Плажи и бродови на Вардар

Па добро бе луѓе, биваше ли до толку да се запнете дека Коце има намери да очекува од скопјани да се бањаат во Вардар со толку табли забрането капење!!!!!

Не се работи за идеја за капење во Вардар, него за песочни плажи на кои ќе има некакви си разни содржини. Плажи за сончање да забави за такви ствари. Само што незнам ниту за тие дополнителни содржини кој уопште ќе се нафати да седи тука.

Од плажа в театар

Просторот од левата страна на Вардар, од мостот Гоце Делчев до Ка­ме­ни­от мост, ќе биде покриен со песок, ќе има дрвени платформи на кои ќе бидат поставени лежалки, столови и маси, ќе бидат изведени неколку ма­ли базени, а целата плажа ќе биде покриена со тенди

Скоп­ја­ни на лето на Кејот на реката Вардар ќе добијат градска плажа. Спо­ред планот, плажата засега ќе се протега на просторот од левата стра­на на Вардар, т.е. од мостот Гоце Делчев до Камениот мост, веднаш под новиот театар. Овој дел од Кејот ќе биде покриен со песок, ќе има др­ве­ни платформи на кои ќе бидат поставени лежалки, столови и маси. На ис­то­то место ќе бидат направени и неколку мали базени, а целата плажа ќе биде покриена со тенди. Градската плажа ќе се уредува според про­ек­тот на авторите Бекир Адеми и Бетим Зекири, кои ја добија првата наг­ра­да за конкурсот за идејно решение, кој го распиша Град Скоп­је.
"Пла­жа­та која ја замисливме предвидува простор за рекреација, уживање и за игра. Бидејќи во реката Вардар граѓаните не можат да се капат, пред­ви­дов­ме мали базени, во кои ќе можат да се разладуваат децата, додека нив­ни­те родители уживаат пиејќи кафе покрај реката. Ова е само првичен про­ект кој во наредните неколку месеци ќе се доработува со надлежните од Град Скопје, по што, по многу години, кејот на Вардар пак ќе се користи ка­ко плажа", вели Бетим Зекири, еден од двајцата автори на по­бед­нич­ки­от проект.
Од Град Скопје велат дека во наредните месеци ќе се прават основните и из­вед­бе­ни­те решенија, по што напролет ќе стартува уредувањето на Кејот во плажа. Оттаму не кажуваат колку пари ќе потрошат за новите плажи, оти тоа ќе се знаело дури откако ќе се изработи конструкцијата и ќе се из­бе­ре фирма за изведување на градежните работи.
Из­град­ба­та на градска плажа на Кејот на реката Вардар ја ветуваа и гра­до­на­чал­ни­ци­те Ристо Пенов и Трифун Костовски. Но скопјани плажата ја ви­доа само на хартија, како идејни проекти. (А.А.)

