Симиќ од СДСМ побара градоначалникот да ја зголеми предвидената сума за лицата со посебни потреби, старите и лицата зависници од дроги.

http://dnevnik.com.mk/?ItemID=252BF60F2F72A6429EAEA068C9A91DFC
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #40 Posted: 15-Dec-2009 at 21:11
СОВЕТНИЦИТЕ ГО РАЗГЛЕДАА НАЦРТ-БУЏЕТ ЗА 2010 ГОДИНА
Центар и идната година ќе „твори“ споменици

Роза Петкова

Општина Центар за идната година планира да потроши околу 1,37 милијарда денари или речиси 23 милиони евра. На таа сума е проектиран буџетот за 2010 година, кој во нацртна фаза вчера го разгледуваше Советот. Најмногу пари и годинава се предвидуваат за изградба на споменици и тоа 402.900.000 денари или шест и пол милиони евра, како и дополнителни десет милиони денари за дизајн на спомениците. Оваа сума е запишана во извештајот под ставка „културни манифестации и творештво“, а во него нема информации за кои споменици точно се предвидени парите. Слично е и со другите намени во буџетот, за кои не е објаснето на што точно се однесуваат. Така за автопатишта, улици и за патишта ќе се сретнат повеќе ставки во извештајот и тоа за нивна изградба 80 милиони денари, што во споредба со лани е за половина помалку, потоа за одржување милион денари, за подготвување проекти за дизајн на улици 12.600.000 денари, за реконструкција 30 милиони. Локалните патишта се во посебни ставки и за нив се планираат 17.700.000 денари. За проекти за дизајн на мостови Општината предвидела да потроши шест милиони денари, додека за нивна изградба 74 милиони, а притоа никаде не пишува дали се мисли на мостот „Око“ и на Мостот на цвеќето, проект најавуван уште во времето на Виолета Аларова. По милион и пол денари ќе се издвојат за одржување на паркиралишта и за субвенции, најверојатно за „Паркинзи на општина Центар“, бидејќи тоа е единственото општинско претпријатие. Дополнителна сума од 17.700.000 денари е предвидена за изградба на простор за паркирање, која, во недостиг од објаснување од властите, може да се претпостави дека е наменета за монтажниот паркинг-простор, што градоначалникот Владимир Тодоровиќ најавува дека ќе го гради во Капиштец. Буџетот содржи и ставка „изградба на други објекти“ за кои ќе се потрошат 56.000.000 денари, за уривање објекти девет милиони, изградба на јавно осветлување 16.650.000, урбана опрема 19.700.000.
Најситни суми се планираат за зеленило и тоа вкупно 11.000.000, додека за одржување на зеленило околу згради и на други зелени површини за разлика од годинава воопшто не се планираат пари. Заштитата на животна средина на општинските власти најмалку им значи, па затоа за неа е издвоена најмалата сума од 570.000 денари. Општинската каса и в година најмногу ќе се полни од даноци и од капитални трансфери од други нивоа на власт, односно трансфери од државата. За трошоци за Советот на општината се планираат 11.600.000 денари, за градоначалникот 4.524.000 денари, а за администрацијата околу 94 милиони денари.

Воин со фонтана или Александар Македонски?

Пред советниците на Центар вчера се најде извештајот за работењето на Општината во првите девет месеци од годинава. Во него стои дека за споменици од планираните 462 милиони денари, односно 7,5 милиони евра, е потрошено половина од сумата.
Од сите споменици, за кои поединечно се трошеле по два до пет милиони денари, најскапо платен е моделот за воин со фонтана, со сума од речиси 50 милиони денари. Иако општинските власти не откриваат кој е воинот, се претпоставува дека се работи за споменикот на Александар Македонски затоа што тој е единствениот кој се предвидува во целина заедно со фонтана.


http://vreme.com.mk/DesktopDefault.aspx?tabindex=5&tabid=1&EditionID=1892&ArticleID=129019
Back to Top
 Post Reply Post Reply Page  <1234 10>

Forum Jump Forum Permissions View Drop Down



This page was generated in 0.141 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.