build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Буџет(и) - Скопје

Bookmark and Share
 Post Reply Post Reply Page  <12345 10>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #41 Posted: 24-Dec-2009 at 14:37

Буџетот на Скопје без капиталци

Градоначалникот Коце Трајановски вели дека во буџетот за 2010 година, кој изнесува 67,9 милиони евра, не можат да се водат од список на желби, туку од проекти кои реално може да се остварат

Во следните две години градската власт нема да ја започне реализацијата на еден од капиталните и најважни проекти за растоварување на сообраќајот во Скопје, толку зборуваната подземна сообраќајница под плоштадот Македонија, која беше дел од предизборната камења на градоначалникот Коце Трајановски. Нема да се градат ниту подземни пешачки премини, а извиси и трамвајот. Објаснувањето кое го даде градоначалникот Трајановски на вчерашната седница на Советот е дека не може да се водат од список на желби, туку од проекти кои реално може да се остварат. Советот го изгласа Буџетот за 2010 година и развојната програма за периодот 2010-2012 година.

На вчерашните дискусии на градската власт доминираше честичката за означување идно време, „ќе“.

- Проблемите на Скопје не завршуваат со оваа програма, напротив, ќе продолжиме да ги решаваме и понатаму - изјави Трајановски во врска со планираните проекти.

В година како поважни проекти се проширување на улиците Илинденска и Првомајска, продолжување на фазните изведби на булеварите Србија и Македонска војска, изградба на нов мост во Сарај, доизградба на Зоолошката градина и ревитализација на езерото Треска.

Александар Наумовски од опозициската СДСМ обвини дека Трајановски се однесува како претседател на месна заедница, имајќи предвид дека во следните две години ќе практикува „крпи-закрпи“ политика со која нема да се зафати во костец со ниеден капитален проект од неговите ветувања.

- Градоначалникот нема никаква визија за Скопје. Кога се зборува за визија, треба да го има предвид развојот на градот во следните 20, 30 години. На пример, во развојната програма не гледам никаков локален економски развој - изјави тој.

Софија Куновска рече дека градската власт е ставена во функција на централната. Односно, дека капиталните зафати намерно се оставаат како заслуга на Владата, како што е изградбата на театар, музеи и инситуции, со цел подигање на рејтингот.

Буџетот на градската власт во 2010 година е зацртан на 67,9 милиони евра. Толку приходи Трајановски очекува да се слеат во градската каса.

Опозицијата имаше неколку предлог-амандмани за Развојната програма, но сите и' беа одбиени. Тие се однесуваа за изградба на нов мост преку Вардар, како продолжение на „Илинденска“ кон Ѓорче Петров, пензионерски домови, како и подземен пешачки премин на „Димитрие Чуповски“. Објаснувањето на Трајановски беше дека не може да скусат пари од изнајмување возила за заловување на кучиња за да се градат пензионерски домови. Тој рече дека идејата е добра, но дека засега ќе останат на доделувањето на 500.000 денари за здруженијата на пензионерите. За подземниот премин објасни дека го имале во план за изведба, но дека се појавиле инфраструктурни проблеми на улицата, за кои ќе треба време да се решат.

Трајановски напомена и дека размислуваат за изведба на подземна сообраќајница што би понирала кај „Мекдоналдс“, а би излегувала кај Собранието.

Јорданка Ивановска


Ќе се враќаат бистите на хероите во Градски парк

Градоначалникот Коце Трајановски најави дека ќе ги врати бистите на паднатите херои во Градскиот парк. Бистите на хероите од НОВ и од другите периоди од македонската историја во изминатата деценија беа украдени од постаментите во паркот и никој досега не вложи напор за нивно достоинствено враќање.

За таа цел, во буџетот ќе бидат издвоени околу 60.000 евра.

- Сакаме да го вратиме она што постоело во паркот. Паркот во голема мера го обновивме, но сметаме дека тоа не е доволно - изјави тој.

http://dnevnik.com.mk/?ItemID=DFC72F4F96EC5649B33B3D5360D00576

Нема проекти за развој на градот


Нема проекти што ќе донесат економски развој во градот за следните три години, во развојната програма на градоначалникот Коце Трајановски, нагласија советниците од опозицијата на вчерашната седница


Тие сметаат дека во програмата за развој не се вклучени проектите што тој ги ветувал во предизборниот период, како продолжување на булеварот Свети Климент Охридски, подземната сообраќајница под плоштадот „Македонија“, проектот за трамвајот, реконструкција на паркот „Луна“, изградбата на жичницата до крстот на Водно и изградба на ски патеки.

- Градоначалникот Коце Трајановски се однесува како претседател на месна заедница во Холандија, па се слика како порибува риба, компостира лисја, прави акција за крпење дупки и ноќе бележи улици. Тој не понуди ниту еден проект во кој навистина ќе видиме дека градот навистина се развива. Владата е главен инвеститор на градот – истакна Александар Наумовски, советник од СДСМ.

Тој додаде дека во развојната програма не е ставено и ветувањето за реновирање три средни училишта во Скопје.

Градоначалникот Коце Трајановски одговори дека не се откажува од својата програма и ќе се труди докрај да ја реализира, иако најголем проблем ќе бидат финансиите, па треба да се лоцираат само најприоритетните проблеми.

- Развојната програма е внимателно планирана. Ја разгледуваме можноста за продолжување на булеварот Климент Охридски. За сите проекти што не се вклучени во развојната програма во постапка е ангажирање консултанти. Од нив ќе зависи понатамошната реализација. Во тек се и консултации со сите банки, за да видиме како може да земеме кредити – додаде Трајановски.