Песок и базенчиња за забава на скопјани

Роза Петкова

Монтажна стреа со кружни отвори, кои ќе пропуштаат сонце, тло покриено со ситен песок и дрвени штици за седење поставени околу плитки базенчиња се новиот лик за предвидената градска плажа. Архитектите Бекир Адеми и Бетим Зеќири ја добија првата награда на конкурсот што Град Скопје го распиша за изгледот на урбана плажа на левата страна на реката Вардар, од мостот „Гоце Делчев“ до Камен мост. Според Адеми, замислата е просторот да се разликува од конвенционалните плажи, да биде своевиден рекреативен центар, со водени површини и со дел за одбојка. - Тоа ќе бидат плитки водени површини, со висина до 30 сантиметри, кои ќе служат за освежување. Сепак, тие, најверојатно, нема да се изведат според препораките од Град Скопје и можеби на нивното место ќе има тушеви. Плажата во еден дел ќе биде наменета за играње одбојка на песок. Кон мостот „Гоце Делчев“, каде што се наоѓаат јавните тоалети, ќе има и продавници за пијалаци и за сендвичи, кои може да бидат и со друга намена, како трафики за весници и за списанија. Тие се помали штандови, како кружни токи кои се отвораат, какви што има во Струга. Дизајнот за нив е секундарен, може и да се промени - вели Адеми, еден од авторите. Низ целата должина се предвидени дрвени површини за седење, кружни и полукружни, како амфитеатар, скали и потоа пак делови за седење. Целата плажа ќе биде прекриена со растегнато платно прицврстено на челични столбови, кое ќе биде проѕирно, ќе ја менува нијансата и ќе има модерен изглед. Навечер плажата ќе биде осветлена и ќе дава посебен ефект на просторот. Направена од лесна конструкција, таа во секое време ќе може да се демонтира. - Се работи за урбана плажа наменета за играње, уживање, рекреација, поврзување, која ќе даде нова димензија на кејот, модерен изглед и ќе привлече внимание без оглед дали се работи за домашни посетители или за туристи. Таа е лесна, проѕирна и монтажна и претставува еден нов поглед на темата која ни беше дадена за разработка - додава архитектот. Ова не е прво учество на авторите на конкурси за објекти во Скопје. Учествувале и на изборот за идејно решение за градска куќа, а Зеќири учествувал на конкурсот за новата зграда за театарот Центар. Жири-комисијата на Град Скопје втората награда за градската плажа ја додели на Дарко Милановски, а третата на групата автори Сребро Томов, Јаков Горгоновски и Анче Толевска. За плажата градските власти ќе потрошат 160.000 евра, кои се предвидени во годинашниов буџет.

http://www.vreme.com.mk/DesktopDefault.aspx?tabindex=0&tabid=1&EditionID=1919&ArticleID=131566

Edited by Baze - 20-Jan-2010 at 21:42

Градска плажа на левиот кеј на Вардар Плажата нема да биде конвенционална со утврдени атрибути, туку урбана атракција Сања Наумовска Левиот кеј на Вардар, на потегот од мостот „Гоце Делчев“ до Камениот мост, ќе биде првата градска модерна плажа. Според проектот на авторите Бекир Адеми и Бетим Зекири, кои ја добија првата награда за конкурсот за идејно решение, кој го распиша Град Скопје, овој дел од коритото на Вардар ќе биде покриен со песок, ќе има дрвени платформи на кои ќе бидат поставени лежалки, столови и маси. Помеѓу урбаната опрема ќе има и неколку мали базени, а целата плажа ќе биде покриена со тенди во модерна форма. Ова е втор идеен проект за плажи на кејот, по оној што пред неколку години, од студентите на Архитектонскиот факултет го нарача тогашниот градоначалник Трифун Костовски. Тогаш, плажата беше предвидена на другата страна од Камениот мост, во правец кон МАНУ, каде што требаше да се направат и неколку кафулиња и повеќе рампи за спуштање кон кејот. Од другата страна, пак, каде што сега се планира плажа, студентите-архитекти предвидоа спортски комплекс со тениски и други игралишта, кој требаше да заврши кај хотелот „Александар палас“. „Плажата која ја замисливме со идејниот проект ќе биде простор за рекреација, уживање и за игра. Не се работи за конвенционална плажа со утврдени атрибути, туку можеби повеќе за уште една урбана атракција“, вели авторот Бетим Зекири и објаснува дека со оглед на тоа дека водата во Вардар не дозволува капење, на самата плажа се предвидени мини-базени за деца. „Плажата ќе биде место за целото семејство, додека децата уживаат во вода, нивните родители ќе се релаксираат пиејќи кафе покрај реката“, вели Зекири, додавајќи дека досега е направен само првичен проект кој во наредните неколку месеци ќе се доработува со надлежните од Градот Скопје. За него е најважно што, конечно, по многу години, кејот на Вардар пак ќе се користи како плажа. Според плановите на градските власти, новата урбана плажа ќе се протега точно под новиот театар, во мајор коритото на реката. Засега е точно позната само локацијата, додека каков ќе биде конечниот изглед и колку ќе чини изградбата на плажата, ќе се знае по изработката на изведбениот проект. „Изборот на идејно решение е само иницијална фаза. Основните и изведбените решенија е планирано да се работат во текот на следните неколку месеци, а почетокот на изградбата на првата модерна плажа е планирано за напролет“, информираат во Градот. http://www.utrinski.com.mk/?ItemID=AB7A743266CF694E95A52D697433E9A2

токму така леонид, поназад во нишкава има дости идеи, како сето ова да се измести кон градскиот парк.