На вчерашната седница се усвои и градскиот буџет за следната година. Не се прифатија амандманите на советниците од опозицијата да се пренаменат дел од парите и да се употребат за да се изградат пензионерски клубови, кружен тек кај зградата на поранешното НИП „Нова Македонија“ и подземен пешачки премин на улиците Димитрија Чуповски и Македонија. Во градскиот буџет се предвидуваат 48 милиони евра, односно за 28 отсто поголем од лани, од кои 60 отсто се предвидени за реализација на капитални проекти, односно за реконструкција и проширување на сообраќајниците.

http://novamakedonija.com.mk/NewsDetal.asp?vest=122491050405&id=14&prilog=0&setIzdanie=21870
ГРАДОТ ВО НАРЕДНИТЕ ТРИ ГОДИНИ ЌЕ СЕ РАЗВИВА СО ПРОШИРУВАЊЕ УЛИЦИ
Кружните текови исчезнаа од главните скопски проекти

Роза Петкова

Во наредните три години Град Скопје ќе се занимава со проширување на улицата Илинденска во булевар, со реконструкција на крстосници и автобуски постојки, изградба на тротоари и бетонски жардиниери по магистралните улици. Се уште ќе се гради и водоводна мрежа, а пари ќе се трошат за подобрување на јавната чистота. Меѓу приоритетните проекти ги нема претходно најавените кружни текови во Скопје. Во програмите за развој во периодот 2010-2012 година, кои вчера се најдоа пред советниците во Градското собрание, може да се види дека од поголемите капитални проекти за улици, освен Илинденска, планирано е проширување само на Првомајска, во две години, на потегот од Рампа до Народни херои и од „Усје“ до Драчево. Првата фаза од проширувањето на улицата Митрополит Теодосиј-Гологанов не се планира во 2010, туку во наредните две години. Парите за изградба на нов мост кај Сарај се предвидени во две буџетски години, односно наредната ќе се издвојат 15 милиони денари, а во 2011 година 40 милиони. Според образложението на градските власти, ризик во изградбата е да се најде соодветна локација за новиот мост. Градот ќе изработи проекти за водовод за село Радуша, населбите Пинтија и Гази Баба и ќе гради водоводен систем во Ченто, Кучково и во високата зона Водно. За системи за одведување и пречистување на отпадни води се планираат 143 милиони денари, а тие ќе се градат и во 2011 и во 2012 година. За сообраќајна сигнализација, хидраулични столпчиња, за Центарот за управување и контрола на сообраќајот пари се планираат до 2012 година, а истото важи и за експропријацијата на земјиште за проширување на градските гробишта и изградба на бунари за технолошка вода. За паркови и зеленило во 2010 година се планираат околу158 милиони денари, а за заштита на животната средина 36 милиони, кои, меѓу другото, ќе се распределат за обележување граници меѓу Водно и Гази Баба, посебен план за парк-шумата Водно, уредување на локалитетот Гази Баба, замена на азбестно-цементни плочи. За советниците од опозицијата во програмите предложени од градоначалникот Коце Трајановски нема ништо од неговите предизборни ветувања. - Барем да се изградеше едно депо следната година или една траса од трамвајот, но нема таков план во овие програми. Нема ниту трага за изградба на најавуваните подземни сообраќајници или кружни текови - рече Игнат Виларовски, советник од СДСМ. Градоначалникот на дискусиите од опозицијата одговори дека програмата која е предложена пред нив не е негова, туку е заедничка, на администрацијата и на самите советници. - Не се откажувам од својата програма и таа ќе биде реализирана. Имаме интензивни преговори со банките за можноста со кредити да ги оствариме проектите кои се во програмата - изјави Трајановски.

Јужен булевар стигна до имотните односи

Како одговор на повикувањата од опозициските советници, Коце Трајановски најави дека не се откажал ниту од изградбата на Јужниот булевар. Според градоначалникот, до Нова година службите треба да го завршат проектот за имотните односи на трасата на која треба да се гради булеварот.
- Важно е да го почнеме булеварот Илинден, кој е еден од клучните покрај Првомајска и Јужен булевар. Се надевам дека двете фази на Илинденска, од фонтаната до крстосницата со 8 Септември и од фонтаната до Влада барем ќе ги почнеме наредната година, ако веќе не успееме да ги завршиме – истакна Трајановски.

http://vreme.com.mk/DesktopDefault.aspx?tabindex=1&tabid=1&EditionID=1900&ArticleID=129802

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #42 Posted: 03-Feb-2010 at 21:31
Скопски буџет за 2010...

http://www.skopje.gov.mk/userfiles/file/VKUPEN%20buxet%20na%20Grad%20Skopje%20za%202010.pdf


Edited by lslcrew - 03-Feb-2010 at 21:31
Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732
  Quote UrbanFreak Quote  Post ReplyReply #43 Posted: 04-Feb-2010 at 10:34
Буџетот е мизерен. Се на се 66 милиони евра, од кои 60% отпаѓа на плати, дневници и канцеларски материјали и мебел. Превработеноста во јавната администрација и тоа како си го зима својот данок.
 
За капитални проекти обновување и одржување на тековната инфраструктура има се на се околу 30 милиони евра. Од тие 30 милиони речиси половината се за купување на возила и мебел. Анализирајќи подетално за изградба на нови илици, патишта и автопатишта има се на се 5 милиона евра.
Па сега да удираме есап колку сакаме можеме, но со ваква структура на буџет никагаш нема да добиеме тунел под плоштад, доградба на Јужен булевар, Крушевска република и сл.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #44 Posted: 04-Feb-2010 at 11:39
Приходи 66 мил, расходи 77 мил. Добро ипак кај нас дел од проектите за Скопје ги има и во владина програма и најчесто и локални проекти се остваруваат така преку влада, а општината е логистика. Не е проблем ако се најдат дополнително пари, може да трпи буџетов.
Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732
  Quote UrbanFreak Quote  Post ReplyReply #45 Posted: 04-Feb-2010 at 13:54
Originally posted by lslcrew

Приходи 66 мил, расходи 77 мил. Добро ипак кај нас дел од проектите за Скопје ги има и во владина програма и најчесто и локални проекти се остваруваат така преку влада, а општината е логистика. Не е проблем ако се најдат дополнително пари, може да трпи буџетов.
Ова се вика дефицит, и речиси во сите буџети го има, а тие средства доколку се обезбадат се алоцираат од други извори, најчесто кредити/позајмици. А вториот дел кој го зборуваш, дека Владата ги реализира проектите на општините, токму тоа е погубното за децнетрализацијаат и регионалниот развој кај нас. Лончињата никако не с,меат да бидат измешани, заради ефикасно функционирање и на двете власти. Така што никако не би го релативизирал прашањето од типот „не е страшно“. Не разбирам како тоа трпи буџетот кога и ваков каков што е има 13% дефицит (слично како Грчкио кој ради сличните прични се заканува да ја сруши цела Евро зона???)
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #46 Posted: 07-Apr-2010 at 23:24

Градскиот буџет се прекројува

Околу 25,8 милиони денари, односно 380.000 евра, ќе бидат прераспределени од една во друга ставка во Буџетот на Скопје, за да се обезбедат субвенции за да може јавните претпријатија да ги платат дополнителните 140 хонорарци, кои ќе бидат ангажирани да го чистат градот и да го одржуваат зеленилото, како и за нови луѓе задолжени за заловување на кучиња-скитници и за проектот за современо управување на јавниот превоз. Дел од парите ќе се издвои за функционирање на киното „Милениум“, кое неодамна потпадна под градска надлежност, а дел се за намирување на ненаплатени комунални трошоци на средните училишта. Околу 60.000 евра од сумата за проширување на Буџетот се наменети за исплата на членови на управни и надзорени одбори на јавните културни установи. Прекројувањето на буџетот треба да помине денеска на седница на Советот на Град Скопје.

Со новото проширување, Буџетот на Скопје останува ист, така како што беше зацртан, на 67,9 милиони евра. Разликата е што дел од парите некаде ќе се скратат, за некаде да се зголемат за други потреби.

Ќе се намал сумата за трошоци од судски решенија, за 14,8 милиони денари, а за 11 милиони денари ставката трошоци за градската администрација.

Буџетот на градската власт во 2010 година од 67,9 милиони евра е само проекција. Толку приходи очекува Градот во наредната година, но неизвесно е дали толку навистина ќе се приберат или градската власт со ребаланси ќе оди кон негово намалување, како што го направи тоа два пати во 2009 година. (Ј.И.)                                                                                                                                                                                            http://www.dnevnik.com.mk/?ItemID=7875EBE82DDE9141ABF43540FFB5144E     
Back to Top
Plugger View Drop Down
Senior Member
Senior Member


Joined: 15-Sep-2008
Online Status: Offline
Posts: 378
  Quote Plugger Quote  Post ReplyReply #47 Posted: 19-Apr-2010 at 04:25

Mnogu mizeren budzet, na Skopje mu treba naj malce 150 miljoni evra budzet a i toa e malce spored mene pogotovo za glaven grad na edna drzava i vrz osnova na toa sto poveke od 1/3 od celata populacija zhivee vo Skopje.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #48 Posted: 12-May-2010 at 16:44
Отчет - Град Скопје

Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #49 Posted: 26-May-2010 at 15:56

На парите не им се влегува во градскиот буџет

Во првиот квартал се прибрани само една четвртина приходи од зацртаните, што според опозицијата е резултат на постојаното ослободување на Владата од плаќање комуналии за објектите под „Скопје 2014“

Само 15 отсто од планираните приходи успеала да прибере градската власт во својот Буџет во првиот квартал од 2010 година, информира градоначалникот Коце Трајановски на последната седница на Советот. Според него, прибрана е една четвртина од планираните 100 отсто за првиот квартал, односно околу 10,5 милиони евра, без пренесените приходи од минатата година, што е малку во однос на она што го зацртаа. Буџетот за 2010 година е проектиран на 67,9 милиони евра. Од СДСМ го обвинија дека градската каса останала празна поради заложбата на Трајановски за континуирано ослободување на Владата од плаќање комуналии при изградба на јавни објекти од проектот „Скопје 2014“. Се работи за 2 до 2,5 милиона евра, само во оваа година, а вкупно од 6 до 8 милиони евра за последните три години.

Додека Трајановски ги набројуваше причините за слабиот прилив на буџетски пари, опозициските советници беа остри кон неговите оправдувања - дека агилноста и способноста на оваа гарнитура за полнење на буџетот не одговараат ни на прогнозите на најголемите песимисти.

Градоначалникот и покрај малиот прилив на средства, изјави дека е задоволен од сработеното.

- Расходите се движат во дозволените граници, а и кредитниот рејтинг на Град Скопје е добар. Приходите од инвестиции секогаш доаѓаат подоцна во годината. Имаме најави за крупни зафати во Гази Баба, Аеродром, Карпош, Центар - рече скопскиот градоначалник.

Советникот од СДСМ, Игнат Виларовски, рече дека не може да најде пофални зборови за работата на Трајановски.

- Во извештајот за првиот квартал нема позитивен параметар. Тоа е затоа што во Скопје нема капитални инвестиции од кои би се прибрале пари за комуналии. Ни останува само да се надеваме дека реализацијата до крајот на годинава ќе биде подобра, но сепак сегашната бројка, 15 отсто, ни кажува дека приходите не се прибираат со предвиденото темпо. Имаме 12 помали градови со многу поголеми буџети - рече Виларовски.

Околу ослободувањето на државата од плаќањето на комуналните трошоци за уредување на градежното земјиште, градоначалникот Трајановски застана во одбрана на Владата. Сепак призна дека можеби и тоа има влијание за малите приходи во градската каса.