Градска плажа со кафе, за кафеани не се знае

Одговорот на главната дилема, дали на Кејот ќе никнат и кафулиња и кафеани наспроти планираната плажа со урбана опрема и базени за деца, ќе се знае по изборот на изведувач за уредување

Замислата на градоначалникот Коце Трајановски левиот Кеј на Вардар, од мостот Гоце Делчев, па до Камени мост, да го претвори во градска плажа, пролетва ќе стане реалност. Ќе се наоѓа токму под театарот кој сега е во изградба. По изборот на идеен проект пред два месеца, неделава беше објавен и јавен повик, на кој се бара изведувач за уредување. Тендерот ќе трае до 22 април годинава.

Според објаснувањата од надлежните, не станува збор за конвенционална плажа, карактеристична за предземјотресно Скопје кога жителите се капеле во Вардар и кога водите биле чисти,туку, како што објаснија од Градот, плажата повеќе ќе биде урбана атракција.

Одговорот на главната дилема, дали на Кејот ќе никнат и кафулиња и кафеани наспроти планираната урбана опрема и мали базени за деца, ќе се знае по изборот на изведувач за уредување. Самите автори на проектот предвидуваат уживање покрај Вардар со кафе и пијалак, но од Градот рекоа дека сега не можат да одговорат на прашањата дали ќе издаваат локации за времени објекти, кои би биле поставувани покрај Вардар, а би вршеле угостителска функција.

- Сега-засега е изработено само идејното решение. Сите детали понатаму ќе бидат фазно разработени со проектните решенија и програмите на Град Скопје за работа во наредниот период - изјавија од одделението за односи со јавност.

По изборот на изведувач ќе се знае и сумата што ќе биде потрошена за замислата на Трајановски. Граѓаните се изненадени од оваа идеја, имајќи предвид дека Кејот со децении е запуштен. Скептични се дека уредувањето на еден дел ќе придонесе за заживување на левиот брег на Вардар.

- Реката Вардар е толку загадена што миризбата е неподнослива. Навистина не знам кој би уживал покрај вода од која лете се шири реа - коментира Никола С. од Скопје.

Првонаградениот проект, кој победи на конкурсот за идејно решение, овој дел од Кејот го замислува покриен со песок. Треба да биде уреден со дрвени платформи за лежалки, столови и маси. Покрај урбаната опрема, предвидени се неколку мали базени, а целата плажа ќе биде покриена со тенди во модерна форма.

- Плажата е замислена да биде место за релаксација на цело семејство. Додека децата уживаат во базени, нивните родители да уживаат во пиење кафе - објаснија авторите Бекир Адеми и Бетим Зекири при презентирањето на идејниот проект.

Првичната замисла за уредување на Кејот на Вардар беше проект на студентите на Архитектонскиот факултет, кој го нарача претходниот градоначалник Трифун Костовски. Беше замислено плажата да се протега од Камениот мост до МАНУ, каде што беа предвидени кафулиња и рампи за симнување кон Кејот. На сегашниот простор беа предложени тениски и други игралишта, кои би се протегале до хотелот „Александар палас“.

Јорданка Ивановска

http://www.dnevnik.com.mk/?ItemID=6011C69568B26D439C83BBE06C89DF39

A зошто ја форсираат плажава толку, не знам која им е целта. Сигурно нема пари да врнат а и нема баш да го разубави просторот. Можат да ја преместат на друга локација, погоре наспротии Градски парк или па каде било.

 

Edited by SkyBoy - 02-Jun-2010 at 19:24

мене идејава ми е прифатлива, само да не е присплескано, него солидно направено..