- Се сложувам дека можеби има влијание врз приходите, но мислам дека ќе имаше влијание и врз расходите. Ние не ја ослободивме Владата, туку и дадовме можност сама да го уредува земјиштето со атмосферска и фекална канализација и со сите други инсталации. Не е се' така црно-бело како што изгледа - изјави Трајановски.

Опозициските советници, револтирани од слабиот финансиски извештај, потсетија на фактот дека поранешниот градоначалник Трифун Костовски на Трајановски му остави полна каса, односно прибрани осум милиони евра.

„Првомајска“ на кредит

Градската власт ќе зема кредит од 5,6 милиони евра за реконструкција на улицата Првомајска и за изградба на центар за управување и контрола на сообраќајот. Во предлогот доставен до Советот на Скопје нема детаљно образложение на што се должи потребата од ваков заем, со грејс-период од три години и рок на отплата од 13 години. Минатата недела, поради немање кворум, седницата се прекина на оваа точка, а ќе продолжи неделава, при што опозицијата очекува одговори од Трајановски дали главен виновник за кредитно задолжување е малиот број приходи во касата.


http://www.dnevnik.com.mk/?ItemID=F6749650D5742F428815B6337DDD48E9
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #50 Posted: 15-Jun-2010 at 23:35

Ребалансот нема да ги запре капиталните проекти

Капиталните градски проекти ќе се спасат со претстојниот ребаланс на буџетот на Градот Скопје, за кој идната недела ќе расправаат градските советници. За најголемите градски инвестиции во проширувањето на булеварите „Илинденска“ и „Србија“ нема да има кратење на предвидените средства за изградба.

Сепак, намалување на парите ќе има за повеќе проекти што се во фаза на планирање. Пример е проектот за ревитализација на езерото „Треска“, за кое беа предвидени 30 милиони денари. Со оглед на тоа дека проектот се' уште не е готов, неговата реализација нема да може да почне оваа година. Поради тоа и се скратуваат и се пренаменуваат предвидените средства, информираат во Градот.

Градежните работи на булеварот „Србија“ ќе продолжат со предвидената динамика, а нема да заостане ниту активноста на „Илинденска“. По завршувањето на потегот од фонтаната „Лотос“ до улицата „Рузвелтова“, градоначалникот Коце Трајановски најавува проширување кон зградата на Владата, како и кон раскрсницата со булеварот „8 Септември“. Првиот дел треба да биде готов до септември, а, веројатно, на Денот на независноста, 8 Септември, ќе се сече и црвената лента.

„Претстојниот ребаланс не предвидува целосно запирање на ниту еден проект. Станува збор за намалување на средствата кај оние проекти што нема да можат да се реализираат целосно, односно ќе почнат годинава, а дел од средствата за нив ќе се обезбедат и од буџетот догодина. Дел од проектите кои требаше да завршат годинава ќе се забават, па и за нив пари ќе се обезбедуваат в година“, велат во Градот Скопје.

http://utrinski.com.mk/?ItemID=B75122B7B11F294CAA16875A892B0849

Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #51 Posted: 21-Jun-2010 at 23:46
Катните гаражи го исцедија буџетот




Двете катни гаражи што ќе ги гради Градот Скопје годинава ќе „изедат“ многу пари од буџетот. Поради тоа, останатите проекти на градоначалникот Коце Трајановски ќе трпат и затоа тој ги одложи за 2011 и за 2012 година. Според ребалансот на буџетот, минималниот износ што ќе отиде за катните гаражи годинава е околу 680.000 денари, а во наредните две години планирано е да се потрошат околу 1,9 милион евра.

На вчерашната седница на Советот на Град Скопје на дневен ред се најде ребалансот на буџетот, кој е со незначителни намалувања, односно е останат на истата проекција од 68 милиони евра. Она што ја вознемири опозицијата и на што советниците реагираа е дека во многу ставки е извршено големо „тумбање“ на парите.

- Зарем буџетот е толку лошо испланиран кога мора да се прават вакви прераспределби - праша Игнат Виларовски, член на Комисијата за буџет од СДСМ.

Опозицијата го критикуваше градоначалникот Трајановски зошто крател пари од значајни проекти и ги одложил за наредните две години - и тоа 20 милиони денари за ревитализација на езеро Треска, не оставил речиси ништо за изградба на нова пожарна станица, мостот во Сарај ќе почека подобри времиња, а исто и центарот за управување и контрола на сообраќајот, кој е важен за справување со метежот во Скопје. Годинава нема да се реализира раскрсницата во Ѓорче Петров, нема да се покрива каналот на улица Финска, нема да се гради водоводната мрежа во Ченто ниту команден центар за регулирање на уличното осветление.

Координаторот на СДСМ, Софија Куновска, го прозва Трајановски да каже зошто градската администрација не си скратила пари од своите комодитети и луксуз, на сметка на поважните проекти, како што се изградба на центар за зависници или служба за стари и изнемоштени лица за кои нема пари за реализација.

- Градската власт и покрај малиот број приходи што ги собра во првиот квартал и кратењето пари од голем број важни проекти, не смета дека треба да си скрати, на пример, од својата сметка, па така ќе се купуваат нови моторни возила во висина од 7 милиони денари, со 10 милиони денари ќе се реконструираат бараките, со 850.000 денари ќе се купуваат канцелариски мебел и клима-уреди - рече Куновска.

И покрај одложувањата, градоначалникот Трајановски беше поздравен од членовите од својата партија, конкретно од Борче Георгиевски, дека работи домаќински. А самиот Трајановски ги повтори истите проекти што ги зборува од почетокот на својот мандат, нарекувајќи ги капитални.

- Ќе се реализираат проектите за улиците Илинденска, Македонска војска, за проширување на булевар Србија и Благоја Стефковски, за изградба на пат до гробишта Камник и кон Рашче, како и систем за отпадни води на булевар АСНОМ и во село Лисиче - рече градоначалникот.

Опозицискиот СДСМ го стави под знак прашалник менаџерското работење на Трајановски, ако се земе предвид дека за една година прави трет ребаланс на буџетот. Според советниците од оваа група, минатиот градоначалник Трифун Костовски, иако не беше поддржан од Владата, проектираше и собираше многу поголеми буџети со кои реализира скапи проекти. Воедно, на крајот од својот мандат, како што самиот информираше, на наследникот Трајановски му остави околу 7 милиони евра во буџетот. На ова реагираше самиот градоначалник Трајановски, велејќи дека не е точно тоа што го зборува опозицијата, а и бившиот челник на Градот.

- Костовски ми остави само 4 милиони евра плус и голем број склучени договори и судски решенија што требаше да се исплатат - објасни градоначалникот Трајановски.
 
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954
  Quote Andrej_LJ Quote  Post ReplyReply #52 Posted: 22-Jun-2010 at 00:15
Статијава е повод за голема загриженост...

Прво ќе започнам со тоа што најмногу ми боде очи-како тоа најважниот проект моментално за Скопје, а имено Центарот за управување на сообраќајот е замрзнат, односно ќе ги чекал оние подобри времиња (воз кој не запира на нашата станица)? Па со тој релативно ефтин зафат ќе се постигнеа најбрзи резултати на неколку полиња: поголема проточност, помалку изгувни гасови и не на последно место заштеда на граѓаните во смисла на време и финансии!

Мостот кај Сарај навистина ќе падне деновиве. Одкога знам за себе се зборува дека е во очајно тешка состојба и се се одложува, а е единствената врска со оваа не мала населба.

Тој булевар Србија проклет да биде веќе. Откако почнав да ги следам инфраструктурните проекти во Скопје (изборната кампања Пенов за Скопје, односно пред неговиот втор мандат, значи 10+ години), не успеаа да направат едно проширување на улица во сред поле!

И сите овие проекти, кои ни се прикажуваат како ГОЛЕМИ, ТЕШКИ, ИСЦРПУВАЧКИ И СО НЕВИДЕН РЕЗУЛТАТ (кој секогаш се покажува како лага нпр. дека клучката кај Континентал ќе придонесела за 30% намалување на гужвите во целиот град), се буквално мизерни, споредено со она што треба да биде приоритет на Скопје (по сите критериуми голем град) - ЛРТ и приградска железница, Јужен, Крушевска, тунелите под Калето и Плоштадот...

Истовремено прават споменици, градска плажа, па подземно премини ќе правел... Бескрајно фрлање песок во очи и најнеодговорно бегање од децениски натрупаните проблеми на градот. Доаѓа времето кога ќе биде исклучително тешко да се реализираат големите проекти нпр. затвори Партизанска да се прави тунелот под Плоштад.

Кои се тие две катни гаражи? Градот ќе ги изгради како полу-деловни објекти, подоцна ќе прогласи дека е лош стопанин и ќе ги даде некому за беспари? Веќе видена практика... Плус нели собираат доволно пари од ЈП Градски Паркинг, со кои ќе можат тековно да финансираат нови гаражи, без додатно оптоварување на буџетот? Каде одат тие пари ако не токму за таа намена (понатамошно олеснување на проблемот со паркингот во Скопје)?

За крај се плашам дека овој ќе биде многу полош градоначалник и од Трифун, кој од своја страна си беше катастрофален! Крајно сум разочаран и навреден од односот на властите, затоа што не сметаат за тотални овци, на кои можеш да им сервираш буквално се!
"Тaм, където глупостта е образец, разумът е безумие." Гьоте
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #53 Posted: 22-Jun-2010 at 08:57


Комплетно сум на иста линија со тебе.

Прво, не можам да поверувам дека така ладно ги скинале средствата испланирани за центарот за управување и контрола на сообраќајот, особено кога баш сега скоро се испофалија дека ќе го реализираат, направија многу помпа и самите излегоа со податоци какви огромни позитивни ефекти ќе има од него.

И особено иритира токму тоа што парите што се собираат од паркирањето одат којзнае каде се не, само не таму каде што треба да одат - во унапредување на паркингот. Затоа сега парите наменети за мостови и центар за контрола на сообраќајот ќе ги пренасочуваме во (барокни) катни гаражи  Wallbash

Од луксузите на државна сметка исто така никогаш да си скратат. За автомобили, климатизери, мебел, патувања и слично, никогаш не било криза... Ќе спомнам само за автомобилите - на тоа поле секогаш фигурира „оправдување“ дека километражате на постојниот возен парк е огромна и дека автомобилите се стари и се се скапи за одржување... А ако ги видиш автомобилите, по километража се несфатливо постари него по години, па наместо со тоа да оправдуваат нови набавки, треба да објаснат зошто толку безмилосно ги возат за приватни потреби.

За опозицијата... Океј е да критикува, тоа и е работа. Ама наместо генеричко критикување каде секој одложен проект се става во ист кош, би сакал да видам прецизна листа на приоритети.

Во меѓувреме, вистински капиталните проекти кои треба да го препородат градот ги нема ни на повидок...


Edited by Cloverstack - 22-Jun-2010 at 09:07
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #54 Posted: 27-Aug-2010 at 11:14

Градската каса сé помалку се полни


Во првите шест месеци од годинава во градската каса се слеале само 45 проценти од планираните приходи за овој период

 

 
%20  
Градската каса е полупразна во однос на проектираното, пред сé поради слабата наплата на давачките за уредување градежно земјиште. На вчерашната седница на советот на градот е усвоен извештајот за градскиот буџет, со забелешка дека капиталните инвестиции и проекти изостануваат и не се реализираат како што било планирано.

- Намален приход по основа на градење има пред сé поради практиката градот сé почесто да ги простува давачките за градбите што Владата како инвеститор ги гради во Скопје. Како проектираниот приход, односно парите што сега ги нема ќе се надоместат од градежните инвестиции на стопанството, не се знае. Според извештајот, се гледа дека капиталните инвестиции изостануваат додека парите се чуваат на сметката на градот. Секоја инвестиција е подобра од никаква и чување на парите на сметка - изјави Никола Велковски, советник од редовите на СДСМ.

http://www.novamakedonija.com.mk/NewsDetal.asp?vest=827101026162&id=14&prilog=0&setIzdanie=22070
Back to Top
Baze View Drop Down
Senior Member
Senior Member
Avatar

Joined: 08-Jan-2010
Location: Skopje
Online Status: Offline
Posts: 409
  Quote Baze Quote  Post ReplyReply #55 Posted: 04-Oct-2010 at 09:14

Предлог-програма за буџетот за 2011 година


Коце ги скрои приоритетите за догодина


Со околу 30 милиони денари средства обезбедени од Владата кон крајот на оваа година ќе започне изградбата на новиот мост во Сарај на местото на стариот железен. Остатокот од финансиите ќе ги обезбеди Град Скопје


Околу три милијарди денари, ќе изнесува буџетот на град Скопје и за 2011 година, ваква е проекцијата на градскиот буџет што викендов во Охрид ја најави скопскиот градоначалник Коце Трајановски. Според планираното, приоритет ќе имаат капиталните инвестиции кои веќе се започнати оваа година. Булеварот "Србија" како што рече Трајаноски, ќе биде готов до крајот на годината а дел од исплаќањата за него ќе се вршат во 2011 година. Следната година ќе се проширува улицата "Првомајска", од Рампа до Расадник во Кисела Вода. Сообраќајното решение за улицата "Теодосиј Гологанов" според Трајановски предвидува оваа улица ќе стане булевар со четири ленти. Прво ќе се гради од потегот на поранешна НИП "Нова Македонија" до улицата "Рузвелтова", со кружен тек кај Католочкиот храм. Исто така улицата на потегот од "Рузвелтова" до студентскиот дом "Гоце Делчев" чека на довршување на проектот.
Со околу 30 милиони денари средства обезбедени од Владата кон крајот на оваа година ќе започне изградбата на новиот мост во Сарај на местото на стариот железен. Остатокот од финансиите ќе ги обезбеди Град Скопје.

Градоначалникот Трајаноски информира дека се размислува во Скопје да има подземни сообраќајници на две крстосници, кај "Црвениот крст" и кај "Нова Македонија" а се планира и изградба на катните гаражи, кај "Цветен пазар" и спроти полициската станица "Беко" . Исто така ќе се санираат улиците и тротоарите во Малиот и Големиот ринг.

Според скопскиот градоначалник следната година ќе се обезбеди и нова опрема на Јавните претпријатија "Комунална хигиена", "Паркови и зеленило" и "Улици и патишта".
Трајановски информираше дека се уште се размислува за локација за "Градска куќа", проект кој би започнал да се гради следната година доколку би се затворила финансиската конструкција. Исто така градоначалникот најави и изградба на фабрика за спалување и рециклирање на отпад, и посебен уред за спалување на медицински отпад, кој би чинел околу 4 милони евра.
Трајановски, викендов на средбата со советниците на Град Скопје, раководителите на сектори и директорите на градските јавни претпријатија најави дека и следната година од буџетот на Град Скопје ќе бидат одвоени средства за реконструкција на училиштата, ќе се вложува во спортот, како и во културата.

http://www.vecer.com.mk/default.asp?ItemID=E9149B64F2F879498F28B810611A41FA
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #56 Posted: 04-Oct-2010 at 11:44

Амбициозни проекти во трка за влез во буџетот за 2011

Вредноста на желбите е речиси двојно поголема од планираниот прилив на пари за идната година

Сања Наумовска

Охрид - Градска куќа, булевари, мостови, подобрување на јавниот сообраќај и на хигиената во градот, катни гаражи, но и смели размислувања за сообраќајници на две нивоа на неколку раскрсници, се некои од проектите кои ќе си го бараат својот дел од колачот при планирањето на градскиот буџет за 2011 година. Советниците во Советот на Скопје и градоначалникот Коце Трајановски, без присуство на колегите од опозицискиот СДСМ, пред да одлучуваат за големината на идниот буџет, викендов во Охрид ги сослушаа плановите за идната година на градската администрација, јавните претпријатија и на културните институции.

Желбите за 2011 година тежат 4,5 милијарди денари, но веројатно ќе треба да се стиснат во рамките на проектираните приходи за в година, кои, според пресметките на Секторот за финансии, нема да преминат 2,52 милијарди денари. Според зборовите на градоначалникот Трајановски, до крајот на септември во градската каса се слеале над 2 милијарди денари, што дава надеж дека идната година ќе има пари за повеќето од планираните проекти. Се разбира, вели Трајановски, предност ќе добијат веќе почнатите проекти, како што е булеварот „Србија“, но ќе се отвораат и нови фронтови, особено во насока на подобрување на сообраќајната мрежа.

Високо на агендата на градската администрација е и изградбата на градската куќа, но засега никој отворено не зборува за локацијата. Трајановски потврдува дека има проект што Градот го платил четири милиони денари, но се' уште размислува за најсоодветната локација. Повеќе години како можен дом на Градот Скопје во игра беа Старата железничка станица, локацијата во парк каде што се наоѓаат градските бараки, како и административната зграда на „Рубин кармин“ на Кале. Според проекциите на Градот, градската куќа би чинела околу десет милиони евра.

„Идната година почнува проширувањето на ’Првомајска‘ од Стара рампа до Расадник, а ако има пари ќе продолжи и на други делници од сообраќајницата“, вели Трајановски. Уште две ленти и кружен тек кај Католичка црква ќе добие и улицата „Теодосиј Гологанов“. Веќе е направен проект за делот од „Нова Македонија“ до „Рузвелтова“, а идната година ќе се проектира и делницата до студентскиот дом „Гоце Делчев“. Од еден до еден и пол милиони евра ќе го чини Градот Скопје и мостот во Сарај, кој треба да почне да се гради кон крајот на годинава или во јануари. Пари за него, околу 30 милиони денари, се очекуваат и од централниот буџет.

„Раскрсниците кај Црвен Крст и ’Нова Македонија‘ се зрели за решение на две нивоа, со кое ќе се обезбеди поголем проток на возила. Веќе имаме разгледано повеќе вакви искуства од други градови, но нивната реализација кај нас, пред се', ќе зависи од подземната инфраструктура“, објаснува Трајановски.

Подобрувањето на јавниот превоз, паралелно со очекувањето на новите автобуси за ЈСП, ќе се решава со автоматско следење на возилата и воведување на смарт-тикетингот. Со кредит ќе се опремува и центарот за управување на сообраќајот, за кој градоначалникот Трајановски смета дека е краен момент да почне со работа. До 2012 година ќе треба да се изградат и двете градски катни гаражи, кои ќе го чинат Градот околу осум милиони евра. Парите ќе се обезбедат од кредити, а ќе се враќаат со продажба на деловниот простор.

Новина во Скопје ќе биде и првиот паркинг за тешки возила, кој ќе се гради под Транспортниот центар, крај кејот на Вардар. За паркиралиштето кое треба да го реши проблемот на меѓуградските автобуси и камионите се планираат 14 милиони денари.

http://utrinski.com.mk/?ItemID=7BE0D87DC30FB54BB578CBC881C91F0D

Трајановски ќе го асфалтира целиот центар

Нова градска куќа, две катни гаражи во центарот, проширување на Теодосиј Гологанов со уште две ленти, на Првомајска, целосна реконструкција на коловозните ленти на сите улици во Малиот и Големиот ринг - тоа се дел од приоритетите на градската власт на Скопје за наредната година, беше кажано на презентација на Буџетот за 2011 година што викендов се одржа во Охрид.

- За градската куќа ќе се подготви документација и ќе се изработува проект, а ако се најдат пари, администрацијата по пет децении ќе се пресели од бараките во Градски парк во нов објект - рече градоначалникот Коце Трајановски.

Катните гаражи ќе се градат со кредити, а уште при изградбата ќе се продава деловен простор, со цел да се обезбедат пари. Многу од проектите што беа изложени се од изминатите години, но бидејќи за нив немаше пари, беа одложени за 2011 година: нов мост во Сарај, воведување еден билет за возење во јавниот и во приватниот градски превоз (т.н. „смарт тикетинг“), како и автоматско лоцирање на автобусите, со цел да се знае времето и местото на нивно движење. Трајановски се задржа на купување нови возила за „Комунална хигиена“ како приоритет за подигнување на јавната чистота во метрополата.

- Наскоро ќе стасаат шест камиони, а за некое време ќе распишеме тендер за уште 20. Се' на се', до мај 2011 година сметаме да дојдеме до 50 камиони, што за нас ќе биде успех. Тогаш на 10.000 жители ќе има еден камион, а не како претходно, кога на 100.000 жители имаше само едно возило за подигање на ѓубрето - објасни скопскиот градоначалник.

Освен овие предлози, кои беа презентирани и се очекува да влезат во Буџетот за 2011 година, имаше и дополнителни, од директорите на јавните претпријатија и од членовите на Советот, па затоа и листата за Буџетот не е конечна. Според Трајановски, од неделава ќе се врши дополнителна селекција на најважните работи за кои треба да се издвојат пари. Во секој случај, извесно е дека до крајот на годинава или во јануари наредната ќе почне да се гради нов мост во Сарај, со две ленти. Би чинел 1,5 милион евра, предвидено е дел да даде Владата, а дел градската власт.

Скап проект, за кој се потребни 3 милиони евра, а ќе се обезбедат од кредити, е изградбата на Центарот за управување и контрола на сообраќајот. Со негово воведување ќе биде овозможено на раскрсниците возилата автоматски да се бројат и пропуштаат, а воедно и ефикасно да се регулира зелениот бран, без разлика на негово вклучување или исклучување од полицијата при пропуштање делегации и владини возила.

На презентацијата на Предлог-буџетот присуствуваа раководители на градските сектори, директорите на јавните претпријатија, како и сите членови на Советот, освен од советничката група на СДСМ. Координаторот Софија Куновска, рече дека и во јуни годинава имало идеја за патување во Охрид заради ребаланс на Буџетот, но дека и тогаш од советничката група изразиле негодување, а Трајановски ја одложил посетата. Таа ги потенцира економската криза и слабиот градски Буџет како причини за бојкот на оваа посета. Кажа дека лани разгледувањето на Буџетот се одржало во Маврово, а според нив, не дало особено резултати.

- Наше мислење е дека истата оваа дебата можеше да се случи и во Скопје, на седница на Совет, во обичен работен ден, без ручеци и трошоци за хотелски аранжмани - изјави Куновска.

Проект, кој беше споменат на презентацијата, за кој ќе се бараат пари, се раскрсници на две нивоа, кај Црвениот крст и кај Нова Македонија. Градоначалникот Трајановски објасни дека сериозно размислува сообраќајот на овие локации да го растоварува со денивелирани улици, една надземна и друга подземна.

Градската власт годинава остварила најголем број приходи од воведувањето на децентрализацијата, околу 34 милиони евра, а до крајот на годинава се очекува да стаса до 40 милиони. Наредната очекуваат поголем прилив од даноци и од други извори, односно околу 50 милиони евра.

http://dnevnik.com.mk/?ItemID=523F45BE0D824546A3421B6A8AEF86D1



Edited by lslcrew - 04-Oct-2010 at 11:49
Back to Top
leonid23 View Drop Down
Senior Member
Senior Member
Avatar
БАНИРАН

Joined: 30-Nov-2009
Location: Strumitza
Online Status: Offline
Posts: 579
  Quote leonid23 Quote  Post ReplyReply #57 Posted: 05-Oct-2010 at 01:33
Трајановски ќе го асфалтира целиот центар



Нова градска куќа, две катни гаражи во центарот, проширување на Теодосиј Гологанов со уште две ленти, на Првомајска, целосна реконструкција на коловозните ленти на сите улици во Малиот и Големиот ринг - тоа се дел од приоритетите на градската власт на Скопје за наредната година, беше кажано на презентација на Буџетот за 2011 година што викендов се одржа во Охрид.

- За градската куќа ќе се подготви документација и ќе се изработува проект, а ако се најдат пари, администрацијата по пет децении ќе се пресели од бараките во Градски парк во нов објект - рече градоначалникот Коце Трајановски.

Катните гаражи ќе се градат со кредити, а уште при изградбата ќе се продава деловен простор, со цел да се обезбедат пари. Многу од проектите што беа изложени се од изминатите години, но бидејќи за нив немаше пари, беа одложени за 2011 година: нов мост во Сарај, воведување еден билет за возење во јавниот и во приватниот градски превоз (т.н. „смарт тикетинг“), како и автоматско лоцирање на автобусите, со цел да се знае времето и местото на нивно движење. Трајановски се задржа на купување нови возила за „Комунална хигиена“ како приоритет за подигнување на јавната чистота во метрополата.

- Наскоро ќе стасаат шест камиони, а за некое време ќе распишеме тендер за уште 20. Се' на се', до мај 2011 година сметаме да дојдеме до 50 камиони, што за нас ќе биде успех. Тогаш на 10.000 жители ќе има еден камион, а не како претходно, кога на 100.000 жители имаше само едно возило за подигање на ѓубрето - објасни скопскиот градоначалник.

Освен овие предлози, кои беа презентирани и се очекува да влезат во Буџетот за 2011 година, имаше и дополнителни, од директорите на јавните претпријатија и од членовите на Советот, па затоа и листата за Буџетот не е конечна. Според Трајановски, од неделава ќе се врши дополнителна селекција на најважните работи за кои треба да се издвојат пари. Во секој случај, извесно е дека до крајот на годинава или во јануари наредната ќе почне да се гради нов мост во Сарај, со две ленти. Би чинел 1,5 милион евра, предвидено е дел да даде Владата, а дел градската власт.

Скап проект, за кој се потребни 3 милиони евра, а ќе се обезбедат од кредити, е изградбата на Центарот за управување и контрола на сообраќајот. Со негово воведување ќе биде овозможено на раскрсниците возилата автоматски да се бројат и пропуштаат, а воедно и ефикасно да се регулира зелениот бран, без разлика на негово вклучување или исклучување од полицијата при пропуштање делегации и владини возила.

На презентацијата на Предлог-буџетот присуствуваа раководители на градските сектори, директорите на јавните претпријатија, како и сите членови на Советот, освен од советничката група на СДСМ. Координаторот Софија Куновска, рече дека и во јуни годинава имало идеја за патување во Охрид заради ребаланс на Буџетот, но дека и тогаш од советничката група изразиле негодување, а Трајановски ја одложил посетата. Таа ги потенцира економската криза и слабиот градски Буџет како причини за бојкот на оваа посета. Кажа дека лани разгледувањето на Буџетот се одржало во Маврово, а според нив, не дало особено резултати.

- Наше мислење е дека истата оваа дебата можеше да се случи и во Скопје, на седница на Совет, во обичен работен ден, без ручеци и трошоци за хотелски аранжмани - изјави Куновска.

Проект, кој беше споменат на презентацијата, за кој ќе се бараат пари, се раскрсници на две нивоа, кај Црвениот крст и кај Нова Македонија. Градоначалникот Трајановски објасни дека сериозно размислува сообраќајот на овие локации да го растоварува со денивелирани улици, една надземна и друга подземна.

Градската власт годинава остварила најголем број приходи од воведувањето на децентрализацијата, околу 34 милиони евра, а до крајот на годинава се очекува да стаса до 40 милиони. Наредната очекуваат поголем прилив од даноци и од други извори, односно околу 50 милиони евра.

http://www.dnevnik.com.mk/?ItemID=523F45BE0D824546A3421B6A8AEF86D1

Edited by leonid23 - 05-Oct-2010 at 01:35
Back to Top
fichot View Drop Down
Senior Member
Senior Member
Avatar

Joined: 02-Feb-2010
Location: Skopje
Online Status: Offline
Posts: 2598
  Quote fichot Quote  Post ReplyReply #58 Posted: 05-Oct-2010 at 14:47
Каде може (ако воопшто) да се види планот за проширување на Гологанов? Баш ме интересира како ќе се изведе тоа без да се наруши трасата на Јужен? Има ли реално простор за тоа?
Back to Top
Baze View Drop Down
Senior Member
Senior Member
Avatar

Joined: 08-Jan-2010
Location: Skopje
Online Status: Offline
Posts: 409
  Quote Baze Quote  Post ReplyReply #59 Posted: 05-Oct-2010 at 17:28
Previous Немој да се загрижуваш за трасата на јужен, на градските - државни власти може да им падне идејата и овој дел од јужен булевар да го направат како подземна сообраќајница, затоа што и тоа земјиште ке биде атрактивно за да се продаде Roll%20eyes
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #60 Posted: 05-Oct-2010 at 17:34
Jas se prasuvam sto da veruvam?Vo edniot vesnik pisuvase SANACIJA na ulicite po centar a drugata CELOSNO ASVALTIRANJE na centarot?Sto seGA?
Back to Top
 Post Reply Post Reply Page  <12345 10>

Forum Jump Forum Permissions View Drop Down



This page was generated in 0.125 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.